雲南老巷

营业中

休息中

午餐想吃米線，想起這間在附近，之前吃過一次還可以。走進去才知道原來兩點半有下午茶時段，粉麵惠顧滿$30送飲品一杯。點了一碗麻辣撈米線，選了兩個餸滷蛋及豬耳，滷蛋不錯夠入味，豬耳就一般般，不喜歡太大塊跟太厚，米線底不錯，份量很多，米線幼滑又入味，選了麻小辣，辣度剛剛好，配上少量花生連香蔥吃，很香口，不會太寡。這店環境裝修挺懷舊的，佈置方面頗有心意，每碗米線大大碗，價錢公道，午市經常充滿食客，午餐想吃米線的話是不錯的選擇。

長沙灣呢個工業區中午時間一定迫爆，今日自己過嚟長沙灣有啲嘢做，做完已經係兩點幾，先上網睇吓有咩好食，去到呢間充滿懷舊風味嘅雲南老巷，裝修滲有特色！好似去咗80年代咁樣，一到去座位非常擠迫，可以用背貼背黎形容，但唔緊要啦，中午時間食碗麵快快食完就走，正當準備點餐的時候，聽到隔離大媽講2:30有下午茶，原來下午茶時間有免費飲品，我點左雲南米線中麻辣，原來可以轉河粉，河粉有驚喜，非常滑溜，還點了三個餸，牛柏葉爽脆，滷水蛋入味，雞肉好滑，個湯好清，飲得出冇味精，仲有少少酸菜加左分，飲品點左朱古力，一般般，送嘅冇乜要求

🥢長沙灘雲南米線撈拉麵🥢請支持即刻俾心👍🏻仲有follow @eatgoodwesteatbadwest 🥢長沙灣發現一間門口好暗的小店，好似幾得意，之前好聽聞是有煲仔飯，酸菜米線及雲南米線，試下是否好食先🥢酸辣雲南拉麵酸辣湯似平時米線店的，沒有驚喜，但都算好味，餸點了腩肉，肥牛，十三香雞，餸無咩特別，最特別係十三香雞是白煮的雞肉，無咩味道🥢秘制醬汁撈拉麵（中辣）麵質是粗麵普通交貨來的麵條，一般口感，醬汁點了中辣但其實又不是好辣，可能秘制本身隻味道比較甜，口感不是很適合我，唯一好食是豬腸很軟入味，豬軟骨都很不錯，味道很好🥢入坐一段時間都不斷翻檯，可見這間麵店在長沙灣區都有一定人氣，可能這區比較少這類型米線店，但口味不是太適合我，所以都不會再返兜雲南老巷 地址: 長沙灣元州街473號地舖 

黎到長沙灣一定要黎試呢間嘅紅薯寬粉同煲仔飯，好滋味👍🏻我地叫左酸辣炸醬紅薯寬粉，配料叫左牛柏葉、豬紅、蘿蔔、韭菜餃🥟辣味同配料再加埋寬粉好入味，辣得黎但係好想係咁再食食食。停唔到口😂/再叫左北菇田雞煲仔飯。田雞好嫩滑，入面仲有臘腸同埋菇。加豉油落去撈，更入味。食到最後，緊係有飯焦啦，但係唔多，所以撈豉油一定要整得均勻啲。/個紅薯寬粉同譚仔果啲好唔同，勁大碗，而且睇menu超多配料比你，價錢都幾抵👍🏻

同事話見到間米線成日都排好長龍，又話係小店我都想試下，咁我就唔帶一日飯同佢出去試下！去到又好好彩，唔駛等太耐，鋪頭都真係有點細，廿個位冇！我地安排坐門口位置...都真係好窄！迫左個瘦瘦同事坐門口，我就對面啦！我放唔入咁窄既位 😅個點菜紙好似車仔麵，好多野想試，我叫左牛展/豬大腸/付皮紅薯粉酸辣湯底，黎到俾個碗嚇親...大到呢！個酸辣我叫左小辣，少少都唔辣，下次可以挑戰中小辣，個薯粉好彈牙，襯個湯底好正！個牛展未夠味...有d實...反而豬大腸好正！夠厚又大塊！個付皮都唔錯，有豆味 👍🏻

深水埗和長沙灣的雲南米線舖多得如天上繁星一樣, 畢竟譚仔也是在這裡發跡的, 要在這裡找到生存之道一點也不容易. 這家雲南老巷吸引我的, 是晚市竟然有和雲南菜格格不入, 很本土的煲仔飯, 但我到的時間是中午午飯時間, 還是吃她的米線吧!這𥚃以撈紅薯粉為主打, 紅薯粉更有粗幼之分, 撈汁甜而帶麻辣, 令人食慾大增. 和薯粉撈起後, 彎彎曲曲的薯粉形狀更能掛汁, 吃完薯粉後餘下的汁不會稀得如吃湯粉般, 單以撈粉而言實在做得不錯. 可惜的是配料質素參差, 豬潤熟透但煮得太乾, 口感很鞋; 豬軟骨我喜歡是一大份地吃, 這裡切得太碎, 中間還有碎骨, 有點可惜.

在長沙灣吃到川味不多，最好是有幼身薯粉鴨血是不錯選擇但我喜歡吃丸類是彈牙那種，但秘制魚丸不算，而且有饀，不太啱我口味不過下次會再來，湯底不錯和有其他可試下建議有機會可來

呢度有米線同煲仔飯食，雖然佢叫雲南老巷，睇落應該主打雲南米線，但其實煲仔飯比較好食。----------😋咸魚肉餅飯 $55 (熱飲加$5，凍飲加$7)煲仔飯係即叫即整所以要等20至30分鐘。飯面舖滿臘味， 臘味嘅油香可以滲透飯粒。飯煮得岩岩好，唔會太濕/乾到硬。中意重口味嘅你，可以問店員攞多碗豉油，煲仔飯豉油撈飯正。食到最後仲有煲仔飯嘅精華 - 飯焦，天氣凍凍地食完好滿足。----------🔎雲南老巷🚩長沙灣元州街473號地舖

已幫襯過幾次，佢有撈同湯，我只食過湯，味道ok，唔洗等會好好多個人覺得麻辣好食d(都帶小小酸味），酸辣過酸，唔夠香。每次都叫雞肉，因為佢係醃制過，好小咁有咁入味，同埋香味都好獨特。但粉(粗/幼薯粉）既分量比較少,不過算平，送就正常分量，我係女仔食哂覺得剛好，有時餓就會有d唔夠喉返工日子如果過左12:15就要等好耐先有位，外賣我剛剛都等左好耐，趕時間要諗清楚呀因為佢拎左我張order滿埋飛先落單，多單煮又要等耐d啦，我碗野出左無人包無人理，十分鐘後先知原來個碗野係我=.=我由1:18分比紙姐姐，1:46分先走得

平時太大壓力，米線皇后都係靠食米線減壓😂搵到間好食既米線自己會好滿足。🍜。今日去左間好有特色既店鋪，店外環境很吸引，店舖雖然比較細，坐得會比較唔舒服，但環境非常有格調🤪因此我特別期待呢間米線究竟好唔好食🤨睇完餐牌之後就直接向店員落單👍餐牌個封面有啲似武林手冊😂。#豬軟骨炸醬米線🍜$33 個碗勁大（好重），一上枱真係比佢嚇親😨，豬軟骨好「鞋」，（食落有小小似豬腳薑既味？）夠好耐先咬得到🤦🏻‍♀️有啲失望，真係得個一舊係淋曬😭😭米線🍜係比較淋，由於佢都有少許酸菜，湯底唔算好差，但都比較普通。。總括而言，有時唔好俾店舖外觀呃左🤪

踏破鐵鞋無覓雪💁行勻成個長沙灣 最後揀左呢間小小店 多款麻辣前菜麻而不辣👍 米線惹味無味精 抵食😋 不過係細左啲唔係咁好坐... #土地問題#支持小店--------價錢：小食$23-55過橋米線 $55

是日經過長沙灣，先發覺原來呢區都有唔少特別食店！最後比呢間餐廳門口既煲仔飯吸引左，決定一試！ 叫得雲南老巷斷估雲南米線應該係招牌，所以最後決定叫個米線同煲仔飯！ 米線黎先，睇個樣唔差～不過味道就一般啦，叫左中辣都唔係好辣，如果鐘意食辣既朋友就會失望啦～ 份量都ok既，叫左豬腸豬紅同木耳，味道都可以，但唯一不足真係唔夠辣！煲仔飯係即叫即整，所以都要等成30分鐘，叫左個至尊煲仔飯，即係咩料都有齊！一上台個下叫到鋪滿材料已經流哂口水，飯煮得岩岩好，粒粒分明！ 臘味好香好入味，飯充滿油香，諗番都流口水！ 最底仲有少少飯焦，好香口！唯一不足就係無甜豉油，我覺得煲仔飯一定要配甜豉油先係高質～ 不過總括黎講煲仔飯係出色既！鋪頭就細左d，要坐得好逼，同隔離台都貼得好埋，坐就唔舒服嫁啦，不過睇著呢個煲仔飯既份上，可以再encore!

喺荔枝角返工，平時食茶記食到悶悶地，同事推介下就試咗呢間✨必食一定係呢度嘅鴨血同寬薯粉🍜因為出面真係好少有！撈薯粉份量唔算好多，但對食量小嘅女仔已足夠！男士可以選擇加底（+$6）撈麵汁本身有炸醬、酸菜、芫茜、葱粒同黃豆，小辣已經幾夠辣，好惹味寬薯粉好煙韌，口感好正！鴨血都幾好味！至於秘製魚丸其實係包心肉丸，如果係彈牙嘅九丸應該會好味d！總結，呢間小店地方係細左d，但味道真係唔錯！希望大家都多d支持小店❤️

想向荔枝食lunch一啲都唔易，舖頭多但就食物種類都差不多，離離去去都系個啲，想食碗粉麵已經好難，想食碗四川麻辣就更加難。今日冇意中見到依間小店，有我至愛嘅麻辣湯底同蕃薯粉，更系要去試下，舖頭唔大，大概廿個位左右，有点懷舊裝飾，食物選擇種類唔多，有湯or撈粉及小食。今次試咗蕃薯粉中度麻辣湯底😍加兩餸。唔好比佢大碗嚇親，份量系正常，中辣略嫌不夠，味道正👍，有麻嘅感覺，餸份量就有点少，下次再黎要試橯粉😋

呢間野真係唔容易搵，門面唔算大亦唔係搶眼，不過認住幾盞好似越南帽既燈就會搵到佢地。入到去都唔係闊落，如果坐滿人應該都迫，不過都係食碗米線啫。其實主要想講兩樣野，第一係上菜時間真係有點耐，真係唔好期望係譚仔速度，個晚全場都係得四個食客，我地等左起碼十分鐘先有野飲同野食，不過見無咩人又有電視睇住就算啦。第二樣野係我地叫左撈既紅薯寛粉、小辣，首先佢地既小辣真係幾辣，而且唔係齋辣個種，係有唔同層次同香料既，好味得黎又辣住個咀，好矛盾不過都好好食既；另一方面，佢地既紅薯寛粉好厚好長的，而且真 係 好 有 𡁻 頭，咬極都咬唔開，同埋又滑，一路夾一唔跣又一路彈汁，實在狼狽。整體味道係好，不過建議下次食幼粉同小小辣就可以了，也不宜穿白色衣服前往。