韓日燒 (已結業)

今日行開西九見到一間食放題一個價錢就可以食到韓燒 同日式料理一入去地方都好大 岩一家大細黎食有好多野飲選擇 而且醬料亦係超級多再睇下燒肉區好多肉選擇 都算乾淨 同大塊亦都有好多打邊爐既料好多菜 仲有餃子 仲有紅腸同鴨胸餃子外脆內軟 十分推介！真係乜都有得食返左台之後即刻燒肉食 因為佢用左張油紙放底所以無咁大油煙同乾淨d 仲成日幫我地換～肉質都幾好 燒落去都好香整體黎講 野食選擇真係好多 有甜品壽司壽喜燒而且質素都幾好 份量都足夠一班朋友食岩晒

朋友話西九有間好抵食嘅壽司同韓燒午餐放題,可以食2個鐘,我地book左13:30,侍應就帶我地去個卡位,不過卡位拿壽司就好唔方便,之後就問有無坐近迴轉壽司嘅位置,但要等多15分鐘,我地就照等….終於有位啦, 侍應就問想要壽司放題還是壽司+韓燒放題,怕太熱氣,我地只叫壽司放題.坐近迴轉壽司真喺好方便,申手就拿到,但壽司種類就好少,有蟹柳, 蟹籽,玉子,腐皮,鰻魚,加洲卷等.....壽司嘅質素都唔錯, 蟹籽份量好多,飯又唔會太乾,都幾好食.壽司放題仲包一D小食,有韓式泡菜,手拍青瓜,蘿蔔,紫菜,木耳,薯角,咖哩魚蛋,炸雲吞,春卷.仲有粟米雞絲湯,木瓜雪耳糖水,麵鼓湯,西米露,飲品仲有五花茶,奶茶,豆漿,檸水,蜜桃冰紅茶,雖然種類都唔算太多,但埋單只喺79蚊就可以hea足2個鐘,位置又坐得好舒服,都值得推介.

西九龍中心係我中學時期的蒲點，或者咁講，成長於2000年代的青少年都喜愛西九龍中心，因為相比起其他大型商場，呢度冇咩點變.....雖一要講話變的相信是食肆，除了七樓的美食廣場，其他樓層的美食也不少。今日同久違的中學同學會面，行完西九經過肚餓就入左來，發現都尚算多人排隊等候！相比起其他放題韓燒，呢度可以話係略勝一籌，除了平常讓食客自取美食的放題區之外，仲有個大廚精選區，有個大廚定時煮好特色美食，又或者即叫即蒸，餐廳仲設有個迴轉壽司區，相當抵食～餐桌上有兩個區，分別是韓燒爐同埋個火鍋區，我地四個都算大食，牛同豬都好新鮮，燒幾燒就好快熟，丸類一定係我的至愛，應有盡有～火鍋湯底仲可以自己任揀，有豬骨湯底同埋日式火鍋湯底！估唔到菜都好多款～食完主餐食甜品是常識吧！凍奶茶可以自行調配甜度，最岩我呢D唔飲太甜的人！

今日同啊媽係西九龍中心shopping 左成日，啊媽見時間都唔早，廢事返到去再煮，於是我地就周圍睇下有咩岩食。咁岩見到呢間韓日燒，見佢裝修都幾靚咁，又有得食日、韓兩味，而且又唔貴，所以都入左去試試。入到去見到佢地個架上面有好多唔同嘅酒，原來佢有個架，上面有好多唔同嘅酒可以任飲，梅酒、清酒、紅酒等等。唔想飲酒嘅話有好多其他野飲，冷熱都有。入面有迴轉壽司可以任食，魚生甜蝦都有。肉同菜嘅種類都有好多，亦有好多唔同嘅熟食可以揀。想轉個食法可以拎個細鍋打邊爐。 甜品都有好多唔同選擇，除左糖水，仲有其他甜品好似涼粉，燉蛋，大菜糕等等總括黎講，百幾蚊可以食到日、韓style 嘅放題，而且又夠多選擇，值得推薦俾大家一試！

有時真係唔好貪平，哩間放題可以話我係食過之中最差既一間，價錢唔算貴，2百蚊有找，但食物質素差劣，壽司乾身唔新鮮，烤肉各款都好鹹，肉又韌，簡直中晒伏，唔會再有下次。

去西九龍中心行完街都好鐘意係到搵野食，每層都好多唔同餐廳；見到有一間任食韓燒、火鍋、迴轉壽司…未入門口都聞到香噴噴，仲要計埋加一都係二百幾蚊左右；諗都唔洗諗就依間迴轉壽司款式都有好多:連刺身都有(三文魚、甜蝦、吞拿魚、希靈魚都有….)迴轉吧既上面仲放左好多梅酒，寫上年份，親自製作好用心既餐廳肉類都好多選擇，我最鐘意食依到既牛仔骨好入味，仲有多春魚，丸類、菜類都有….熟食春卷：飯、黑松露意粉，仲有廚師即場燒青口，日式燒餅……飲品除左汽水，仲有五花茶、豆漿、奶茶、檸水火鍋、熟食、韓燒、迴轉壽司同時享受；超值既價格

今日和阿妹去長沙灣道買衫，諗住食埋晚飯才返家，在西九龍中心俾我們搵到間200元內就食到韓國菜，日本菜和中菜環境寬敞舒適好喜歡韓國泡菜，蘿蔔，青瓜，夾埋牛肉更加惹味又埋炸雞，春卷，咖哩角，魚旦等等，小食豐富，只食小食都飽啦攞各款食材燒烤啦超多牛肉種類，雞扒，魚块，肉質食落新鮮，丸類彈牙爽口烤啊烤啊，好快有得食一品鍋，可以自由加疏菜，菇類，丸類醬料自由發揮自己所愛食完燒烤肉，又食埋鍋類，現在要選壽司刺身啤酒一支支任飲，又有日本酒，又有可樂，檸茶，豆漿，桃茶，五花茶等等食埋中西式甜品，飽晒啦

星期日同家姐陪爸爸媽媽出街食晚飯，今次由家姐發版，揀左深水埗西九龍中心的韓日燒，呢度有日式回轉壽司，又有韓式燒烤同火煱，可以滿足我同家姐兩個和食癡，又可迎合兩老熱食嘅需要。餐廳係中心嘅六樓，地方都算寬敞，主要係卡位形式，雙人座、四人座，六至八人都可安排，枱上分別有韓式烤煱同火鍋用嘅電爐設置。我地揀左回轉壽司帶旁嘅位置，可以睇到司傅製作壽司刺身，又可第一時間攞到心頭好。壽司款式都算不少，三文魚，鰻魚，玉子，甜蝦，腐皮……連花之戀都有，刺身亦好新鮮美味。裏面有熟食區、韓燒同火鍋食品區，擺放整齊清潔，醬料嘅選擇都唔少，可以隨便自由配搭，以自助形式取食物。飲品有蜜桃紅茶，青蘋果綠茶，五花茶豆漿同各式汽水，最驚喜嘅係有無糖熱豆漿同凍奶茶，男女老少總有一款啱你。韓式泡菜調味做得唔錯，令人胃口大開，好受歡迎，餐廳re-fill都好快。熱食嘅咖喱魚蛋同炆牛肚，惹味十足。香口點心有薯條、春捲同咖喱角。炸鷄配松露意粉， 飽肚一族韓式燒烤同火煱嘅肉類同丸類繁多，海鮮有斑塊、多春魚同秋刀魚，菜類菇類，亦一應俱全。要一讚嘅是包燒肉係用牛油紙，無咁容易窿，而且牛油紙嘅補充就放係枱上，讓客人自由更換，好方便！如果想

一直都聽聞西九龍中心有間好抵食嘅放題，咁啱尋日 就同朋友行開深水埗，就話不如去西九龍中心嗰間放題度食啦，朋友話好呀就拿拿聲去等位。正常價錢，唔係好貴。點知一入去就首先見到唔同嘅酒， 都坐到埋位打算出去睇下有咩嘢食發現就不得了， 因為太多選擇啦。除咗上面嘅嘢飲同埋熟食之外，因為間餐廳亦都有火鍋同埋韓燒，所以有好多新鮮嘅食材可以選擇。咁當然仲有迴轉壽司啦。最後就係食甜品呀 款式太多啦所以我都食唔曬咁多款，只係可以揀其中幾款嚟食。四個人食埋單800蚊都唔使仲有咁多款式，真係好抵食，而且味道又唔差，下次可以帶埋屋企人嚟試下。

又嚟到一次過滿足哂2個願望嘅時刻👏地點前身地點係明將，依舊有迴轉位，不過無左騎尼壽司😂不過就多左刺身😍每碟仲有3款添！！自助醬料區❤️應有盡有。飲品區❤️有汽水，涼茶同茶餐廳必飲嘅選擇。甜品區❤️款式都算多架~推薦椰汁糕，有口感又唔會太甜，椰汁味香濃。食材區❤️好多食材既可以打邊爐，又可以韓燒😍前菜及熟食區❤️泡菜泡菜，包住肉同生菜食一流👍韓燒❤️提供牛油紙，燶左可以隨時換，方便快捷~必食牛仔骨😋😋火煱❤️有2款湯底選擇，豬骨湯清甜，食菜岩哂。

係呢個商場Shopping行街，經過呢間餐廳，見到佢地推出嘅韓日燒自助晚餐，好似好豐富咁，於是就「二位吖，唔該」😜大部分都係舒服嘅卡位，無論二人或多人同行都坐得好舒服，啱哂吹水傾計。飲品區有不少選擇，除左汽水🥤啤酒🍻之外，佢哋仲有D自家製梅酒、清酒、桂花酒等等，啱哂鍾意試新野的客人。食物方面選擇亦不少，食自助餐最開心就係自己鍾意食乜就揀乜，一大班朋友各有各選擇，柴哇哇最開心。我呢D健康人士就最鍾意佢嘅疏菜區，多選擇得來又新鮮，啱哂keep 緊fit 嘅我。卡位上面主打韓式燒烤，大顆兒取了食物，一路燒一路飲，呢D樂趣係現場嘅氣氛下特別好。隔離有條輸送帶沿沿不絕地送上各式各樣的壽司🍣刺身，客人鍾意邊樣就拎邊樣，感覺好爽爽。鍾意十下十下嘅朋友又可以用呢個生鐵鍋來打邊爐，真係一次過満足哂所有人嘅願望。老實講，比我齋飲酒，食少少嘢，有個地方吹下水已經覺得賺哂，何況如果係大胃王就應該更加🈵️足🈵️意啦。

相信好多人都知道韓日燒嘅來由啦可以話佢係窮人恩物黎，平日去食個午餐放題都可以100蚊埋到單，仲要食到勁飽！以午市黎講，佢嘅選擇冇咁多，因為少咗酒同埋火鍋食，不過論價值都係好抵！壽司黎講，種類都係三文魚、玉子、八爪魚、加州卷等等，要再貴價嘅刺身就未有提供喇🤔除咗壽司，都仲有甜品櫃：芒果布甸、涼粉、西米露都有得食，好彩嘅話有brownie !熟食嗰邊就有韓式小食芽菜雲耳海帶，都有香港嘅魚蛋，咖哩角春卷等👍🏿👍🏿一定有你心水！

西九龍中心真係我嘅童年回憶，以前細細個喺石硤尾附近住，一放學就會同屋企人嚟到西九龍中心行街食嘢 。估唔到呢一個商場越開越多嘢食，同朋友行完街， 就梗係要醫下肚啦，諗唔到食咩，食韓式燒烤咁多選擇，就最好不過啦，自己可以夾自己鍾意嘅嘢食。仲有專人鐵板燒，喺韓燒之前都可以醫下肚餓。食物選擇都幾多，淨係蔬菜都已經擺滿一個櫃。仲有好多款嘅丸類、肉類、腸呀等等。當然唔少得就係肉類啦，有一般嘅牛肉、雞翼、豬扒、墨魚、多春魚、鯖魚同埋雞腎等等。拎到一碟都係，不過真係食得曬先好拎咁多呀， 食唔曬淨太多嘅話，要收返錢㗎，所以大家唔好做大嘥鬼呀。仲有刺身拼盤都幾豐富㗎，有甜蝦、生蝦、八爪魚等等。入主題啦，梗係要燒下啲肉啦，好貼心嘅係燒爐入面放著一張牛油紙， 咁樣就唔怕黐底啦。真係好多嘢食，拎到成枱都係。最開心嘅就當然係食迴轉壽司啦， 而家啲迴轉壽司店真係買少見少， 而且放題同韓燒好少有得食迴轉壽司，而家真係滿足我n個願望啊。仲有唔少嘅冷盤、韓式泡菜可以選擇，例如：青瓜、泡菜、芽菜、木耳、海帶等等。仲有甜品同火鍋，所以真係食得好飽。最後當然係唔少得雪糕喇， 不過雪糕真係手快有手慢冇， 本身應該有芒果、雲呢拿同

行過見到呢間日韓燒好抵食 $168加一 就有齊韓燒迴轉壽司火鍋 仲有d 熟食同埋甜品🤤 一去到睇下有咩可以燒先 肉類都幾多選擇 基本肥牛 牛排 豬排 雞排 都齊👍 想食嘅芝心同埋蟹籽丸都有 成個櫃都係丸🙈 仲有成個櫃都係菜 菇 可以打邊爐👍 仲係唔限時任燒 燒魷魚好惹味 其他肉全部都醃得好入味🤤🤤 想冇咁膩 就可以拎d 生菜包住d 肉 😆 隔離仲有油紙自己可以換👍 出面係自助迴轉壽司 大部分三文魚玉子腐皮等等都有 想食三文魚刺身可能要等等 好多人都想拎！ 三文魚幾大塊同埋厚切 好味🤤 想打邊爐自己出去拎個小鍋 入面本身有d 菇同埋菜 可以自己加湯底 想食咩自己拎就得！ 最後仲有呢度嘅豆腐花最好食 超級滑溜 忍唔住食翻碗 😆 椰汁糕都好夠味 一d 都唔稀 唔似個d 溝過水個d！ 整體黎講 夠平又多野食👍 抵食呀

真係好難食既韓燒自助餐，肉類燒完好難咬，好乾身，食左1輪都冇再食，轉食壽司，還可以，淨係食芝麻八爪魚，雪糕冇特別，而且口味唔多選擇，其實店內食物選擇其實好多，但質素麻麻，價錢200蚊唔使，唔算貴。