雲桂香米線專門店 (已結業)

最緊成日見到米線關注組出現雲桂香嘅米線👀之前食過都覺得呢到嘅湯底幾正 所以就跟吓風又嚟食吓😆.📌通菜雞絲小鍋米線 $44小鍋米線有芽菜,酸菜,韮菜,芫茜🌱如果嗌唔辣就冇肉碎 所以揀咗微辣😎最鍾意就係呢到嘅湯底可以揀淡/濃味啲 麵都有得揀爽/淋啲😍淡味感覺上味精少啲 係會冇咗咁惹味 清啲🤣但係湯底嘅酸味都夠😝因為佢配咗肉碎 同朋友都覺得就算唔加餸 淨係個湯底加麵已經好食😋識食一定揀爽麵 好有咬口🤩通菜同雞絲份量好多💓雞絲好索湯 吸晒啲味 好正🤤.📌豬潤炸醬小鍋水晶粉 $50炸醬食落同佢原本配嘅肉碎好似 覺得唔洗加錢嗌🤣呢到嘅餸同配料都比得好大方🥰豬潤都有好多舊😆偷咗朋友一舊嚟食 唔腥 唔會太淋太乾 唔錯😈呢到仲有紅薯粉同水晶粉 水晶粉個樣同味都同譚仔嘅薯粉一樣🤔所以其實我都唔知薯粉同埋水晶粉有咩分別🙈

朋友成日都話雲桂香好好食 都唔知係佢嘅味覺有問題定係我嘅味覺有問題🤨食到我懷疑人生首先間鋪嘅裝修非常奇怪 好似人哋嗰啲女僕Cafe咁 燈光暗暗 紫色沙發櫈仲要係絲絨面 感覺非常污糟😩真心唔明白點解要咁做試下最出名既小窩米線要咗蘿蔔同燕餃 小食係醬拌皮蛋 凍檸茶少冰少甜凍檸茶唔好飲既 唔係好口渴就唔建議叫 食完去番厚福街大把選擇 醬拌皮蛋 呢個可以叫ok好食 但皮蛋都應該好難會難食掛小窩米線🍜湯底一d都唔好味 完全冇小窩米線湯既香濃 羅白唔夠淋 仲要有生羅白既味 燕餃就冇乜特別 就係普通既雪藏野 😔

今日終於到happy friday☺️☺️約左個好兄弟8點飲杯野啦🤣咁大家收工都唔早啦咁雖有快手食d野趕去飲野啦😛😛咁岩附近有間雲桂香聽落唔錯咁就試下 我就叫左個小鍋米線湯底同雲吞配凍豆漿啦😛😛咁佢都好快到左岩曬我地🤣🤣食嘅時候覺得佢嘅湯底都幾入味同埋好似用左好多材料去製作咁樣！食落又唔會覺得好口乾應該唔會落咗好多味精！而有雲吞皮薄之餘又入邊包咗好多餡料非常滿足！佢嘅米線當然冇令我哋失望非常彈牙美味 😛😛飲埋佢個豆漿就真係啱啱好香甜清新可以解咗米線嗰種咁濃味嘅感覺 可以話係畫龍點睛都非常推介鍾意食米線嘅朋友試一試

今日冇咩胃口，去搵啲開胃嘅嘢食先。咁啱見到有雲桂香，就入去食啦麵/粉底都好多款，我揀咗重慶酸辣紅薯粉，因為酸辣應該比較開胃餸我揀咗雞絲。碗粉配料好多，有花生丶炸菜丶芽菜丶腐皮丶葱粒丶芫荽，雞絲份量都算多，仲要真係手絲湯底好濃丶夠熱，酸辣度十足，好開胃。紅薯粉軟硬適中而且粉質Q彈粉嘅份量係多。凍鴛鴦係比較少奶，夠凍。侍應雖然似係得1-2個，但係都好有禮貌。* 店面環境似食西餐而唔係中式有點格格不入

𝘠𝘶𝘨𝘶 𝘕𝘰𝘰𝘥𝘭𝘦 @ 𝘵𝘴𝘪𝘮 𝘴𝘩𝘢 𝘵𝘴𝘶𝘪 - 「西餐廳」內有米線食⁉️💚本身唔係好鍾意食米線 後來試左番茄湯底之後開始改觀！今次嚟到厚福街呢一間米線專門店 就決定試試佢👍🏻呢間餐廳嘅位置比較特別係要落地下一層嘅 而且裝修好似香港嘅舊式西餐廳 環境尚算整潔 唔知係咪上一手留低呢呢😂？可惜去到先發現得辣同清湯冇蕃茄湯 所以我就帶咗個淨雲吞🙌🏻·雲吞湯 $38值得一讚嘅係佢份量真係好多 而且每一粒雲吞都好大粒！但質素就麻麻哋啦 雲吞皮過厚 麵粉味重 菜肉餡料未能做到肉汁豐富 比較乾身🙌🏻入面嘅生菜都已經變黃 煮到老晒 所以我都冇食到 好彩有酸菜補救......6/10喇！·小窩紅薯粉 $32（加配 $9豬肚 $9雞絲）唔係我叫的 試左一啖 覺得紅薯粉偏諗冇咬口 豬肚同雞絲似係煮熟咗個紅薯粉先加落去嘅所以比較凍！辣味我覺得適中啦唔係 好食得辣嘅我都覺得可以接受 鍾意食辣嘅可能要選擇加辣！·醬拌皮蛋 $20呢個小食入邊用嘅皮蛋比起其他米線專門店用嘅比較散 但味道依然咁好食嘅 香濃惹味 幾適合同淨雲吞一齊進食喎！值得推介！#𝙛𝙚𝙞𝙜𝙡𝙤𝙧_𝙚𝙖𝙩📍 雲桂香米線專門店 (尖沙咀)尖沙咀厚

Tst雲桂米線冬天最食下酸酸辣辣既熱野！厚福街多野食選擇！樓梯落一層！裝修同平時d 雲南米線鋪唔同bro由於同個fd 子咩都想食！所以就叫左個大大米線咩都有兩份食啦門口派口罩套！入去前要度溫度！保持衛生✨雲桂米線（$60)超多餸😚腩肉、雞絲、魚肉春卷、龍蝦🦞卷、雲耳、腐竹、冬菇、芽菜、酸菜、韮菜、蔥、芫荽！兩個人食岩岩好！魚肉春卷外脆卜卜！雲耳爽口！腐竹索曬d 湯😙✨醬拌皮蛋（$20)惹味重口味辣皮蛋😋😋重芝麻辣油😋！✨麻辣青瓜（$20)青瓜爽口！咬落脆脆地！先麻後辣！開胃午餐重送熱飲or 豆漿朋友話佢要飲豆漿解辣🤣

喺公司OT之後，諗住加啲餸帶返屋企，之前喺呢度食過，記得佢哋都有好多唔同嘅小食配搭，所以嚟呢度買外賣返屋企加餸。超大隻嘅雲吞，尺寸係平時嘅1.5倍，個雲吞皮冇因為尺寸大左而加得厚咗好多，仍然算係簿，餡料好多，感覺新鮮，好似國內人咁樣雲吞變咗主食添，都幾飽肚。醬伴皮蛋，第一口食落覺得幾辣，但食落去之後感覺辣到慢慢減少，麻辣醬味道調得唔錯，後來我仲用麻辣醬伴雲吞食，有少少似紅油抄手嘅感覺。秘製豬頸肉，豬頸肉不嬲都係水準最穩定嘅肉之一，加上泰式雞醬，好似變咗泰式豬頸肉的味道，不過都唔錯。

🔸蟲草花雞湯米線 $48🔸蒜泥白肉 $37🔸醬拌皮蛋 $20🔹外賣碗 $1@-一個人食晚餐唔想諗，好多時都係買粉麵外賣返屋企慢慢食，今晚就想食米線，呢間好多分店嘅雲桂香都幫襯過好多次喇，絕對係平民嘅首選啊！平時食會好似車仔麵咁點想食嘅餸，今晚都係第一次試雞湯啊，有少少酒味嘅湯湯底，配埋嫩滑雞件同蟲草花，好啱冬天食暖身啊！另外加咗兩款小食，都係平時必食嘅蒜泥白肉同皮蛋，就算一個人食飯都要好好善待自己，食餐豐富啲嘅啊！

呢間雲桂香好幾間分店都幫襯過無數次，都係咁鐘意😍一諗唔到食咩就會諗起佢，過一排就會不自覺地就會好想食😋🌟小鍋米線 $28🌟每次嚟都指定係食佢哋皇牌既小鍋米線再配小辣😝裡面會有芽菜、酸菜、韮菜、蔥、莞茜呢啲配菜，如果唔鐘意記得落單時就要求唔要啲咩🙈今次都係食最愛既腩肉(+$9)長期都食唔厭，次次都係穩膽，腩肉係預先腌制好，有少少辣，好入味又腍，好食👍🏻豬腸(+$9)平時就少食，好耐無食了，今次食下啦，呢度整得好乾淨，會剪成一條條，裡面既污糟野都清洗乾淨，呢樣要讚下💯再加芥蘭 (+$7)，又係每次指定的菜式，除咗成肚都係肉，要食返啲菜平衡返😆🌟蟲草花雞湯米線 $48🌟酒味雞湯底配蟲草花、雞肉、生菜，首先飲一啖雞湯，好清甜，一啲都唔咸，雞件都非常多，好足料，件件都係啖啖肉，$48嚟講，係好抵食！👍🏻🌟凍檸茶 $7🌟食辣野必點最愛既凍檸茶解下渴，不能缺少的飲品😆

我經常光顧雲桂香，平靚正，有酸辣米線又有薯粉食。在尖沙咀厚福街再次見到它的蹤影，不過10分驚喜，裝修風格與以往的不一樣，座位更寬敞坐得更舒服。2:30pm 下午茶時段是送熱飲、豆漿，當時人不多，任坐卡座！叫了一碗雲桂米線$60，雜錦材料：腩肉、雞絲、魚肉春卷、鮮竹龍蝦卷、雲耳、腐竹、冬菇、芽菜、酸菜、韭菜、蔥、芫荽等，大快朵頤！湯底叫了酸辣，酸到好過癮好正宗的雲南風味，米線又好掛湯，淨食米線都已經覺得好好味！這個雜錦米線很大碗，兩個人share 再叫一些小食就剛剛好。.小食也別具風味：麻辣海帶絲-不會太辣，海帶切到幼幼的更能沾到香辣味最後也叫了一個芥蘭菜，$18 份量不少.兩個食，人均不用$50！#雲桂香

每逢入秋冬天就會好想食碗熱騰騰的米線🍜今日係尖沙咀行街買野，行到攰好想食返碗米線，我有好多朋友食過雲桂香，但我就未食過，今日lunch就試下佢既米線啦！我叫左港式米線（$25），另外加餸食唐生菜及貢丸，老婆就食小鍋米線（$28），加左金菇及竹笙食，另外套餐價加配汽水（$6），好抵好平，今餐兩個人食飽$100有找😃微辣的港式米線，有胡椒湯底，可以暖身，好岩而家凍凍地的天氣食，生菜份量好多，貢丸有兩粒，米線有咬口，好食小鍋米線偏酸辣d, 有竹笙吸辣湯底好正！仲有肉碎係入面

周不時都會想食下雲南米線。而雲桂香都係其中一間我幾中意食既店鋪。尖沙咀呢間分店係地下鋪，空間同座位都幾多下，係裝修睇落殘舊左少少。-1⃣小鍋米線 ＋ 魚肉春卷 + 腩肉 💰28 +💰9 + 💰9（👅: 7.8/10）腩肉入味爽口，魚肉春卷都幾彈牙。米線都可以掛到湯底既汁。清清酸味味，幾開胃。-2⃣重慶酸辣水晶粉 ＋豬頸肉 💰（👅: 7.8/10）豬頸肉肉質煙韌，口感彈牙，幾滿意！酸辣粉點左小辣，麻辣香十足，配水晶粉食好惹味，口感軟韌彈滑，有咬感，吸滿了湯汁！-凍檸茶／豆漿+ 💰7另外都嗌左兩杯野飲，正正常常～

(午)雲桂香 尖沙咀難得放假去咗尖沙咀行街見到原來雲貴香係尖沙咀都開咗分店當然又係要去食啦蟲草花雞清雞湯米線當然又係變返我最鍾意食嘅蟲草花青雞湯米線啦，佢哋嘅雞真係大大件而且蟲草花都特別多加上超大碗嘅米線底十分之抵食炸雞翼估唔到佢哋嘅炸雞翼都好有水準最緊要係冇雪味食落口好好味估唔到尖沙咀都會有雲貴香真係值得推介

厚福街都是食肆，原來埋藏了家雲桂香在地底。點了一份小食及湯麵，醫醫肚。麻酸辣海帶絲海帶絲爽口且煙韌，醬汁麻酸辣，加入醋及蔥花一起拌勻，很開胃。重慶酸辣米線湯底微酸偏麻，不算太鹹，米線彈牙且掛湯，不自覺一口接一口地吃，十分上癮的濃香。另外還有芫荽、酸菜及肉碎作點綴調味。配菜方面：雞肉份量多，吸盡了酸辣湯汁的雞絲，非常惹味。而雲吞的皮略嫌有點太厚，但勝在肉餡飽滿，菜肉比例差不多，不算太鹹，而且跟湯麵一起吃剛剛好。

當晚無飯食，所以r左個fd收工食個便飯。個fd話想食辣野，咁我地就黎左雲桂香啦～呢間食米線既小店都幾多唔同選擇，除左常見既重慶酸辣粉，港式米線之外，仲有鮮魚湯米線，涼拌/熱拌米線之類，同埋多款小食。重慶酸辣粉加豬紅佢地用既係我最鐘意既粗薯粉，好有咬口！因為我個人食其他店既粉麵都會叫多酸，所以呢到既湯底對我黎講都係唔夠酸～建議同我一樣鐘意食酸野既朋友可以加多啲醋～另外要提一提，呢間店既辣度係比譚x/xx酸辣粉既同等辣度要再辣d，呢點大家要稍為注意下～豬紅略嫌有啲散，但味道唔錯，浸係成碗辣油入面都食到帶咸味。小鍋米粉配豬潤朋友點既～我試左啖湯，湯底幾香口，唔同普通港式米線既湯底。豬潤比較薄身，口感比較厚實，正常發揮～麻辣海帶我個人覺得好似無乜辣味，但係醬汁香口。海帶新鮮，而且量多。十分抵食～～～6點前點麵類滿30蚊都會送熱飲/豆漿，加錢既話可以叫凍飲/特飲～