雲龍軒

营业中

休息中

昨夜訂不到座位,只好外賣,今天再試.今天試了午餐,點了二位加菠蘿包,真好吃,二口吃完!燒味味道重了點,蝦餃和點心不錯,我喜歡!蝦仁西蘭花,西蘭花好爽口,蝦也彈.湯超好飲，必試！環境靚又大，服務好，炒麵一般，比較油！菜幾好！一定會再去食！

迪士尼酒店有三間，這是最新一間，中菜廳好大，早餐會提供中式的及西式的套餐。入住每房送兩個早餐，中或西可二選一。本身是中菜廳的雲龍軒，晚市是點菜的，早上變成早餐供應地，亦都提供西式早餐。室內環境好舒適，樓底高，牆上書本畫作值得欣賞，天花掛了一度龍的風箏，大人小朋友都看到目不暇給。大圓枱靠落地玻璃，望出外面的園景怡極了。中式早餐，包括蝦餃、燒賣、鮮蝦炒麵 及雞粥。西式早餐包括牛角包麵包鮮果杯、乳酪、炒蛋／煎蛋......腸仔及煙肉，仲有薯餅及新鮮嫩綠蘆筍，早餐飲品包括咖啡、茶、橙汁、蘋果汁、鮮奶任選一款。

在酒店住宿，所以晚上在酒店餐廳用膳，原本想去晶荷軒，但下午在酒店check in想順便預訂時，已經full booking，但又唔想再食西餐，咁唯有改去雲龍軒，因為聽聞都唔錯。可能疫情關係，坐位距離很充裕，落單時侍應亦很貼心問有冇食物敏感。點了雲龍軒炒飯，五行拚盤，咕嚕炸豆腐，姬松茸雲腿蒸雞。五行拚盤中的鴨舌最好味，鹵水味很清香，平常我少吃鴨舌，都為此多吃幾件。雲龍軒炒飯聽說是招牌菜式，但今天口感有點硬，而且硬到有點乾粉的感覺，唯獨值得讚是帶有鑊氣。姬松茸蒸雞都ok，姬松茸要沾點雞汁才會好吃，否則會有點怪味，汁能減低姬松茸本身的怪味。最不值就是那個咕嚕炸豆腐，豆腐做不到外脆內軟的感覺，上枱時亦不夠熱，有點過氣。整體上還可以，但如果這個價錢，應該要有更好水準才是。

2020.6.20 Sat Dinner 《《《雲龍軒》》》去完迪士尼玩，又熱又攰。去到間靚餐廳，坐得舒舒服服食晚餐真爽☺😋估你唔到咁好食👍👍👍👍👍是日晚餐: 🌿五行滷水拼盤(滷水豆腐，滷水鵝，滷水墨魚，滷水牛小排，滷鴨舌)$338※※每款都好食。連平時唔食鴨舌嘅我都覺得鴨舌整得好正👍🌿石窩茶樹菇爆牛肋肉$238※※非常美味💗。牛肋肉好腍，份量都算多，醬汁好好味。熱石窩上枱，一路keep住熱，但牛肋肉都唔會un😋🌿自家制銀魚醬炒蝦球$288※※Well....一上枱就嗅到超香！蝦又大隻又彈口。好正。自家制醬係頗辣，唔食得辣嘅可以另上。🌿雲龍軒炒飯(lobster,crab meat,crispy conpoy)$288※※讚讚👍平時唔係咁鍾意食炒飯嘅我，都覺得好好味。。飯粒粒粒分明，有蛋汁包，而且仲有龍蝦，蟹肉，鹹蛋黃，料算多。炒得非常好味😋🌿奶皇菠蘿包$58※※又係一個驚喜。包餡係有一粒粒小菠蘿。都好味道😋🍵茶介每位$25價錢雖貴但有質素

Food is delicate and delicious; table spacing atmosphere and staff quality are superb. We have a great time especially the kids who enjoyed the drawing time with the warm and gentle staff at the kids corner.A bit overpriced to my standard but definitely worth repeated visits after this second visit.

一早計劃食完早餐就同米奇老鼠影完相就立即去迪士尼樂園玩，梳洗完就落去雲龍軒食自助早餐，坐低唔夠1分鐘拿拿臨去看下有咩食先，自助早餐嚟講呢度款式真係非常多且質素唔錯中式點心：有春卷，鍋貼， 叉燒酥，豬肉餃，燒賣，蝦餃，炸奶皇包，豬仔叉燒包，蘿蔔糕等等沙律菜，凍盤種類好多熟食：有中式湯麵，蜜汁燒火腿，章魚小丸子，炸雞粒，炒飯，中東咖哩，奄列等等麵包，蛋糕同飲品（橙汁，蘋果汁，菠蘿汁，鮮奶，咖啡）都非常多款式供客人選擇而且味道方面都屬於中上，咁嘅價錢嚟講算唔錯

好耐冇去過迪士尼食飯，今次去佢哋新開嘅explorer 酒店試吓佢哋嘅中餐，呢度午餐係自助餐，夜晚先有小菜食，我哋七點幾嚟到，都唔算好多人，我地點左五小碟，特色炒飯，鹹蛋豆腐牛柳粒，雀巢鴿酥，本身想試佢個咕嚕豆腐，但係賣晒真係可惜，黎到當然要是佢哋最出名嘅甜品拼盤，甜品上面仲有米奇嘅圖案，真係好得意打卡一流，總括而言，食物精緻同質素高，服務態度良好，侍應好有熱誠，環境空曠舒適，枱同枱之間嘅距離闊，有高度私隱，係個好好嘅體驗

呢間係繼我試完「迪迪尼酒店」既翠樂庭餐廳之後，今次就黎同屋企人黎試下「探索家酒店」既雲龍軒自助餐（以中式食物：如點心、港式小菜、粉麵炒飯為主）果然無令我失望！首先，每位價係平過翠樂庭約$80（如以金卡會員計），而且以咁樣既自助午餐價錢，款式選擇算多，有沙律吧、壽司、冷盤（蝦、青口（新鮮）、螺（不過食到有沙）、熟食有羊架、牛仔骨、炒蜆、片皮鴨、燒味、天婦羅、點心、老火湯（個羅漢果西洋菜湯超正！）、中式小炒（咕嚕肉、米奇頭炸魚腐、蔥花清蒸龍躉魚片、辣汁墨魚條、炒飯伊麵等），同埋精緻迪士尼卡通甜品+雪糕（是日款式有香草、開心果同朱古力），飲品有檸檬片、茶、啡、橙汁自由斟，仲要俾食客食到下午3點👍🏻，夠曬皮啦整間餐廳氣氛好好，入座無耐就有音樂開始，喚起食客既注意力，歡迎米奇米妮高飛出場，然後主動邀請小朋友出黎做條人龍一齊跟音樂繞場一周玩下。當然唔少得既環節就係同米奇老友記影下相啦

having dinner with family.. service up to standard, very good. however, the food not up to standard. not fresh enough.. if wanna try delicious Chinese food, suggest to go 晶荷軒located in hk Disney hotel.. strongly not recommend to eat here ..it greatly disappoints u very much

3月黎到迪士尼度假區，梗係試下新落地既迪士尼探索家度假酒店。Book 酒店，順便訂起個雲龍軒餐廳既早餐。其實主要都係為左同米奇米妮影相，同埋必定影到。早上到雲龍軒餐廳食早餐，難免要等入坐，如果唔怕早起，其實係唔洗等既！因為用餐時段係7:30-11:00am。入到雲龍軒，見到一條長長既紙龍，好靚。自助早餐，服務員態度都唔錯，收碟速度都適中。食物種類(中式點心或西式早餐)唔算好多，但是很能照顧不同的口味，有D食物係用米奇個樣做，所以幾開心。美味OK，自助餐重點:熱盤夠熱。小朋友，仲可以用專用既餐具，份外貼心。甜品好精緻，唔食只係睇，都好治癒。

還記等去年入住探索家酒店時，媽媽不巧高燒感冒，慘到要在酒店內買粥吃；這次精神好多了，早上一家人在 雲龍軒 吃頓豐富早餐再出發～ 早一天實在太盡興拍了太多照片，電池來到這朝耗盡，恕未能仔細介紹場內早餐食物；總之是中式點心、西式熱盤、印式美食，還有多款果汁、水果、乳酪、穀物、粉麵，以及小朋友最愛的米奇 waffle、熱香餅及糖果區！ 在這裡吃早餐，除了豐富美食（特別推介種類及品質出眾的點心及水果！），能與迪士尼朋友合照也是一大吸引位。最最最後一點電力，給兩兄妹拍了張開心合照後，一家四口的照片及其後照片要靠手機了！ 吃飽飽，也是時間搭車憑優先劵去快玩樂園了，Gogogo～

今晚要入機場，機場好似無咩食，就入左迪士尼酒店間雲龍軒試下 。2大2細，叫左個雲龍軒炒飯，雲吞雞，同個牛小排。個炒飯賣相超靚，下面有塊乾冰，出到黎真係好似雲上飯噤，但佢加左鹹蛋，我唔太like。個牛小排細細塊好啱小朋友食，唔駛用挍剪剪俾小朋友食。個雲吞雞要讚一讚 個湯好夠味，佢落左肘子，如果怕太鹹可以同佢講，佢分到4碗，跟住啲餸會另外搵隻碟裝起，有雞有菜，送飯唔錯。原本想留肚試下個甜品，但太飽試唔到，下次再黎試下。

一年一度帶大B去迪迪尼慶生，之前去過晒翠樂庭同米奇廚師餐廳，今次搞搞新意，去探索家間雲龍軒。睇到啲comments都有期待嘅。嘩，去到，不得之了，因為走中式路線，想要乜無乜，連魚生都無，所以相都hea影。除咗同翠樂庭一樣米奇佢地會逐枱影相之外，唯一亮點就係任飲(但難飲)。完。同行者一致認為，可blacklisted！#daydaybuffet #3stars #lazymama#日日自助餐 #3粒星 #懶人媽媽

雲龍軒是迪士尼的新餐廳，裝潢本已吸睛，試試菜式是否更有亮點。蟲草花雞絲：近百元一碟的小吃，但份量也未免太少，芝麻醬配蒟蒻，味道還可以，但確實不值。雲吞雞：最受好評的一道菜，湯渣根本可以做一道菜式，雞肉極嫩滑，看湯的色澤就知道味道有多濃厚馥郁，金華火腿也是非一般貨色甜品拼盤：很精緻，看到已覺得好開心，菠蘿包造型太可愛，𥚃面還真的有菠蘿粒。楊枝甘露也是令人會一口喝到底的。芝麻類東西我不太好，但每樣都有特色，很值得試

Me and my family went to this place to have dinner, and we ordered the peaking duck, but after tasting it, it didn't taste fresh at all! It tasted like it was made yesterday. And there was suppose to be more skin and less meat, but it was completely the other way around!And after we ate a few pieces, my mother suddenly had diarrhea and my brother had a liver pain. Although the service was good, the food was not!