雞翼山 (新都會廣場) (已結業)

雞翼山既雞翼係即叫即炸，出哂名脆內軟juicy 唔會乾，之前就係旺角店食，其實葵芳新都會就近我多啲既，既然佢出咗幾款新味，緊係要去試下啦。港式避風塘雞翼雖然話係試仲新味，但都忍唔住encore 避風塘味，避風塘係我最中意既味，指天椒同乾蒜都好香口惹味，同炸雞翼係天衣無縫，一開始唔係好辣，但慢慢就feel 到指天椒既威力，夠哂過癮。火焰花醬麻香傷心雞翼中意食辣既我見到出新既辣味梗係要試下啦，食落隻味唔係好辣，咸咸香香咁，岩哂鍾意重口味既朋友。西檸香酸甜雞翼另一款新口味係西檸雞翼，一食個味道就令我諗起酒樓既西檸雞，檸檬味好突出甜甜酸酸咁。柳橙冰綠茶清新淡淡地既橙味，食完重口味野飲完即刻清新哂。金銀花茉莉茶味道清甜，食完熱氣野飲岩晒。

近排唔知痴咗邊條線，勁想食雞翼😆食咗幾日唔同嘅雞翼都仲好想食🙈今次一於叫夠一打有哂我想試嘅三款味道🤩$118 十二件雞翼+一杯飲品黑松露加左紫菜喺面有少少和風feel，所以第一啖係似紫菜味，但食落就有黑松露味😚檸檬茶見到有塊檸檬喺度就覺得佢好似西檸雞果類，但原來唔係啊😆酸酸甜甜得嚟又有陣茶香咸蛋黃呢個唔洗多講，超人氣推介😚大少一個人食咗三隻😆每隻沾滿哂咸蛋黃醬㗎🤩好想叫多6隻丫🙊😋另外，留意到小店都係低調的黃🙊

.🔺 雞翼山身為雞翼控嘅小編 每次經過雞翼山都會試下佢地嘅新品有別於之前試開嘅清新口味💁🏻‍♀例如柚子醬 文清風玫瑰今次試D重口味😹.味噌新麴農夫雞翼🐥超級重口味 食落有D似叉燒醬非常香口juicy 岩晒濃味愛好者💥.黑松露蒜香武士🐔黑松露粉好香 加埋蒜香好惹味小編今次最鐘意呢隻味🙆🏻‍♀.鼠尾草鹹蛋黃哥🐣超香鹹蛋黃味 非常可口😋.金銀花茉莉茶 飲落似菊花茶 啱晒食完雞翼下下火💦.黑糖紅棗薑母茶好香薑味 飲完成身暖晒👍🏻

不要儀態…只想吃雞翼今日終於有時間約男朋友一齊食雞翼！呢間店舖專賣雞翼，款式有十款之多！小店堅持即叫即炸，每一個口味都別出心裁！仲係真材實料！🔸雞翼山口味🔸☆文青風玫瑰 ★原味脆香雞翼☆黑松露蒜香武士 ★港式避風塘蒜香☆味噌新麴農夫雞翼 ★橘柚片片白雪雞翼☆火焰花醬麻香傷心雞翼 ★港呢D友情萬歲檸茶☆鼠尾草鹹蛋黃哥 ★西檸香酸甜雞翼今次想重點講下兩款我地中意既味🥰🌟文青風玫瑰👉🏻呢款就像蜜糖雞翼，但比普通蜜糖雞翼多了一份層次，就是加入了食用玫瑰去烹調醬汁。所以除了蜜味，還會滲出陣陣玫瑰香！勁推介女仔食😍🌟港式避風塘蒜香👉🏻呢款真係誠意十足！勁岩香港人口味，避香塘味道非常出，d蒜係即炒，炒到熟晒先再加辣椒去迫陣辣味出來，食既時候完全感受到呢個風味！d蒜炒到脆卜卜，香噴噴～估唔到店仔細細，做出如此出色風味😻🌟黑糖紅棗薑母茶飲落好重薑同黑糖味，飲完覺得勁滋補🥰總括：我真係好認同店家的slogan 「不要儀態…只想吃雞翼」，佢地既雞翼的確有

雞翼應該係最無人不歡既食物之一,除左大家為之瘋狂既土匪雞翼外其實仲有好多選擇😛近排見凢我多人去呢間專食雞翼既食店,今次就到我去試下😋雞翼set hkd$118 (12pics/3款+飯品)文青風雞翼文青比人既感覺清麗脫俗又優雅高貴.所以用玫瑰做代表應該無人反對.雞翼外面塗上一層厚厚既蜜糖,香甜唔會過膩,帶少少玫瑰香唔會過濃之餘個味都幾夾.港式避風塘蒜香雞翼滿滿炸蒜同辣椒粒.入口香脆又夠香,帶微辣.即叫即炸既雞翼入口嫩滑又唔會炸得過燶,內裏咬開有肉汁慢慢滴出黎😋啱晒我呢d鍾意重口味既人.鼠尾草鹹蛋黃哥鹹蛋黃醬質感輕盈帶點泡沫狀,令個鹹蛋黃醬唔會過杰而令到雞翼變得好”漏”.鹹蛋黃香而濃郁微微鹹香味鋪落晒係雞翼上好惹味.番石榴香妃綠茶,食完咁多味道較濃既雞後飲返杯水果茶清一清口腔啱啱好.平時已經好鍾意番石榴既味道,夠晒清香而且香氣好特別.綠茶味道好濃番石榴香,最重要係佢唔會過甜.P.S餐廳好貼心咁準備左消毒酒精搓手液,食雞翼又有叉或有手套供應.

大半年在旺角初嚐「雞翼山」，雞翼控的筆者當年絕對被驚艷，一吃難忘。最近得知開了葵芳店，便過來做回頭客。葵芳店同樣設有吧枱供食客立食，一旁有手套、酒精搓手液和紙巾提供，衛生非常。牆上有富士山圖案，店內也有很多富士山擺設，當然少不了「雞翼山」的人氣slogan：不要儀態⋯⋯只想吃雞翼！因為想跟家人分享好吃的，所以今次選擇了外帶。筆者選擇了三款口味，有一杯飲品附送。番石榴香妃綠茶番石榴味好濃，而且還有2片番石榴。雖然沒有很明顯的綠茶味，但香香甜甜也蠻好喝的。打開盒子，三款雞翼整齊放好，超級香！每款有4隻，但如果雞翼太小，會多給一隻的。當初在旺角店吃過，成為了筆者的最愛。玫瑰雞翼先炸香，再塗上了一層蜜糖，甜蜜之中又有玫瑰的花香味。而避風塘蒜香就相對較惹味。雞翼灑上了大量炸蒜碎，脆炸好的雞翼入口帶有少許微辣。嚐辣人士可以一試。其實上面2款口味，早已在第一次吃「雞翼山」時試過，當時也甚為好評。今次就試了這個新味——鼠尾草鹹蛋黃哥。雞翼被鹹蛋黃包裹著，入口有濃濃鹹蛋黃和牛油香。而加了鼠尾草調味，更令其有淡淡芳香。雖然第二次光顧，但還有幾款口味未嚐，下次找機會再來！

🐱🐶雞翼山(葵芳新都會).有無諗過女士食乜嘢可以最唔顧儀態呢？😄冇錯，絕對非雞翼莫屬💕今日黎到葵芳新都會商場地下間「雞翼山」，可以放縱一番😌.呢度既雞翼款式時尚多選擇，全部雞翼即叫即整，保證新鮮😋除咗雞中翼之外，仲有雞鎚🤩一次過滿足兩種口感～老細仲親自埋黎同我哋傾下「雞翼經」添😄😋.🌹文青風玫瑰- 呢度既招牌，淡淡玫瑰花香配搭惹味蜜糖，清甜脫俗💕.🔥火焰花醬麻香傷心雞翼- 呢款醬汁仿效擔擔麵味道，辣味到位，口味雖然略略偏鹹，但程度絕對係可以接受既範圍內😊.🌿鼠尾草鹹蛋黃哥-鹹蛋黃控必選❤️尤其新鮮出爐後即刻食，香口鬆軟而不漏，太正啦～.飲品方面，女士最愛黑糖「紅棗薑母茶」♨️，真材實料暖入心；如果覺得燥熱，可以選擇「金銀花茉莉茶」，溫性和而不寒涼，飲完再食多兩隻雞翼都無有怕喇🥳.總結評分：8.5/10番啅指數：⭐️⭐️⭐️⭐️🌟

今日路過葵涌，原來又開咗呢間小店，先前旺角店日日都人山人海，而家緊係流感高峰期無乜人外出，可以靜靜哋試吓雞翼嘅水準。未食晏即管食飽啲，試夠三種不同嘅口味———————————————————————————🥢文青風玫瑰雞翼💬玫瑰花🌹嘅花香加上蜜糖🍯嘅甜，連埋雞翼香脆嘅口感，一試已經覺得味道唔錯，果然係店長推薦😌.🥢西檸🍋香酸甜雞翼💬酸甜度適中，檸檬🍋味清新，令味道有所提升⤴️.🥢鼠尾草🌱鹹蛋黃哥🍳雞翼💬邪惡嘅鹹蛋黃味道夠濃夠香，每次柯打都係即叫即製，保證係每一份都有最優質嘅水準😌.☕️金銀花茉莉茶 / 黑糖紅棗薑母茶💬原來兩款都係真材實料自家煲，夠哂足料，冬日暖胃絕對需要☺️

上次試完雞翼山兩款雞翼後一直念念不忘，見今日放假再嚟雞翼山試吓其他口味。一去到見到個Menu又轉左，同樣咁多選擇，款款都想試所以叫老闆推薦一下邊款雞翼比較受歡迎。老闆推薦我今次食「鼠尾草鹹蛋黃哥」雞翼，反正平時都會食鹹蛋黃魚皮之類嘅零食，心諗呢個都係一個好選擇，所以就試吓。今次好快就上枱，賣相果然吸引，而且香氣撲鼻，影咗幾張相之後就立即開始試味。雞翼一如以往咁香脆入味，以鹹蛋黃更加係呈現起沙狀態，應該係用鹹蛋即炒而成，雞翼同鹹蛋果然係夾。雖然剛剛食完lunch無耐，但已經可以馬上KO晒6隻雞翼。之後見口叫埋杯店家自己煲的「金銀花苿莉茶」飲，唔太甜又可以清熱，唔錯！期待下一次再試埋其他口味！

上個月已知呢個肥仔朋友升格做老闆，一直無機會黎幫襯，今日終於有時間來試下傳說嘅雞翼山。個招牌幾搶眼，老遠都見到，三隻大字。一來到見到地方潔白，又光鮮，感覺不錯。可能因為識老闆關係，叫左4隻送來有6隻，今日食左柚子味，其實有D甜，不過由於D雞翼好多肉汁，同埋已有香草喺入面，夠哂味，但無雪味，所以整體唔差。原來有得揀槌，可惜知道得太遲，下次至有機會試。食完掉左面果張紙，下面個紙碗仲可以回收，夠環保。睇價錢，38蚊4隻，要近10蚊隻好似有D貴，但48蚊6隻，平均8蚊就合理少少。今次自己買左天仁，無計佢飲品，下次再試。祝生意興隆。

行街行到下午茶時間想搵啲嘢食，點知見到原來雞翼山係葵芳開咗就即刻狗衝🐕💨我同朋友叫咗一份$118 12隻set要全翼😍仲有杯飲品我地揀咗3款雞翼，第一款就係【火焰花醬麻香傷心雞翼】佢食落有少麻唔算辣，啱晒我呢啲愛麻唔愛辣嘅人🥵3款之中最濃味，可能因為醬汁濃厚啲所外皮相對無咁脆，有少少似韓國炸雞嘅感覺。另一款就揀咗【港式避風塘蒜香】雞翼表面有好多炸蒜粒同指天椒🌶️外皮好脆，裡面好多肉汁，好有大排檔避風塘嘅味道😋最後就係【鼠尾草鹹蛋黃哥】呢款一拎起聞落已經好香，佢表面有超濃嘅鹹蛋黃醬，咬落去個皮都仲係好脆，鹹蛋黃醬食落唔會太膩，呢個係我3款味道之中最鐘意🤤下次要食12隻😍😍食完仲會回收餐盤，為環保出一分力💪🏻♻️我覺得雞翼迷一定要試！落單嘅時候聽到店員話全部order都係即叫即炸，所以要預等10分鐘左右⏱不過我都覺得係值得等嘅☺️佢哋仲有提供手套比你，等大家可以完全投入食雞翼嘅世界🤩不過同男女朋友嚟嘅話就要

🇭🇰雞翼山 (葵芳)葵芳興芳路223號新都會廣場1樓180號舖星期一至五 11:30-21:30星期六,日及公眾假期 11:00-22:00火焰花醬麻香傷心雞翼 4件鼠尾草鹹蛋黃哥 4件港式避風塘蒜香 4件番石榴香妃綠茶 12件雞翼套餐$118味道: 9️⃣環境: 8️⃣性價比:8️⃣推介度:9️⃣==================火焰花醬麻香傷心雞翼用左麻醬芝麻同辣醬有少少似擔擔面嘅味😮舌頭有少少麻感覺👅但只係好少唔會食到流眼水😬鼠尾草鹹蛋黃哥雞翼食得出係真材實料用鹹蛋黃炒🥚每一隻雞翼都包滿晒鹹蛋黃醬🤤未食之前已經聞到好香濃嘅味道😋😋港式避風塘蒜香雞有用指天椒, 蒜粒炸到好脆😍兩款辣嘅雞翼我覺得就算係平時唔食得辣嘅人都可以試下💪🏻店員介紹啲雞翼佢地會預先炸到八成熟有oder先再炸所以熱辣辣脆卜卜🔥雞皮香脆雞肉鮮嫩多汁🍗💦好好味😭番石榴香妃綠茶🍵 有好清淡嘅番石榴味唔會甜💕我覺得大概係平時台式飲品嘅3分甜🤔如果綠茶味可以濃返少少就好啦🌱但因為佢啲雞翼已經濃味😆所以飲返一杯清淡嘅飲品就啱啱好中和返👍🏻🥤-#香港#hongkong#葵芳#kwaifong#雞翼#chickenwings#麻辣#spicy

📍鼠尾草鹹蛋黃哥本身對鹹蛋黃雞翼期望不大點知食落去先發現鹹蛋黃味非常濃郁😱醬汁的份量絕不吝嗇☺每啖都係滿滿的鹹蛋黃香味味道質素不比大排檔的遜色岩曬鍾意重口味嘅B先生.📍黑松露蒜香武士黑松露雞翼雖然沒有如鹹蛋黃雞翼的重口味但食落去仍然充滿着很香的黑松露味😋.📍文清風玫瑰玫瑰雞翼外牆塗上了一層薄薄的糖衣😋第一啖食落去有甜甜的蜜糖味隨之而來是淡淡的玫瑰香若然你不喜歡鹹蛋黃雞翼般的重口味文清玫瑰雞翼絕對是不二之選.💬另外，呢間鋪頭嘅雞翼係即叫即炸，所以都需要等候一定嘅時間（我地上次大約等咗五分鐘左右），但就確保到每位客人買到雞翼都係熱辣辣，正呀

今日約朋友到葵芳睇戲，睇戲之前原本想去天仁買杯野飲，竟然俾我地發現開左間雞翼山喺隔離。好耐之前朋友喺旺角店買過外賣，覺得文青玫瑰好好味，唔係死甜，外賣拎左十幾分鐘先食都仲暖仲脆。難得喺葵芳開左，當然趁睇戲前食啦。原來有成10款口味選擇，選擇困難症又病發喇，最後決定叫2款口味同一杯飲品，揀左檸檬茶同柚子雞翼，飲品就叫左橙綠茶。店員介紹個檸檬茶雞翼係先用左茶葉醃嘅，所以只有雞翼冇雞膇。食落真係好似飲緊檸檬茶噉，估唔到檸檬茶同雞翼係夾個喎。柚子味雞翼真係好似韓國柚子蜜嘅味道，朋友覺得甜左啲，可能因為上面仲加左啲糖。我覺得都好味，不過可能唔落糖會更加好。橙綠茶就反而唔太甜，飲落好清新，最啱食完雞翼時飲，中和番食雞翼熱氣嘅感覺。下次要再試埋其他味先得。😋

我喺第一次寫食評架咋，只想寫下感受來重要既事要講三次好好味呀好好味呀好好味呀首先講下點好味法先1. 野食熱飲都夠熱唔熱既野食堅唔會好食，但呢間既雞翼，係即整喎，絕對夠哂誠意所以，令到雞翼入口果下真係超正另外，我叫左個金銀花抹莉茶，熱度啱啱好，配合雞翼食，簡直係絕配2. 味道食左三款既 西檸雞、辣味及文青玫瑰三隻味道各有特色，就算同時間食幾款唔同口味既雞翼，都唔會蓋過另一款既味道，呢個好講調味準確性，所以，味道上，又係要俾個讚好3. 口感每隻雞翼都會大細均勻，所以，每下咬落去都係啖啖肉既雖然每客雞翼只得四隻，但又唔會唔夠食喎，所以，就算做正餐，無論係男士定女士食都必定夠吃4. 地方舒當你叫左雞翼後，係有鬆動既地方俾你等待你既order,地土問題，但仍做到咁更加有誠意總結 我俾爆like ，因為真係值得一食再食