雲桂香米線專門店 (已結業)

身邊有個米線精朋友，三日唔埋兩日都會話好想食米線，今晚約咗佢，以為又係食佢最愛嘅三哥，點知，佢今日同我試新野！(對我黎講係新野，佢其實已經食過好多次！😂😂) 好神秘嘅地方，竟然係要落地庫！裝修成間西餐廳咁，完全唔似係食米線嘅地方。選擇比三哥多d，而且有我最鍾意嘅撈米線！正！同朋友叫咗小鍋米線，而我當然叫撈米線啦！好快就有得食，朋友比咗佢d腩肉我，好辣😩，但係好好味，忍唔住要偷多塊食😂。撈米線個湯汁好香不過略嫌少咗d，而且走辣嘅話會無咗肉碎🤦🏿‍♂️，不過，其實整體都好味，餸嘅份量都多，唔會食到最後淨返米線無晒餸。總括，如果食厭咗或唔想食三哥，呢間真係一個幾好嘅選擇！

同朋友行完街，又到Lunch時間，唔知食乜好，試左附近呢間食米線既鋪頭。姐姐介紹我試佢地既小鍋紅薯粉，我就揀我中意食既(豬大腸+腩肉)先講下佢既「湯底」，食過咁多間米線鋪呢間可以過係十分濃郁，佢D小小辣肉醉同酸酸地既湯底十分頂隱。不過食完之前會十分口渴，唔知係咪落得太多味精，但間唔中食下係Ok既。我幾欣賞佢既「腩肉」切得比較薄同好有味，「豬大腸」就足料，但味道就一般！最後都忍唔住叫埋佢杯餐飲(可口可樂)(環保的我當然走埋飲管啦Haha )但佢既餐飲都好貴下熱飲底汽水都要加$6飲唔飲就自己決定啦

今次食咗呢個豬頸肉魚腐小窩米線，本身諗住會有一定水準幾好食，點知一食落口係十分之咸，而且豬頸肉嘅份量得兩三片左右唔太夠食同其他分店比較呢間分店嘅水準真係好差，不過係尖沙咀呢啲地方搵到間唔算太多內地人食而且上菜速度快嘅餐廳都已經算唔錯，如果鍾意食重口味嘅人係尖沙咀唔想食太貴呢個都係OK嘅選擇

尖沙咀想找一間平平地靜靜地，地方不太擠迫，水準又ok的粉麵輕食店有點難度。這間低調地坐落於「食街」地庫的米線店，是我這種鬧市隱仕之選。吃過它幾間分店，也吃過它不同款式的米線和小食。都是覺得這個尖咀分店的大雜錦大碗米線最好食抵食，湯底亦是幾間之中最濃，而小食則可免。大大一碗有滷過的腩肉、手撕雞胸肉、蝦卷、冬茹、 腐皮等幾足料。而且每樣材料也有它們本來及應有的味道，不像乜哥乜仔的米線，肉冇肉味，又鞋又薄，真不知它憑什麼上市。而這裏的麻 辣湯底亦比乜哥乜仔的湯底優勝許多，感覺上各種不同食材的味道有融合在一起，不只是把材料放上去， 毫無靈魂。當然，我吃過最難忘的米線是在旺角先達 附近的米線小店，湯底有七個供選擇，口味濃烈獨特，每碗也獨立烹調，但據聞當年受旺角佔領運動影響， 生意捱不住而結業，一切已成絕響。看來這些年任何牽涉到「獨立」的東西，在香港也沒有生存空間，其中包括一碗堅持獨立製作，拒絕如其他同類連鎖店般流水作業式生産的米線。希望這間店亦可守得住水準，不會墮落至乜哥乜仔的層次。

平安日的厚福街比平時更多人，度度都要排隊！食飯時間有限，加上夜晚約朋友食大餐，於是走去雲桂香食麵。平時都有幫襯過，印象還不錯。當日睇到餐牌有魚湯米線，於是試下。點知一試即中伏條魚一般般，唔熱唔脆唔香，應該炸定放係度。湯好淡，無味，魚味完全食唔出成60幾蚊的午餐，本住唔好浪費的心態頂硬上，奈何真係好淡，唯有叫姐姐比醬油我加味。叫咗幾次都無人理，咁嘅服務，我五體投地了總結，應該不會再係雲桂香食魚湯米線

好難食 又落錯單員工又繼續嗌落去 之後又煮吾熟 破壞原本雲桂香既形象😕🙄吾好食！！！！！！！員工態度又吾好 好似等汁甘！！！！！！！！！！！！！！！！！吾會再幫襯！

諗住叫外賣，聽電話位牙姐態度差到極點。先是問送邊，問完用不知所謂既語氣同態度落單，重復又重復問，講完又講。我吾介意落單果位牙姐聽力有問題，但系非常不滿佢態度。大佬，我有比錢架。最後嬲到我爆吾食你公司。

今日工作途經尖沙咀，正好午飯時間，於是行到厚福街看看有什麼好食，見到一間貴桂香，便有一種食米線的衝動。這間雲桂香位於地庫，裝修與一般分店不同，用上cafe 般的沙發、枱、燈飾，入到餐廳被安排到一角，看了看餐牌便舉手落單，舉了幾分鐘，還未見到侍應，心急之下起身叫侍應過來，目測這間分店的人手只有三人(連收銀)，人手嚴重不足，個個都做到一腳踢，等了十分八分鐘，點了的涼拼米線終於上枱了，雖然服務麻麻，但味道依然是雲桂香。

又係OT四人組嘅時候😭我哋四個又一程的士，搭出尖沙咀諗住食永記車仔麵，可惜每一次去到都係閂左門點解😭😭😭😭然後我哋又轉陣啦，今次揀咗呢間位於厚福街嘅米線，歡樂組組長好like呢間多過三記😁我就嗌咗最鍾意嘅竹笙魚腐清湯米線，夜麻麻都係唔好食到咁酸辣好啲🤪但係佢哋又嗌咗蒜泥白肉🙈🙊我又忍唔住食咗兩舊，鍾意佢啲蒜泥白肉入邊有青瓜，外面有芝麻，仲有勁多蒜蓉😋😋食完勁口臭都唔理🤣🤣🤣

一直都係雲桂香fans，平時食開新界區分店，今次係第一次黎到尖沙咀～一落到去覺得成間店好靚，裝修到好似西餐廳咁，而且店鋪夠大同闊落。但講到食物質素真係不敢恭維，首先麵質太太太淋，唔好話咬口，直頭好似食緊bb啲食物咁餸方面就叫左貢丸同雲呑，貢丸同平時食開既唔同，有陣唔知咩味，咬開入邊仲紅紅地色，雲呑就無咩分別。另外，湯底太咸，飲唔落去。我諗以後都係食返新界個邊分店好喇，尖沙咀呢間真係唔會再試。失望～

午市時間，黎到厚福街，就決定食米線啦，平價多選擇又飽肚，絕對係一，二個人首選雖然係午市時間，不過好彩一個人好易搵位，安排左個2人位俾我。。。叫左個蘿白，豬腩肉，魚腐小辣，酸米缐，正。。比預期之中快左黎味道唔算太辣，對於我黎講岩岩好，有三粒魚腐，4舊左右既蘿白。。。食蘿白既時候，超甜又無根，好有驚喜，真係好甜好好味。。。唔知係咪因爲當造既關係呢？？因為之前食開既蘿白，都係今次咁甜咁好食埋單$40，好飽肚。

在香港，吃一碗雲南米線，大家可能第一時間想起譚仔，但吃得多，更好食的都會生厭。今日去了雲桂香，吃的是凉拌米線配魚腐、腐竹、豬軟骨，雖然同樣地提供雲南米線，但風味卻截然不同。

喺尖沙咀厚福街嘅呢間雲桂香 位處喺地庫 裝修非常有特色 特色就係佢根本冇換到上一手cafe嘅裝修😂 有bling bling水晶燈同粉色牆嘅米線餐廳你試過未？😂 不過算啦 食米線都唔係食裝修㗎啦🤓重點係我想推介呢度嘅酸辣米線 佢有小窩同重慶酸辣揀嘅 小窩就比較稠身 重慶酸辣就比較多辣油同配菜🤤 兩款都唔係太辣 朋友叫咗勁勁辣我都覺得可以接受 利申 譚仔我食三小辣😂推介嘅原因係因為佢嘅酸辣湯底除咗辣之外仲好香 呢點譚仔絕對做唔到🤨 嗰種香味我唔識形容 但係會令人食唔停口 配埋紅薯粉真係一流🤤 而且佢幾抵食 一餸嘅話最平好似＄34🤓順帶一提 如果唔想碗湯太油嘅朋友 我會建議你哋叫少啲辣 因為佢加辣都係用辣油 嚟呢間真係唔係為咗食辣 係食佢嘅香🤘🏻

如果一講起米線，好多人都會即時諗起譚仔🙈無計啦，佢嘅地位太高崇😂😂不過其實除咗譚仔之外，市面上仲有不少性價比高嘅米線👍🏻雲貴香就係其中一間❗️湯底比起譚仔嚟講較為重口味，另外佢每碗都會加啲芽菜、韮菜、酸菜同葱🍲配料多多，所以食落口感仍都較為豐富😋完全係同譚仔兩種感覺❤️每次嚟都必點腩肉👍🏻薄薄一片，食落軟滑唔肥膩！明明平時都好少食肥肉，但呢到嘅腩肉真係不能拒抗😂😂另外佢個米線口感都好好，唔會太腍，有少少咬口😆配埋佢個重口味湯底，係譚仔以外嘅好選擇😆

突然之間好想食雲桂香，就走左落去尖沙咀，第一次黎呢一間分店，一入到去有啲意外，室內嘅裝修好西式，唔係普通嘅米線裝修，亦都唔會有人趕你走。我就叫我最鍾意既豬軟骨配雞翼小窩米線，我朋友就叫咗腩肉小窩米線，再加個小食，炸春卷。一嚟到梗係飲啖湯先啦，呢個好似酸菜湯底酸酸地我鍾意，但其實佢係用魚骨煲成嘅湯，我個friend就話一啲都唔似用魚湯，只係酸菜溝水，但唔緊要啦我就係鍾意佢個湯底。不過嘢食呢加野真係見仁見智，大家口味唔同，我朋友就覺得非常之唔好食，我就覺得係我鍾意嘅味道。大家有一樣嘢係一致嘅，就係餸既份量少，我個fd強調佢既腩肉變左做豬頸肉，但佢仍然有讚到個肉好食。都叫做有少少安慰。豬軟骨真係好少，如果係葵芳分店嘅話，起碼有三大嚿真係豬軟骨，但呢度得一舊細既，其他就係肉，雖然係咁但係味道都仲喺度嘅，只係冇葵芳嗰間咁濃郁，雞翼都尚算可以，米線亦都唔會太林。個春卷望落去好似炸得幾好食，但可惜入面嘅肉味道唔夠出，而且配錯左一隻醬汁，好似醋咁太酸，應該配返甜酸醬，咁就會好好多。總括來講，我都叫做食到想食嘅嘢，但係就真係冇葵芳嗰間咁好食囉，我個friend話因為裝修靚，所以嘢食嘅料就減少，如果係你識