雲川 米線．紅薯粉 (富麗大廈)

营业中

休息中

「米線迷系列：二」/ 雲川燒之前第一間米線的食評是：雲家小鍋米線，第二家是：雲貴軒。這次經過一眾朋友的介紹，找到了這家：雲川燒上網看到很多人推薦的不是米線也不是湯底，而是「豬頸肉」。今天就去吃吃看！店面位置都尚算多，但是中午一點多去到也要等15MIN才有位置我點了：酸辣米線（小辣）+雲吞 ＝ $38 友人點了：酸辣米線（微辣_）＋豬扒＝ $ 38然後單點了 一個豬頸肉 $26豬頸肉 $26醃得很入味，帶有一點蜜汁味，外層燒得香脆，邊位還有一點脆邊，咬下去則肉汁滿滿這家的豬頸肉不是街外那些形象，而是把他切成細細長長的形，可能是方便跟米線一起吃？湯底是酸辣湯，最重要的是不是街外那些罐頭酸辣湯（有食過雲貴香和雲家就知道，什麼叫罐頭酸辣湯）偏酸帶有一點點辣，可能我叫小辣，所以沒什麼辣味配料就有齊韭菜、芽菜、酸菜、肉碎，絕對足料但米線煮太久了吧？很腍，絕對扣分點！雲吞正常，沒有什麼特別豬扒好食，香茅味好重，醃得好夠總結來說，整體也很好，湯底有特色，豬頸肉出色，豬扒有驚喜位！

聽講左好耐屯門有間好正既米線 今日終於醒起又經過屯門就過來試下 大約1230來到 一個人可以搭台唔使等位 🤭🤭睇左食評話豬頸肉係必點 跟住今日好熱又唔係太想食辣 所以叫左個豬頸肉撈紅薯粉 呢碗粉睇落無咩特別 但d豬頸肉真係好好食 佢係好似平時食果d燶邊差燒咁 甜甜地同脆脆地好惹味 而且份量好多 唔係平時叫果d咁得幾片 呢度起碼有十幾條好抵食 就算叫一個餸都夠飽！個底仲有d酸酸地既汁比你撈 所以成個粉食落唔會乾 仲好滑 真係超好食😋😋連杯凍檸茶都好味過出面茶記 茶底唔澀👍🏻👍🏻下次想再來試埋佢個酸辣湯！

晚飯時間好多人食，多數都要同人搭枱，座位比總店舒服，野食味道兩間都差吾多，$38一碗一餸米線/薯粉，加餸就$7@1個，最多只可以加4個。♥️豬頸肉、香辣腩肉豬骨湯薯粉 $45豬頸肉燒得軟香入味(推介👍🏻)，甜甜地唯一要彈既係切得太幼身，小左啲口感，薯粉夠煙韌，豬骨湯夠濃，食完吾會好口渴。♥️香茅豬排、豬大腸小麻辣湯米線 $45香茅豬排好軟熟又大塊，豬大腸炆得夠淋身，容易咬得開，麻辣湯底夠惹味，一啖湯一啖米線，正😋！

屯門朋友介紹嘅，夜晚8點多去都要排一陣隊。我叫咗個酸辣湯豬頸肉紅薯粉-$38。cp值好高。豬頸肉嘅份量很多，同埋調味好好食。佢個湯都好正，唔係得酸味。同平時食到嘅酸辣湯有啲唔同，但我覺得係好食啲，真係差啲飲曬佢個湯。

搬咗入屯門幾個月，總覺得夜少少都真心無咩好野食！-今晚突然想食宵夜，就試下去紅橋搵食！行左個圈之後，最後都係揀咗雲南米線開胃d，同埋暫時得屯門有架咋，雖然見Openrice好好好評，但我都不敢抱太大嘅期望。結果，竟然有意想不到嘅驚喜喎！-豬頸肉香脆可口，但個人認為酸辣口味就略嫌偏酸喇！豬扒香脆入味，豬骨湯濃郁好味！另外叫左兩款小食，涼拌萵筍絲同麻辣手撕雞，兩樣都好食，性價比高嘅宵夜之選！-下次試下佢個麻辣湯底同涼拌海蜇頭先！🤤

很喜歡辣味，這裡的米線湯底最好吃，不管是酸辣還是麻辣，最要緊的湯底有好多肉末，味道濃郁，每次端上來我都是第一時間連喝幾口湯，豬頸肉、豬扒、墨魚丸、冬菇都是必點的料，豬扒豬頸肉被煎得得金黃香脆，肉汁也多，真的好好吃，米線也彈牙，一流

聽人講話依間好好食 話一定要試咁我就嚟試吓啦🤤我揀咗#酸辣湯 $36餸就叫咗#豬大腸 $7 同埋#香茅豬扒 $7😆豬扒真係好大塊 而且豬大腸都切得好大舊 份量又多😋湯底都幾濃味 酸味適中米線亦都唔會煮得太淋聽講依到出名嘅係豬頸肉 下次要試下先得😆評分:7/10

正因為紅橋多食肆，所以如果唔係出類拔萃嘅店舖都唔會有人排隊就係呢間，每次搭車經過門口都勁多人圍，令我心思思今日都專登過嚟試一試餐牌上有好多餸，有點選擇困難，最後叫了豬扒豬頸肉枝竹酸辣米線，見到待應姐姐好忙碌，但依然好禮貌👍🏻等咗一陣就已經送到面前了，酸辣湯底濃淡適中，米線煙韌，好多枝竹，朱頸肉香口好味，如果切粗啲就更加好；香茅朱扒好入味係超好味，第一口試時真係覺得好感動無揀錯～😋而且佢哋環境衞生做得好好，枱面好乾淨，唔會迫又坐得都好舒服。屯門區難得有好味食肆呀～真好！！

虹橋既雲川燒開到好夜，突然想食麻辣，為左止一止個麻辣癮，食碗麻辣米線先～麻辣湯小鍋米線 $38配豬頸肉、小辣豬頸肉岀奇地好味，有驚喜，調味料好入味，同出面唔同既係佢好薄身，唔係好厚既豬頸肉，唔會難咬，個表皮仲脆脆地，正啊！估唔到咁出色！推薦大家一試！不過麻辣湯湯底（小辣）好明顯係唔夠辣，真係只有好少麻辣（同微辣有得比），下次至少叫中辣～我個麻辣癮未解到啊！由於個麻辣湯未解到條癮，所以叫多碟麻辣雞軟骨先！麻辣雞軟骨 $26小小麻辣粉係上面，食一粒兩粒唔覺有麻，但會愈食愈麻😂幾過癮，酸辣醬配上雞軟骨係會無味，唔沾都得！好正個麻辣粉！即時解左條癮！餐牌上太多試唔曬！下次試埋其他推介先！

工作地方轉了去屯門，對屯門區不熟悉。有位地膽的朋友帶我到屯門很出名的米線試試。這間餐廳很近輕鐵站，不難找到這間舖。米線套餐有五款，每款米線包一餸，其後就需另外加錢。餸的款式亦算很多。朋友點麻辣湯米線(微辣)，香茅豬排，及餐飲凍奶茶。香茅豬排肉質很淋，很易咀嚼，而且很入味! 我點了麻辣米線(小辣)，豬頸肉和蘿蔔和餐飲熱檸水。不得不讚的是米線，很彈身，而且能夠掛到麻辣汁，很夾。小麻辣的湯底有麻，但沒有辣味。豬頸肉切幼條，不會過靭，份量很多! 蘿蔔超甜，而且沒有蘿蔔硬的絲，處理得很好!! 果然是名不虛傳的啊。

店面雖然小，但無影響佢食物嘅質素。店內招牌就係佢嘅米線。佢米線嘅湯底熬得好香濃，唔似出面嗰d淨係得味精嘅湯底咁。魚湯熬得好鮮甜，而酸辣湯就好野味，越食越好味。而配料選擇亦都有好多，當中以豬頸肉最好味。佢嘅豬頸肉燒得甜甜地，味道非常特別。

這件餐廳的米線好吃也不是只有我一個人知道，住屯門比較喜歡吃米線的小夥伴都一定聽過！這餐廳真的有毒，什麼雲貴X、譚X、雲X風都通通比不上！👍對！就那麼好吃！👆豬頸肉（麻辣湯）米線（推薦指數：★★★★★）進來餐廳一看，十個裡面一定有五六個都有點上豬頸肉，這樣你也該嘗試一下了吧！湯汁香辣開胃，讓人一口接一口，麵條軟硬度剛剛好！一碗也就HK$3x幾塊，下午茶還有飲料送呢～～👆豬頸肉（麻辣湯）米線（推薦指數：★★★★★）但是最後我給的只是【OK】原因是餐廳越來越多人以後，店員的態度急急下降！再不如以前的熱情，甚至下單都催三趕四的！差勁👎

米線控出沒注意！又來到我最鍾意食嘅雲川燒，今日就叫咗蘿蔔，麻辣小辣～仲有試咗佢嘅煎墨魚餅，再嗌返個菜心全走，清一清腸胃～煎墨魚餅出色啊，真係煎到熱辣辣，外皮幾脆，裏面仲有好多墨魚肉，貨真價實， $26有六小塊，都算收費合理～

屯門多的是小店，不過小店生意好還是會開多幾間分店，這間雲川燒就是這種模式，靠食物質素不錯，價錢又合理而有一大班街坊客人，開了幾間店。由於我跟妹都喜辣，所以這種米線店絕對是適合我們快快解決晚餐。我妹點了豬腸酸辣米線（中辣），湯底很香濃，酸辣十足很惹味。豬腸部分挺肥，不過不會腥臭，滷得也挺入味。我點的則是福州魚丸麻辣米線（中辣），麻的味不會太強，辣度還不錯，湯底不錯又不會太咸，魚丸很彈牙，裡頭還釀了丸保有肉汁所以很香口。另叫了手撕雞，雞肉很滑嫩，醃的味都滲透雞肉裡所以肉很香，絲絲吃沾醬很香口～很快就清光。以這價位味道真心不錯又方便，很適合香港大眾的平民食物。

 $37🌕🌕🌕🌕🌕一於試試招牌豬頸肉！豬頸肉切條，所以好腍。味道好入味，有啲似鰻魚汁，甜甜地幾正！建議唔好將豬頸肉浸湯，味道流失，會失色不少。湯底夠酸，同坊間味道差不多。-香茅豬排麻辣米線 $37🌕🌕🌕🌕🌑豬排有香茅香，唔油，但有啲韌。麻辣湯底夠麻，好似打左個邊爐咁！米線比紅薯粉更索味，啲米線索哂啲麻味好過癮！-咸檸七 +$5🌕🌕🌕🌕🌕原個咸柑桔，好夠味，雖然有七喜，但飲完覺得把聲靚左^^吱