雲桂川風味米線

营业中

休息中

我一向喜歡吃雲南米線，好多餐廳都吃過，今次經過灣仔，走來這間打正「雲桂」旗號的米線鋪午餐，怎知中曬伏，起初以為好似車仔麵咁自己剔選菜單好過癮，還有拉麵，菠菜面選擇，點知碗麵一來到，見到湯的顏色已經不對路，好，我就試下啖湯，雲南酸辣米線最重要湯底嘛，果然一試難忘，難吃到飛天，我只吃了數啖已不能再繼續了，放棄。

如題，真係應該係我近年食過最難食一間雲南米線！🤦‍♀️🤦‍♀️灣仔附近行街經過，入咗去食！鋪頭唔大，幾張圓枱，姐姐較熱情！淨米線已經32蚊，貴過其他間，加兩個餸加6蚊！成碗嘢一黎到清到。。。無味之餘，米線仲碎濕濕咁，連腐皮都難食！嗌咗小辣，d辣椒原來同枱面果d一樣，湯底好似清湯咁，完全唔係雲南米線果d湯底！記得好耐之前都食過呢間，果時都仲係好正常，真心唔明點解依家咁！總括黎講，唔好食亦都唔抵食，應該唔會再幫襯！

系灣仔打完空手道 10 點半 咁成班師兄弟話去食宵夜咁就求其去左修頓球場對面食野。本身我唔食牛所以都好少去呢d 麵鋪因為驚佢放d 牛腩去煮湯底，所以諗住叫d 小食算。但個姐姐好好人同我講佢都唔食牛而且佢地全部湯底都系用鯊魚骨整（我睇一睇先見到原來呢佢地主打鯊魚骨湯）。 因為難得系麵鋪可100% 唔驚佢系用牛湯所以我叫左4 個餸 （羊肉，蘿蔔，鯊魚丸同大腸）加杯凍豆漿（52 蚊in total）。 兜麵黎道見到個份量啱啱好 d 羊肉夠騷個鯊魚丸夠彈牙而且d大腸好多。個湯底都幾好味。綜合而言麵鋪黎講呢間平價之餘重有特色好食同開得夜。

湯有怪味！餃子啲豬肉好難食啲腩肉又鞋又un 得啲腐皮正常 應該因爲完全唔洗加工 就甘掉入去天呀 我寧願食杯面仲賣38一碗 真夠膽不明為何可以生存甘耐應該係比佢個招牌呃左！

口寡寡，想食反d重口味。見門口個名，雲桂川。應該係雲南，桂林與四川個統稱。心念應該都辣掛。餐廳有兩個餐牌，一係幫你搭配好既套餐。若都唔岩胃口，可以自選。我選擇左後者。擇自己中意食既開心d.全部套餐都會有芽菜、韭菜、腐皮、酸菜。我選左中麻辣牛腩滷鴨腎河粉。賣像唔壞唔好。首先，我以為個湯底會係花椒果個麻，但好可惜，其實我唔覺得麻，再個辣，或者我選個辣度唔夠。又或者我太食得辣。我覺得呢個最多都係得小辣。所以又加左一羹檯面既辣椒醬。先辣反小小。牛腩太齋，打渣。而滷鴨腎唔知係唔係擺得耐，所以好硬。總既黎講芽菜都係唔錯既了。份量足。

昨晚進入湾仔雲桂川桂林米線進餐，沒有分店的小店，己經不是第一次光顧，環境不算舒適，經常要搭枱，也沒有卡位提供，但食物種類很多選擇，豬、牛、羊、鹵水、云吞、丸類等等，不能盡錄，價錢經濟，三十餘元小窩麵，加6元多2款餸，再加飲品加十元，揀選了一個鸭腎鲜蝦云吞河粉，再加豆漿一柸，食物味道不錯，鹵水鸭腎很入味，但鲜蝦云吞略嫌有少少（鞋），湯底也很惹味，内有花生和腐皮，有酸辣和麻辣選擇，喜歡吃粉麵的不失為一個好選擇。

《雲桂川風味米線》 #食在灣仔 #米線系列📍灣仔軒尼詩道107號地下-其實原本想食第二間 點知無開 行下行下見到呢間就入黎試下 點知就中左伏😭 間間都叫雲桂乜乜乜 原來都係唔可以亂試🔹酸辣豬頸肉魷魚鬚米線 $38首先一定要講嘅係個湯底 真心淡到水咁 酸辣嗌左中辣都無味 湯底真係好影響成碗野好唔好味😢不過豬頸肉炸過又幾香口 同埋都幾淋身，魷魚鬚幾爽口嘅 餸黎講份量味道都唔錯 但個湯出事真係無下次sorry以呢個價錢嘅米線有兩款餸都幾唔錯 再加多樣餸嘅都係+$5 餐牌有d已經配好餸 唔岩食可以自己填🔹凍檸茶 +$10走甜都ok 茶味夠 檸檬有4片 不過加$10有d貴 加菜都係$10 而且呢d茶記杯凍飲黎講有d細杯

不嬲都鍾意食辣，今日就去咗灣仔雲桂川風味小食，叫咗魚腐、牛肉、鮮蝦春卷麻辣米線（中辣)。首先辣度其實係夠辣嘅，牛肉好爽口，我最鍾意就係食佢嘅魚腐，因為佢嘅魚腐裏面唔係好似其他餐廳咁實心，咬入去食得出係豆腐加魚肉嘅Mixture~唯一就係湯底比較咸，不過間唔時食下都OK嘅。同埋繁忙時間一定有位，係因為點樣都會迫到個位出嚟，但係就大家身體掂身體，店員亦都會係咁唔小心撞到我背脊(冇辦法，人多😣）所以建議避開午飯時間就會好啲！

本身我對食嘅要求好底下，今次真係第一次寫上黎。麻辣湯底只有辣，湯底淡如滾水，完..............................

放假黎到灣仔，想食得簡單d。朋友一直推介呢間雲桂川，咁岩經過就黎試下。叫左碗豬頸肉麻辣米線中辣，覺得誠意十足。豬頸肉有炸過，好香口。麻辣味足夠，食落唔會太鹹。作為一間多年香港小店，十分值得支持！

每次喺灣仔諗住食米線，都會諗起依間米線店，位置方便，雖然裝修簡陋，但係都有啲風味。今次叫咗清湯米線，加豬腸，墨魚，同油菜。清湯有啲太清，食落無乜味，所以加咗啲麻辣。

作為麵王既我當然又食麵成日聽雲貴川比好多間雜誌推介過實在食唔出好食之處真係好普通既米線特別係佢既小鍋湯底十分之普通酸得濟 無其他既味道....比起南記...或者鰂魚涌既樂林依間米線真係....好普通雜誌所講既...完全體驗唔到好失望我叫左大腸同蘿蔔大腸清得幾乾淨 蘿蔔就係清湯熬但真係好普通....米線都叫幾滑唯一鐘意佢有好多蔥送麵！實在諗唔透食唔透有咩傲人之處？如果落街諗唔到食咩 我都係寧可食M記.....

啲野食可以都唔錯，但啲亞姐態度只可以用差黎形容，叫幾次都可以扮聽唔到，當時都唔係好多人在度幫嬲，都可以唔理啲客人，自顧自係度唔知做咩。一入到去間舖有啲怪味，一定唔係麻辣啲香味。

今日出金鐘整完野肚餓無食過晏已經五點幾,突然醒起好耐無食以前返工成日食既麻辣米線雲桂川。所以我突登搭一個站,去到已經吾記得邊個出口出,找左一陣出到去终於認得點行去,叫左例牌我每次都叫豬頸肉,魚片,蘿白麻辣米線加小辣,味道依然無變好好好味,最鐘意食到個口麻麻個感覺👍😆本來想叫埋我以前最鐘意既炸雲吞但食完碗面已經飽唯有下次。不過好彩佢仲係度而家租金咁貴仲要係正大街馬路幾驚佢拾左笠,無做之前份工已經有八年,之後間吾中都有來食下,但對上好似已經兩三年,真係光陰似箭,好在依然係十年前味道😋

多數都係叫外賣送上屋企。因為潔癖唔鍾意坐呢啲濕濕的餐廳。加上始終屋企食得開心啲。我會食少麻辣，薯粉，加兩份墨魚丸同竹笙。走葱走韮菜。（有時甚至食淨餸連薯粉都唔要）自己唔食得辣，但麻辣反而應付到。我覺得麻辣湯配竹笙真係好好味。另外呢間啲墨魚丸比其他餐廳的墨魚丸更有墨魚味。好過潮興及南記。至於老公喜歡吃好多餸，佢話大致上都好食。唯獨是個豬腩肉係大伏。完。外賣阿姐的態度很好，建議大家可以俾多少少貼士。👍🏼