震陞雲南美食

营业中

休息中

我愛旅遊，因為可以接觸不同新事物。食，對於我來說，就是味覺的旅遊，嚐味不同。今天相約朋友一起來到葵芳食具香港特色的小廚：沙窩粥，已經不是新名詞了。只是因為天氣凍和好久沒食，所以叫了一窩，粥底可自由配搭食材。有2人及4人份量供選擇。其實份量是偏大的，食粥之外還想食其他的，建議4人選2人份量。今天叫的粥底是：泥蜢+鮮雞。粥底味道很特別，估計廚師是加了其他食材湯做湯底。我認為用清湯加上新鮮的泥蜢和雞煮出來已經足夠鮮甜。可惜採用的是冰鮮雞，泥蜢應該是雪藏的，鮮味欠奉。加上泥蜢的骨混入粥里，食起來要很小心。特別味道的湯底+魚骨，令此粥大大失色。可能下次選擇蝦和蠔仔做粥底會更好，不過，前提是材料必須新鮮。俗語說：英雄莫問出處，我沒有問廚師這屬什麼魚的春。敗筆之處同樣是食材，魚春偏硬，魚春味不夠。煎香後的魚春放入濃湯再煲，反而失去香味，湯偏咸，又帶不出魚春的鮮味，芹蒜雖香但也返魂無術。反而芽菜吸收了魚春及芹蒜煲湯的味道，反串成了主角，吃起來很爽口而且鮮甜可口。想不到 得益者反而是配角芽菜。下次試下單純「香煎羌蔥魚春」可能會更佳。意料之外的是，最簡單的才是最好味的。最難得的是通菜剛好夠熟，不硬又不淋。

一想食凍蟹就即刻唸起呢間隱藏係葵芳內街嘅食肆，今次帶朋友黎食😋依然有讚無彈👍門面各樣以大牌檔黎講都算企理，食物又多選擇，服務質素都好好👍侍應會耐心介紹是日有咩新鮮海鮮~而且上菜速度好快😊睇番d相都流晒口水😝😝😝

兩人宵夜,叫左個冰鎮墨魚片和xx生魚皮,份量方面,都幾充足,大約有20幾條墨魚片.味道方面墨魚片算爽口,但完全無味,沾芥末豉油後,只食豉油味!@@生魚皮雖然分量唔多,但好爽口,配上生蔥絲,好味! 建議多返少少油,令整體口感更豐富.環境方面,就是街邊食檔,無咩要求,朋友間舒服傾計既地方!

原本想去打邊爐，點知間間火鍋店條龍排到街口，天氣咁凍無乜胃口，再周圍睇睇，好彩找到一間近十字路口，雖然嗰間舖細到嘔，但係至吸引嗰隻“賴尿蝦”大到無人有，食到我唔停得口。跟住叫多一碟“蒜蓉蒸扇貝”食咗之後絶不後悔。再加上一煲“啫啫春菜煲”好味到連毛孔都讚好。抵食到連埋單都叫好，盛惠$180，仲唔收加一，你話好唔好‧‧好唔好。

昨晚到了葵芳吃晚飯,地點震陞雲南美食,地方小小,主攻大排檔食物,當晚見到兩三枱客在打邊爐, 大熱天氣下,我就受不了,於是點了小菜, 這兒有很多椒鹽菜式,椒鹽豆腐外層香脆, 內層豆腐很嫩滑, 紅椒和蒜蓉等料頭很香口惹味.還發現這兒有很多菜都是煲仔上的,通菜有蝦乾和蒜子一同炒, 用煲仔上.還有咕嚕雞球,豆醬炆雞,咸魚雞粒炒飯, 到上菜時才發覺竟然點了三款食物都是雞, 難道我熱到傻了？這兒的食物可算抵食夾大件, 每碟的份量與一般食店相比多1.5倍，令我們預算失準，真的吃不完，最後打包了兩盒回家。可能有人打邊爐關係, 冷氣明顯不夠涼, 我們一邊滴汗，一邊吃，只好匆匆吃完便要走。

以前係呢區讀書就勁鐘意食呢間不過以前冇咩錢覺得學生價要23蚊好貴, 媽媽飯錢只有20蚊唔夠錢 所以一個星期最多黎一次以前最鐘意牛展酸辣米線(每天有一個精選雙併米線賣23蚊,仲有台式野飲送)雖然呢間晚市係打邊爐但午市係台式餐廳見到樓下奇怪它係台式飲品, 其實大概七年前呢度係台式餐廳, 震陞接左手只係改左個名裝修咩都冇改過, 所以佢既台式飲品唔奇怪但奇左奇在佢越黎越唔台式, 今天有點失望, 3年沒有來, 地方污漕左, 野食因為沒有了雙併精選米線所以我要左自己最想食既酸辣米線, 得肉碎, 不過都好好味, 今次食好油, 但以前唔覺唔知係自己變左心定佢變左, ha另一失望係胚芽珍珠, 以前次次都飲呢隻, 今日竟然冇珍珠, 改要胚芽奶茶, 都好好味但始終欠0的野雖然好多野都唔同左, 樣樣都差左0的, 但感情分令我下次都想再來

家姐帶我們來這家味道不錯的小菜館吃晚飯。選了.....凍膏蟹 ~ 十分多膏, 正合心意, 再配特製辣椒豉油, 簡直一流潮式咸C蚌 ~ 我很喜愛吃螄蚶, 這款略為醃製過, 更顯出色灼東風螺 ~ 細小的BB螺油鹽水花甲王 ~ 不錯! 沒有砂椒鹽九肚魚 ~ 不夠乾身香口, 椒鹽味亦淡蝦干介蘭煲 ~ 很大煲, 香噴噴呢京都骨 ~ 醬汁酸味不足, 表面看來沒有熱煙上升, 但差點被灼傷舌頭豬頸肉炒公仔麵 ~ 一般還有2支冰凍的啤酒, 將體溫稍為降低一點, 很爽啊!我們留意到隔鄰檯的客人吃火鍋, 湯底很特別, 有蟹、豬骨等材料, 類似什綿鍋,材料豐富特別吸引。可惜店子太細, 冷氣不夠, 可能要到冬天才會來吃這個火鍋呢!因為不設訂位, 以前路過幾次都有很多人等位, 今次亦不例外, 所以要早點去呀!

如果唔係朋友介紹一定唔會識得黎呢度搵食，估唔到呢度鋪頭細細又幾多特式野食．我係講緊打邊爐，所以無影相（我諗睇完相見到個D一pat pat唔知咩都唔會有胃口食飯）由於去到要等位，我地嗌左碟ｃ奄食，平時食個ｄ都係熱既，但係呢度烚完之後再用ｄ泰式酸汁浸住，又夠新鮮，我同朋友都食到唔停得口．我地一行六人坐低叫左個花蟹豬骨煲湯底，大概百幾蚊，入面仲有栗米，蜆，豬肚等配料，都幾大堆頭，D豬骨仲要打橫劈開左，食骨髓個陣唔使驚”辣”親個咀，不過尋晚D蟹就麻麻跟住就order左幾下呢幾樣：手切肥牛 X 2 (正)～～墨魚丸魚皮餃 (正)新鮮肥鵝腸 (勁正)新鮮豬粉腸: 成抽上，淥完先剪開,確保d粉唔會流哂出黎，我都係第一次咁食,又係勁正西洋菜烏冬公仔面可樂 x 3啤酒 x 3盛惠每人都係$110-

葵芳呢條街最後得番呢間未試，今日試埋啦！呢間唔可以叫茶記，因為佢主力係夜晚嘅小菜，日間都有賣茶記嘅食品，但飯餐又配珍珠奶茶嗰類台式飲品，所以我都唔知佢想點！入去坐低，環境真係麻麻，地下又係好污糟，睇吓個餐牌，佢叫好啲，唔係全部賣豬牛雞扒，都有啲另類嘢食，好似麻辣雞湯米線，豬手飯咁，我就叫咗： 五香豬手飯：賣相一般啦，不過味道比想像中好，豬手炆得好稔好入味，入口即化，份量亦唔少，飯嘅汁係滷水汁，味道都幾香濃，唔錯！ 珍珠奶茶：都係一般機整嘅出品，冇乜個性可言，味道一般啦！店就古靈精怪嘞，不過都會再嚟試其他古怪嘢嘅！