影片
以上资料只供参考，请与餐厅确认详情
比起漢陽苑更有歷史的韓式燒肉店，真的是摺得一間就一間，無他的！現在日式燒肉抬頭，加上韓式燒肉也有不少韓國菜店子做了，比如本人早前到訪過的高麗韓國餐廳，想不到已經不知不覺之間結業了，是日剛好在這一帶有點事要辦，就近近地來個韓烤，也回味一下老式燒肉的風味。是一所真的很老的店子，最易分辨到的，就是店家的設備，由天花板直向下伸的抽煙囪，加上那個小小的燒肉爐，面層只是一塊條狀的網坑，不知現在不少年輕人又看過沒有？店家的午市套餐簡直就是一個親民價，本人選了羊扒燒烤餐，另外女友及其友人分別點了豬肉及牛肉的客飯套餐，前者四十元也不用，後者更只是二十八元，連去大家X買個焗豬，也買不到了吧。先是來點泡菜，三個人分得六小碟，豆腐卜挺為好吃，暖暖的吸飽了一點點辣的湯汁；不過本人的至愛泡菜，就真的認真麻麻了，雪得太冰之外，吃起來的酸度及辣度都不夠刺激。那碟椰菜其實同時也是炒粉絲，不過就是椰菜多而粉絲少，吃起來口感不太彰顯，不過椰菜清甜，加上順滑的粉絲及爽口的甘筍條，真的也非常不錯；白菜煮得軟軟的，但其莖還帶爽口，鹹度適中；最後的芽菜也如是，夠爽嫩而豆芽也香。隨後也送來一碗紫菜蛋花湯，湯的味道似足吃紫菜四寶河湯底的味道，另外蛋花及蔥的味道就不太彰顯了，果然是一碗很地道港式的紫菜蛋花湯。先是來談唔太及其友人的肉類客飯套餐，其牛肉又嚡又韌，吃起來更有點如肉粉般的東西飛脫出來，醃肉的味道過濃，既鹹且甜的味道全蓋過了肉味，不知這肉是雪藏了多久的貨式，以事論事，其實真的頗為差勁。另一客的豬肉就稍為好一點，但其實也好不了到那裡，肉質也是很韌，但嚡的程度沒有牛肉的那麼嚴重，而味道？吃起來跟牛沒兩樣，果然是用上統一的處理加工手法，濃味非常，真的好下飯。之後就是本人的燒羊扒了，羊扒每塊雖細小，但件數都非常之之多，由於火力也挺夠大，肉又偏細片，所以燒一會兒已經是有得吃。這件羊扒出奇的吃起來沒有化學的質感，吃起來真的是有着吃肉的質感，至於味道就真的同樣的重口味，醃得很濃，不過感覺到多一分蔥蒜的味道，香味非常之強，所以也如是的吃不出肉味，也更加吃不出羊羶味，這可說是吃得最不過癮的地方，不過回想起來，已經是要比唔太及其友人幸運的了。最後隨餐附送一杯銀菊露及啫喱，有吃有喝的，廿多元去哪找？而且杯銀菊露頗為好喝，有清清的花香又不太甜，夠下火！啫喱也是兒時在家吃到「蘿蔔仔」的味道，青檸味加了花奶，也是那個一貫如一的味道，酸酸甜甜，雪得夠硬，也沒什麼好投訴。雖然味道不是最好，但在百物騰貴的年代，吃一餐燒肉午餐都可以咁平，去哪裡找呢？
继续阅读
剛剛食飽, 我真係忍唔住要上黎講！環境同食物都乾淨, 醃料唔錯, 好香好好食！個燒烤爐兩人用好啲, 四人用真係好細(原諒小弟第一次咁樣燒烤)相片方面可以參考其他食評, 我唔重覆啦。每人會包一杯菊花茶, 往後每杯好似$6茶就可以添飲, 不過所有店員係唔會自動向你倒茶！起初第一次要求加茶, 侍應生遊黎遊去, 比左汽水另一枱都冇加水。咁我地自己講話佢記唔記得。跟住佢聽到就發我地脾氣話而家加囉, 冇話唔加之類食左五十分鐘我地要求換鐵板, 侍應話只可以換一次佢換走舊個塊鐵板, 唔係避開客人咁拎開, 完全係貼住圍住我咁拎走因為我地買左生日蛋糕, 要求佢比四隻碟同叉完全係"扔"落枱面比我地。自問我地要求佢地做乜都好有禮貌唔該前唔該後由坐低我地好奇問四人咁細個爐開始 對方既態度真係好差最後埋單, 朋友既老婆埋單(簽卡), 跟住就咁扔張卡同單係我朋友到！重要係我地傾傾下計先發現埋左單, 我去櫃台同老闆投訴, 個位服務一流既侍應一句sorry都冇講過。我好希望今晚係個別事件, 食物環境幾好, 但贈送一肚氣。呢間餐廳我地冇下次。
继续阅读
本身想先book 2位的，但是原來2位以上才可以訂檯...?!雖然如此，但電話裡的職員跟我說七點半之前正常都會有位子的。果然我7:25到達，坐下不久就全滿了這裡的肉醃得很好，我自己特別喜歡他們肉質鬆化，又沒有大陣梳打粉味的牛仔骨。第一次來的男朋友喜歡他們的羊扒。其實這裡和我在韓國吃過的韓燒很相似，小小的爐，上面一條吸走油烟的長烟通，跟其他在香港那些韓燒架步很不同。這裡是任吃1小時45分，不過通常很少真的走過來話你知夠鐘一開始我們先拿了很多紅腸，魚塊，雞肉腸及雞翼，因為一些快熟一些慢熟，不會餓死今日的牛仔骨也如常，肉與脂肪分佈得很均勻，靚到不得了男朋友拿了一點豬肉和牛肉和最喜愛的羊扒。是油膩了一點，不過香到鄰座都忍不住望完又望呢其實真心的，韓燒哪裡都差不多，不過這裡醃得入味，價錢不貴，雖然食物及甜品的選擇都不及其他韓燒店多，但是這裡有家庭式的溫暖，來多了老闆和員工都會認得你 不過最衰是2個人不能book檯啦!!
继续阅读
之前一直都想試下呢間韓燒...呢日終於有機會啦, yeah~!落到去, 舖仔細細, 不過坐得都幾舒適 =v=坐低之後, 一人一杯菊花茶 (送 1 杯 only).見到個爐好細, 仲估佢唔夠力, 點知!!! 原來個爐超正耶!!!火力唔需要改, 店員幫你開左果個火力o岩o岩好..爐仔細細, o岩晒慢慢燒, 慢慢食...而且佢仲好神奇地, 唔需要加任何油, 無論你燒幾耐, 都竟然唔會 "痴底", 超讚!!!至於, 食物方面, 選擇唔算太多, 基本既就都有齊...味道唔錯, 唔會覺得係 "行" 貨, 讚!!仲有甜品, 有糖水, 有生果...就係無野飲, 哈哈!男友仔叫左個啤酒, 都幾貴, 唔抵!!基本上, 食物方面唔覺有咪精, 所以全程我都唔覺得口渴, 讚!!建議, 如果真係口渴, 食完先出去買野飲~
继续阅读
28-10-2010(四)夜晚同成班同事,一行8人去食韓國燒烤屋,o係尖沙咀,都算幾方便,o係美麗華一路直行入去好快就到!!行到入去,見佢細細間,不過今日係星期四,我都book左位,不過其實都冇咩人~ 一放低個袋就即刻沖出去拎野食!! 以我記得生o既韓燒食品有:牛肉,牛仔骨,牛脷,雞肉(好味好味!),雞中翼,鴨腎,豬扒(太大件,太硬,同埋冇咩味),豬肉,排骨,羊肉,羊架,魷魚,魷魚鬚,白色八爪魚仔,粟米(唔係太甜),香腸,芝士腸,午餐肉,煙肉,冬菇(燒完個味好怪..),多春魚,秋刀魚,石班魚柳(好滑,好好味!),紅腸,青口熟食有:泡菜,籮白,白菜仔,豆卜,甜味魚仔(好好食),芽菜, 籮白絲,椰菜,壽司,白飯,中湯,炸饅頭甜品有:熱蕃薯糖水,粟米椰汁榚(好味),涼粉(好味),啫喱飲品有:無張添飲o既熱茶,每位只有一柸凍菊花茶,到差唔多食完,個侍應突然拎左6支汽水比我地,話6個人以上就送6支,不過我地有8個人... 哈哈8個人食,埋單總共$950,平均每人$119左右! 真係飽到上心口... 哈哈!我地8個人都真係幾嘈,但係都冇比人鬧,哈哈,我o個日去都見到有外國人去食~整體黎講真係唔錯,一班人去食,gathering幾好!!
继续阅读