雲桂香米線專門店

营业中

休息中

平時都成日食米線，呢間連鎖野食親都係因為就腳。冇計，只怪自己懶。叫咗酸辣腩肉米線小小辣，湯底算唔錯啱啱好，味道唔太假，食落唔算好口乾。米線較為淋同幼身，份量亦唔多，加一個餸都係啱啱好。腩肉都算入味嘅，肥瘦尚算均勻，不過得幾小片。配菜 有芫荽芽菜同酸菜，但係芫荽比較多 酸菜，份量比較少。食米線酸菜好重要，但呢度啲酸菜又細塊又少...食落都唔過癮不過價錢唔太貴，整體嚟講算可以啦， 下次都係唔好懶，行多幾步去第二間。

好耐無食過雲桂香雲桂香既米線我一向都好鍾意 最鍾意食酸辣 好夠酸 咁岩朋友想食辣又未試過雲桂香 就擇日不如撞日 去食喇一上到去 大約有10個人等緊位我地等左10分鐘左右就有位 都好快我叫左魚肉春卷 竹笙 小鍋米線 酸辣 中辣竹笙都頗多 數唔到有幾多舊😂魚肉春卷得三塊 仲要係薄薄既 唔太抵但好好食🤣第一次食呢間分店 之前食過葵芳個間中辣好油 呢碗麵都係油但呢間既中辣竟然一啲都唔油 好開心不過咁就無咁辣 酸味比較重 下次可以試大辣至於朋友叫雞翼 腩肉 小鍋米線 小辣佢話腩肉好食 雞翼就中規中矩都係酸味重 唔會太辣仲叫左支豆漿同朋友share甜度剛剛好 好飲

今日一行四人，難得有機會食個好Lunch就揀左呢間所謂林線專門店食午餐。一個字：劣我地每人叫一碗紅薯粉D紅薯粉又硬又唔好食 都唔好再講佢彈唔彈牙其中一個叫左碗有湯既，都係咁唔好食講配菜：雞絲四個都叫左，超難食，痴埋哂一大舊咁豬瞤直頭又臭又干，想反胃我宜家就坐左係間野到即刻打食評出黎我地四個食完都係灰哂，好難食，每人都叫左成50幾蚊碗，超差。我仲追叫左個口水雞，但應左我機話收到之後，就完全無人再理我，我都唔敢再叫，因為都預左難食。早知食個燒味飯好過！！

今日12點正打去嗌外賣3碗米線,聽電話個呀姐態度已經好差CUT我線.其實已經予早左45分鐘嗌,等到1點正(過左60分鐘)都未送到黎於是打去問,個呀姐話差唔多架喇.?! 我問佢差唔多出定差唔多到? 佢話差唔多出.等左成個鍾都未出到!?其實如果你地係好多ORDER做唔切既咪話今日會遲D先送到之類一早講定先,咁我一開始咪唔嗌囉.然後我等到而家已經等左88分鐘都仲未送到黎.等到你送到黎我LUNCH TIME都完啦!!嬲到特登要即刻開個OPEN RICE ACCOUNT上黎COMMENT.如果大家要嗌外賣記得問清楚佢幾點先會送到.

久不久就想食米線，好多時專程來旺角食，我想我已愛上了它。每次來都食小鍋酸辣米線，加7元加一餸，加豬腩肉，中辣。不過每次辣都有出入；有時好辣，但有時唔夠辣。小鍋已有芽菜，酸菜，蔥，莞茜及微辣的豬肉碎。今次辣道好啱我口味，足夠辣，每碗連米線，湯放進鍋一齊煮滾，所以好夠熱，小心熱到口。米線有口感，湯味道濃，好味，明知好多味精，但每次忍不住飲幾啖湯，豬腩肉不肥，啱晒重視健康的客人。奶茶不過不失，有茶味，但唔滑。

今曰係初四。天氣好凍啊，新年好多鋪頭都冇開門。我朋友話咁凍想食米線，點知撞正雲桂香今曰啟市，真係有緣。一坐底，我就唔理三七二十一 一定叫酸辣有湯米線再加豬頸肉啦 好中意佢湯底 甜得黎又酸 酸得黎又辣 仲有好多配料，炸醬啊芽菜啊，不過有花生更加好。我朋友嗰碗鴨腎下熱拌麵錯中有錯，本身想叫薯粉。但係佢都覺得幾特別，話好正，起碼唔洗咬咁耐。佢話下次會叫反😊服務態度方面算係咁，咁多客既話都好快走過黎滿足我地需求👍米線控黎講，總算有7分(10分滿分)

第一次食雲桂香無想飲中咁好味 可能期望太大叫左個腩肉酸辣米線超鐘意佢有好多莞茜🙈🙈入面有酸菜 芽菜 配料對比其他米線店吾算多佢既口味都比較濃味 加7蚊已經有枝超大樽既豆漿 好抵！

雲桂香係連鎖店,分店都唔少~不過坦白就唔係間間都咁得~旺角同銅鑼灣兩間都有水準~雲桂香既麻辣湯底夠香夠辣夠味~次次都必食中辣~而且每個星期都必捧場~豬軟骨同羅白都入曬味~ 撐!

今晚我們去咗旺角西洋菜街嘅「雲桂香米線線專門店」食晚飯！我們叫咗蟲草花鷄肉湯米線嘅米線麵質好爽口滑身，鷄肉嘅肉質都幾鬆軟嫩滑，湯底嘅味道都算鮮味！雲桂紅薯粉嘅紅薯粉麵質相當爽滑彈牙，鷄絲嘅肉質就非常「嚡」，魚腐就好腍身，而且無乜魚肉嘅味道！鴨腎小鍋水晶粉嘅水晶粉麵質超煙韌彈牙，鴨腎嘅質感好爽脆，但份量就比較少！總括：食物嘅出品味道都還可以，但配料芽菜、酸菜、韭菜、蔥同芫茜嘅份量比主菜仲要多，真係令我們覺得好失望！

😢對唔住都要講反句旺角e間真係唔係好掂🤒雞絲「鞋」得濟😭麵質又唔掂又等左好耐😲明明4點去冇咩人😮都要等30mins服務又麻麻😶😢毀左我一直以來對雲桂香既印象😢(￣∇￣)👅（5👅滿分）

最低消費去到30蚊，唉，但撞一撞，個外賣膠兜爆左！！！勁無奈，30幾蚊冇左！！好兒嬉，譚仔俾我撞都冇事，唉，下次最好堂食啦，唔好外賣，特別旺角咁多人啊！！！！“

今天中午，我和同事又找餐廳吃午餐，我們都喜歡吃米線，不過譚仔的米線愈來愈難吃，大家食的環境又比較污糟。於是，我們今天便去雲桂香！中午12:45左右，幸好還有位置。我叫了豬頸肉小鍋米線，走辣，走芽菜，酸菜，韮菜和蔥，只要芫茜^_^豬頸肉米線方面，米線份量都算多，至少多過大家食。米線少少煙韌，不過不會痴牙，而且相當入味，十分美味！。豬頸肉有5塊左右，厚度適中，不會太堅韌，而且十分入味，味道不錯。由於走辣，湯底甜甜的，味道不錯，當水喝都可以^_^價錢方面，這間米線便比較貴了，豬頸肉小鍋米線$37，沒有飲品。即使其他米線，一款餸都需要$32，其實比較昂貴了一點。總結來說，這間米線十分美味，好吃過譚仔和大家食，不過比較貴了一點，但其實$37都可以接受。

夜晚放工唔知道食咩，行住搵食，見到那間舖好似都幾多食，估計應該都唔會太難食，於是同某人行入去食咯。我的都好彩，啱啱有卡位⋯我照例食酸辣的大辣，加了通菜和豬軟骨。湯的味道OK，食的過，不過D豬軟骨就假D咯，我自己覺得個豬軟骨唔好味咯～某天轉了米粉食、我其實覺得幾奇離，酸辣米粉，聽住就驚驚D，不過佢話好味喔～通菜就同其他間冇分別，不過的腐乳汁有D甜甜的口感，都幾特別。有興趣的可以試下噶

食呢類辣粉,如果唔食X仔XX,多數都會食呢間.今次叫咗小辣嘅細薯粉,配腩肉同木耳.都幾鍾意食細薯粉,煙煙韌韌得嚟又比較索湯,呢度嘅腩肉就比X仔X哥薄切少少,肉質冇咁爽口,不過我覺得佢調味上好似惹味少少.木耳就係因為想食下菜而叫嘅,都幾脆.

每次來到雲桂香 一定叫酸辣米線 小小辣雞絲係不可缺少既餸相比叫丸 俾得2-3粒 雞絲次次都勁大量當d雞絲吸晒個湯汁 就更加好味除左雞絲 今次仲叫左魚腐試下感覺都一般魚旦分別不大 只係個shape吾同左禁 味道吾算突出都係魚米家既魚腐出色好多😂食酸辣米線一定要配凍飲強烈推介豆漿 佢吾算太多糖 好香豆味出街食飯好難得有禁正既豆腐買到又夠大支 抵過叫可樂