韓一石頭鍋 (已搬遷) 新店位置

今日dinner 同阿媽兩個人去到邊都排長龍, 見呢間係新開0既, 又唔使排隊, 就入0左0黎, 叫0左個牛肉石頭鍋飯, 炒春雨(即炒粉絲; 小份), 同煎餃子. 另外飲0左杯凍蜜桃茶.有4 碟前菜-- 蓮藕, 毛豆, 蒜心同芽菜, 其中蒜心同毛豆supposed 係辣辣0地的, 好食d.牛肉石頭飯... 汁幾好食, 飯好香, 牛肉幾少, 幾硬. (或者係我0地自己手勢差...?)炒春雨... 好多油, 不過粉絲梗係多油先炒得好食0架啦, 所以都ok 幾香.餃子係扁tat tat 0既鍋貼-_- 食落似炸多過煎, 味道一般.凍蜜桃茶... 十成九係雀巢的, 收$18, 真係... 被騙了-_-環境唔特別. Service... 唉, d waitresses 可唔可以傾少陣偈? 執0野又傾, serve 0野又傾, basically 全間鋪都係充滿住佢0地d 傾偈聲音, 嘈到呢... 只係想食餐飯0者. -_-係咪正宗我唔識分, 只係覺得食落味道非常普通. 不過0係九龍城, 都無乜邊間有韓國0野食0架喇似乎.

之前中午時間經過見到呢度幾多人食,心思思想試下, 結果今晚剛幫襯過。叫左一個二人餐($120),有四小碟前菜, 一個石頭鍋飯,一個炒春雨(牛肉粉絲), 一個辣豆腐鍋,兩杯飲品或雪糕前菜係豆腐、青瓜、薯仔同蓮偶,味道普通啦....個石頭鍋飯, 要左海鮮, 可自行加雞蛋同辣醬在石頭鍋飯,我覺得個辣醬唔係咁好味..飯亦不名如是, 不過好肚餓, 二個人都可食晒成碗飯。個炒春雨比較好味!個辣豆腐鍋似辣汁豆腐花, 豆腐都幾滑!最後要左雪糕, 朱古力味,好似係雀巢來的....個收銀姐姐全程有笑容加服務周到,當男友問她拿豉油時,佢估到係因為男友唔食辣所以個飯冇味,主動給了不辣的汁給男友, 加分!!埋單唔使加一, 都萛抵!!~

之前在"開飯喇"網站睇到介紹依間店舖，當中有不少人推介石頭鍋飯，於是就在25/3 星期六去左試下。我地一行二人晚上8點10分入座。立即叫左兩個套餐﹕1)前菜、1個石頭鍋飯、1個泡菜燒餅，凍檸檬茶(HK$88) 2)前菜、1個石頭鍋飯、1個海鮮豆腐辣湯(我地叫左唔辣)，熱檸檬茶(HK$98) 。約10分鐘，一杯凍檸檬茶到左，但係熱檸檬茶同其他野都未到，咁我地追左第一次。5分鐘之後，海鮮豆腐湯到左..不過係辣既，但我地係叫左唔辣，所以叫佢再整過。之後，兩個石頭鍋飯及泡菜燒餅都到。到了8點半，唔辣的海鮮豆腐湯都仲未到，我地追第二、三次(當時，有好多枱都未黎齊D 野，個個都不停咁追侍應。)到8點45分，唔辣的海鮮豆腐湯都仲未到，但我地差不多食完喇。(由於我地坐近廚房，聽到原來之前有一個唔辣的海鮮豆腐湯做好，應該係我地枱，但係其中一個侍應將一個唔辣的海鮮豆腐湯俾左其他枱，所以我地追左幾次都未有。o個個時刻，簡直佛都有火，有無攪錯，咁做野，簡直離譜!!!)。我地決定取消唔辣的海鮮豆腐湯，並結帳。張單仲收我地兩個套餐既錢，我地於是同佢理論，最後決定只計一個套餐同一個石頭鍋飯錢。我地當時嬲，一肚氣，