靠得住粥麵小館 (黃大仙中心北館)

营业中

休息中

一家人都有幾聲咳，喉嚨痛，選擇去粥舖食晚飯，黃大仙中心北館有間美芝蓮星級粥麵小館 。排隊等三分鐘左右就有服務員帶位， 隨即開茶。 $3/位茶，蘋果綠茶得一包茶包， 泡一轉水已經 沒有味。揀咗個蝦球雞粥， 三大隻爽口蝦球，三件 雞肉帶碎骨。混醬腸粉，甜醬花生醬自己加，不時食開配甜 豉油 ， 但這間舖頭的豉油好咸，腸粉米香軟滑入口， 但得個幾條就好貴。韭菜蠔仔煎蛋，賣相唔靚，煎到黑曬， 蠔仔帶腥味，但肥美，用料都足。跟餐碗白飯，催咗三次，等成十五分鐘都未到，好勞氣， 你推我，我推你。服務態度要改， 叫阿姐跟單，成日放空。

嘩.....完全靠唔住呀!!!!!😖首先食物質素一般過一般。頂多大排檔或街邊茶記水準。冇可能米芝連推介。😩第二，伙記招呼完全靠唔住。落錯單、冇招呼、唻錯餸、斟杯水都要等十五、廿分鐘先有人理、又埋錯單、圍埋傾計都唔理客人。🤬第三，唔知之前係咪搞錯咗D單，過唻問同一個問題都問咗我四次，係咪食另一張單的東西。問到我連自己坐幾多號枱，到而家重記得。最後要講，唔知咩原因啦，可能之前D單搞錯咗，佢哋竟然要求我pat cash埋單⋯⋯你哋話點解啦⋯⋯😡

冇乜特別亮眼嘅菜式，食物質素同一般港式餐廳無異，但價錢就差一大折，係貴過合價錢好多。環境方面又唔係話特別好，算有正常商場餐廳水準，除左間唔時有未收拾好嘅枱外，尚算合格。侍應質素就好唔掂，態度差，座位安排混亂，目測員工都有唔少，但多數行行企企，有客人叫到又回應得十分唔情願，對餐廳印象大打折扣。

位於黃大仙中心北館的分店，多番錯漏，等了50分鐘才取得外賣。本人於2019年9月11日8:19分於黃大仙中心北館靠得住，叫了兩個餐，一個是肉丸魚腩粥拼咸肉粽 ，另一個是雲吞撈麵加銀芽炒麵。收銀問咸肉粽要否拆開包葉，我說要。於8:19下單完成。至8:25分收銀告知沒有魚腩，我說改做豬潤，收銀職員回答沒問題。奈何等到8:50pm，即等了30分鐘還未見出餐，再問收銀，表示會幫我跟進。再等多9分鐘，約8:59pm時，收銀才告知廚房不知道魚腩己改為豬潤，因魚腩賣光，而一直，我質疑一早已說改為豬潤，收銀回答經理沒有作更改。及至9:06pm，我才成功取餐。但我取得的是還沒有拆開的咸肉粽。我亦質疑於收銀機打單明明有拆開的字眼，但廚房並沒有妥善跟進。 是次購餐經驗極差，勸喻想食得清淡些健康些的顧客，可以有其他選擇，不用面對這餐廳怠慢的態度。

今天剛在黃大仙龍翔中心，突然好想食粥，就去了連續數年米芝連推介食店（靠得住），坐下來叫了鮮味雞粥，靠得住咸肉粽，蠔油冬菇。1.鮮味雞粥⭐️⭐️⭐️⭐️粥底好錦滑，雞肉剛剛好熟，鮮甜美味。2.靠得住咸肉粽⭐️⭐️⭐️⭐️餡料非常豐富,咸蛋黃香，豬油剛好不會太油膩，美味非常。3.蠔油冬菇⭐️⭐️⭐️⭐️冬菇好入味，好鮮甜。連續數年米芝連推介是有道理的，雖然價格偏貴，但是值得去嘗試。回味指數⭐️⭐️⭐️⭐️

今日食左靠得住嘅晚市，有左幾個小菜，味道都唔錯。第一個係芽菜水晶雞，有d韌，今日有d失左水準，同埋靠得住只有薑容提供，無蔥油，有d食唔慣。第二個係銀魚仔蒸肉餅，味道唔錯，不過細份左d，送飯一流！第三個係「撥」酒焗生蠔，呢個比起大排檔都有d輸蝕，無紅蔥頭，洋蔥都唔太淋淋，不過d蠔幾大隻，算係中上水平啦。另外，小菜可以跟飯或者粥，粥係魚粥，都幾大碗，同入味，不妨一試！整體黎講，算係性價比幾高嘅餐廳，會keeP住食。

入店舖環境闊落👍👍👍座位寬闊👍👍👍，食過幾次早餐，食物不錯👍👍👍埸牛腩好味👍👍👍有用心👍👍，再次光顧食午餐食物味道濃烈偏鹹👎👎，不是新鮮食物，菜很老好吾掂👎👎👎價錢貴收茶位仲要收加一服務費，職員態度冷淡十問九唔啋👎👎👎表面看來餐具很乾淨，我遇到飲品杯邊有唇膏印👎👎👎，碗內好像沒有洗碗一樣，很多食物殘渣黐住碗內 👎👎👎，吃得真不快...小心中招👎👎👎

因為同朋友食飯特別多嘢講，所以中意係有茶飲嘅地方飯聚，可以在傾到聲沙力竭的時候可以補充下水分。這間餐廳就有蘋果茶飲，環境舒適都幾好坐。已經來過好幾次，多數都是食午餐。我的2大精選菜式（每次都係2揀一，唔需要多唸）【心肝寶貝粥】：第一次食真係好驚喜，因為第一次食到咁綿滑，鮮甜嘅粥，鮮甜嘅秘訣就係用幾種鮮魚煮成湯之後再混入米飯熬煮4小時。配料有豬潤同帶子，帶子真係好鮮嫩，豬潤都好香滑。食完之後口頰留香，讓我對它念念不忘。其後都有同朋友、屋企人去食過好幾次。真係值得一試再試！【香酥排骨菜飯】：只限午市套餐，同大家樂的排骨菜飯唔同，這裡的排骨係炸到金黃，口感酥脆，還會配酸蘿蔔，食一口炸排骨，再食個酸蘿蔔，可解膩。味道尚可，不過不失。

今朝一早起身去黃大仙拜神🙏🏻天公作美🌤好在冇落雨，拜完神食返個午餐先...最近醫肚嘅地方當然係黃大仙中心，行上二樓見到有間叫靠得住個名嘅鋪頭，心諗應該伏極有限一於入去試下🤣🤣🤣午市套餐👀精選套餐👀招牌淨雲吞 - 賣相吸引有六粒雲吞再加埋韭黃，咬落去🦐鮮蝦味濃豬肉新鮮，要講下個湯底先...飲得出係用大地魚、豬骨、蝦籽等等材料熬出來的，不是味精湯😋😋😋好美水晶雞 - 隻🐔老左少少同太多油香酥排骨 - 味道冇咩特別菜飯🍚下次再來嘅時候都會選擇雲吞麵🥢😋

成日去某間飲西茶，竟然忽略了對面呢間靠得住呢日肚小小唔舒服，同朋友話想吃粥，於是佢就介紹咗呢間早晨推介，粥連炒麵都只是30蚊，無需加一，魚片粥D魚肉鲜甜，粥也好綿及好甜，油炸鬼好大一條，熱辣辣，好吃。下次一定會再來。

呢間所謂米豬蓮的分店食過佢個炒飯，是但搵間餐廳都炒得好食過佢平平冇奇但就收勁貴！出面可能3-40蚊就有一碟既炒飯會賣成70幾蚊仲要加一新年期間仲要加二⋯⋯但佢有名銜加持新年都係排晒長龍既但就唔駛預我了～

在黃大仙北館找地方吃午餐，其他食肆都有人排隊，呢間唔駛排，諗住隨便吃些東西便進入光顧，剛坐下不到三分鐘正在看餐牌考慮吃甚麼，便被侍應三次問是否可以落單，很有壓迫感。我們點了皮疍瘦肉粥配炒麵和鯪魚球粥配炸油條，當第一碗粥來的時候，問侍應這是甚麼粥，她求其放低表示唔知，只好自行解決。皮蛋粥和炒麵沒有甚麼特別。鯪魚球粥的鯪魚球就明顯比其他粥店少，而且不是鯪魚球，而是細細片似街頭生菜魚肉湯那種size。最差的是那條油炸鬼，用筷子一夾，發現件油炸鬼就像索了油的海棉，感覺不太好，結果不吃也罷！原來這條被放棄的油炸鬼價值書$18！兩個人吃這樣水準的午餐要花成一百三十多元，兩個字：「唔值」。枉稱米芝連推介！

#靠得住食碗蝦球雞粥加隻糭要八十幾蚊，不過又真係幾好食喎！碗粥係食得出有甜味🤤 未食過咁鮮甜嘅粥！蝦同雞都好新鮮！仲要啲雞係唔會得骨無肉👍🏻 唔怪得之係連續七年米芝連😆#yeungs528 #eatwell #eatwithahdor #latelunch #congee #hkfoodstagram #foodlover #hkfoodhunter #loveeating #foodstagram #foodhunter #localeats

今日同屋企人 去咗靠得住食 之前食咗第一次覺得唔錯所以就想再嚟食混醬腸粉， 腸粉有啲唔抵食，因為好似一個餐跟住要加$20幾，同埋腸粉有啲乾，醬唔夠多，同埋都見到仲有部分腸粉都係白色 炸菜片木耳蒸海黃花黃花魚好食唔腥，都算大條，不過黃花魚多碎骨，同埋啲肉有啲碎，所以大家食嘅時候要小心啲 荔灣艇仔粥配菜心 啲粥好綿，夠杰，夠飽肚，分量都算多 叫咗兩碗粥，一個係配鹹肉粽，一個係配菜心菜心好林，好啱老人家食，冇乜特別鹹肉粽都算大隻，都同出面果d差唔多

星期日去咗附近嘅靠得住食 因為聽講佢啲粥好似幾好味 我哋七點鐘去到唔算多人唔需要等位 但食完之後都八點半九點左右但都係仲有吉枱我哋叫咗一條魚 一碗粥 仲有一個砂鍋雲吞雞炸菜片木耳蒸海黃花， 其實條魚都幾抵嘅因為係原條蒸啦 仲有可以配一個飯 所以食魚嘅人會幾適合 不過黃花魚多碎骨所以要小心砂鍋雲吞雞 隻雞好滑 湯底好夠味 不過有少少油 蛋雲吞唔算多 好似得四粒新鮮魚片粥， 粥好綿但材料嘅份量唔算多 粥嘅份量就好多 魚片唔腥同埋唔韌仲好厚