韓國屋

营业中

休息中

東薈城名店倉人流不算很多，但一上到food court就人頭湧湧。看來大家都比較想幫襯性價比高的food court。行了一個圈，見到很多人吃韓式鐵板餐，我又加入一份！鐵板大大份，一半是牛肉一半是泡菜，好豐富～味道不錯，價錢可以接受！

叫左3樣野牛肉韓式粉絲韓式炸雞（辣味＋醬油味，各半）炸紫菜粉絲卷本身唔嘥野，正正常常都會清碟。見到我剩低咁多就知咩事。。。牛肉韓式粉絲味道夠嘅，牛肉好碎，無乜幾多舊，粉絲斷得7788。韓式炸雞室溫，唔脆，層皮硬嘅，D肉幾乾，食左兩舊已經唔想夾第3舊。炸紫菜粉絲卷算係最正常，脆嘅，幾好味，記住要點汁。得呢碟係有意慾食晒，兩粒星係比呢碟野嘅。試完一次，唔會再揀呢間。

第一次食韓國部隊鍋，所以唔識比較好壞。一見到它，感覺份覺夠。一大盤的鍋，內有年糕、唔健康的腸仔、邪惡的午餐肉、韓國拉麵同大量的菜。第一眼感覺，顏色唔多吸引，唔知係咪我叫少辣。湯色清，嚐一口，沒有特別。麵，我本身唔鍾意淋的，所以落單話要爽啲，都唔差，但自己煮的更合口感。初嚐幾口麵都不錯，感覺芝士味且香。年糕都有五件，沒有不正常，煙靭適中。腸仔因分件，我估有一條。餐肉切得比如期的厚，而家有不少件，足夠矣。豆腐也滑滑的。因為有不少椰菜，所以也足夠飽。下次或許試其他好了。

相信好多人都見過/食過呢間韓國菜🇰🇷佢係大部份的Food Court都有咁見天氣未暖得哂 食番次暖下胃先見佢個石鍋好吸引 所以叫咗個韓式泡菜豆腐海鮮鍋🥘 叫完之後佢會有一個牌仔俾你當個牌仔響紅燈同震嘅時候你就可以出去攞成個過程都幾快，唔使10分鐘 而且拎上手嘅時候成個鍋仲係沸騰緊🔥啱晒嗰啲怕唔夠熱嘅朋友👍🏼佢跟餐會有一個白飯🍚成個鍋整體調味，非常足夠 唔會話特別鹹或者辣 即使怕辣嘅朋友都可以叫黎食！！佢個鍋雖然係用軟豆腐 不過豆香都足夠🫘而且海鮮嘅份量都唔少 有幾隻蜆 兩隻青口 兩隻蝦 同埋少少急凍魷魚圈 以70幾蚊黎講尚算可以😌🥘🥘🥘🥘🥘🥘🥘🥘🥘地理 8/10環境 7/10味道 7/10服務 7/10🥘🥘🥘🥘🥘🥘🥘🥘🥘

在東涌東薈城foodcourt 人面，食物質素不錯，石頭泡菜豬肉飯$62 加三色前菜 $15 ，合共$77小飯都勁多飯，仲要有飯焦，熱辣辣超好食。三色前菜，我只要了其中兩款，沒有要大豆芽，份量都很多，而且附送了一個清湯。今時今日，商場入面食個韓國石頭飯，咁嘅價錢，味道又好，真係算唔錯，有機會都會再幫襯。總結：可以一試。

經過見到餐牌，雙拼，即是一邊飯，一邊炒米絲，都是五十幾蚊。在東涌，甚至這food court來說，真的平。我揀了烤牛肉飯和泡菜豬肉粉絲。牛肉當然不要想是高質，但這價錢是合乎的，有點點硬和鞋的，份量也不算少。反而泡菜豬肉，就得一片豬肉，泡菜為主。但泡菜味道一般，連口感也不太接受，過淋了。粉絲，味道得宜，口感還有少少彈。我見店員都是一大鍋夾出來，大大鍋有呢個軟硬得宜的質素，不錯了。我仲叫了紫菜牛肉飯卷，平時食這些都好似凍的，但這是熱哄哄的，而且內裡料子足，令人食完又想接連食下一件。呢個卷還有紫菜湯，都只是$48。若是細食，這已足夠了。翌日再叫這牛肉紫菜飯卷予同事試試，同事都話不錯，呢個價錢值👍🏻。

話說夜晚要食大餐，諗住晏就平平地食foodcourt，點知都幾大份。。。韓式泡菜豚肉炒粉絲 $48豚肉過火，肉質老同乾，粉絲過火好淋，不過foodcourt就唔會有咩要求嘅韓式部隊鍋配拉麵 $68餐肉、雞肉腸、茄汁豆、芝士、豆腐、年糕、椰菜同拉麵，份量大，材料又豐富，一睇已經口水流。其實都係現成野，所以正常發揮啦，係餐肉好軟淋，豆腐超滑有驚喜年糕收埋係底，熟度啱啱好，個麵都係過淋

Lunch time hea食food court嗌左個泡菜韓式粉絲味道都唔錯，只係唔太夠熱泡菜味夠出，粉絲唔會太淋，有咬口👍🏻料量都足，唔會太單調淨食粉絲Hea食既話會再翻炒

今日黎到東涌唔知食咩好，經過Food court見到韓國屋，就叫咗韓風紫菜卷套餐。🇰🇷韓風紫菜卷套餐有三款選擇，包括炭燒牛肉紫菜卷，炭燒豬肉紫菜卷和泡菜豬肉紫菜卷。跟餐會包埋一碗紫菜湯，還可加配$15食物，是日前菜，韓國粉絲或韓式魚蛋一串。我就點了炭燒豬肉紫菜卷，豬肉有好香的炭燒醬汁味，紫菜包住豬肉和韓式配菜，卷在一起的味道豐富，不會太膩。紫菜湯有韓式和胡椒的辣味，適合喜歡吃辣的朋友。這個餐挺抵食，下次再試一下其他食物。

今日同個朋友一齊蛇王去咗沙灘，玩完一大輪真係好鬼死攰，東涌又諗唔到有啲咩好食，所以是但上咗嚟food court度睇，見到個個都食呢一間韓國嘢，真係好鬼死抵一份炒粉絲再加一個牛肉飯夾埋都係$60有找，你仲可以加少少錢玩多個前菜（例如話係韓式前菜或者係炸餃子）至於味道方面，我覺得對得住個價錢，泡菜炒豬肉的而且個係有少少辣，但對於食開辣嘅我完全冇難度，至於牛肉飯就同普通韓國燒牛肉飯一樣都係甜甜地幾好食😋海帶湯姐姐俾咗勁多海帶，可能佢都知我鍾意食，不過如果裏面可以整啲豆腐會更加好

去朗豪坊行街諗住平平地去呢到食野，點知勁多人😪😪要搵個位坐都唔係易🙂等左10幾分鐘先有位，如果自己一個去食都幾慘😂所以建議2個人或以上去食啦～但食物水準係可以既，特別個泡菜鍋，個湯幾好飲，計埋100蚊都唔洗，係幾低食既～🤭

今日又來到東涌午膳，過去數次已經試過幾間唔同的店，仍可選擇的已經不多了，逛了一圈在食代館的韓國屋停下來，見午市套餐有個烤牛肉拼烤雞肉飯聽落唔錯，心想今餐簡單吃好了，便点了付款揾位坐下……不到兩分鐘，所派的顯示器就响起來，咁快就做好了？ 🤔 我回到柜位取餐時嚇然見到我点的烤肉餐，心想： 唔係吖馬？ 今次跌💰了…… 🤦🏻‍♂️🤦🏻‍♂️吃慣烤肉的我一望就知道這些肉根本沒有烤過，只是似燴熟而已，牛肉燴熟後再吱上燒汁扮燒烤，未免太過兒戲左D吧！ 而所謂的烤雞也是用同樣的方法燴熟，不香乏味！記得以前响黃埔工作時，Foodcourt 有檔韓燒真的不錯，柜位有塊大鐵板可將牛肉炒熟配飯，相當美味，同樣都是快餐怎麼這差咁多？ 🤦🏻‍♂️🤦🏻‍♂️ 朋友們要小心了！

係附近收工同🥱同事去左東涌東薈城嘅food court 食晚飯，餐廳選擇豐富🥘🥟🍜🍱，而且位置好適合行完街，肚餓又想食快餐嘅人，食完飯可以再行多一陣街，位置好方便👍🏻。唔同口味既餐廳都有，最後選擇韓國屋，我自己叫咗個牛肉🐮泡菜飯-$68，加凍飲另加$10，埋單$78可惜既係佢嘅牛肉唔新鮮😖😵，食落口好乾好散🤢，似合成肉，口感非常差🥵。最後食左一兩塊就放棄左牛肉💀✖️，只係泡菜撈飯！！但係泡菜對我來講就偏鹹☠️，整體評分一般，價錢同食物質素唔成正比，性價比極低。👎🏻👋🏻伏嘅野，試過一次就夠，唔會有第二次👋🏻@meaty_monsters#勇敢作反食肉獸#mm東涌 #mm東薈城 #韓國屋 #泡菜飯

10月頭既假期入左大澳玩，出返東涌市區食埋個頹飯，正式完結4天假期～呢間位於東薈城既食代館FOOD COURT 《韓國屋》，款式算多，而且上餐速度快，平靚正之選！我點既餐係$48雙併👍一半飯一半韓國粉絲，每邊都可以自由選擇配豬/牛/雞肉架。我就揀左牛肉飯同埋豬肉炒粉絲喇。醬汁方面唔夠既話可以自己添，有得添韓國辣醬（不會太辣）同埋有點像中式的甜醬油（勾芡汁）☺️$48就一次過滿足我兩個願望呀，正呀！仲送一碗勁足料既海帶湯！哇哈哈😄1. 韓式牛肉飯個邊，牛肉份量唔算多，所以食哂都仲有好多飯剩，冇牛肉配！但另一角度就係飯既份量好多，唔驚餓住走架～2. 韓式豬肉炒粉絲，加配韓式辣醬一流。一直呢款超彈牙既粉絲係我最愛之一黎架！味道黎講，當然未去到哇！好正，但係呢個價錢食到呢個質素份量，十分滿意 ☺️👍呢間我覺得係FOOD COURT中既首選😘

去開東涌行街，夜晚求求其其搵啲嘢食，見個food court都幾多選擇，就入左food court。韓國屋個$48 set可能係成個food court最抵嘅野食。有飯同韓式炒粉絲，仲有得揀兩款肉（烤牛肉/烤雞肉/泡菜豬肉）。拎埋野食之後先發現原來仲包埋一個海帶湯，湯入面仲有肉，不過因為塊肉太韌同埋冇乜味，所以唔係太分辨到佢係牛肉定豬肉。我自己叫左牛肉飯配泡菜豬肉炒粉絲。牛肉唔肥，但好韌，不過勉強算係有牛味。個汁真係可有可無，唔落可能仲健康。泡菜豬肉有少少辣味，撈埋落啲粉絲到都算ok。不過就咁食塊泡菜就味道麻麻，豬肉都普通。食到後來覺得泡菜豬肉粉絲有啲鹹，就將啲飯都撈埋入去一次過食就算，咁樣都算ok。價錢係抵不過唔好有太多期望。不過如果下次又去開東涌，又想平平地食啲野嘅話，都可能會再食佢。朋友叫左烤雞肉，雞肉好鞋，唔推薦。前排喺朗豪坊food court食過類似嘅野，好似好味少少。