雲風堂

营业中

休息中

由於住同區，九龍城廣場幾乎隔日便到。雲風堂是其中一間近期經常光顧食肆。由於位處地庫一直很少落去，直到近數月在九龍城GROUP街坊推介，至發現原來雲風堂好食又扺食。呢間店其實食雲南野，主打米線同小菜類，仲有台式飲品。唔知點解有人投訴員工態度差？反而我近月去左4-5次，從未遇過態度差員工，我仲覺得佢地仲親切過譚仔喎。（譚仔NICE得黎好commercial，呢度員工係好小店親切feel) 由於人手不足，所以晚市員工你睇到會好忙。但從來無態度差過或迫人搭枱，仲會因為怠慢左而不停咁say sorry. 就算我只係叫簡單一碗米線亦會好親切咁多謝你。  （我絕對不是熟客，無人認得）講返食物，佢平日晚市有好多1人或2人餐，有好多小菜好似蒸魚，炒菜等又或米線套餐可揀，好食價錢平，唔想煮就會同家人過黎食。人均唔駛60.  有時我夜放工都會自己一個黎獨食。另外佢仲有超抵食麻辣烤魚火鍋（一鍋唔駛200），你會發現呢度有一半人都會叫呢個鍋 ，真係好好食。雖然平，佢地唔會HEA你。湯底夠麻辣，條魚先烤過，原條成個盤咁大，唔係半邊，係全條！配菜超多，魚下面好多芽菜，豆卜，菇菌。。。我一家4口全部成人都夠食。可以另

在附近居住多年，這間米線店改了名，但不變是職員的態度還是那麼惡劣。他們還以為是疫情前那麼多客人，硬是要逼客人搭枱，或是搬到較細的枱，十分不禮貌。佢可能以為自己係澳洲牛奶公司，但是人家是名店，你這間是死場的一間小店，完全不一樣。賺錢的要訣不是要將最多客人放在一起，而是吸引客人再次光臨。真係好趕客。食物質素不用多說，普普通通，每年也在加價。同場譚仔質素好好多，雖然我愛國愛港，但我建議大家不如光顧一下日資的連鎖店。

這間平日已經來過，食物方面十分普通。星期日中午四處排隊等位，只見這間有很多空枱，不用等位，於是俾多一次機會食呢度。可惜各員工的服務態度都有很大進步空間，想點菜下單第一句就係講：「你哋揀好晒未，楝好先叫我！」另外，不斷有員工都走來問有幾多位，想我們調檯。實在悲哀。

今日係2021年第一日，走左去九龍城行街兼搵食，行到去，九龍城廣場地庫既雲風堂，品嚐砂鍋米線，順便暖下身。我鐘意食辣，點了山珍辣雞砂鍋米線，另一個就點了豬軟骨砂鍋米線,兩碗都係$47元 包特弌飲品。飲品方面有超過60種特飲選擇，我們點了曲奇朱古力，木瓜涼粉冰，今日天氣咁凍，兩杯都係少少冰。砂鍋米線都要等啲時間，大約15分鐘左右。送到黎熱辣辣，今日咁凍最岩食，試左啖湯好好喝，辣子雞肉都好好味。豬軟骨少少肥，不過天冷當然要食下肥肉啦。

九龍城廣場入面真係冇乜野食多數連鎖店 唯一特別啲係依間雲風堂主要食米線 點心 炒飯估唔到下午茶仲多選擇過午餐 仲要平啲睇到眼花瞭亂👀最後揀咗個三鮮紅薯粉 ($35+2)仲包飲品 多士 火腿 煎蛋碗麵唔算大 不過啱下午茶三鮮包括 火腿 魚 豬肉 好豐富!火腿一片切成5塊 似金妹牌豬肉較少 有啲根 都ok魚就較易散 冇乜味道至於薯粉 同預期差咗少少 因為佢唔係紅色😂望落成個蒟蒻麵咁 好彩佢都有質感 咬落少少彈牙 而且滑身 (比外面紅薯粉冇咁煙韌 同時有好咬過米線) 感覺上冇咁索湯添湯底一般 似味精味 但係鹹度適中飲品選擇先最多😧台式 港式 中式 西式樣樣齊珍珠/椰果奶茶 果味綠茶 杏仁露 豆漿 果汁 等我揀咗黑芝麻杏仁露服務姨姨話走甜都已經甜 所以聽佢講又真係好夠甜我覺得好好飲添😋 超香杏仁味然後飲落有啲沙狀嘅芝麻粒 好似芝麻湯圓啲餡咁感覺好健康好保咁而且芝麻同杏仁原先都好有營養價值依個可以試-味道ok 選擇多服務態度好 姐姐好醒 知道曬你需要上菜快環境坐得舒服CP值甚高👍🏻超抵食值得試

呢日黎到九龍城買月餅，本身就打算去 “一禪” 到食嘅，可惜太多人，行行下見到呢間 ☁️雲風堂 裝修得幾靚，門面又有啲中式木窗咁，就行左過去睇餐牌啦😆🥰～一望餐牌見到寫住“雲南名廚主理”，啲食物相又幾靚😆就直接入去了～一開始個侍應叫我地去坐圓檯同人夾，其實夾就唔緊要嘅，不過而架都係有板隔住黎夾就會好啲囉～但想講佢哋無板隔住🙀之後我地坐左幾分鐘咩都無叫，連餐牌都無睇，個侍應見到就叫返我地坐去卡位，唔洗夾！而架都係有夾板或唔夾檯會安全啲！👍🏻👍🏻👍🏻食物種類算係幾多，有飯、米線、涼拌、小食、汽鍋雞、酸菜魚、烤魚等等，都係充滿雲南風味嘅野食！👍🏻仲有大理出名嘅乳扇啊！而午餐時段有優惠套餐～平均四十幾蚊就會有個飯或米線配飲品💕不過單叫嘅野食都唔算貴～可以話係平價嘅雲南菜～🥰咁兩個人都好難叫到多野食，第一次黎就當然試左米線🍜同酸菜魚🐟先啦！！！砂鍋米線同酸菜魚嘅鍋係同一個大細，都幾多下！酸菜魚係真係超足料！我諗應該都有成條桂花魚🐟，再有啲薯仔片🥔、酸菜，成鍋都係料！係香港開得呢啲，個🌶辣度一定會調整過嘅，所以唔會好辣，而花椒同酸菜味都幾濃，認真唔錯～桂花魚啲肉就片嘅一片片，所以都好入味😋雲南出名野生

禮拜日禮拜後, 走左去九龍城廣場, 曾被稱為死城既場, 去搵野食。本身想食銀咖哩$24淨咖哩飯, 但又想坐得舒服D, 就走左呢間餐廳試試。去到地方好大, 都擺到廿張枱鬆D, 枱與枱都隔得幾開, 呢點做得幾好, 亦係呢間餐廳惟一做得好既地方。入到去俾姐姐叫我坐埋最近廚房果張枱, 但明明成個場都好空。張枱黐立立, 明顯冇洗過, 午市時間, 竟然冇LUNCH個MENU, 要問姐姐先有。Anyway, 叫左個醬烤脆肉清湯米線, 加香芋珍珠奶茶。上菜, 先講下個香芋珍珠奶茶。香芋珍珠奶茶, 珍珠好多粒但冇味, 亦唔Q彈。最大敗筆係珍珠大粒過飲管, 好難啜到, 大力啜又發出好大既怪聲, 食相極差聲音擾民, 我飲緊都覺得唔好意思, 用眼神同隔離食客曬冧。到主菜醬烤脆肉清湯米線。湯底正常, 冇咩味。米線吸收唔到湯味, 稍嫌淋左少少。醬烤脆肉十足豬頸肉,  食落直頭係水煮豬頸肉, 大佬唔係咁下玩我呀。不過肉既份量夠多, 都食得飽。結論, 後悔。埋單$42, 唔算好貴既, 但各樣環境, 服務態度, 食物質素都令我唔會再回頭。