雲貴軒米線專門店 (已結業)

放工的時候，上堂之前，搵間坐低食野，食完野先再去上堂，行下行下，其實果度有好幾間都係食米線，但其中見到一間係特別多人的，於是抱住羊群心態去決定試呢間。餐單上面只係有米線、紅薯粉等等。睇左一陣，就揀左酸辣米線，加腩肉，少辣，因為仲係下午茶的時候，可以加多3蚊要杯豆漿。先試一試湯底，係好好飲，濃烈的湯底，將整個麵提高另一個昇華。除左腩肉之外，碗麵都有其他配料：炸菜、芽菜、腐竹、韭菜，豬肉碎......等等，口感不會單調。酸酸辣辣的味道，就是我最喜歡這種味道，而且配上湯的野味，成碗麵好夾，口感又好豐富，非常開胃去食碗麵。又夠大碗，好飽，湯都唔放過！只售三十蚊都唔洗，又化算又抵食！

之前食過既 豬軟骨 同朱扒都係好正…………今次試牛……………… 估唔到有八塊 ………………加啲滷水汁真係一流！““““““““““““““““““““““““““““

         當天星期六,1:20到達~因為見附近的譚仔,魚魚魚都好多人等位~所以入呢間試下~呢間店鋪環境係OK GA,因為有很多卡位~又唔會坐得迫~而MENU都印刷得幾精美,清晰TIM! 不過見在場有個男職員好似未訓醒咁…仲好遲鈍咁…. 我點左個 小鍋米線配 豬軟骨~$26 多酸都好快上菜~見軟骨D皮炸到好多油…共4-5大件~~很JUSICY!肉質林身~ 就是知道呢道O既豬軟骨很出名,所以一定要試下~米線都幾滑~湯底就稱不上特別~有少許豬骨味???附韭菜,少許蔥,芽菜~不過呢呢間SET左每款米線配1個配料再送飲品~所以為埋都要30蚊左右~如果加多1個配料再另加$5,計落都唔算平~送飲品~選熱菜蜜~甜甜地幾好飲~又唔會太甜~

來到荃灣揾食，本來打算去譚仔，不過人太多，而隔離的雲貴軒不用等位，就過黎一試。雲吞紅薯粉，小酸辣，走芫荽。等了很久都未得食，看見遲來的客人食完都未到，摧單又係啲例牌回答，整緊架啦……紅薯粉煙韌好吃，雲吞就普普通通，湯底還可以，辣味比酸味重，不太吃辣的我下次會選小小辣。香茜豬肉餃米線，豬骨湯。一叫就到，米線很淋不好吃。香茜餃好多芫荽，好香，唔錯。至於個豬骨湯底，真係淡而無味，下次一定唔會叫囉。餐茶要了熱檸茶同凍奶茶。杯熱檸檬茶真係難飲到呢，又苦又澀，仲要無酸味，差！凍奶茶還好，有點太甜。零服務嘅食店，食物水準麻麻，勝在坐位比較濶。如果隔離排長龍，而呢邊又唔使等位，都會再黎嘅。

太多間米線鋪,呢間唔算有咩好特色,但係味道唔錯,下午茶幾抵食魚腐上海麵 (小辣, 我覺得呢間鋪頭既湯底比較特別, 雖然佢叫做麻辣湯底, 但絕對不是一般麻辣湯底既味道, 因為嚴格黎講我食唔出佢有麻辣味, 但係個味道就好香; 魚腐係我在呢間鋪頭既至愛, 豬扒有時都會炸得乾左d, 但魚腐就十分穩陣, 軟硬適中, 好似老少平安咁, 好好味)

從前, 路德圍賣米線的已有4-5家, 本來想去的那一家, 原來已經變了賣粉麵, 不是不喜歡雲貴軒, 只是與他的姊妹店’八麵玲瓏’比, 我比喜歡’八麵玲瓏’, 不過, 雲貴軒地方大點, 坐得也較舒服, 而且, 賣的米線也差不多, 心想再試玫瑰雞翼及鎮江骨, 決定入去吃晚餐. 可能因為才六點, 客人沒有很多, 坐下看餐牌, 多了番茄米線, 不過, 材料選擇就少了, 所以都是點米線, 可惜, 玫瑰雞翼及鎮江骨都沒有了 好吧, 就豬扒吧, 豬扒一向都不錯, 加了大腸, 好像很出名似的, 再加上木瓜奶水準不變, 吃一碗加上一大杯, 足以飽了一整晚上!不過, 真的很可惜沒有玫瑰雞翼及鎮江骨了 ………..

去食下午茶~我同個fd各叫一碗野食~一係四川薯粉 同埋一個係米線~四川薯粉真係好正好好味~但係米線唔夠味仲叫左個豬頸肉 good~特別推介 豬軟骨~我覺得豬軟骨好正啦~d骨真係好軟 好易咬~而且 四川薯粉好正~湯底 夠味 好濃~未去過既人 值得一試=]=]

路德圍有好多食店, 特別係米線麵店特別多, 當日同朋友去開哥頭食野, 本來想去麵棧食, 不過因為裝修緊所以就另選他店, 最後選左雲貴軒食米線這店最正既係佢可以以特惠價配飲特色果汁, 加上美味既米線, 真係絕配叫左個酸辣小鍋米線配柏葉同炸醬, 米線夠淋, 但是配料比較小, 比較不足, 至於自選既牛拍業數量太小了, 可能係煮熟之後縮左水, 有點不足, 但是湯底ok, 食起上來實則幾好味. 而且我另外再外加炸醬另上, 一啖麵一啖炸醬, 幾好食飲品方面我就加錢配飲奇異果汁, 佢地既果汁唔係好似出面飲到哥d好稀哥d溝水加冰果汁, 而係一點都不稀既用果用先搾既果汁,啖啖都有如在咬果汁般的口感傳上去口裡, 正!另外我地再叫左紅油抄手一齊食, 唔係好夠辣, 內餡唔係好吸引, 味道麻麻...另我偷食左我朋友既豬頸肉, 爽口夠Q, 幾好味~大家可以考慮下店舖裝修整齊清潔, 但坐位安排很密, 如果係繁忙時間人很多時會很辛苦. 員工態度都唔錯, 至小追食物幾時出時佢唔會比黑面我地睇 (我有個朋友到我地食晒都仲未有得食), 算OK啦價錢其實都唔平, 只係麵加飲品要成$40+, 其實都唔平, 係付近一帶想平既都有

今日 16:30 經過荃灣想食碗米線, 見到一條街唔夠8間舖竟然有4-5間賣米線, 真係名附其實米線街.終於入左呢間雲貴軒, 店入只有2-3檯客, 下午茶時間係咁上下.....叫左個蟹子丸朱扒米線(小辣), 個蟹子丸好彈牙, 內面的蟹子好多, 好味, 呢度特別提提, 食蟹子丸的時候一定要由尖尖的地方咬落去, 否則好易將入面D野唧到周圍都係.個朱扒真係好林, 聽人講咁林的朱扒可能係比哥士的"乸"過, 唔知係咪真, 總之講食係好食既.西瓜汁加8蚊, 真係鮮搾的, 但好甜, 甜到有D唔尋常, 應該係加左糖漿, 但總體來講係好飲既, 出街食野唔能夠樣樣要求有益, 好味就算.

從前從不重視早餐的，求求其其的吃一個包，等到午餐才吃一頓好的。不過近年這個習慣改變了。今次去了雲貴軒。$26，有鮮茄牛湯通粉，加上豬尖腸，煎蛋和茄汁豆及多士，份量上已經跑出。煎蛋不算油膩，鮮茄牛湯通粉幾清新，作為早餐，不錯的。加上一杯凍檸茶少甜，抵吃！

話說上星期五荃灣放煙花, 難得屋企可以望到正,一放工即刻走去買外賣番屋企食,好耐無食過雲貴軒, 於是買咗至愛的豬軟骨拚香茜餃小窩米線同一碗四川紅薯粉, 再加幾款小食。番到屋企, 煙花重未放, 唯有食咗野先, 一打開個碗, 香氣撲鼻, 急不及待挾起嚿豬軟骨, 同以前一樣好入味又唔會炆到散哂, 再飲啖湯, 發覺比以前更加鮮甜,食完之後都無話口乾 。至於其他小食都唔錯,特別係炸大腸同炸墨魚丸, 脆卜卜好香口, 配埋酸辣汁,真係一流, 最衰我自己唔食得辣, 四川紅薯粉我細妹一個人食哂,佢都話過兩日要再食呀。

基本上每個禮拜六都會食﹐係一間草根形食肆。麻辣同酸辣同譚仔係兩回事﹐各有各好﹐不能比較。但隔離譚仔通常爆棚﹐而且坐得好逼﹐所以食呢間比較多。我同男友每個星期都係雲吞酸辣紅薯粉&豬軟骨小窩米線。寫此食評﹐想講既係呢間野唔知點解成日加價。我知通脹﹐但真係幾離譜。差唔每半年加兩蚊。一碗一“食送”+熱飲既紅薯粉已經加到三十二了。我男友得悉上個禮拜無啦啦D海報水牌全部落畫﹐已心知不妙﹐一入到去坐低望下餐牌﹐果然加左價。得架喇﹐百物騰貴丫麻﹐點知個日食既個碗豬軟骨如下﹕D軟骨唔知去晒邊﹐成換野變晒樣。叫中辣一D都唔辣﹐同呀姐講﹐跟手叫我地自己落辣醬...你可知道﹐辣醬豈同麻辣﹖真係又貴左又差左。可能真係岩岩遇著剛剛﹐但呢兩蚊﹐加上個D軟骨﹐同埋個D辣醬﹐另人非常失望。我都唔知自己會唔會再去了。其實食就真係幾好味。但有時做人﹐為啖氣﹐以前再好﹐都係以前既事啦...

今日同啲朋友去咗荃灣行街,冇咩特別收穫.........不過就比我發現倒呢個......麻辣豬扒米線!!!!! 真係好OK!!!個湯底好味之餘,個麻辣都唔錯,而家周圍都話麻辣....但係好多時都淨係食倒辣味...但係呢個麻辣豬扒米線,麻同辣個比例相當唔錯,我自己就嗌咗個中辣,我就覺得非常OK嘞....仲要塊豬扒係分開上添,熱辣辣又鬆脆,加多杯消暑西瓜汁.....................真係唔錯!唔錯!而我啲fd就嗌咗紅薯粉,賣相同味道佢哋都話ok喎所以我覺得可以推介吓......值得一提嘅係環境唔錯....衞生都幾好....坐得都幾舒服......不過就要等咗一陣位

嗌左小鍋米線小辣配料有芽菜，酸菜加扎蔥定大蒜？一到嗅到陣味已知不妙，有股胡椒味但吾係其他地方的酸酸辣味。食落好麻痺但個湯底一點都吾好味！仲差過隔壁的大家食的雲南米線！ 好彩碟豬排都可以入口好脆。但是下次食酸辣米線也不會考慮這間了！

是日去左荃灣啦好肚餓呢,就入左呢間野,D冷氣好涼,正呀咁我就叫左個魚付撈薯粉(川味醬)佢就食下午茶西多士+雞翼我個粉幾好味,小小辣,D粉好好咬-O-係個魚付麻麻地,早知唔叫呢個啦,不過D送唔緊要,D麵先重要!佢既西多士都一般,好似勁油,但個雞翼又幾好味唔錯,可以再來