韓樂 (小西灣廣場)

营业中

休息中

檸茶方面，韓樂真係好有心得！！！唔洗自己篤檸檬，味道又岩岩好夠哂味道，又夠哂凍好cool阿！但係有時真係為左杯檸茶先幫襯韓樂，因為款式確實越嚟越少記得新開既時候多好多款架，慢慢好似冇咩岩食、冇咩選擇咁，次次嚟都淨係叫果2 3味。另外個扒餐都唔錯既，百零蚊嚟講算係幾高質、幾抵。有段時候日日都叫，不過係日日喊都會厭既😂其他食物真係一般般，係下午茶個意粉唔錯，另外有d小食唔配飲品，要單喊，令到選擇好似更少咁。

今日收到通知要強檢，知道呢度唔使排隊就過咗黎順便食埋Lunch~見到呢間唔係個個商場都有又幾吸引就試吓韓國菜😝呢個炸雞粉絲都幾好食😋湯底都夠濃郁，粉絲有口感☺️連啲菜都好入味👍🏻炸雞熱食脆卜卜就算凍左食啲雞都仲好滑👍🏻

入店內掃瞄安心出行碼，並掃描QR CODE 顯示為醫學豁免有效後，店員表示公司要求食客必須再出示實體文件才能堂食，甚至連電子、照片也不接受。不知是店員誤解公司防疫措施，還是公司的確有此規定？

🔻又係趕6點前禁晚市食個下午茶😆揀左間韓樂餐廳，座位叫做闊落 都算坐得舒服😊1️⃣ 惹味豚肉湯粉絲 💲37🌟推薦指數：★★★☆☆大大碗，除咗豚肉之外仲會加咗少少菠菜，成個感覺即刻健康咗😂😂😂粉絲唔係好幼既粉絲，有口感😌！2️⃣ 溏心蛋牛肉飯 💲38🌟推薦指數：★★★★☆講真論賣相真係一般嘅，但食落真係有驚喜😍 因為牛肉同醬汁嘅配搭正😋 甜甜地 又唔會太重口味，有開胃既感覺😆 下午茶來講絕對係性價比高！絕不是頹飯！😆呢間嘅凍檸茶同凍檸水都係冇「檸檬」，嘅鍾意新鮮檸檬嘅朋友要注意‼️😛評價：7/10

放假就去搵朋友嘆個早餐先再出去。睇餐牌呢間鋪都好似幾多野食就入去試試。係門口自己拎飛, 等左5分鐘左右就有位。睇完餐牌, 舉手示意想落單, D待應望到就即刻轉頭當睇唔到。最後仲要行埋出去叫人先有人過黎落單。咁既服務態度真係唔得喎落單後餐飲先上, 再過多幾分鐘就麵包都上枱。我就揀左炒蛋牛角包, 朋友就揀餐蛋三文治。牛角包攤開左一半, 中間放左炒蛋同小小生菜。蛋炒得幾滑, 牛角包鬆脆, 兩者放埋一齊做到外脆內軟既口感。但失敗之處係D生菜, 苦既, 一定係冇洗就直接用餐蛋治既賣樣都幾吸引, 厚身麵包配上足料雞蛋同午餐肉。相比之下, 三文治抵食D。

今日係食個下午茶嘅。其實我想講有陣時，怕好多嘢做就唔好番工，完全係可以用痴線去形容呢間嘢。無人招呼都算，帶位，落單，全部十問九唔應，你問就問候你！其實不如執咗佢，番屋企唔做，咪唔洗咁忙咁辛苦囉。史上最差嘅韓樂！如果大家去韓樂記得唔好嚟柴灣呢間，佢哋會令你由餓等到唔餓，由開心變成憤怒，由平靜變成海肇。呢間韓樂做得到！講埋食物，個芝士公仔麵係有水嘅，咁撈個效果已經無咗。其實咁大間連鎖餐廳，不如要繼續做就用電子落單，系統化啦！再唔係執晒佢啦！

與提供時間相差半小時，催單之後同冇吹一樣，照等多十幾分鐘，其他外賣單反而冇事，懷疑用OpenRice落訂根本就會唔記得咗😅 有乜可能催極都冇。 所以十分不建議使用外賣自取。

話說今日兩點我同爸爸媽媽去食下午茶。。坐了近收銀位置。諗住點餐。。我同我媽媽輪留舉手示意要點菜。。起碼過了五分鐘都沒人理會。。期間近中間位置有位染了金色短髮頸有纹身女侍應都有望過來。。但沒比過任何表示,再過一陣。。我地又舉手。。跟住果位短髮女侍應不耐煩地行埋黎跟我地講:,我立刻著咗燈。。。我話得啦。。唔駛你。。叫你經理過黎。。跟住另一位同事幫我落order..同我講經理唔係度。。OK.. 我就等佢經理返黎。。順帶講埋食物方面。。全部都係凍晒。。我都食咗幾啖都無食。。其實大家都諗到已經唔夠人。。。d野食緊係無人有時間出餐。。今次我唔係針對食物。。而係服務。。我亦有同經理講。。唔夠人唔係理由。。唔夠人可以唔好入咁多客,同埋果位侍應可以同我地講。。等一等轉頭幫你。。我都起碼知道你知道。。服務又差咗。。食物又差咗。今次經歷令我覺得好似入去食野係有錯。。避免你地太多野做。。我地以後都唔會再去食。

雖然是大集團旗下，但韓樂係做得唔錯。經常都會食下午餐，大份又抵食，加5蚊仲可以飲可樂🤤因為食沙律又唔夠我食，所以今日食d 特別小小既野…韓式海鮮煎餅利申: 個人口味不同有影響個人認為: 煎餅粉比較多左d，胡椒粉味重我又比較鐘意，重點係夠熱。夜晚食會比較貴，HK$78 一份食完其他野都可以唔洗食，晚餐邊到都一樣架啦，野飲係正價既半價，所以多數食完就去便利店買野飲吧。雖然味道我覺得唔錯，我覺得每日精選都可以一試，係正價價錢既8折左右，有機會再影下寫下吧。

今日去左柴灣拜山，出發前食個lunch先。▪️半熔芝士炸薯條脆卜卜嘅薯條點落啲半熔芝士，又拉哂絲，十分受小朋友歡迎😍▫️黑松露煙肉忌廉扁意粉好香嘅黑松露味🤤煙肉又多，正！▪️帆立貝海鮮龍蝦汁意大利飯如果龍蝦汁再濃啲就更加好食喇😜▫️韓式芝麻燒汁焗雞扒飯好大碟，雞扒又多，又夠惹味😋正▪️香草忌廉煮鮮蜆粒粒都有肉地，配香草忌廉汁特別鮮味最後有跟埋3杯野飲，價錢平民，食物好味😆估唔到小西灣都有驚喜比到我喎🙈

係下午茶餐，外觀睇落還可以，但上面有芝士，好濃牛奶味（唔知係咪牛奶）。依隻味蓋曬芝麻燒汁味，即使係夾翻起舊芝士，但仲係有類似牛奶咁嘅味，芝麻燒汁都係唔突出。再來係雞排，好似唔係幾入味。純屬個人意見。

黎到小西灣，真係唔知有咩好食，見到呢間似韓燒主題格局既餐廳，就膽粗粗入去試下。1個人叫左薯條芝士餐，葱油牛肉撈韓式粉絲，跟2杯餐飲，熱檸水，熱朱古力。葱油牛肉撈韓式粉絲，醬料好香，每次叫韓式粉絲好少會難食既，係食到尾有d唔夠味，我本身都已經食好淡味。薯條芝士，薯條好咸，芝士醬唔夠熱，係用車打芝士加左好多忌廉，所以凍哂都係液體，有d失望。熱檸水，熱朱古力，呢度既熱檸水係冇原片檸檬比你，已經好細比咁幫你整好檸檬汁同隔左核，好夠酸! 唔錯既餐廳，服務員態度友善，可惜有時會唔夠服務員，可能係2pm後，好多客人好似跌左落水咁呼救都冇人理，食物都好快上枱，但成間餐廳冷氣太凍，唔係風口位都凍到流鼻水。

今晚稍早時份同一位朋友去小西灣韓樂打邊爐，點左兩份牛柳粒加海鮮併盤配人參湯火鍋，唸住去試吓好唔好食，但係最後我哋真係食到一肚火 ，想講粗口，當然係出左餐廳之後以啦，我唸我哋都唔會再去嚟食，因為整體嘅服務質素真係好差！！！ 我去講述一下服務質素先，整體非常唔掂，（除咗有一位戴眼鏡嘅後生仔侍應外）。首先我哋食火鍋係冇主動比筷子同碗，要去問先有，仲要問兩次。然後（除咗嗰戴眼鏡嘅侍應外），其他侍應都睇得同感受出招呼嘅時候冇乜禮貌同敷衍。要加大改善！！！ 然後係食物質素，整體只可以講合格，除咗嗰杯柚子檸檬茶真係非常之酸同苦，如果唔加好多糖水，成杯野根本飲唔落，我一共加左兩湯匙糖水，先叫做飲得落同飲得哂，（都係嗰位有禮貌嘅戴眼鏡後生仔比我哋嘅）。同埋嗰個海鮮拼盤真係有好似比人欺騙左咁既感覺：（海鮮）拼盤每盤一共只有3隻硯同兩條魷魚圈，其他基本上都係蔬菜，牛肉同薯粉......最後就係湯底冇味道。唉，牛柳粒係唯有ok好食嘅。 一句講晒，真係唔掂，唔建議大家去食！

琴日打電話去叫外賣，估唔到竟然咁快就送到我屋企，淨係15分鐘咋，就送到黎啦！真係好好👍佢間餐廳D泡菜同炸雞好好食😋外賣送到屋企，D食物水準都冇變度，值得幫襯呀！

#下午茶 #韓國菜 #炸雞脾 #koreanfood #脆炸雞脾拼薯條 #🍗 #炸薯條 #薯條 $33惹味唔辣～新鮮即炸，熱騰騰，雞皮脆卜卜（咬落去浸油😂）薯條都幾香～旁邊有蕃茄醬沾+$3 凍飲糖心蛋牛肉飯比較細碗～普普通通。賣相一般所以沒有影😂牛肉是偏甜的那款，有點像豬肉。石鍋飯比較好吃😋ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood