麵之神車仔麵

营业中

休息中

今日19：30電話叫外賣，19：45去到，店員竟然話無落到單，咁算，我唯有即場叫，等左20分鐘，攞到返屋企，叫4碗麵，比得兩對筷子，仲要錯湯底，叫左豬骨湯(理應係奶白色既)，比錯左雞湯，完全唔係果樣野。。。另外，叫哂4碗有芫荽蔥，有一碗無比到，已經唔係叫一碗有一碗無，咁都漏得。。。電話叫果下店員已經有覆單，但竟然去到無落到，已經好差；點知最後都係比錯野，好差既體驗。食物正常，不過不失。但服務同品質唔得，好失望

好耐冇食車仔麵，今日叫咗個外賣，因為唔想揀，就揀咗個招牌大雜麵，有紅腸、大豆卜、牛腩、豬皮、魚蛋、魷魚，ok啦，都係呢啲，比較驚喜嘅係佢有個盒裝住隻蛋，我大大力卜佢，但原來係溫泉蛋，好在無爛晒😅😂 另外佢有分湯，都幾好。麵底可以揀油麵、淮山麵，亦可揀菜底，唔太餓嘅話，我覺得揀菜底都唔錯，難得佢有呢個選擇。亦可揀辣度，我揀左小辣，不過下次可以試下佢個中辣。車仔麵都係揀返自己鍾意食嘅餸比較開心，懶得揀嘅，可以揀佢嘅大雜麵，佢仲有兩個多啲餸嘅選擇，啱晒懶人一族😁

為了這碗面來元朗🍜料好足，近十種配菜，好吃不貴！下午去都座無虛席！港式車仔面和日式拉麵結合會是什麼味道？🤔️朋友帶我來元朗吃這家他私藏的小店！不得不說味道太正了！！！🇯🇵鰹魚雞湯熬制的湯底，清澈鮮美，除了經典的油面還有特製的淮山面，真是又糯又香，很有嚼勁！配料是我見過蕞豐富的了，鮑魚/豬軟骨/牛肋條/海草/蟹肉棒/油揚/豚肉/蘿蔔/魷魚/溫泉蛋，不下十種配菜，多到滿出來😂還可以自己加，配菜10r起，難以相信這是2024香港的物價，實在太感人了！口味也很地道，一碗面港式日式結合，太特別啦，吃完一碗還想吃🔥除了招牌🍜小食也很驚喜🤩珍寶吉利蠔炸的外脆里嫩，蘸醬竟是黑松露做的，一口爆汁的口感絕了！芝士春捲我也是頭一回吃，芝士炸過之後太香啦，面餐還可以加點飲料，人均60r的性價比真的太香啦❗️

今日又喺元朗覓食，下午茶時間果然周圍都比較容易搵位今日心思思又想食個車仔麵配菜底行吓行吓，唔打唔撞就入咗嚟呢間餐廳啦睇到佢哋嘅叫餸紙，車仔餸款式都幾多除咗基本款嘅餸，仲有啲比較特別啲嘅，例如：日式鮑魚、鮑汁花膠、清酒煮蜆就如標題所講，呢間絕對係值得一試嘅車仔麵佢有好多唔同嘅款式已經幫你配搭好，啱晒有選擇困難症嘅朋友仔我今次就叫咗佢哋嘅招牌大雜麵圖文相符，餸菜好入味但係略嫌魚蛋煮得好似耐咗少少魚蛋豬皮紅腸牛肋條魷魚油揚…溫泉蛋有少少驚喜，不過我唔小心夾爆咗$68絕對對得住個價錢喎過開嚟嘅朋友仔可以一試

#乜乜飲食日記 🔺高質大推 🔺1個飯堂 🔺湯底正唔想出街叫外賣，食到超高質車仔麵！！大癲！🍊🍊麵之神鰹魚湯底車仔麵 $120.5 (網上外賣平台滿$120有75折、 仲用到Payme減-$10）》湯底～真係好好味！鰹魚湯頭好甜！好好飲，加埋沙嗲汁不得了😍》日式磯煮飽魚 $26 — 必食！鮑魚甜甜地！軟硬適中，好入味，$26仲有75折超抵食～》清酒煮蜆 $26 — 一碗起碼十幾隻，仲要唔係BB大小，折後唔洗$20好抵》日本豚肉 $18 — 好耐無食過咁好味嘅豚肉，好軟身入味，感覺係新鮮豬肉整，肉味超香 》新鮮豬潤 $18 — 外硬內軟，估唔到入面有半生熟的潤，乾淨爽口》韭菜餃 $16 — 大隻足料的正常》甜酸齋 $16 — 浸住湯黎但少少煮唔會淋哂！生熟度做得好好👏🏻》關東煮蘿蔔 $16— 數埋有5、6舊，雖然唔算好濃味，又唔算清甜，但軟硬適中，一啲渣都無～回頭率：🍊🍊🍊🍊🍊/5消費：6餸1麵～$120抵到笑

之前叫過外賣app食過2次，覺得啲餸唔錯，上次同老公帶住寵物去雞地，經過先知道原來當日叫嘅外賣舖頭係依間🤣上次食完，本身老公麻麻地車仔麵都覺得好食，加上帶寵物可以坐出面，今次我哋三個人又帶住寵物再食多次😊粗麵(豬紅、滷水雞翼尖、咖哩豬皮、濃汁牛丸)-沙嗲湯底豬紅同滷水雞翼尖好入味、好正咖哩豬皮偏爽，咖哩味好入味牛丸juicy👍🏻👍🏻沙嗲湯底好正，好濃郁一啲都唔hea，呀媽唔食得辣都食到.油麵(咖哩魚蛋、甜酸齋、日本蟹棒、濃汁牛丸)-沙嗲湯底咖哩魚蛋彈牙，帶陳皮味，幾好甜酸齋都正日本蟹棒真係日式嗰種，唔係啲有膠包住嗰種蟹柳🤣沙嗲湯底好正～老公再叫返沙嗲湯底.米線(關東煮蘿蔔、滷水雞中翼、和風燒牛肉、野菜豆腐魚餅)-鰹魚湯+滷水汁關東煮蘿蔔上次食過覺得好味，今次都要叫返，冇渣，唔苦好林好入味👍🏻滷水雞中翼好入味，好正呀～和風燒牛肉其實係我畫錯左，不過都唔錯嘅野菜豆腐魚餅外賣食過一次之後，我次次都再叫😆口感味道真係好正，外脆内軟鰹魚湯+滷水汁湯底好濃，終於搵到perfect match🤣上次鰹魚湯+腩汁唔夠濃.最後仲叫左腩汁菜心（例）同豆漿，唔錯😊.整體評價計我話車仔麵最緊要係啲餸同湯底，啲

之前呢間好多後生仔嚟食，今日扮後生入去食下😆 湯底係柴木魚湯底，有別於出面味精湯底，一碗叫三樣餸，冬菇多，不過略為啖口唔香冬菇味；豬腸份量都多同大粒，洗淨少少脂肪，所以餘有少少豬腸香味，爽口！蘿蔔又林又甜；豬紅大粒爽口；欣賞佢地有辣菜莆免費配送，我點中辣，再加少少辣菜莆，撈混湯底超濃味，好正！飲品凍檸茶，茶底厚而唔澀，好順口。埋單每人$6X，晚餐嚟講價錢正常，但如果下午茶就略貴。以上俾大家參考，地點元朗雞地公園中間橫街。

下載了外賣 app, 第一頓餐就選擇了這間聞名已久的車仔麵。因為工作後比較肚餓，所以選擇了份量最大的招牌大雜麵（$82）。招牌大雜麵入面有咖喱魚蛋、咖喱豬皮、紅腸、日式溫泉蛋、牛肋條、油揚及咖喱辣魷魚，湯底我選了日式鰹魚雞湯底。相片可見，餸的份量十分多，由於很多餸都有咖喱汁，所以湯底全是咖喱的味道，吃不出鰹魚的味道。幸好我喜歡咖喱（尤其是咖喱醫生😂），所以覺得還好，只是沒有了fushion的感覺。個人覺得最好味是溫泉蛋和咖喱魷魚，算是不妨一試之選，評分3.5分吧！

唔會再食!!之前食堂食同外賣都一切正常所以今日諗住都食下個快啲車仔面8:01落單正常一個三餸米粉正常應該等15分鐘內啦一等等咗20分鐘唔急都變急問下個樓面佢話5分鐘好明顯係出堂食單先因為我俾完錢果下見到有枱3人堂食先岩岩劃緊單但佢地已經食到尾升8:31重未有終於8:35先拎到個樓面重要一開頭俾錯咗之後終於拎走食得開嚟發現無餐具（無走餐具，因為真係需要用）唔通我要用手食？？米粉，海草碎，墨丸，蘿蔔都係好一般原本我對呢間嘢覺得不錯，諗唔到食咩都會食下，姨嫁就不了無下次

😋麵之神車仔麵💛元朗國日式車仔麵--------------------新嘗試特式車仔麵未去到神級嘅...但都係「好食級」車仔麵仲有進步空間👉🏼日本葛絲滑溜溜掛湯有驚喜必選👉🏼日本手打烏冬有水準但“剪”太碎👉🏼麻辣牛柏葉爽口易咬必選👉🏼豬紅 豬腸有內臟味可以處理得更加好👉🏼牛腩 豬皮 魚片頭正常水準👉🏼魚皮唔新鮮有油膉味仲係脆嘅...但食咗幾塊就放棄味道：🌕🌕🌕🌗🌑CP：🌕🌕🌕🌕🌑--------------------

在外賣平台 叫了外賣， 已付了錢 ，想打電話去餐廳 提出食物的質素問題以及一些改變， 例如時菜要什麼菜， 但電話長響不接聽， 不是客戶所需的要求， 像不想麻煩的樣子，送來的訂單有些不符合要求，亦不能通電話告知，因為完全不接電話， 這樣太不負責任了， 每次想用電話下單自取 可以縮短等待的時間，卻都不接電話， 既然有員工在為何不接電話， 連續打了好幾次都沒人接電話， 長期是這樣， 所以轉為外賣平台， 但外賣平台上有些食物,指示不清楚，下了訂單想自電店舖清楚說一些食物指示，例如會敏感的食物或者指定一款的食物都做不到， 不接電話避免麻煩，這是非常不負責任 ，非常不良的服務態度

🌃夜晚元朗想食車仔麵 🔎search到周圍都閂晒門😔 得番呢間～呢間都幾多出面少見既餸 e.g 🐷日本豬肉（拉麵叉燒）鮑魚 清酒煮蜆 油揚🤩點左3餸麵配秘製辣汁(中辣）凍奶茶走甜多奶😙 湯底👍 辣得黎有少少甜🥰 油揚吸曬啲湯 日本🐷（拉麵叉燒）肥瘦適中 2片大2片細 大腸有啲去左中間啲油 有啲又好肥😂後記 好耐冇試過住門口 睇住人來人往 又多單車客🥹 充滿地道氣息呢到10:30 最後落單 可以住到12:00 周圍仲有糖水 油吧 炸雞🍗

呢間車仔面比較特別少少，多咗啲日式味道👍🏻好鍾意食白蘿蔔，好軟冧清甜、好少碗店選用即炸響鈴，做得好出色，輕輕浸少少湯底，外軟內脆，鰹魚湯底仲可額外加腩汁、咖喱汁，自行配搭，食極都唔會厭呀！

元朗有好幾間車仔麵，競爭還是比較激烈。而呢一間長期以來都有穩定客源，實力一定唔差！其實好間唔中我都會嚟呢度食，第一，因為真係好企理乾淨；第二價錢非常合理，一啲都唔貴；第三配料選擇算好多，冷門如炆牛肋條呢啲都會有。今日就食咗一個牛肋條、滷水豬大腸、加咖喱魚蛋嘅油面汁就揀咗腩汁，上菜時賣相已經非常吸引上菜時賣相已經非常吸引！呢度嘅滷水配料未必係全元朗最好，但已經非常入味香濃。牛肋條炆得好琳，$15嚟講非常值得推介。魚蛋一般般唔夠彈牙，但係整體成碗麵都非常惹味滿足，而且份量都幾大，值得推薦。

Good authentic Hong Kong cart noodles, pretty decent prices with 3 ingredients pairing + drink added, not a bad choice for quick meal fix. Quality is reflected in the prices, so don’t expect grand high imported ingredients in this place. Will come again if I was around but not worth a purposed tri over.