韓日燒 (已結業)

韓燒越開越多，有時又會同放題火鍋合二為一，這間在西九龍的韓日燒真是包羅萬有，除了有韓燒、放題，還有火鍋，而價錢只是一百多元，小童及長者更是百元不用，價錢超值。這裏主要以卡座為主，座位寬敞舒適。外面自助熟食有春卷、咖哩角、黑松露意粉、韓式泡菜及前菜等。迴轉壽司及刺身都是自助任食，有甜蝦、魚刺身及卷物等。韓燒肉類有豬牛雞腸，全部都醃製過，味道偏甜，還有蔬菜，雜菌及茄子等。大量自助醬料，實有一款啱。火鍋自助湯料有兩款。甜品有葡撻、豆腐花、凍糕等。飲品有啤酒、清酒、梅酒、vodka、桂花釀，十分吸引。

同呀妹一齊行西九龍中心 想搵嘢食 然後見到呢間韓日燒 寫住有韓燒 邊爐 各種壽司 甜品 甚至熟食都有 價錢仲要好平！ $168 加一 又唔計時 可以慢慢食👍壽司係迴轉 平時食開嘅款都有 玉子三文魚腐皮蟹子加州卷都有🤤 刺身都有不過唔算多 想食三文魚 三文魚腩 甜蝦就要等下 都多人等😆 檯中間有個韓燒爐 油紙係旁邊 可以自己換🙈 有成3 大櫃嘅嘢可以燒或者打邊爐 豬牛雞 樣樣齊 肥牛都有 全部都係醃好哂 幾入味各類丸都有 芝心丸 蟹籽丸 都有！ 隔離仲有個櫃全部都係菜！ 可以自己拎煲打邊爐 自己落湯底😚肥牛無論燒定淥都好食🤤想食大板燒 出面仲有司傅幫手整 另外仲有燒牛肉tim😆飲品都係自助 我仲意飲呢度嘅豆漿 味唔會好甜 凍凍地 有黃豆味 好適合食完肥膩嘢！👍最後一定要試呢度嘅甜品 尤其係椰汁糕 結實而濃椰汁味夠！ 仲有呢個焦糖滷味 奶味香濃😭👍👍豆腐花就超級滑 夠原汁原味👍👍👍整體來說 呢個價錢食到咁多嘢 香港應該得呢間了😝

以前在西九龍中心附近返學，日日都上去food court，十幾蚊一個幾餸飯，再唔係就貴少少去食韓燒等。現在西九龍中心越開越多食肆，其中一間韓燒更是平絕全港九，百幾蚊有過百款分別是燒肉、蔬菜、壽司、刺身、熱薰、甜品及啤酒汽水等，還有長者及小童優惠，晚餐一百蚊都唔使，有幾多間食肆可以做丫？雖然價錢平，但食物質素都不錯，肉食有豬、牛、雞，各自有多款不同調味。蔬菜、腸仔、丸類任君選擇。熱薰有炸春卷、咖哩角、韓式炸雞、湯羹等。迴轉壽司及刺身多不勝數。甜品中必食豆腐花，新鮮有豆香且夠滑。其他汽水、五花茶及無糖飲品，可自行加糖調較甜度。最欣賞係佢任飲啤酒，都有三四種，其次清酒、梅酒、Vodka，真係飲酒都夠回本啦。

今朝飲完茶3個大人埋單四百幾，真係唔知食咗乜!夜晚去深水埗睇電腦，都係想去返呢度嚟個大滿足!今次已經係第二次嚟呢度，8:30後仲可以有折添，真係抵過日抖去飲茶~百零蚊乜都有仲可以大滿足，而且呢度地方大，坐得幾爽~轉轉流水線見到最愛花之戀，都唔錯吖~刺身亦有甜蝦八爪魚同三文魚，即刻食咗兩碟~好欣賞佢哋有為客人諗，奶茶係低糖配方呀～貼心嘅仲有呢張紙，唔怕啲油彈到自己啦～泡菜豬肉要推介，夠入味~鹽焗秋刀魚亦係推介之一熟食方面，黑松露意粉同炸雞都唔錯，雞肉仲好juicy,無乾爭爭㗎~即場燒青口好惹味~燒牛肉亦夠嫩口焦糖燉蛋勁creamy,正唔少得呢個酒吧，老公飲咗2支清酒，下次要試下其他花酒先得

朋友約吃飯，她說要吃放題，壽司，韓燒及火煱。但是她說只預算200元一位，真是高難度。  不過，我喜愛去高難度挑戰，最後上Openrice, 搵到韓日燒。   於是我們決定用每人200元，去韓日燒大吃大喝。   內部環境不錯，巳坐滿好多人呀。  幸好有訂位，坐了迴轉壽司位，可以任選壽司吃，先來吃我最愛的粟米壽司，加州壽司及太卷，味道不錯，又有海草前菜。 價錢大眾化， 壽司用料實足。 還有甜蝦及三文魚刺身。   出面有好多熟食，有菠蘿炒飯 ，炒得入味，炸雞炸得香脆。  韓式前菜，有辣辣地芽菜薯條  ,春卷 , 咖喱角 ，香脆美味。酸酸的青瓜，好醒胃。鹽焗秋刀魚，愛吃魚的朋友話，好有魚味。有沙律菜，生果，雪糕供應。有好多燒烤的食材，任均選擇，肥牛燒一燒，香氣撲鼻，微燒焦，好味道呀，還可以任食添。 但是餐廳不鼓勵浪費，浪費食物一定重量要收費。這裡超多醬料，適合不同人的愛好。發現回本食物，有專人燒烤的青口 ，青口燒一燒，保持青口的原汁原味 ，鮮甜。  燒烤牛肉，好Juicy  又不會韌。火煱細細煱，不會吃過量 ，有🐷骨湯底及大喜燒湯底，湯味道不錯。 有多款蔬菜，丸仔及腸仔款，可以烚下烚下。 最愛

一家人食飯最緊要係乜嘢? 有人話係最緊要食材新鮮! 有人話最緊要係個爐要夠安全! 大K 話 一家人食飯最緊要係齊齊整整!一班朋友或者一班屋企人， 一齊坐低食飯永遠都係最開心嘅時光! 好多時候 人多就會出問題，你鍾意食韓燒；我想食打邊爐 ; 佢又想食壽司；阿邊個又想飲酒 ; 阿邊嗰個又想食甜品。 正所謂人多手腳亂~~人都有各人嘅要求。 個個都唔同 ~.~ 我都唔知就得邊個好？今次呢間韓燒 就有齊曬中/韓/日 /美 /台/俄羅斯唔同嘅 選擇習於一身 (good)! 中式炒飯 韓燒日本刺身美國肥牛 台灣甜品 俄羅斯酒呢度最可惜嘅就係冇辦法將所有嘅嘢都食一次。 因為太多啦! 大K粗略估計過，如果要把所有食物都食一次，估計要食足3日。大K唔想浪費食物，所以只係試左其中的三分一，其他的得大家去發掘。

兩個月前行西九龍中心，經過這間韓日燒，見佢抵食一家人就入去試下，令人十分滿意，今次是我們第二次來。這間食肆可以同時吃韓式烤肉、迴轉壽司、日式火鍋、熟食、 甜品，冷熱飲品選擇也多，最特別的是有很多款各式酒類，百多元任飲任食，真可以說是平靚正。韓式烤肉提供的肉類也不少，肉的醃料調味適中，烤起來就算不沾醬汁也很好味。雖然如此，這店提供的醬汁配料種類也很多。熟食的款式雖然不多，但也十分美味，今次食的炸雞和燜牛肚值得一讚，上一次來吃沒有這兩款，相信他們的熟食是日日不同的吧。任食迴轉壽司竟然仲可以揀刺身，真的令人驚喜，而且刺身出的也不少，雖然我只吃三文魚刺身，但覺得食兩碟已經回本了。烤肉食得太多，最後來個日式火鍋，主要是吃菇類和蔬菜。甜品有冷有熱，選擇也算很多，而且他們也算是認真做的，質素也很好。我們都好欣賞這間店，有時間一定會再來

又想食韓燒，又想打邊爐，又想食肉，又想食壽司。。。雖則係貪心左少少，但又真係有一間可以滿到我所有願望😳位於西九龍中心，行完街肚餓去食就最岩最方便啦，佢就係♥韓日燒♥啦，應有盡有，想食咩就有咩。價錢方面都係令人接受既價錢，$168加1，夜晚6點前同埋8點45後入座就仲抵，都只係$148加1～入到去已經好多人，基本上好似已經坐滿人。不過環境實在係有啲暗，令到個環境好多煙，第一感覺唔係幾好。所有嘅野食野飲，甚至配料都係自己出邊自在自己拎嘅，打邊爐嗰個都係自己出去拎。但係令我估唔到嘅係，原來呢度嘅壽司係好似迴轉壽司咁樣一條輸送帶，今次好好彩我哋就坐喺條輸送帶隔離，拎壽司同埋刺身都好方便，唔使行出行入。自助拎野既位一眼睇哂，主要有打邊爐區、調味料區、飲品區、甜品區、生肉區、熟食區、仲有個師傅會即場炒下菜切下魚生嘅位。佢哋每一張枱上面都有兩個爐，呢個係用嚟燒肉用嘅，而令一個爐係打邊爐用嘅。燒肉用嘅爐上面有張牛油紙咁嘅物體，咁燒起肉嘅時候就冇咁容易濃啦。而且枱上面會有三種調味料，分別有鹽、七味粉、串燒用嘅香料粉。海蜇壽司、花枝戀、芥末八爪魚、中華沙律本身對壽司冇乜期望，因為佢第一眼比我嘅感覺好似名將

行開西九龍見到呢間放題好似好多野食 又有迥轉壽司、火鍋、燒烤、熟食、糖水 仲有雪糕 睇埋價錢真係唔貴 就拉左朋友去食一入門口就見到有好多酒 難得有間放題有咁多款式既酒飲全自助 多種口味侍應帶左去卡位坐有迥旋壽司係隔離好耐冇食自己自助拎既壽司急不及待出去兜一圈 真係勁多野食先有火鍋 湯底自己揀 有豬骨同日式火鍋湯底之後有好多自助火鍋配料我就揀左豬骨湯加好多菜燒烤都有好多選擇 好多醃料 有我最愛既雞腎 多春魚 豬頸肉全部都幾好味仲有自助水吧，飲品雪糕都自助食完仲可以揀自製甜品食左個奶凍同焦糖燉蛋，個人更中意食個奶凍唔錯的總括想說呢間就是性價比高，埋單二人368，太平了吧下次帶埋屋企人來食

一班朋友聚會，當然唔少得就係食，食同食架啦，人多就會意見多，所以我地就搵左一間可以有三款唔同嘅款式餐廳，梗有一款啱食嘅，韓日燒唔好以為得壽司同燒烤，仲有埋打邊盧添架，百幾蚊任飲任食，仲可以捧住個肚走，絕對係物超所值，到去餐廳環境好舒服，員工態度十分友善！全自助，想食乜，就拎乜，當然食得晒先好拎啦，唔好做大嘥鬼呀！首先我自己食左D壽司先，所有壽司都好新鮮，絕對冇令我失望！食到咁上下，下一步食韓燒同邊爐，款式種類都好多，一定要食我至愛既牛仔骨，肉同脂肪比例分佈平均，肉汁十分滋味，牛舌同魷魚味道啱啱好，正啊！當然要食吓D熟食，呢個麻辣雞翼，冇得輸，辣味啱啱好，我都食左起碼十件，太好味！另外..任飲果汁，仲好多選擇添，例如有青蘋果綠茶、豆漿、五花茶、咖啡、無糖奶茶及各款汽水等！當然最後唔少得甜品啦！選擇超過十款！

話說就黎去日本旅行 咁就當然去深水埗買張電話卡 買完同行朋友就想食放題 我地行左個圈就黎左呢到 - 韓日燒首先當然俾佢地三種食法吸引到啦 既可以韓燒 又可以打邊爐 仲可以食埋迴轉壽司添呀 都好多年無食過迴轉壽司 可以借機回憶下舊日時光咁就講講迴轉壽司先啦 諗住呢個價錢唔會有太大奇望啦 反而咁就喜出望外 甜蝦刺身食落新鮮 唔似坊間放題鋪頭 有雪味 另外仲有我最愛既花之戀要不停encore而韓燒方面 有一個勁抵讚同貼心既野 就係爐上面鋪左一張吸油紙 一方面唔會彈油 另一方面又唔會咁易燒到啲野食黑哂 大部分韓燒都無呢個服務而野食選擇方面 有兩個大雪櫃選擇 唔怕唔岩食 而且仲勁入味 減肥既我都減唔到口拎野食旁邊有個鐵板燒位置 師傅不定期整唔同既野食 而我呢就試左個燒牛排 師傅燒到大概七成熟 keep住啲肉汁 好juicy 同埋唔使排長龍爭 人人有得食打邊爐就有兩款湯底 我就揀左日式濃湯 味道好似高級日本餐廳既打邊爐咁 一路燒一路打 正呀而甜品同飲品 都有幾多選擇 飯後甜品唔使轉場總括而言 蔗渣既價錢燒鵝既味道 下次黎西九附近一定再encore

超級抵食之選 ！可以同朋友輕鬆下食下飯，近近地去左西九，但就諗左好耐唔知食咩，因為樣樣都想食，突然經過見到韓日燒 WOO 一次過可以滿足我咁多個願望，就衝左入去 入到去已經急不及待出去拎野食，有好多唔同款式既菜，肉，同醬料飲品選擇 好欣賞佢既韓燒有張隔油紙，肉無咁容易痴底 又無咁油喎 而且d肉醃得岩岩好，再配答埋我最愛既芝麻醬 好好味 唔記得左講 侍應哥哥安排左我地坐迴轉壽司卡位 舒服得黎又可以望住壽司轉下轉下 好有童年回憶既感覺 刺身蝦八爪魚比想像中還要好食 好新鮮好甜 足足食左4碟 番曬本 最後仲有個日式小火鍋，簡直係完美，好耐都無試過咁滿足，下次要再黎

又黎到開心星期五，約左幾個舊朋友聚聚，因為各有各想食既野上網搵下有邊間好野，見到韓日燒有齊迴轉壽司，打邊爐加韓燒，唔洗諗就佢啦！一去到價錢148真係不敢恭維，無抱大期望，不過入坐服務員都好好細心提點，加分！勤力執碟值得一讚講返講返嘢食先，去到第一時間攞醬汁啦同其他鋪頭唔同嘅事就係佢所有野都有蓋冚住令人感覺好衛生。天氣非一般熱野食未食得，食下佢既甜點解熱，奶凍，大菜糕👍🏻👍🏻👍🏻再食下刺身，真係新鮮，唔係求其上碟有充分準備其他壽司都係不過食飯就唔食咁多啦話晒任食，食下其他野抵返，佢既肉都係一流由其豬腩肉，薄快熟點一點汁入口正到升仙仲有雞腎，牛肉，又肥牛又牛柳粒，選擇真係夠多食下菜健康下，菜就無理由燒架，打邊啦有多種丸，而特別在有冬蔭公魚餅真係驚喜，同咪有芝士魚餅，菜有皇帝菜，配咪壽喜燒汁係夠曬日式，仲有艽菜，啲菜又唔係亂擺，有處理過好干淨，可能客既質素都有影響，起碼唔係亂曬龍，最怕任食好似垃圾堆執野食，人大左食唔到太多適可而止，值得返轉頭既任食餐廳！

黎到深水埗點都會行下西九龍中心，成個商場都有好多各式各樣嘅餐廳，已經有一段時間沒有光顧了...今日行完街見肚餓好快就搵到好嘢食。心血來潮想食燒肉，又想食下壽司，所以今次就揀咗韓日燒。門口已經好清楚寫低晚市嘅價錢，價錢亦都好合理$168加一，6:00前入座同埋8:45後入座就仲抵食啦！只要$148加一！場內環境都好大，不過就比較暗。所有嘢食都係自助都係要自己出去拎原來呢間野嘅壽司好似迴轉壽司咁，睇啱就拎一疊就可以㗎啦！坐迴轉卡位也不錯因為可以第一時間揀到睇中既壽司，挺方便的一坐低就見到張枱有兩個爐，原來一個係燒肉用嘅，另一個係打邊爐用嘅，可以一味兩食！而且枱面亦都放咗唔同嘅調味料，分別有鹽、七味粉、仲有專係比燒烤用嘅香料粉。所有嘅醬料都可以係自己出邊整，有非常之多唔同嘅配料可以任你撈，而且隔離仲可以有唔同嘅汽水飲品俾你去飲。飲品仲有蜜桃紅茶、五花茶、奶茶、芒果冰沙、蘋果綠茶、豆漿、熱咖啡等等！如果想飲酒，就要去返收銀枱嗰邊先至會有。講下壽司先，呢度嘅壽司款式比我想像中多，而且味道都唔錯，仲會有唔同嘅刺身！我哋拎咗海蜇壽司，中華沙律，花之戀，芥末八爪魚壽司，呢幾樣嘅壽司嘅質素都唔差架特別想