韓二妹

营业中

休息中

依間小店認真隱世 如果唔係跟住OpenRice地圖，分分鐘走寶😁經過生果檔就要轉入去，大廈有好懷舊嘅感覺，好多打卡位😆餐廳都幾光猛，有少量座位可以堂食，另外有一啲貓貓壁畫同擺設，都幾得意😎餐牌方面，佢哋嘅食物都係好簡單清晰甜辣醬炒牛肉配飯明智之選😎😎個醬好好食，主要係甜甜地，有少少辣嘅後勁，好好餸飯！配埋牛肉、椰菜、洋蔥等等，爽脆得黎，牛肉味又夠突出，大啖大啖咁食，夠暢快！佢哋仲要用左珍珠米，口感更佳👍🏼大醬湯都非常出色，雖然係小店製作，但絕無揸流攤，超級多料！有年糕同埋魚糕，仲有啲好似洋蔥同青瓜咁嘅配料，味道都幾香濃，店員話，佢哋嘅湯全部都係自己調製，冇落味精。 誠意可嘉👍🏼👍🏼另外一杯係龍眼蜜，都係佢哋自己煲嘅。清甜，仲有好多粒龍眼😋😋

今日收工，去附近行下，順便睇下有乜野好食，經過禮信大厦，望見一幅色彩繽紛嘅彩繪牆畫，好吸引，行入去原來係一間韓式小店，店內座位唔多，以做外賣為主，牆身兩幅可愛貓咪彩繪畫，好生動吸睛，店內仲有唔少貓咪擺設，啱哂打卡影相😉，影完相，幫襯下小店，就要咗份午餐食😄甜辣醬炒牛肉配飯自家製甜辣醬中辣，加埋泡菜、洋蔥同紅蘿蔔絲炒牛肉薄片，牛肉帶微辣，幾入味，飯用咗珍珠米，米粒分明，撈埋甜辣醬一齊食😋轉套餐加💰18就有大醬湯同無冰奶茶大醬湯足料，有蘿蔔、腐皮、年糕粒同洋蔥，味道似偏濃嘅麵豉湯😋，無冰奶茶順滑唔太甜，有茶味，包裝密實唔易漏👍

之前上網搵喺銅鑼灣嘅平價韓式料理見倒呢間就即刻放咗佢入pocket list，終於搵倒機會嚟食飯～舖頭喺生果店嗰度轉入去就係，主要做外賣生意所以位唔多，不過都算坐得舒服。舖頭係貓貓主題超多打卡位，啱哂po上IG呃like今次冇叫到最多人食嘅韓式拌飯或者部隊炒飯，其他嘢食質素絕對唔差，不過因為即叫即整所以要等一陣～一送到嚟見倒咁大份已經覺得好滿足！有好多款唔同嘅菜，啲小蕃薯亦好香甜，牛柳粒出奇地腍，唔錯，係油咗少少，但整體嚟講幾抵食，營養均衡真心推薦！沙律係套餐跟餐飲所以加兩蚊嗌咗杯熱生薑蜜，唔洗一分鐘就送到，薑味啱啱好亦唔會太甜，新鮮滾熱辣好好飲，個沙律未到就已經飲哂到餐牌上面打咗粒星星嘅蟹膏醬紫菜包飯，大概係一條加州卷嘅分量，口味唔常見有驚喜，蟹膏醬好濃郁，加埋其他配料令口感好有層次，點咗個醬酸酸哋冇咁乾另外嗌咗罐忌廉溝鮮奶，係平時出面買嗰啲，過吓口癮甜辣醬炒肉係配埋飯，餐牌寫漏咗。新鮮炒嘅豚肉幾香，甜辣醬分量好足，撈飯食都夾，唔錯！由於嚟嘅時候係夏天，對貓貓店長豬仔包太熱未有機會見到佢，但價錢合理食物又相當有水準，加上店員好親切有禮貌，一定會經常嚟幫襯！強烈推薦大家支持嘅💛小店！

銅鑼灣禮信大廈入面新開咗好多小店 其中呢間牆上壁畫引人注目🤩🤩畫上可愛貓咪 店內都有貓貓可愛相😻不時都會見到貓貓行過添！店內位置唔多 4個位置左右 所以我都選擇外賣🥡小店主要有韓式拌飯、紫菜卷、意大利包、果貝等等今次我叫左牛肉拌飯值得一提 比其他韓國小店更有心思外賣飯盒分兩層放 特別欣賞呢個設計！牛肉係肥牛片 肉質唔錯 唔會太韌👍🏻煎太陽蛋以貓貓形煎成 好有心思配甘荀絲、青瓜絲、大豆芽、菇🍄將韓式辣醬拌勻 好好味🥳加咗大醬湯 估唔到好好飲👍🏻大醬湯足料 有魚糕、蘿蔔、魚片等等都幾飽肚啊無冰奶茶 包裝幾特別用透明袋裝 方便行街味道唔會太甜 剛剛好😌

今天不想煮飯啦哈，到附近買點外賣吃被這店的畫吸引住了！超可愛的！不打卡不行呀呀呀！作為貓奴當然想試試這間店！$50的部隊炒飯套餐～熱奶茶非常香濃，非常絲滑，跟茶餐廳的差不多～炒飯很有獲氣，分量非常足，辣辣的很惹味～米飯粒粒分明，加上午餐肉、泡菜和蔥花等等的，讓人一口接一口～把半熟蛋弄碎，蛋黃和炒飯混在一起吃直接讓幸福感滿分💯大醬湯裡有洋蔥絲，令湯頭甜了不少，年糕軟軟的非常好食～還有魚糕，料超足呀～

好隱閉嘅外賣韓食餐，之前成日喺呢頭返工都冇留意過原來呢度入邊有外賣店。點外面有幾吸引嘅牆上壁畫，有隻貓，店內都有好多同貓有關嘅裝飾仲有唔少貓嘅相片。餐牌整得幾靚幾工整有格調，韓式嘅嘢食都唔貴相比其他一間正式嘅餐廳來講平，價錢只不過係茶餐廳嘅價錢。店入面一個人主理收銀同煮餸，都幾忙碌空間唔係太大但係感覺到好溫馨。部隊炒飯，係泡菜炒飯。部隊即係韓國食到嘅部隊鍋，入邊咩材料都會有都係比較垃圾啲嘅材料。用咗呢個概念來做炒飯，炒飯入邊就係自然有飯有泡菜，有香腸有午餐肉，仲有少少芝士，都幾豐富㗎 ！份量真係大，好似茶餐廳咁多。大醬湯用杯上，入邊有韓式小食：魚蛋，即係一大塊魚蛋咁樣，年糕。飲落去味道好似麵豉湯，但係佢係韓式嘅大醬湯。無冰奶茶係用袋裝，拎走好方便唔需要再搵一個袋去裝住佢都已經可以帶走。好低甜度，完全冇冰好香濃好順滑嘅奶茶，唔想用茶餐廳來類比都冇辦法，要再講多次好友茶餐廳奶茶嘅水準（呢個係美譽）。咁啱外面嘅雜貨店有一隻貓走咗出嚟，我食食吓飯走咗出去玩貓。好開心嘅一次用餐體驗。

銅鑼灣的一角有一間韓式食店，店內外都有貓主題的壁畫裝飾，店內放置很多與貓相關的裝飾。門口有打卡位置可供拍照，桌邊的貓裝飾，配上桌上的食物拍照，貓的表情動作與食物對照，會變得十分有趣。牛肉拌飯($50)，花造型的雞蛋，蛋邊煎得微脆，蛋白嫩滑，其厚度能提升口感。拌飯所用的配料食材新鮮，而且每一樣都做得很出色。紅蘿蔔和翠玉瓜切得非常幼細，冬菇片極度爽滑，芽菜爽脆新鮮。飯和配料分開，底層的飯份量頗多，飯粒圓潤汲汁，把自家調製的辣醬全倒進飯裏，拌飯吃會更惹味。辣醬大約是10小辣的辣度，與外面吃的辣醬不同，這個吃完後不覺口喝，比出面的好吃。大醬湯(+$10)，同樣是自家製作，內裏有兩件魚糕和兩件年糕。年糕煙韌中偏向軟滑，並微微沾上大醬湯的鹹味。無冰奶茶(+$8)少了冰塊的刺激，能嚐到奶茶的滑溜。很喜歡這杯奶茶，能嚐到其奶滑之餘，也能嚐到冰涼之感。這裏有曲奇寄賣。三色藜麥南瓜子曲奇($55)，藜麥的香氣，搭配南瓜子的脆口，曲奇鬆脆中帶點香軟。個人覺得這款的味道和南瓜子的口感都比較出色。抹茶爆谷曲奇($50)，濃香的抹茶味，加上微鹹的爆谷味，如吃抹茶爆谷，抹茶爆谷以鬆軟的曲奇口感呈現。所有曲奇以透明圓

銅鑼灣美食多得是，不過要搵價廉物美的餐廳就要用心發掘下，同事介紹禮信街有很多不錯的食肆，行入大廈已經被牆上嘅塗鴉吸引，一於同為食姊妹係度又食又影牛肉拌飯，牛肉加上切絲的紅蘿白，翠肉瓜和荳芽和菇再加入自家製的韓式醬，全部混在軟熟又有口感的白飯內一起吃，真係好味得很，煎蛋做成貓頭形狀，有趣又有心思紫菜包飯有好幾款選擇，揀了午餐肉，除了香滑午餐肉還有青瓜，黃瓜，蛋和芝士材料十分豐富，紫菜新鮮味美香濃最後忍不住再點了原味炸雞小食，雖然有辣醬炸雞，芥末炸雞，芝士炸雞可選擇，不過好姊妹話要食原味，果然冇選擇錯，炸得酥脆，炸醬一點也不厚，入口脆卜卜但一點也不乾，保持水份很juice尼個大醬湯很美味，濃淡適中，內有大䓤，魚餅，年糕，飲落味道更加豐富奶茶用袋裝住，方便攜帶，茶香奶茶滑，估不到食物出色連飲品也好味

今日到了銅鑼灣禮頓道附近買嘢，心郁郁又想食丹麥，當行穿過禮信大廈時，發現咗呢間隱世小店，雖然第一眼未知佢食乜，但已經俾佢牆上面色彩繽紛嘅貓貓壁畫吸引咗我行過去睇吓，店內仲有好多可愛佈置，感覺好親切。店長仲好nice咁即刻同我打招呼，俾個餐牌我，原來係間韓國小食店。小店有拌飯、鰻魚飯、炒粉絲、炸雞、夏天限定嘅水冷麵都有。雖然唔係太多選擇，但已經足夠俾似我這些選擇困難症嘅朋友！最後揀咗店長介紹咗牛肉拌飯同大醬湯，我個人都好鍾意食Bibimbap，去親韓國或者韓國餐廳都必叫之選。韓國人養生比較特別注重吃的文化，聽聞韓國飲食崇尚五色，常常都能看見菜式中包含紅、黃、綠、黑、白的材料。所謂五色也就是人體所需的五類營養物質。這個韓式拌飯正正是體現這個健康五色料理：胡蘿蔔(紅)、冬菇(黑)、菜（綠)、豆芽(白)、雞蛋(黃)。以平凡的食材，拼成美麗而不平凡的養生雜錦飯外賣Bibimbap仲係飯餸分隔開，雞蛋還是流心蛋，好可愛嘅造型，加埋店裏秘製嘅醬汁，拌飯好吃到簡直停不了口而大醬湯也是韓國傳統的食物，營養豐富，而且還幫助消化、增強食欲。湯入面還有韓式年糕，口感十分QQ夏日炎炎，成日飲咖啡同凍檸茶都飲到悶

今晚去銅鑼灣搵間韓國嘢，朋友介紹話間野好得意，又好地道，所以過去試吓。果然係一間設計別出心裁嘅店舖，好多唯美貓貓牆壁畫同裝飾。今晚外賣咗一個牛肉拌飯，除咗牛肉外，有唔少牙菜，豆，蘿蔔絲，蘑菇拌飯，啲白飯都煮得幾綿。仲有一隻煎得非常飽滿嘅太陽蛋用嚟撈飯食正呀。再配熱辣辣，大大杯嘅大醬湯，食材搭配多樣，蘿蔔，年糕，蔬菜，洋蔥，好入味香濃，好有韓式住家感覺。最後叫咗包用可愛包裝嘅凍奶茶，為炎炎夏日降溫。

今日在銅鑼灣看完醫生，實在太餓又趕時間回家，就決定極速買個外賣回家食。想起之前在禮信大廈看到一間韓式餐廳畫滿色彩繽紛的貓貓壁畫，非常吸引。正好有機會來試一試食物質素如何嚕～原來餐廳還有很多貓貓擺設，實在太可愛了，打卡一流。最後點了牛肉拌飯套餐配大醬湯和無冰奶茶。【牛肉拌飯】餐廳好貼心地將飯同配料分兩層放，份量都好多，連煎蛋都有貓咪的造型，好可愛💓而且醬汁是老闆自己調製的，微微辣中帶點甜，因為沒有味精，所以味道比一般韓國餐廳淡，但健康又好味，豐富的蔬菜令口感更清爽。【大醬湯】同樣是沒有味精，還有兩塊魚糕及年糕，好足料。【無冰奶茶】因為無冰的關係，即使放久了亦味道香濃，口感順滑又透心涼👍🏻要在銅鑼灣找一間性價比如此高的餐廳真的好難。希望下次再來可以見到店主的貓咪～🥺

經過利園一直下斜，過馬路的左邊見大廈前的水果檔就是入口位置少少，有2邊2-3座位的空間Menu主要韓式有拌飯、飯捲、炒飯炒粉絲…另有沙律、中式的撈丁、西式既各款麵包(牛角包/bagel/意大利包)…牛肉拌飯$50牛肉好夠味，口感正常，唔會太韌！煎蛋🍳別具心思，以貓形既模具造成。有時就是這些少少的心思令賣相增添幾分色彩，吃起來都開心點🤩醬汁酸酸甜甜，有丁點辣～很開胃跟餐+$8 無冰奶茶🥤平時唔太飲奶茶的我，反而覺得這個味道剛剛好，唔會太甜包裝都很貼心，方便攜帶+$10 大醬湯～自家煮，不含味精！足料入味，有魚糕、蘿蔔、少許洋蔥、類似腐皮的東西。不過飲飲下後期都有點咸…用餐過程全程播著mirror歌🤣🤣 一邊慢慢食一邊靜靜地聽著，爽店內還有些自家曲奇🍪$50-55小店以貓為主題，相信店主都係愛貓之人，店內滿佈著貓貓相片和食糧。店外牆更有靚靚手畫貓既打卡牆、等待食物期間都可以盡影一番😉店主都非常親切，支持小店所以有時光顧小店的好處就是無壓力，令你放鬆心情享用

銅鑼灣禮頓道有好多小店食肆，發現了這間隱世小店～韓二妹，睇過餐牌後決定買個外賣回家同家人食。門面有一幅大壁畫的塗鴉牆，帶點少女漫畫的風格，還有多樣貓貓擺設，可以任人打卡，叫了部隊炒飯$50，用了香腸，泡菜，辣醬即叫即炒，味道惹味，微辣，份量簡直係重量級，兩個人食都夠飽，面的荷包蛋實在太可愛了，係花形，還有無冰奶茶，用密實袋作包裝，茶香味道濃，包裝都用了餐廳logo ,好有心思。再來大醬湯，有入味薯仔，煙韌年糕和魚片，湯味濃郁，還有洋蔥絲，夠甜。

放假去左銅鑼灣SHOPPING，經過一間以貓為主題的韓式食店，深深被那貓咪公仔牆吸引著; 正好是Lunch時間，所以就停下來試一試呢間小食店。以韓食為主既小食店座位不太多，以外賣為主~ 但也有一L型長枱可供客人坐下進餐。除了飯類之外，這裡也有西式的牛角包、意大利包、果貝等韓式漢堡包套餐，確是早餐的好選擇~我ORDER了一個牛肉拌飯，配料十分足料蔬菜絲又新鮮，飯盒分兩層設計很整齊又方便。飯粒軟硬適中加上惹味的牛肉作主食，再配上特製既醬汁及蛋汁，香噴噴的真的想再添多一碗飯。飲品是無冰奶茶，包裝很特別用透明袋裝飲品，有些似台灣手搖茶一樣。奶茶少糖不太甜，有奶香的濃郁味道，用袋裝仍可以保持到奶茶既香濃水準。另外, 套餐包了一碗大醬湯，是韓式既味噌湯，食完飯再配埋碗湯就最完美了。

銅鑼灣禮信大廈地下變成了食街，穿入大廈內，見到這間充滿韓風的小店，牆上壁畫好colourful ,好吸晴，還有一隻炸雞脾公仔給途人打卡，因趕住回家，所以外賣了一個牛肉伴飯$48，凍咖啡還有大醬湯，隻太陽蛋好靚，兔仔形狀圖案，牛肉薄切，還有多款配菜，有甘荀絲，大豆芽和青瓜絲，還有鮮菇片，將特製醬汁撈勻，味道濃郁，好味。配了冰凍咖啡，大醬湯都有年糕和魚片，份量都足。店內到處都以貓貓為擺設，相當有特色，相信店主必定是貓痴。八卦問下店主係咪好喜愛韓國文化，所以開店，佢回應因喜愛音Kpop 音樂，partner 又識煮韓國菜，所以一齊開店，年紀輕輕真的了不起。