靠得住粥麵小館 (黃大仙中心北館)

营业中

休息中

前排唔舒服，所以就死死地氣去屋企最近嘅宜間買粥食。望到餐牌個價真係嚇親，但屋企附近已經冇買粥嘅鋪頭，所以就試一試佢係咪真係有米之蓮講到咁好食。結果係失望，唔知係咪分店問題，我覺得真係好普通...

位於香港黃大仙商業廣場二樓的一家餐飲店，看海報宣傳說是米其林推薦餐廳。和媽媽兩個人中午逛完黃大仙後在這裡吃午餐，不得不說香港人幾點吃飯的都有。看了菜單點了皮蛋瘦肉粥，蝦仔雲吞面，還有涼拌豬耳，因為怕吃不慣所以點餐比較保守，上菜後一嘗感覺還不錯，說不上驚艷算是中規中矩吧，喜歡粥類把大米熬爛的口感，分享給大家。

今天行山由黃大仙起步，就約友人在黃大仙站先約過午餐，落了巴士行入商場就看到靠得住，未試過就試試啦。食品選擇多，粉麵粥飯腸粉等也有，我點了一個木桶獅子頭菜飯餐$49，包一杯飲品，想不到飲品選擇也頗多元化而且感覺健康，有甘庶汁，豆漿，柑桔蜂蜜，薏米水等，令我的選擇困難症又發作了，最後點了豆漿。很久沒吃獅子頭了，上的時候不是木桶🤔，味道一般，沒驚喜，裡面好像夾雜了一粒粒的午餐肉，已找不回以前在上海舖吃的味道。朋友點了鮮味雞粥，加一碟芥蘭共$58，也沒什麼驚喜。各樣總算平均，不過不失。

唔知有幾多人會揀食粥做節呢？平時間中都有黎呢間食，除左粥仲有好多選擇，而且坐得舒服。自己最鐘意就皮蛋瘦肉粥，份量適中，好足料。媽咪就成日讚佢D豬潤整得好滑蝦球雞粥粥底好香雞味每次必加既混醬腸粉炸雲吞冇咩特別第一次食呢度既鹹肉糉，唔錯，又足料

仲夠膽叫自己做靠得住，無論食物質素，夥計的服務態度，都係完全靠唔住，坐低喺餐廳等左10分鐘，都冇人理你，叫極佢哋落單，每一個都話等等但係之後又走咗，仲要係餐廳都冇一半人坐喺度，所謂招牌雲吞麵，難食到冇朋友，芽菜水晶雞一啲味都冇，唔知想點！咁樣嘅食物質素同侍應嘅服務態度仲要收加一，不如改名叫靠唔住會啱啲！唔知係呢間分店問題，定係咩，我看見其他分店很多好評，係真的假的？！老實講本人一定唔會再幫襯！成$80食啲咁嘅嘢！

昨天中午去了這間中式餐廳吃飯環境頗舒適，價錢有點點貴叫了兩個午餐一個是心肝寶貝粥，即是帶子和豬潤豬潤沒那種臭味，爽口，帶子鮮點，發現和餐牌的圖案數量相同，哈哈！食到最後愈來愈水，可能搞得太多啦配了銀芽炒面，少許太咸，麵質爽的，👍🏽友人叫了這個麻婆豆腐飯，麻而不🌶，豆腐有點像百福豆腐的質感，就是挺滑啦，菜飯有點油但很香菜味👍🏽加了熱豆漿，有點太甜。埋單$151.8對於平民的我來說，這間算是貴價的中式餐飲🤔🤔會再去但不會太頻密了.

環境店鋪有不少卡位，我和媽咪星期六下午去，被安排坐四人卡位，所以坐得好舒服。一點左右都有人在餐廳外排隊。 料理1）蠔仔粥 ($40) 評分：9/10蠔仔粥差不多有十隻蠔仔，比想像中多和大。蠔仔不是瘦巴巴的類型，而是肥嘟嘟的，吃下去鮮味很足。粥是帶來驚喜的部分，因為粥也很有蠔仔味，很鮮甜。平時在其他餐廳吃蠔仔湯飯差很遠，平時的湯飯都是沒有蠔味的，所以個人認為這個蠔仔粥頗出色！ 不過，可能是因為新鮮煲的關係，我們等了蠔仔粥10-15分鐘。2）小食：冬菇 (+$15) 評分：8.5/10粥可以加小食。只有三隻冬菇，不過冬菇幾大隻，而且很有冬菇味，咬下去硬度適中。3）水晶雞飯 ($60) 評分：7.5/10水晶雞飯的器皿很特別。雞比想像中多，很有雞味，但肉質較實，不滑。菜飯幾好食，頗香。個人認為水晶雞飯的份量對女孩子來說是足夠，剛剛好。4）薏米水 (跟水晶飯）評分：8.5/10薏米水帶有薑味。看到入面有雪梨，可能因為雪梨，所以薏米水算甜。 服務服務普通。我向服務員表示想拎多隻匙更，但他忘記了，最後我都自己去拎。

激發我小宇宙黎寫食評嘅餐廳。終於有時間寫喇，2個幾月前嘅事，去左呢間靠得住食午餐！本來都無諗住寫食評，但係食唔飽又點靠得住呢！男人點了排骨菜飯午餐，一黎到見到碗飯都覺得呢餐一定唔夠飽，事關個飯碗同杯豆漿一樣大？定細過杯豆漿？仲要排骨炸到乾哂水，成塊紙皮咁，根本食唔到，最後飯又唔夠，排骨又食唔到，咁點會夠？其實可能有d餐廳午餐會平d黎吸引食客，話哂有埋野飲48蚊係唔算貴，但食唔飽嘅話真係寧願唔包野飲⋯⋯反正已經有一定要付費嘅蘋果茶

每天都食西式早餐，通粉麵包食到厭，今日就去食過中式早餐。這裡價錢平宜27蚊就有早餐，加多5蚊就有飲品。一個粥，一碟麵，一杯薏米水，32蚊有交易。最重要係坐位寬闊，唔多人，坐得舒服。叫左個碎牛粥抄麵套餐，粥裡面有生菜絲，粥底算綿，但碎牛太少，傳統味道尚可。至於抄麵，銀芽不多，麵就不算油膩，味道都可以。這兩個都算合格。但是，薏米水，要扣分啦，因為薏米有點硬，係呢個餐敗筆之作，應該要改良一下了。腸粉都唔錯，混醬任客人自己落，如果想要芝麻，落單同佢講就有啦。食腸粉，醬汁好重要，自己落就最好啦。今日嘆個舒適悠然早餐，relax下香港人。

行街行到餓餓地，見到佢話係米芝蓮甘西利，孤陋寡聞嘅我同朋友就決定行入去食晚餐啦😌😌😌跟住就為左一個甘正確既選擇而有個愉快既晚上。😂😂😂其實真係無伙計理你，但佢係茶餐廳😌唔緊要，姐識得自己行入去隨便坐。呢間茶餐廳（係既，佢叫粥麵小館，但好明顯係茶餐廳feel 同格局🤷🏻‍♀️), 我地由杯茶開始驚喜，佢唔係普洱，係花茶又特別wo。其實同伙計既對話都有少少搞笑，佢話跟餐可以揀粥或者飯，跟住問我地想要咩粥。其實我地係唔知有咩粥可以揀，又唸住清清地，就叫左白粥。伙計話跟餐送個陣，其實無咩期望。因為我地只係叫白粥，你點會對白粥有期待呢？事實證明，真係太天真了。食第一啖個陣甘有鮮味既。原來白粥係魚湯底整成所以話，無知令人喜出望外。

今晚在黃大仙食靠得住粥麪小館，晚餐時段店內坐滿9成客人。今次係我第二次食靠得住。上一次是在葵芳午飯時段食粥，今晚就試下豬手撈麵。重點想讚一讚豬手，豬手三件好大舊，豬皮的毛處理得好好，不會見到有毛。豬手燜得好入味又夠腍身，咬入口時好黏唇，覺得食左好多骨膠原，皮膚即時覺得有彈性左。另外幼麵份量好多，麵條好爽口，最怕把麵烚得太腍，這份面少少硬身好啱我口味。另配有三粒炸雲吞，雲吞皮炸得香脆，香口但溫度不夠熱， 豬肉餡比較少，但味道是好吃的。食完豬手和炸雲吞想飲杯清茶，我加了三蚊要熱蘋果紅茶，是茶包來的，紅茶不甜，入口微微果酸酸，有陣陣蘋果香，正好化解豬手的肥膩感覺。

昨晚第二次去食，因為之前食過感覺良好，所以再幫襯，但今次比一條串串貢侍應搞到唔會再幫襯。話說食返上次既魚湯浸魚，係用一個玻璃盤上，佢地用一個架撑住個玻璃盤，架入面有2粒爉燭仔，其中一粒無火，就叫個長髮帶眼鏡中年女人侍應點返個火，佢用火槍點左一輪都唔得，搞左一陣終於 ok，哈，可能唔gur 我地比野佢做，點完木無表情兼語氣帶點不肖話：其實依個都只係裝飾黎架即，條魚本身係熟既！嘩嘩嘩，鬼唔知條魚熟？如果係裝飾咪鬼放係度啦，好明顯啲火係為左keep 住條魚熱，做少少野咁串，仲夠膽收加一，咁就乜都唔洗做喇。另外建議你地去依間食，唔好搵一件長頭髮帶眼鏡既中年女性侍應做野，佢會串到你感覺貼錢買難受的

事先聲明，我在openrice寫了200多篇食評，大部分都是讚好的……然而，今天卻是例外。 這頓飯，我一邊吃，一邊在思量，是不是因為掛著｢米芝蓮｣的名銜，所以我對靠得住的期望，因而增高，結果，失望也因而增大。 我和Honey叫了兩set午市套餐。 Honey叫了牛腩麵，配口水雞。 牛腩麵，無論麵質、湯頭、牛腩，與坊間一般粉麵鋪無異，但，價錢卻是多一倍！ 而口水雞，凍冰冰的，無甚味道，也不好吃。 我叫了豬潤魚腩粥，豬潤和魚腩不錯，煮得剛剛熟，也很滑。 但是魚粥就不好了，廣東粥底，應該是軟綿綿的，但這碗魚粥，水稀稀的。 我叫了麻辣豬耳絲，這個簡直不行！鹹到不得了！我整個下午都口渴到不得了！ 另外又散叫了兩款食品：鹹魚蓉牙菜，這個不過不失。散叫一杯豆漿，$16，既無特別，又用一般奶茶杯上，分量太少！真不值！總括而言，掛著米芝蓮的名字，收費也不便宜！吃這樣的質素的食品，實在非常失望！

今次係外賣自取，打電話落去叫左下午茶雲吞麵、豬軟骨麵配腸粉走辣醬。之後叫工人落去攞，上到黎見到張單$95，眼都突埋。打返落去講我係叫下午茶，聽電話果個人先同我講原來星期六日係冇下午茶既。咁點解落單既時候唔同我講冇呢？我都算啦，唔叫都叫左。到左食腸粉發現冇走辣醬，我又再打落去要求換個冇辣醬既，點知聽電話果個發威啦，話我冇講走辣醬，同埋冇錢就唔好學人食，想食平價下午茶就等星期一至五！仲同我講：係呀你可以點啫？！你都攞走左，係咁架啦！what??? 激到我一肚火，飽晒！聽電話果個係操大陸口音既男仔

星期日多數都係陪屋企人食飯，而中午靠得住就係必不可少嘅食店選擇。平時都食開粥呀水晶雞同炸排骨多。今次就想試下食咸魚蒸肉餅菜飯套餐。蒸肉餅上菜時間真係有點慢，家人都食左一半先來到。蒸肉餅的賣相其實不俗。睇落去好似好咸咁，其實不然。肉餅本身的味道好淡。肉餅多汁同嫩滑，不過由於本人比較好偏瘦的肉餅，所以這款多汁又有少少肥豬肉（其實係正常）本人就耍曬手啦。本身肉餅偏淡味，此時加埋馬友咸魚嘅配搭真係一流。味道濃度適中。👍🏻👍🏻👍🏻不過馬友有點太軟身，無左咸魚嘅咬口，呢度有點失望。仲有一點要講嘅，由於蒸到岩岩熟，底部都仲會見到粉粉地，所以先保持到肉餅嘅嫩滑度。不過本人就鐘意食再熟少少嘅肉餅多點。呢款肉餅整體而言唔太岩本人口味，所以唔會再點啦。