韓家韓國料理 (已結業)

第一次嬲到要寫食評男侍應極串首先，叫過好多次openrice外賣自取，我係未見過有舖頭print唔倒個取餐號碼出黎，即係“T000X”，我咪重覆問“我openrice架喎”，之後佢乜都唔解釋就開始態度勁差………好！其實如非必要，我係好唔想公開讀自己電話出黎(之後先知講尾4個數字就得，又唔講喎，淨係係咁黑面發脾氣)，不過你咁特別print唔倒取餐號碼出黎，我講電話號碼囉，我講咗幾次都聽唔倒，到聽到又搵唔倒袋外賣……之後開始懷疑我冇落單定落錯單…之後發現袋嘢一直放喺佢眼前，最近嗰袋…串咀之餘，前後搞咗10分鐘先攞倒袋嘢…我忍唔住講句“可唔可以有禮貌啲”…個男侍應爆返我“你有禮貌我咪有禮貌囉，叫你講電話又唔講…”先生…我講完你咪又係聽錯搵唔倒袋外賣，講咗我好多次啦！！！你一早禮貌地解釋我咪唔會黑人問號囉，相信我唔係第一個奇怪佢哋唔知取餐號碼嘅客！！間間外賣都print倒個number出黎，而且有好多外賣店真係用幾個平台收單，用唔同方法記認，所以我咪講你知我係openrice叫…你搞咗咁耐都俾唔倒袋外賣我，少少歉意都冇仲爆返我轉頭？

呢間舖頭服務態度極差， 同朋友嗌咗兩個套餐， 一份係炸雞一份係飯卷， 落咗單10分鐘左右， 嘢飲同炸雞都嚟咗， 食咗十幾分鐘食完， 跟住朋友個飯佢一直都未到， 等咗35分鐘， 終於忍唔住起身問佢， 個店員仲話係咪埋單， 我想話有我哋入舖頭嗰一刻到我哋離開一直得兩枱人， 仲要係同一個店員幫我落單， 我想話嘢食未到齊點埋單呀阿姐？？？ 張單有寫我哋落咗單， 係佢哋唔記得咗整， 三個店員喺度傾計傾得咁開心， 作為一位員工你係咪要跟進下啲單呀， 好啦跟住又等十分鐘，最後擺喺張枱講咗句落漏咗唔好意思走咗， 最後個飯卷仲要凍冰冰， 切到歪嚟歪斜 ，其中一嚿仲要散咗， 莫非貴店用材料鍾意新鮮啲，啲飯要即叫即洗米煮飯？？ 嘥曬啲時間好差嘅體驗！！ 一坐低枱面仲要有污漬， 梳化有飯粒。。。 我嗰日著短褲去， 我返屋企覺得大腿黏笠笠， 發現大腿後面有辣醬， 我估我一個成年人點樣食飯都唔會食到大腿後面有辣醬呀嘛。 體驗極差，唔會再幫襯！！

2020年最後一日就食啲韓國嘢啦~🥰喺openRice見到佢嘅評價好極端🧐有啲覺得好好味👅，有啲就覺得好伏🤮，所以就去咗呢間餐廳試吓係咩水準🤨==============================🇰🇷韓家韓國料理 📍觀塘駿業街56號中海日升中心1樓G號舖 ⏰星期一至日 11:30 - 16:00 & 18:00 - 22:30==============================1️⃣【韓式烤肉飯 配牛】$68呢個飯有太陽蛋🍳、烤牛🐮肉同埋少少沙律菜🥬配胡麻醬。牛肉🐮方面醃得幾好味同入味👅，送飯一流👍🏻沙律菜就唔係咁新鮮，最後冇食晒🥺(🔥怒食指數：7/10).2️⃣【韓式炸雞 柚子蜜】+ $18炸雞🐔係唯一出色嘅食物，佢係啱啱炸起，熱辣辣🔥，出面包住柚子蜜嘅汁酸酸甜甜好開胃。雞肉🐔食落好多肉汁，唔會好鞋，好鍾意佢嘅炸雞，唔怪之得佢嘅炸雞咁出名啦😆(🔥怒食指數：9/10).3️⃣【滑蛋鹽燒三層肉飯】$55白飯🍚做底，上面有蔥花、滑蛋🍳、腩肉同埋豉油個飯嚟到嘅時候都幾失望😞，佢嘅腩肉係白烚，無味無色，完全冇調味過，而且腩肉好乾好鞋，食咗幾舊冇再食🥶成個飯嘅味道係靠豉油帶出嚟，完全唔知食咗

附近返工食晏，韓國餐廳唔多，就試吓。入到去，環境一般，觀塘工廠附近係咁㗎啦。 2個大電視播住韓國 MV，啱晒我。點咗個烤牛肉午餐，68蚊，韓國菜合理價錢。等咗一陣上個三式泡菜，我係泡菜 fans ，一見到即刻知道出事。好似啲菜渣咁，完全唔可以話係泡菜，叫青瓜，芽菜同薯蓉就差唔多。到個飯嚟就仲大鑊，飯硬又凍冰冰，隔夜？個牛肉炒洋蔥，油到爆炸，咩叫做烤肉？唯一冇批評係隻煎蛋呢碟嘢唔可以叫韓餐囉真係茶餐廳碟頭飯都不如，點會咁架？！

韓家鋪頭唔大，但位置方便，野食種類都幾多。平時食中午就食得多，呢日就嚟試吓佢嘅晚餐。當晚好好彩，雖然無book但去到就有位。喺門口就睇到佢哋為香港人打氣嘅說話💛店入面仲有大量韓星嘅相同mv😂。-食物種類唔少，Menu只影咗小部份。兩個人都叫左好多野食，而且好好彩當晚上菜好快⋯⋯--💛炸雞大推！每件都好Juicy，咬開真係有肉汁，而且係滑嘅一啲都唔嚡。牛油蜜糖醬都好高質，見到佢好稀點知原來味好濃。-💛豆腐湯飯本身有配飯，但驚太多嘢食唔晒所以走左飯。湯入面超多雞，但無炸雞咁滑。個湯就偏鹹唔太辣。-💛拌飯嘅白飯份量極多，一樣唔係太辣，配菜種類多。-💛泡菜煎餅比較遜色，因為太軟身似無煎過嘅感覺。另外味道太淡，如果唔點醬汁接近無味。-💛兩杯飲品，份量多味道亦算不錯。-由於韓家鋪頭細細位亦唔多，真係要撞手神睇吓多唔多人排隊同等外賣，否則真係有排等⋯⋯另外鋪頭漏單同錯單嘅情況當晚都有出現，可能人手太少都係一個原因，但整體黎講食物質素同味道都好唔錯。

我經OpenRice 於12:27落order,付款，訂13:00取餐。我於13:01 OpenRice 顯示可取餐，我入店內詢問及顯示OpenRice 的取餐號碼，那位男服務員很不禮貌地，只問了我電話號碼就說未得，我再詢問，他只是說顯示的只是system 自動跳過，餐未得，要我在店外等，得就會拿出去。等到13:30我再入去問，當然我的餐已一早在枱上，我再問他，他很不禮貌的回應，他很忙，那有時間拿出去！想問是OpenRice system 有問題，還是他有問題？取餐後，我5分鐘左右後進餐，飯是一點也不熱，不暖，是涼的，不說食物質素，要等一小時和店員的態度，可以入black list 了。

約左朋友試食依間觀塘食韓國菜既小店有點小失望 豆腐泡菜鍋的豬肉有點un 無味泡菜餅又煎得不夠脆和香口，有點過濕做得不錯的是 牛肉炒粉絲 味道適中 蠻香麻油味其他都只是一般般不會特地去吃

💛💛💛 - 🧀🍳 Korean Cheesy Egg RollI couldn’t stop drooling when I saw the amount of cheese I have pulled!👅💦 Mayo and ketchup simply level up the evilness of the eggroll!😈-🐮Beef JapchaeCouldn’t have missed this in a Korean resto, could you? The glass noodles were stir-fried with plentiful veg and beef👍🏻-🐔Korean boneless fried chickenWe ordered honey butter flavour and obviously it was served with the irresistible buttery scent!😌💛 Chicken were definitely crispy and filled with honey on the outer surf

《廢物女孩👭食の覺醒》#觀塘篇🧜🏻‍♀️👧🏿向左碌碌◀️◀️-🍴韓式烤肉炒粉絲HKD72好大碟 牛肉好多粉絲都好多😹 食落口有少少黑椒味 粉絲加埋洋蔥食有口感得黎又夠惹味🤎牛肉唔韌之餘亦都無乜肥肉 個面仲要有隻煎得靚靚嘅太陽蛋🍳哇成碟野未食曬已經超飽🤪-🍴滑蛋鹽燒三層肉飯 HKD55又要講多次 真係好大碗😂D料多到好似見唔到飯🙈撈埋麵豉醬一齊食 鹹鹹香香真係一啖都停唔到口 食到最後都唔覺得D五花肉有少到 👧🏿覺得食左超多卡路里落肚🤪但係 值得嘅🙈呢個價錢 呢個分量同質素 糧尾救星🥳-🍴韓式炸雞(柚子蜜) (跟餐+ HKD18)有三大嚿 🙈柚子蜜酸酸甜甜加上炸雞就唔會怕膩🤤咬落去D油同肉汁爆曬出來 feel到係新鮮炸出嚟🤪食一嚿又唔知要跑幾多個圈🙈-🍴清淨園紅醋(Hot) (跟餐)+柚子蜜 (Hot) (跟餐)超級醋❗️飲落去果下差啲濁親😂但係配埋炸熱氣野食又真係好解膩🥳普通嘅柚子蜜 不過唔吝嗇地落左好多柚子蜜落去 所以好濃味☺️-✾味道覺醒指數: 3.8/5 抵食指數: 3.8/5服務指數: 3.2/5.-

韓家韓國料理位於觀塘中海日升中心內，大廈內有唔少食肆，位置都算方便，觀塘地鐵站出行幾分鐘就到。我哋一行四人揀左三個晚市套餐，套餐包括迷你沙律、迷你飯卷（暫時未有供應，所以轉左一件甜辣炸雞），我地揀左韓式烤豬肉飯，韓式烤雞肉炒粉絲，辣炒魷魚飯，另外點咗蜜糖芥末味炸雞。另外每個套餐包左一杯飲品，不過當日水果茶同梳打都冇，有啲失望，所以我地叫咗一杯紅棗蜜，一杯生薑蜜，一杯柚子茶。飲品唔錯，落糖漿落得重手，怕太甜可以自己再加水沖淡d。紅棗蜜有驚喜，坊間比較少有，有紅棗果肉。

黃店都要有返少少水準架等個炸雞等左成40分鐘？姐係咁，炸個雞洗5洗40分鐘？我一吹你，你就即刻上？個任食得90分鐘，上兩份炸雞上左40分鐘咁請問我仲洗食其他野既？沙律又落漏單

$78 炸雞(半)- 牛油蜜糖味$88 韓式芝心雞蛋卷$58 芝士辣年糕$77 烤豬肉粉絲$72 水冷麵#睇完menu咩都想叫😂 #最後兩個人食咗$411 ⠀⠀⠀⠀⠀⠀⠀⠀⠀今餐叫咗咁多嘢食 最鍾意喺外脆內嫩嘅炸雞 佢無骨又多汁仲好大嚿 我本身仲完全唔expect半份有咁多😂 而且牛油蜜糖味甜甜哋 我好鍾意😻 而中間半#流心 嘅雞蛋捲 又靚又滑 面頭加咗茄汁同沙律醬🤤 如果中間有多啲芝士就好啦🙈 而辣年糕好煙韌 啲芝士拉斯嘚幾長 而且唔會好辣 啱晒我😌 炒粉絲幾好食😋 而水冷麵就...我個人唔係咁鍾意嗰口感🙈⠀⠀⠀⠀⠀⠀⠀⠀⠀#推炸雞🍗 #下次去試埋其他味嘅炸雞😍 #醫護有折 #HK #KwunTong #KwunTongFood #💛

午飯時間2:10分叫個外賣炸雞併韓國海鮮煎餅便當，然後一直坐佢哋門口等，眼見其他人等外賣的人一個一個離開，到2:55分，連我落單之後10分鐘才到的人，佢哋落order嗰啲外賣（同樣是炸雞便當）都全部出晒，明顯覺得唔對路！入去問個職員，她完全冇解釋，淨係話催左，明顯漏咗單又唔道歉，仲死撐話冇漏！結果基本上係要跑回公司，亦都冇時間再繼續用餐，是日感覺非常唔良好！奉勸各位午飯時間如果唔係無限，真係咪鬼幫襯他們！唔問都唔出，一肚氣！

< 韓家 > 📍觀塘90分鐘午市任食炸雞 $98店員先上前菜 有泡菜同其他冷盤 呢個任食可以食五款炸雞、沙律同小食🤣 炸雞分別有柚子蜜糖、牛油蜜糖、甜辣、芝士同醬油香蒜味🍗個人鐘意柚子蜜糖同醬油香蒜味 炸雞即叫即炸 入口仲係好熱 皮脆肉嫩😛😛雞件正常size 一種味都有六舊 同朋友share啱曬😆 另外泡菜煎餅都值得一試👍🏻👍🏻

食物味道同質素唔錯，但係外賣自取漏單好嚴重，12:50左右落單，到店舖約1:05分左右，店員指單有啲多，未正式接單（其實當時食唔切單可以直接同我講，而唔係叫我等陣）；之後大概1:15分正式接單，1:25分系統話可以拎得，咁我又去問店員，佢哋抄低左編號入左去就冇再返去嚟，我明佢地忙唔追佢地住；我1:35再問，店員都係抄低編號入去又冇再出嚟回應我 （中途幾個chur佢地勁啲，遲過我既都拎左）；我1:45分行到入一入，終於問我飲咩⋯然後1:50出左個外賣比我，而我食飯時間到2點鐘雖然係同路人，但係做唔切或者漏單係咪應該諗左佢/早啲出聲 而唔係hea我呢？ 其他衝入去chur就早早出餐？ 咁禮貌同等待原來只可以換空氣？