靠得住粥麵小館 (MegaBox)

营业中

休息中

今天（1712.23)下午3：17落豬肚雞鍋加白飯＄119，等到3：59分離開前，催了幾次，都無食物到，女侍應根本無去追，是否做生意呢？really pissed off!! 大家留意這間超過份唔想做生意的食肆!之前惠顧其他分店，都無呢間咁離譜。一分都不值，可惜個系統要填，唔該整個負分選項。

🤩🤩同朋友一齊食下午茶，路過見到靠得住嘅價錢都唔算好貴，就諗住入去試吓，都幾有驚喜😆😆😆😆😆😆我叫咗一個炸醬撈麵，好多肉絲，仲有好多菇✨✨✨✨✨✨✨✨✨非常足料！！！！炸醬麵嘅味道，酸酸甜甜，非常開胃⭐️⭐️炸醬撈麵仲配一個韭黃湯，韭黃湯唔咸，非常好飲😋😋下午茶仲可以配腸粉，腸粉好滑，仲可以自己飲加花生醬同甜醬，鍾意多醬嘅人可以自由加！！！！！！最後仲煲咗杯熱豆漿，熱豆漿豆味濃，又唔會太甜味道適中！

因為看到這間粥麵店是米芝蓮，所以入去試一下😛這個粥麵套睇落不錯。粥嘅賣點係用魚湯作為粥底可以令粥的味道更加鮮美，而且魚湯還含有豐富的營養素，對身體非常有益。佢另外可以加一款小食，哈哈我貪心啲要鹹水糭，因為怕食粥唔夠飽同埋另外啲菜啊，腸粉感覺比較普通。見到鹹水糭都係推介名物之一，所以就試吓啦。個鹹肉糭口感幾好，不過就冇想像中食完曄一聲嘅驚喜🤣🤣正常發揮兩者比較落嚟，我覺得魚湯粥值得試多d。🤤

一直都有食開靠得住，尤其鍾意食佢d糉同粥。今日遲放工，本身同朋友諗住去沙田分店食個快飯。野食靠得住，staff靠唔住！一坐低見佢哋有個QR code 落單，心諗估唔到靠得住而家都有得自助落單，咁就快快手落單。落完單之後諗住double check 點餐記錄，點知再掃個QR code，個system話我地無點餐。諗住搵staff check單，但個個又好忙。咁我地再落單，點知再submit order幾秒後有個staff 送餐過嚟，我地同佢講我地頭先check無落單記錄，所以落多左。個staff 即刻好大反應：吓？！我地話想佢幫我地取消多左ge order , 佢JIP一聲。我地又無心落多，落完一分鐘內發現duplicate左都即刻通知佢地取消。當然最好係搵staff check 左先再落，本身諗住掃QR code 都係check system, 自己都做得唔夠好，但個staff駛唔駛JIP晒，西晒面咁…

嗱！老實講一句啦。今日黎食靠得住，單單睇名已經覺得靠得住啦！靠得住紅油餃子，每一個餃子都鮮美可口。此外，紅油餃子的口感鮮美，以其獨特的辣味和口感，令我一試難忘，成功進入我的最愛列表。作為中國四大發明：粥粉麵飯之一。靠得住的王牌粥品還是令人滿意的。雞肉已經去骨，可放心大大啖食用，雞肉肉質鮮嫩，口感滑爽。吃上如此美味一碗熱騰騰的滑雞粥，入口溫暖、滋味鮮美，加上胡椒粉味道更上一層樓。粥品本身更是綿滑、稠而不黏。王牌當之無愧。隨餐附送的一杯熱豆漿，都令人難忘。豆漿微甜，也很大杯，大滿足！普及一下：豆漿是一種非常健康的飲品，富含蛋白質、脂肪、碳水化合物、維生素等營養成分。有助於補充能量，增強體力，並且有利於消化和排毒。

我和同事一向最喜歡下午茶吃傳統港式湯粉麵，這間連鎖集團的茶餐廳有下午茶套餐，而且可以叫湯粉麵或粥還，可以免費配小食下午茶的款式頗多，有雲吞麵、豬手麵、豬軟骨麵，牛腩麵等，又有生滾粥例如蠔仔粥或牛肉粥，普通的艇仔粥、皮蛋瘦肉粥，粟米雞絲粥。最特別的是這個下午茶餐配特色小食，包括脆卜卜的油炸鬼，銀芽炒麵，混帳腸粉時令菜和蘿蔔糕。今日我叫了牛腩麵，湯底甚濃，牛腩滑溜溜醃得很好，麵質爽口。油菜也算大碟，灼得鮮綠！👍🏻同事叫了豬軟骨湯麵，他覺得很不錯，肥嘟嘟食落成口骨膠原，配埋混帳腸粉，真係飽到不得了

前幾日去拎傢俬，肚仔餓就去搵嘢食，咁就去咗呢間打算食Lunch，叫咗兩個午市套餐，叫咗一個梅菜蒸魚一個雲耳蒸雞，又估唔到都幾好食，雞蒸得夠滑，同埋都醃得好入味，另外蒸魚鯇魚嚟㗎，冇草青味，蒸得啱啱好係好食嘅！另外再嗌咗兩碟小食，一個係白灼腰潤，一個就係伯爵珍珠蠔白灼腰潤係厚切嘅，冇腥味冇蘇味，灼得啱啱好，唔會老咗柴左，所以都好有口感同埋彈牙，值得一食！講到明珍珠蠔就梗係細粒啦，感覺新鮮整體感覺係良好，初初以為係一間普通茶記或者食雲吞麵嘅舖頭，冇特別期待，但係又冇令我失望喎都幾好食，有機會會再黎！

我真係唔會再幫襯呢間餐廳，叫左個粥套餐 - 狀元及第粥 ＋油炸鬼。 $72價錢都係覺得貴，但原本都諗好食就得。叫完仲要等 25分鐘，心諗可以係即刻煮，會好食。等下都無問題。點知一打開就知中伏，成碗都好水。已經不停飲表面的粥水都係見唔到有粥。油炸鬼都好難食，好脆但有陣怪味。

我唔會再幫襯,我坐下第一時間囉壺茶俾我,無講任何嘢,我再手機落單,睇記錄除咗我落單同加一無任何其他收費,但食完埋單,才收我4蚊蘋果紅茶,問收銀,佢話叫員工每次收返才不收費,如果有寫茶介加一,我明,但無,咁生意手法,不敢恭維,大家去幫襯時記得小心任何枱面上既嘢

今天轉一下口味去食麵，我叫了豬軟骨麵。🐷軟骨滑溜溜而且份量多，同事叫了豬手麵，那個豬手很肥美，爽口而不膩。湯底很濃味，麵質爽，和湯底配合得很好。食麵之餘又可以加小食，腸粉很薄，混了不同的醬很好吃。炒麵炒得有鑊氣，我也很喜歡。下午茶種類豐富，有很多麵食例如水餃麵、雲吞麵，又有艇仔粥、粟米雞絲粥，還有生滾粥例如滑牛粥，而且麵和粥均可以配其他食品例如油炸鬼、炒麵、腸粉、蘿蔔糕等。加$8還可以配飲品例如豆漿、薏米水、柑橘蜜等等。冷飲不用加錢。如果不加飲品，每位收$4 茶錢。

夜晚行完Megabox 商場的哈利波特展覽，原本想食IKEA的，但沒想到8點還要排十多人，所以就搵其他野食。最後揀左好耐無食的靠得住。地點就在溜冰個層，太興的隔離。不用等位，就能直接入內。一看餐牌，見到只有套餐，一碗粥和小食都要$65起。感覺不太划算，所以決定只叫一個豬膶魚腩粥加銀芽炒麵，之後再去找IKEA 小食醫肚。Order的時候跟店員講希望豬潤煮得比較熟一些。最後都有做到，粥底好綿，料都算多，魚腩不是烚煮個款，而係煎香咗，油香滲曬出黎，令成碗粥更好味。套餐跟的銀芽炒麵，炒得入味，但略嫌有點油，份量不多，但以小食來說就合理。最後埋單要86元。原來要收加一和茶錢，茶位另收每位4元。我和朋友當然唔飽啦，之後就轉去ikea再食一些小食。

星期六日食太飽，星期一返工就想食清淡啲，清下腸胃。九龍灣工商區好似得一間粥鋪，去到排兩個位。外面貼左靠得住既米芝連推介紀錄，令人對佢期望高左。午市有套餐，不過全部都係客飯，粥餐同平時一樣。整體唔錯，乾淨企理上菜快，但離米芝連就好似有返少少距離。蘋果紅茶：有蘋果香味。一坐低就有呢壺茶，餐牌有其他茶，但侍應話只有呢款⋯唔問都唔講聲。去骨雞粥：雞既份量好多，粥都夠綿。可惜雞油同粥係分開，只係雞+粥，自己再撈一撈會好啲。雖然係去骨雞，其實都有少少骨，食既時候要注意。雲吞撈麵：招牌雲吞，多蝦多肉，肉似肉碎而唔係肉膠，比較特別既口感。撈面乾爽。湯就太咸⋯幾鮮味都飲唔落腸粉：醬料自己落，想食幾多都得。腸粉質素正常，比較黏，冇層次分明既感覺。

出外用膳我好注重衛生同舒適度，因為我好耐未食過油炸鬼，所以今日特別想去粥鋪食嘢。餐牌有好多套餐選擇，可以自由配搭，其實我好多嘢都好想食⋯⋯每枱都會提供一壺蘋果紅茶（每位$4），茶味幾清新，好配合食熱辣辣嘅粥品。我今日叫咗荔灣艇仔粥拼炸油條套餐（$58），油炸鬼好香脆，完全唔肥膩。艇仔粥有好多配料，食到大半碗已經覺得好飽。但係我屋企人口痕，想叫多一客紅油水餃（$22），因為我怕辣，餐廳可以安排汁另上，好貼心。呢間餐廳座位好寬敞，環境乾淨，所以如果下次食粥麵，我都會考慮再嚟呢度。

今日唔知食咩好，到MegaBox下午茶，忽然間好想食粥，咁我就試吓呢一間啦，下午茶都抵食嘅另外仲可以配腸粉或者炒麵，油菜或者油條，我揀咗腸粉同埋魚片碎牛粥，朋友另外叫咗個午餐椒刴豆腐魚腩菜飯，粥同埋啲餸菜都好夠熱，而且都好好味，下午茶份量都算多，好快就黎到，個魚腩亦都唔會好辣，下次會再嚟

天氣凍，好想食碗暖笠笠嘅粥 ，雖然叫外賣，但係嚟到屋企仍然係非常熱辣辣， 好夠火候。 靠得住呢個米芝蓮店出名做粥，個粥底就真係一流嘅。絕對唔會係水汪汪 ， 粥有口感，夠綿。 我 好鍾意食佢嘅 粥底，有鮮味。 花生都好多。網上平台叫外賣，荔灣艇仔粥再加個鹹肉粽總共係九十一元連運費。 可惜艇仔粥材料唔足夠。 材料好少。魚片淨係一片完整，其他都是1/3隻指甲咁大的 魚片碎。 魚片碎到咁，仲有兩條多骨。V字骨，仲卡到喉嚨。粥的材料份量比起以前食開嘅少。覺得有啲失望，質素開始下降。 希望有改善。