影片
平時食開中式素食都打好多獻汁, 我非常討厭, 所以食素多數都會食炒飯, 雜菜煲同齋鹵味算數今次黎呢度食日式素食, 感覺新鮮, 大開眼界今個星期要食素, 男朋友推介我黎呢度食素, 話呢度好食, 所以試下我地差唔多成十點先黎到, 已經冇咩人啦...我地唔知食咩好, 所以要左個二人餐, 另外仲點左個鐵板牛柳二人餐包括: 金菇肥牛卷, 煎餃子, 雜菜煲, 炸天婦羅, 鰻魚炒飯, 甜品同飲品金菇肥牛卷:肥牛味道非常似, 但我唔中意炸左o既金菇, 用返唔炸金菇會好d煎餃子:普通素餃子, 唔太油, 我非常中意雜菜煲:雜菜煲有金菇, 冬菇, 棷菜, 湯o既調味好好, 加d七味粉更加好味炸天婦羅:有茄子, 蕃薯, 南瓜, 同像真度好高o既蟹柳, 唔太油, 炸醬唔厚, 又夠脆鰻魚炒飯:炒飯好乾身, 唔油膩, 鰻魚味非常突出, 味道可以咸多少少更好鐵板牛柳:個樣近睇似午餐肉, 食落勁有牛味, 非常意外埋單太約二百, 而且冇得碌卡, 下次一定要帶現金找數!
继续阅读
尋日和大美人下午兩點相約在青亭素食,因我去過兩次,都識去,著住迷你短裙的大美人去到ok便利店就迷路.於是我走出去搵佢.原來佢地個門牌寫住"素食廚房",地址依舊.職員重話同之前個間一樣,只是個名改左.我睇個餐牌都係以前個嗰.跟餐共35蚊,有個飯+飲品/面豉湯.叫左面豉湯,內有豆腐,海帶--->咸左d再+6蚊有碟蠔油菜,自動走生油,菜心好甜,好味道.除加菜外,加3蚊/6蚊都可以有成另外5,6個小食選擇,例如:餃子,涼拌豆腐,燒海苔豆腐棒等等.材料:青紅椒,西蘭花,菠蘿重有素牛柳(豆腐製品),個汁味道適中,如果再多d汁重好味.咁耐都係幫襯過3次.次次都有食石頭飯,因熱辣辣上來,覺得特別好味.親子丼,有蛋的石頭飯大家都可以試,以前食過好味.
继续阅读
因為我鐘意食齋, 又鐘意食日本野~所以經過見到佢話係齋嘅日本料理, 就入去試下~總計d 野食就真係麻麻地~除左個賣相, 食落真係無咩日本feel ~如果想食齋, 去齋鋪食會更好味~不過d 野都唔算太差~ 而dinner, 用e 個價錢都算多野食~所以鐘意食齋嘅人都可以一試~
继续阅读
我選擇到這間素食店的原因不是我愛吃，而是因為有一友人的至親過身，她說要吃素。而我是不想自己一併獨自吃午飯才跟她去的。由於我公司放午飯時間是相對比較早，故此入到店中，人流較少。本來我心中想的素是平常街上買回家的差燒素等的東西，怎料，我一看，有咖哩豬扒，牛肉，雞肉等等...心想，是否掛羊頭賣狗肉....不過既然誰門，進管它，反正我不吃素也行的。我叫了一客炒鰻魚飯。等了2-3分鐘便有了。我真不敢想像在我面前的是素。我首先嗅到的是啖啖的鰻魚汁，再嗅到炒飯的金香。之後我吃了一口，鰻魚肉跟炒飯的香氣在我齒夾中留著香。我不敢想像自己吃著的是素，更認為此素比真的更好味。鰻魚肉用了豆腐做成...一小塊的切著，給人一個假像。做得很真。真是「真的假不了，假的真不了!!」讚呀..我會再吃的~
继续阅读
我個人本身對素菜印象一般.今次去食係因為朋友佢近排開始食素，所以佢推薦我地總共3個人去試一試．講真，我今次食完之後都未能改變素菜在我心中的印象，但這間素菜料理的食物質素總算較我預期中為好．首先講講我食左ｄ咩，我地３個人叫左一客刺身拼盤，我自己就再叫多一客滑蛋豬扒飯，鰻魚壽司和可樂．味道：刺身拼盤，我比２分．佢有三文魚加有ｄ似吞拿魚的刺身，講真，我覺得其口感尚算合格，但係基本上個味道係好淡，加上我本身唔食日本芥末，所以食起上黎個整體感覺都頗為奇怪．滑蛋豬扒飯，３．５分．佢ｄ豬扒，我食第一口就已經覺得好似午餐肉既味道，以我對素菜既標準黎衡量，佢算幾好味，加上佢本身係用真蛋，所以味道雖然同真豬扒既味道係兩回事，但係係一種頗特別同可以一試既口味，如果加上一些醬油我可能會給４分．鰻魚壽司，３分剛剛合格．可能ｄ”鰻魚”係經過油炸既，所以佢係一碟脆既鰻魚壽司，味道方面不太似真鰻魚，但係佢地都有加少少燒汁係”鰻魚”上面去模仿真鰻魚壽司既味道，整體黎講可以一試．可樂，我給．．．．喔，這個唔駛我來評分吧！環境：像一般茶餐廳，地方不闊不窄，有電視但沒開，沒有特別格調，適合少人的朋友聚會，３分合格．服務：也是像一般茶餐廳，禮貌一般．樓面稍少只有兩個，但當時顧客不多故不影響服務，３分合格．衛生：相對於其他旺區餐廳來說，佢算比較清潔，地下沒有油漬及垃圾，４分．抵食：又係相對於其他旺區餐廳來說，其價錢有一定吸引力，和一般日本料理餐廳稍低，但我本人不知道素菜餐廳的平均價錢，如果以食物味道作評分準則，刺身拼盤要＄５６唔值，滑蛋豬扒飯＄３２不俗，鰻魚壽司＄１２兩件可以，可樂跟餐＄４ ｏｋ，跟餐飲品需散叫但有半價優惠，通常特飲如萍果汁原價＄１２，午市里無而須加一但晚市要，憑其自己餐廳的９５折ｖｉｐ卡，有９５折（癈話），總 括價錢我給３分.
继续阅读