影片
营业时间
今日营业
11:00 - 20:00
星期一至日
11:00 - 20:00
公众假期
全日休息
公众假期前夕
11:00 - 20:00
以上资料只供参考，请与餐厅确认详情
個糯米飯係我食過嘅之中最難食嘅飯！ 淋嫁😨 個口感同出邊普通叫個白飯嘅口感一樣 一啲都唔煙靭個口感好奇怪 😨😨😨芒果係好食嘅 係甜嘅 但個芒果成個橢圓形咁上冇切過 得筷子食落去有啲奇怪 要吉住成個芒果食🤣 最驚嚇係個海南雞飯 有同店員反映 個店員話係正常係咁我見啱啱都有人留言有人食過個雞好多血 太無奈冇心情都唔記得影個雞叫咗杯飲品椰子冰 睇到張相係沙冰樣嘅 點知出到嚟係一杯普通嘅白色椰子水 加冰塊😓 真係滿腦子都係粗口 唯有當佢同圖文不符啦 😓😓😓
继续阅读
難食到極至，肉碎浸滿豉油，完全唔係正宗泰式肉碎嘅味，咸到2啖已餸左成個飯。味道錯哂。唔明點解評分咁高。米飯係正常的，但泰式肉碎完全冇辣味，得個咸字，係好好好咸果隻。
继续阅读
諗住叫個飯盒，喺屋企欣賞奧運，見到呢間餐廳喺Openrice食評都係幾好，於是用Keeta叫外賣，送遞員準時到達，滿懷希望諗住一邊食飯一邊睇奧運，點知一打開盒海南雞飯，真係嚇死人！見到啲雞全部都係有血，胃口當然完全冇晒😱😱😡😡，只有一兩件雞係可以放入口，雞肉嘅肉質係嫩滑，不過其他全部吃不到，而且碗湯嘅份量只有一兩啖，個人認為實在太少了，非常失望！有圖片為證，如果食咗血淋淋嘅雞，然後令到客人唔舒服，又於心何忍呢？ 希望食店可以留意一下🙄！
继续阅读
二人餐 $175招牌無骨海南雞半隻秘製醬汁2個油飯2個雞肉夠滑得嚟緊肉質入口即化，啖啖肉配埋個酸酸甜甜既秘製醬汁，油飯煮得勁入味，每粒米吸收晒醬汁同雞肉嘅鮮味，令人食得津津有味。木瓜沙律木瓜沙律味道酸辣鮮甜得黎又醒胃，除咗青木瓜外，材料仲有紅蘿蔔絲、洋蔥絲同小蕃茄，沙律汁用左青檸汁作為調味，酸酸甜甜非常開胃，作為開胃菜一流！班蘭千層糕 椰汁班蘭的香氣十足，口感Q彈爽口， 一層層都有濃濃的班蘭和椰子味。泰式奶茶 $15菠蘿椰子奶昔$28
继续阅读
雞大哥泰國海南雞🐔海南雞專賣店，上環分店，地點相當便利，堂食外賣都可以，環境舒服，主打當然係海南雞，仲有唔同既泰式主食、小食、甜品咁😌泰式奶茶🧋見到橘紅色就知道將會飲到泰國茶既味道！賣相吸引，甜道適中，茶味非常濃，幾滑添😎好好既開始，泰式酸辣鳳爪，細細份但都好多鳳爪係入面，微辣清爽，好味👍🏻泰式無骨海南雞飯🐥精緻，⼀揭開啲雞😳望得見既滑，仲有層啫喱！唔係度度整到，係膠質蛋白黎，正😘配埋個醬，非常好味，肉爆嫩滑，配埋個香油飯無野講，好食🤤飲啖冬瓜湯，都有料，整體好高質💝黎雞大哥真係要食雞！強推海南雞😄係依個地段價錢算相當相宜，值得支持💪🏻
继续阅读