韓台站

营业中

休息中

點選食物：豬頸肉肉臊飯點選小食：上湯浸菜點選飲品：熱華田豬頸肉肉臊飯食後感好難食既肉臊飯，"乾爭爭"既豬頸肉。上湯浸菜食後感上湯浸菜可以放入口！熱華田食後感正常食物熱度：足夠食物賣相：無特別環境清潔：好裝修：不錯

今日帶阿仔去隔離冒險樂園玩，我地兩個未食野，放底左佢地入去玩就過左韓台站快食下午茶呻左個麻辣雞雞配凍茉莉綠茶！冇諗過碟雞有咁多件，成1/4隻雞都有！又出奇地唔錯喎個雞冇浸到辣油既都有咸味$41+$3凍飲！ok 啦

我之前都幾次經過這條邨，但是一直沒有留意這間餐廳。看一看餐牌，看到韓台站，都沒有留意什麼意思。內裏看到餐牌，發現又有韓式🇰🇷食品又有台式食品，終於發現韓台站的真正意義。由於本身都不算太喜歡韓式食品，而且韓式食品其實本身材料很便宜，當然又是點了台式食品。看見它有散叫，以及套餐的食品，其實散叫再叫加一杯飲品，好像比套餐平得多，但由於套餐有小食，於是還是被套餐吸引，點了套餐。大腸豬肚，滷水的味道都挺香濃，大腸的味道就更加難，豬肚都算挺鹹，空口吃這碟小食，都覺得幾鹹。鹽酥雞扒質素相當普通，外皮的炸粉相當厚，還要有點兒剝落，外皮有點兒像曲奇，但是味道有點兒准鹽的鹹味，味道還算不錯，但就是外皮太厚；內裏雞排還算有點肉汁，已經算是托賴。台式小蜜糖腸，份量比100米還要少，之後輕輕的四片，有些部份還是沒有什麼煎過，味道強差人意據說友人的新竹米粉，亦都有點兒偏硬，吃落口感比較差。但是數到最令我驚訝的，就是這間店舖的麵條，上次在葵芳的100米，麵條都沒有什麼特別；想不到，這間看台站，米線竟然還非常節省，不是普通有點兒彈性那一種生，而是真的未煮熟的米線，請看上圖，可以看到米線在兩隻筷子上邊，可以打橫平㫃。吃

🍲泡菜豆腐湯（跟飯）呢個飯真係好令人失望，一黎到個樣hea到不得了 個湯都係無咩味道既，啲材料更加hea到嚇死人 個湯得少量既魷魚 肉片同豆腐 加多少少既泡菜，啲料少又無味到啲人覺得佢值唔值廿蚊，又hea又少 真係令人唔會再回頭📍韓台站📍大埔安埔路12號富善商場G016鋪

🍝韓式炒烏冬（豬）+橙汁（$48）（🤤：7/10）碟野既份量都夠既 而且幾算足料 有豬牛雞三種肉揀 叫左豬 豬肉片既數量都唔少 有6-7片 加埋啲雜菜塊炒，最後上碟再加紫菜上面。個烏冬都炒得幾好 仲煙韌既 但啲雜菜就炒唔夠時間 仲係有啲硬既，個炒烏冬既醬汁係辣辣地既 令碟野炒完之後幾惹味。價錢都正常既 評雖埋餐飲 差不多五十都算可接受既價格。📍韓台站📍大埔安埔路12號富善商場G016鋪

來屋邨食飯，選擇不多，姑且試下這間以韓式和台式菜的食肆，點了兩個台式午餐。糖醋排骨肉臊飯，肉臊很大部分是肥豬肉碎，浸在一大pat汁，排骨無預先醃，醬汁調味很酸。牛腩肉臊飯，牛腩煮得過咸。從未食過如此難食的台式飯，有種中伏感覺！店舖有無心經營，已充份表現在食物質素上！

平日經常經過此餐廳，一向對韓國台灣美食有偏好的我，因為店名一直想試試。剛巧星期日下午不是太多人，便決定入去嘆返個台式下午茶。入到去餐廳環境舒適，裝修不錯。今次點了奶酥厚多士及蘋果汁，只需$22。多士上面的奶酥甜度適中，多士烘得剛好，不會脆到𠝹嘴，做到外脆內軟，是我喜歡的口感，不錯。蘋果汁普通，不過不失。同行朋友叫了口水雞米線，朋友表示不錯，下次會試下其他菜式～

呢日返完教會肚餓，係富善村附近搵野食，見到有間有韓式又有台式野食既舖頭，就決定入去試下。完左教會既時間都已經下午茶，選擇都算多，呢頁係台灣食品仲有湯配飯同滑雞餐呢頁就係韓式料理我最後揀左口水雞米線，呢度會俾多個碗你放骨，咁就唔會食到周圍都係。口水雞最緊要個醬汁，呢度既都幾香，唯獨是可以再辣dd。仲有個米線煮得太耐，無左果種爽口既感覺。反而最值得讚既係，個雞件係幾滑身，而且就算係下午茶既份量都算多。

第一次到韓台站食晚飯 點了芝士牛肉石鍋飯芝士同肥牛的份量足夠 沒有蛋辣醬只供應一小碟 還好在要求下侍應有給予額外可怕的是整個飯底都被油浸着 加上石鍋的熱力下變成滾油最後整個飯底吃不了 非常失望

食物上菜一刻，我地成家人呆咗。嗰刻內心嘅震撼同矛盾非墨筆可以形容曬⋯⋯⋯大家望吓張相。呢個一個手掌打開咁闊嘅煲仔，裡面裝住一啲奶白色嘅水，同浮起得3嚿嘅餃子同年糕片，價值$46。 is that a joke？ 我諗一定有人話：屋村商場仔嘅餐廳，要求唔好咁高啦～ 但唔係咁㗎嘛，當你從一開始做生意掛「韓式、台式料理」做招徠，顧客自然有所期待，希望食到啲同「嗱喳」快餐唔同嘅食物。個湯淡而無味，似係平時自己喺屋企白烚公仔麵時剩下嘅湯麵水咁嘅味，餃子一食就食到係急凍即食餃，而啲年糕，係同個湯唔夾嘅。 佢地好似陌生人被迫盲婚啞嫁，煮嗰刻先知道要勉強起埋一齊，尷尷尬尬咁⋯仲有，配菜都冇，至少，年糕湯，正常係有蔥、洋蔥、蛋絲或海帶之類嘅嘢襯托，但呢煲嘢，係零配菜，感覺係將餃子年糕白烚後放埋一齊算嘅喳流攤之作。同樣嘅價錢，食物質素不如去幫襯其他小店，so sad。

新開幕一星期左右。見成日門口有食客等位。今日試試食午餐。點咗雞扒米線跟凍檸茶。雞扒有強烈雞騷味。明顯未加葱薑飛水闢味。米線份量太少。十吓以內夾曬入口。凍檸茶仲得人驚。有茶澀味無檸味。再試吓大力篤片檸檬。完全係濃茶化不開。傳菜阿姐仲驚人。飛象過河傳菜過隔離枱。衫腳high到我碟餸！仲要大大聲同啲同事講嘢。口水花飛落我碗米線度。現在已經係夜深。我諗番起今日餐午餐。仲有啲想嘔嘅感覺。韓不韓。台不台。毫無特色嘅茶記一間。最簡單嘅一杯凍檸茶都沖唔掂。