雲貴棧

营业中

休息中

半夜已想起身空肚食早餐。夢迴：十多年前，常飲啤酒，會叫胡椒豬肚湯，温暖腸胃，祛濕祛熱。起床，換衫，直奔向她，不用看牌，要胡椒豬肚湯。米線。配角：熱奶茶，紅腸，煎蛋及午餐肉。只是$35。先喝那辛辣灼胃的熱湯，舒服！滿足，滿足，滿足。奶茶，一般茶記水準，冇彈，也冇讚。紅腸，很少食到。好味。突然，遠方傳來多聲"有車，走鬼 呀！”,店內老板娘及同事，立即提醒店內所有顧客，快快快，十分肉緊，十分有街坊人情味。要讚！衛生方面，真是一般差。下次，再想喝胡椒豬肚湯，必來！

中午去洪水橋食午餐，見門口有人食炸雞脾好大隻，咪入去叫炸脾飯，等了十多分鐘，飯到面前，一看隻雞脾好似小兒麻痺，縮了幾個碼。開口問伙記點解，伙記大大聲話係咗成批貨都係咁，唔鐘意食可以走。我話門口個容隻雞脾係XL, 我隻係S。伙記說唔鐘意食可以走。其實，伙記講一句“唔好意思”來貨可能不同。咁就簡單處理。小店就係比呢啲伙記攪死。

正常茶餐廳份量，價錢係市價。叫咗個外賣午餐，鹹魚蒸肉餅飯。好多魚骨碎，差啲哽親。肉餅真，係，好，鹹！完全唔可以空口食。白飯又硬又涷🤦🏻‍♀️湯係味精菜湯涷檸茶澀到呢⋯⋯原本諗住買大發，點知冇晒，所以諗住試下新嘢⋯⋯點知⋯⋯真係好失望🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

洪水橋其實都幾多野食～ 唔係好似以前咁咩都無～ 今次就試食呢間雲貴棧 佢有酸辣米線仲有平時果d碟頭飯 今次叫左口水雞米線 佢比我想像中辣 好彩佢配埋飲品 如果唔係我可能食唔晒🙈 雞同米線分開上 仲有碗例湯 不過可惜唔夠熱😔 但碗米線既湯就熱辣辣👍🏻👍🏻 口水雞雖然辣左D 但味道係唔錯既！ 仲有芫荽同花生🥜 增添左成個餸👍🏻👍🏻 整體上 以普通價錢 快食個午餐都不錯 不過佢地方比較細 比較逼就坐得唔太舒服😔😔😔

工作中早餐，去到呢度，店面殘舊，店外行人路放咗枱方便啲吸煙客人，我哋都坐外面（因為店內無位）大圓枱膠櫈，有點黏！9成客都係中佬，早餐選擇多，有啲唔係平常見嘅款式！落單食物好快到！蕃茄鮮牛肉米線（$29）賣相ok， 蔬菜有蘿蔔片、蕃茄、生菜都唔錯，湯底微酸蕃茄味，不過唔夠濃，牛肉片完全唔得，橡皮筋一樣，無味！米線幾滑！整體ok火腿煎蛋方包：麵包走油略乾硬，火腿煎過但凍咗，蛋煎得脆邊，都係唔熱嘅，應該係煎好一堆等上菜熱檸茶：夠熱茶底好濃唔澀！同事食：胡椒豬肚湯米線（$29）雪菜肉絲湯米粉（$29）凍檸茶：（跟餐加$2）熱咖啡：凍奶茶：（跟餐加$2）食物我揀嘅一般，同事話佢嘅胡椒湯好味！女店員豪爽，講解早餐清楚，唔廢話！唔知點解覺得呢間店，裡裡外外都充滿男人味！不介意賣相，不介意環境！最緊要爽夾自在（男士們可以唔認同的😝）

一早起身個肚已經肚餓到咕咕聲，嗱嗱臨同屋企人起身出街去食早餐，行出去屋企附近見到有間叫雲貴棧的餐廳，於是便立刻走入去坐低！坐低見到餐牌都算多選擇，而且價錢亦好便宜，於是我地好快就叫左2個早餐一齊分享落左order 不到三分鐘，侍應好快就放低左一碗义燒通粉同咸牛肉奄列連條腸仔比我地食……D义燒都算好食，但通粉同湯底就真是好一般，冇乜味比較淡口！跟住食埋個牛肉奄列都算好食，好野味好香蛋味！條腸仔亦都煎得好香口，唔錯！杯凍檸茶亦都好好飲，酸酸甜甜，正！'至於呢個菠蘿包配火腿腸仔炸春卷都好好食……菠蘿包新鮮熱辣，火腿腸仔咸咸地好惹味，炸春卷炸到卜卜脆非常好食，最後飲埋杯冰凍菜蜜簡直涼透心，好滿足！

前幾天下午剛好經過元朗洪水橋，見時間已經十二點多，隨便找間小店享用午餐這間小店內環境一般，店內只有四張卡位及簡單幾張枱櫈，地方整潔舒適特價午餐也有選擇，價錢平民二話不說，店員已給我們端出兩碗熱騰騰例湯，喝了幾口便知道沒下味精，喝了沒嗆喉涼瓜燜排骨 - 簡單點了兩個餸菜很快便上枱，份量頗多，味道也很好，涼瓜很柑甜，排骨燜得很稔，多吃也不膩，豉椒味很出，撈飯一流芥蘭炒沙嗲肥牛 - 芥蘭很鮮甜，肥牛肥瘦剛好，份量也多，味道很配，沙嗲味很出，送飯一絕店員也跟我們説飯及湯可免費再加，我們也不客氣多喝了碗湯這小店客坐不多，所以主要是做外賣生意為主，看店員大部分時間落外賣單也忙個不停