雲風堂

营业中

休息中

九龍城廣場的雲風堂一向性價比高，選擇豐富多樣，仍維持傳統的人手落單懷舊格調，喜歡的人可緬懷一下，但人手短缺上菜會相對慢，趕時間的人要留意，無記錯的話是收現金/八達通。至於今次早餐就選擇雙拼麵餐同扒餐：🍜 雙拼麵餐 (公仔麵（爽麵）+五香肉丁 & 燒豬軟骨) + 即磨咖啡 $36+3 ⭐⭐⭐趕時間的食客可選擇麵餐，上枱會快很多，不過記得叫爽麵，因為這餐廳淥面會偏腍，要爽面的話才會剛剛好。燒豬軟骨口感偏柴，豬軟骨的骨不是軟的，不過肉卻出奇的入味，五香肉丁建議不要點，相比煲湯肉還柴口。即磨咖啡味道正常，但要加3蚊的話會選擇其他飲料。🥪 悉心炮製扒餐 (香煎雞扒配厚多士、腸仔、火腿、炒蛋) + 熱奶茶 $42 ⭐⭐⭐⭐☆悉心炮製扒餐真的悉心炮製，需要等一段時間但真的很值，雞扒煎得很完美，算是考廚師耐性的菜品，皮外皮煎得脆口剛剛好，內裡仍然嫩滑多汁，調味恰到好處，不會過鹹。厚多士金黃酥脆，搭配牛油食用簡單滿足。配菜包括常見的腸仔、火腿與脆邊煎蛋，都很用心煎過。熱奶茶濃郁，茶味與奶香平衡，能接受到無糖奶茶的話建議一試。

星期日去九龍城廣場，雖然個商場空nel nel，無諗過呢間食店咁多人，忙到應接不暇。我叫左個豬潤肉片砂窩上海麵，同枱朋友叫左個無砂窩的單點豬潤肉片米綫，朋友的餐先上，豬潤係用梘水處理過嘅，明顯飽滿彈牙，肉片都係處理過，都係比較軟唸。我果碗豬潤肉片砂窩上海麵遲上，豬潤偏硬，是普通切出來便下熱水焯過熟的豬潤，肉片又是過熟又鞋又硬，兩碗質素截然不同，感覺是沒有預計多人而準備唔切。非常失望。套餐加配特飲，我揀熱曲奇朱古力，這個不錯，不是死甜，係朱古力粉並明顯有oreo 曲奇味，這個不錯。

九龍城廣場適合退休人士漫步，平日人流不多，只有平日中午少部份學生光顧，晚上幾乎無人，而這間餐廳就是表表者，餐牌上的選擇很少，杯子中有頭髮，最熱鬧的是飛來飛去的蚊子。午市米線分量少味精多，而且好碎，加錢要的菜心只有四條，飲品越來越難飲，只有死甜和疑似人造色素。薑蔥醬油雞，望落好似幾好，但一食就係疑似隔夜餸嘅味道。店員一副唔憂做嘅樣，就快退休咁嘅態度，只係識叫人搭檯，但意識唔到根本無客，對面的大快活比佢好，起碼唔會趕客，香港搞成咁，佢哋有一部分責任。

云南菜餐厅，位置系Aeon，朋友聚餐都方便，有大薹可以8-10人一齐坐。招牌菜有烤鱼，汽锅鸡，各式石锅米线，蒸饭等等。属于已经改良过的云南菜，唔是特别辣，都算适合香港人口味。

今日中午1點半左右到達，即點餐，食品剛到來不久，竟然進行清潔🧹，跟著似用水清潔地板，用上原始用具-地拖，弄到成地板很濕，但不用時下馬上吸濕的拖刷，而用吹風機慢慢吹乾，幸好沒有沒跌倒，但用吹風機令到食客不舒服，風力吹到人不舒服，又很噪，當時算是中午客人不少⋯⋯最後吹風機吹到我方向，我終於忠不住出聲我表明會快離開，不要吹我方向，到埋單跟收銀員講聲客人感受，竟然不在乎，再問有沒有單收據又說沒有，我就不會再來食！希望服務員到邊家有相同感受！最後食味一般那會再來給他吹風！

係門口見平平哋30幾一碗米線，以前食過味道都算正正常常，就同屋企人入去醫下肚。大家見到咁嘅價真係唔好期待啲咩。入到去搵左個咬唔正嘅姐姐落單，嗌左4碗米線1個小菜。個姐姐仲“好好心”咁提我哋有2個米線包嘢飲凍飲加$3，我哋心諗嗌咗2碗燒豬軟骨米線 1碗三杯雞涼伴米 1碗排骨鹵米同埋1碟芹菜牛肉，唔通兩個豬軟骨米線送嘢飲？雖然都覺得奇怪，但係冇理由質疑個咁熟餐牌嘅阿姐啫？點知睇返單，唔單只落漏咗個米線，原來個阿姐仲自動自覺將2個米線加咗$8變套餐。有乜理由指住個單點嘅落單，個阿姐自己強制性改咗做套餐會係合理嘅？真係有！只要你黎食呢間嘢就有可能體驗到！我哋即時同個阿姐講返，佢死都唔認。最後一個疑似係老板娘嘅阿姐過黎同我哋理論，唔知佢係覺得煩懶得處理定點，好敷衍咁話取消2杯嘢飲。咁我哋都算啦，始終一開始都冇想嗌嘢飲。🤷到埋單比錢時，嗰個疑似老板娘嘅阿姐仲要用唔忿氣嘅語氣收錢。真係黎受氣受罪。🙄不過間嘢始終好平，$30幾一個米線，唔介意受罪嘅都係一個月尾嘅好選擇嘅。

向九龍城廣場想食早餐，雲風堂可以係你既一個不錯既選擇。雲風堂既鋪面好大，座位好闊落，大圓枱或2人，4人細枱都應有盡有。因為時間比較早，所以我選擇左食經典滋味早餐 - 五香肉丁通粉配多士，炒蛋，朋友就點左燒賣腸粉餐。肉丁通粉正常既味道，通粉唔會過冧，炒蛋好味燒賣腸粉賣相一流，絕對唔馬虎除此之外，雲風堂午餐以及晚餐都好有特色，值得一試

天寒地凍，好想食烤魚，今日點左酸辣烤魚，加多個烏冬同埋津白，兩個人食份量絕對夠飽。點完餐唔夠5分鐘，烏冬同津白已經上枱，烏冬係預先淥過嘅，方便一陣食嘅時候唔使煮咁耐，夠細心👍🏻👍🏻等咗20分鐘烤魚終於上枱，熱辣辣香噴噴，魚肉夠滑，魚皮滑捋捋，話明酸辣烤魚當然有酸菜，酸菜夠辣又酸好好味，而且烤魚仲有好多豆卜喺上邊，其他餐廳豆卜通常都要分開點，但呢度就係包埋嘅，感覺真係好抵食👍🏻👍🏻食哂條魚之後加埋烏冬，啲烏冬朔晒啲湯真係好好味，兩個人食到捧住個肚走，非常滿足

有一天，突然想起要帶小朋友去看看九龍寨城，所以就選了一個週末，舉家去到九龍城一轉。在九龍城一帶，尋食基本上不是什麼難事，但要滿足小朋友，也要滿足素食的太太，亦不想太高消費，就要花點心思了。我們心想舒服一點，就決定行入九龍城廣場，而我們就在地庫的一層，看中了這一間《雲風堂》啱晒我們一家的心意。仔仔看中的，是自選的米線餐。小朋友始終都是喜歡吃自己以前食過的東西，所以他點河粉，原因是味道上包冇錯，而選擇的配料就是手撕雞。河粉，是幼身的湯河類型河粉，口感香滑，粉身亦掛汁。手撕雞好味，湯底看似清清地，但飲落、食落也算濃郁，唔錯。再加上個河粉是熱辣辣的，吃起來更開心。太太點了一客野菌尚素砂鍋米線。當日店方沒有預備素湯底啊，只好來一個更簡單的鹽水湯底。太太說，味道清清淡淡更加之好。這一個素食米線，起碼有五種不同的菇，用料的確是十足。此外，原個砂鍋上，令本身已經熱辣辣的湯米線更加之熱辣辣，非常好。我就點了是日的飯餐，汁燒肉排豆燜飯。這似足港式的煲仔飯，一個餸在飯面，再加上甜豉油就成了。豆燜飯，也許就是那幾粒的青豆加煲仔飯，而那汁燒肉排就細份得很，做唔出一口肉、一口飯的平均份量。肉排方面，很香口，是不錯

下午茶同晚餐性價比非常高，唯一係人多時，可能要等少少時間。下午茶粉麵餐包特色飲品，都係 $32 起。小食都幾好食，鍋貼都唔錯。當然唔係驚為天人，不過絕對對得住幾十蚊。可以一試。坐得舒服，唔洗迫。

超級劣食咁午餐個名叫做醬炆雞豆飯，唔知乜嘢煲仔飯，得壹塊縮水雞扒，飯就成大煲米咁多，青菜又冇條，啲職員十問九唔應，又瘋狂落錯單，落單又好似好唔願意好唔耐煩咁樣。

同仔仔去九龍城廣場，發現有間新開的雲南菜店，店內裝飾都很有中國特色，食物方面也有很多特色小菜，例如香脆酥肉、烤魚。抵食米綫套餐$40/set配菜有很多選擇，大理排骨、醬烤脆肉、雲南酸辣等，最後我揀咗手撕雞，仲加咗麻辣湯底(+$4)，非常惹味😋套餐還奉送特式飲品，抵食！午市套餐亦非常抵食 $45/set點了辣子雞豆爛飯，似煲仔飯咁，少許辣幾香口，一樣奉送特式飲品。另外套餐+$8 /+$10可加小吃，我分別點了香炸錕鈍和炸饅頭😏。估唔到呢度食到香蕉船，而且唔太貴$38，色彩繽紛，孖寶一人一個勁開心❤️。

去朋友家玩，朋友家住在九龍城，玩了一下午遊戲，大家都覺得有些餓了，就一起出去覓食，無意之間走進這家餐廳，去的時間有點晚，沒有最熱門的酸菜魚，我們點了一個四人套餐，價格很實惠米線是小份，味道清淡，還可以可以自己加辣子這個野菇是雞腿菇炸的，味道也很好，我最愛的一道菜冰激凌我很喜歡，飯後甜點，開心

今日同朋友去左食二人餐，最鐘意e 度必有位🤣佢加錢叫嘅奶茶，我飲唔洗加錢嘅茶🤣紅燒牛腩煲，牛腩軟淋，大小岩岩好，底係白蘿蔔，味道唔錯，但係都幾油下手撕雞，意想不到幾好食，好似係前菜但係份量都足夠都係好食，仲好多料可以揀飯/米線/蒸炸饅頭（一人三件）炸饅頭都係好味每人唔洗一百

以前唔得閒煮飯的時候都會過來食距地既套餐，50几蚊一個送一碗飯加茶位的晚餐都算好架啦。今日想食距地個烤魚，就來左。同朋友三個人食一個烤魚感覺五夠，就再點多個二人套餐。講真，158的二人套餐好似無以前甘抵食了，碟芹香爆牛肉，芹菜多過肉，之前食一人餐都唔覺係甘既😓😓😓 不過味道都係保持比較好既水準。另外，今日個老乾媽烤魚有少少失望，唔多夠味，雖然話係我地叫唔好加甘辣，但係連咸味都無的感覺。總體來說，就係飯堂甘咯，唔算貴，又唔難食。