影片
以上资料只供参考，请与餐厅确认详情
外卖买一送一，好抵 $6x (盒）非常好食的肉酱意粉绝对唔系7–11𠮶啲味 差好远材料普通但系酱汁煮得好好食俾好多肉碎，用啲靓嘅蕃茄酱汁重芝士，唔知有冇落忌廉煮呢仲有好多洋葱好味
继续阅读
位于云叠花园商场，呢间Cafe叫云蝶，呢个店名相当好记，如果你去大围区我推荐你不妨步行约10分钟过黎呢间小店试下🚶🏻。✨西班牙墨汁海鲜饭（$68）呢个海鲜饭材料都算丰富，有青口、带子、虾，面头仲有啲蟹子，墨汁饭既口感都相当不错，有小小黏似糯米饭口感，个人认为墨汁既味道可以再重一些会更加好味。✨软壳蟹黑松露野菌忌廉意粉（$72）个人十分之推荐呢个意粉，佢既黑松露野菌忌廉味道好够味，面条既质感系比较硬身小小，面头都有些少蟹子，呢个价钱配上软壳蟹CP值真系算高，我就系因为呢个意粉而回头帮亲多次。
继续阅读
大围有几间环境设计好可爱嘅Cafe，每试一间都有惊喜！今日就过到嚟云叠花园嘅云蝶💛食晒字好易记呢间舖细细间但估唔到都几多嘢食，有热食又有轻食，今日试咗个卡邦尼意粉，呢个价钱估唔到系咁浓厚，而且绝对唔系现成汁。另一样想提系超有心思嘅系佢个黑啤鸡翼，味道甜甜地仲好香啤酒味，超入味好特别嘅层次感！大力推荐！沙律好清新，块鸡扒一样煮得好入味质地劲嫩滑。呢间小店食物真系好值得试，主打食物，饮品比较多种类选择，咖啡系偏台式路线。Btw佢堂食同外卖都系用纸盒胶杯即弃餐具，想走塑嘅朋友欢迎自备呀！
继续阅读
先解释我对这店没有任何贬义，我蛮喜欢食便利店的肉酱意粉，是儿时的最爱食物之一，所以第一次食云蝶的肉酱意粉时，很惊讶是一种很熟悉的味道，不知是否有意，市场上竟然有人将这个肉酱意还原出来。偏甜的番茄免治肉酱配上幼身的意粉，上边洒上芝士粉与香叶碎作点缀，以这个价钱已经是合格水准。“肉酱”属于基本菜式之一，容易整方便储存，但难煮出自己风格，外边有很多餐厅甚至连这个基本菜色都煮不好。若你是和我一样喜欢吃肉酱意粉，这个云蝶版的肉酱意粉应该不会失望。因为对这个肉酱意粉太深刻，过了5个月刻意再来试一次其他意粉，除了肉酱意粉外，卡邦尼意粉都是考牌菜色之一。这店的卡邦尼意粉是港式style，即是意粉的酱汁不是纯蛋汁+芝士+黑胡椒，会加入忌廉；猪面肉改成早餐的烟肉片切细条。考虑到食材成本；菜色定价；烹调的简易及稳定度，这个做法还不算差。可惜味道实在太浓烈，不想说很咸，但有一些食材以外的调味，很不自然，因为加了忌廉，入口很creamy。另外啤酒鸡翼啤酒味很突出，但与意粉有相同问题，吃完之后有点口喝，喝了很多水。在疫情之下，小店能生存已不易，与同类型的店舖比较，云碟的CP值不低，不像一客意粉定价$80~90另加$40一杯饮品那些cafe。反而是担心在疫情影响下能否营运下去。不希望将来少了一个吃意粉的选择。
继续阅读
呢间大围既cafe，因为蓝色装修好吸引眼球。不过坐位好少，所以次次惊要排好耐就未食到。今次平日去食early dinner,完全唔使等😙😙😙🟠黑松露特色薯蓉 $45一见到个薯蓉惊喜左，估唔到有个雪糕筒，非常可爱😝个薯蓉都几滑，黑松露味都几重。如果可以有多d黑松露，相信会更perfect😚🟡西班牙墨汁海鲜饭 $68非常黑既墨汁饭，饭唔似普通米，食落有烟韧感，份量都几大。有2只虾、一粒带子、一只青口同蟹籽，食完都好饱。不过因为饭大份既关系，如果多少少海鲜望落就更丰富啦😌🟢奶茶蛋糕 $24食落非常有奶茶味，感觉好似饮奶茶咁🤪蛋糕质感比较实，食落都几有口感。相信个蛋糕系雪柜拎出黎，比较冻，所以挞一挞先再食，应该会更好味。😚🔵红蝶 $34（跟餐半价）见到有落神花梳打同云呢拿雪糕，感觉好吸引，而且跟餐价钱唔贵，即刻就叫左！一入口落神花味都重重地，当个雪糕融融地个时，捞埋一齐饮，个味道仲有升华左😋😋不过落神花有少少苦，所以想饮甜既就叫另一杯有巨峰提子梳打既紫云就会岩d☺️☺️
继续阅读