靠得住粥麵小館 (MegaBox)

营业中

休息中

星期六日食太饱，星期一返工就想食清淡啲，清下肠胃。九龙湾工商区好似得一间粥铺，去到排两个位。外面贴左靠得住既米芝连推介纪录，令人对佢期望高左。午市有套餐，不过全部都系客饭，粥餐同平时一样。整体唔错，干净企理上菜快，但离米芝连就好似有返少少距离。苹果红茶：有苹果香味。一坐低就有呢壶茶，餐牌有其他茶，但侍应话只有呢款⋯唔问都唔讲声。去骨鸡粥：鸡既份量好多，粥都够绵。可惜鸡油同粥系分开，只系鸡+粥，自己再捞一捞会好啲。虽然系去骨鸡，其实都有少少骨，食既时候要注意。云吞捞面：招牌云吞，多虾多肉，肉似肉碎而唔系肉胶，比较特别既口感。捞面干爽。汤就太咸⋯几鲜味都饮唔落肠粉：酱料自己落，想食几多都得。肠粉质素正常，比较黏，冇层次分明既感觉。