韓樂 (小西灣廣場)

营业中

休息中

今日去咗小西灣食個早餐，唔太肚餓，揀咗個輕量嘅早餐黎食，野菌炒蛋烤多士加杯熱檸水，盛惠$19 ，佢份炒蛋有啲濕，食落口感麻麻哋，塊多士冇乜特別普通一塊烤多士，其實佢仲有其他早餐款式，下次再試吓其他

早排屋企附近開左一間新的韓國餐廳，但一直沒時間去試～今日難得有時間，就去嘗嘗新，全家落街食晚飯🍚🍴————————🔹海鮮香蔥煎餅 $59 📍7.5/10煎餅大小適中，三人當小食share剛剛好～外皮煎得香脆，但入面有厚度，明副其實的外脆內軟～海量的蔥段，配上蝦仁、魷魚及蜆肉，蔥香爆登之餘，仲好鮮味～可惜是海鮮太少，而且用的是蔥段而非傳統的整條大蔥，所以扣返啲分～🔸韓式石鍋雞球飯 $67 📍8/10「滋滋...」伴隨著沸騰的聲音，石鍋帶著濃香上桌～雞球好多好大件，但茄子切得細條又超少😑～爆香料除了蒜頭、甜椒及洋蔥，廚師還加了九層塔，令香氣大增！整體甜甜辣辣好惹味，但感覺似中菜多啲😅🔹溫泉蛋·牛肉·石頭鍋珍珠飯 $66 📍9/10拌飯有溫泉蛋、牛肉、醃甜魚乾、黑木耳、豆芽、菠菜、泡菜、蔥及紅蘿蔔，超級豐富❗️醬油拌飯醬及韓式甜辣醬另上，客人可按個人喜好加入；拌飯濕潤，又帶點焦香，真係好韓🇰🇷好正❤️🔸牛肉·豬骨濃湯配讚歧烏冬 $54 📍6.5/10聽到烏冬就覺得同韓式格格不入，不過家人想食湯麵，就姑且一試～牛肉不錯，好嫩🐂但烏冬就完全不滑，似普通超市貨仔😩湯底調味剛好，但味精味濃，應該加咗韓國

韓式餐廳，但也有早餐供應，今早的西式早餐，磨菇腸，火腿配牛角飽，再多一各通粉，牛角飽夠鬆，反而火腿通粉有驚喜，弹牙的👍，但奶茶不夠濃，不夠茶味，整體來說，全份早餐可算合格☺

服務差！職員態度一般，雖然不致於呼喝，但在落單、查單，都是愛理不理！食品一般！送上的食品不問誰人隨便放下！ 鄰枱遲落單order同樣食品，但仲早有食物送到！詢問食品情況，回應是"咪跟進緊囉！" 絕對絕對不會再去!!

有少少時間緊逼但又唔想太頹食就試係附近試左呢間幾大幾闊落既韓國餐廳以小西灣呢舍商場黎講 入面裝修都算叫幾靚同埋都幾大 坐得幾舒服叫左兩個芝士焗辣蕃茄豬扒一個配飯 一個配意粉因為我同女友都好鍾意食焗豬扒飯所以大家嗌埋一樣既野😅飯既普通飯底係普通焗豬扒飯但加左啲泡菜有少少辣味咁囉 懶FUSION咁🤔配飯係會好食過配意粉😐女朋友的意粉有點出水成個汁同意粉係分開兩件事咁叫飯個汁都可以撈下入味意粉係同個汁完全融入唔到😬豬扒都算幾大舊同有三大塊豬扒都可以既簡單黎講 呢間野啲野價錢同質素都叫成正比既但係就冇嘢飲跟🤔但應該就無下次😐

每日午餐最煩就係要諗食啲乜好，諗咗好耐，先諗起屋企附近開咗間餐廳一直都未去食，記得係食韓式野嘅，我又唔太抗拒食韓國食物，就去咗屋企附近間新開嘅韓式餐廳食午餐。去到餐廳，睇完Menu唔知點解覺得啲嘢唔係咁啱食，最後決定叫咗個豬骨湯煙肉讚岐烏冬。湯底偏鹹，唔太濃嘅豬骨味，而煙肉都比較乾身，有少少失望。不過個半隻糖心蛋都做得幾好食。每個set lunch都會跟一份泡菜做小食，係咪因為要符合返佢韓式餐廳嘅主題呢？

今日與朋友聚會， 經過見到便諗住試下啦。 坐低咗之後， 我哋好快就點餐， 點餐過程大致正常， 食物都嚟得好快， 但係因為嚟得好快， 所以檯面冇乜位置。 佢哋上餐嘅同事， 個個都係遞畀我哋， 要我哋幫佢放， 其實我哋都冇所謂， 但係唔該都冇聲， 真係諗住奉旨。 啲樓面同事好快手， 但係唔知係咪快手得滯， 見佢哋執親嘢都跌， 抹枱抹曬啲污糟嘢落地下同埋櫈度 勁乸西。 由於本人都是從事 管理及培訓， 明白人手真係短缺同埋勁難請人， 所以都明白佢哋嘅難處， 又忙又辛苦。 但係今日真係忍唔住， 要勁投訴佢哋， 尤其是個經理。 我有個朋友畀咗錢埋單， 另一個朋友舉手示意個經理去收錢， 點知個經理態度勁惡劣， 同我哋講 收錢出面畀㗎， 可能因為佢送緊餐， 所以勁忟憎， 都算。 跟住我哋起身走， 我哋行咗去個出餐位附近 諗住行出去， 跟住佢攤開手， 用命令口吻同我哋講， 呢度係唔畀行嘅。 嘩呢啲咁嘅服務態度， 我真係忍唔住， 即時向佢投訴， 兼且攞佢寫字樓電話。 事後我睇返 之前啲網上意見， 原來畀人投訴已經不止一次， 所以我都諗， 投訴應該冇用， 可能係老細都驚冇人， 怕咗佢。 其實我好明白遇到啲咁

今日我地點左一份一口雞粉絲，我地要求湯 熱啲,店員回覆我哋已經set好咗湯嘅溫度 ,我話咁即刻凍都要接受,店員重覆嗰句說話多次跟住再order其他野,另一個個店員order都唔覆多次就打算行開,我叫佢覆order,佢話唔會錯嘅,你比number我口喎！！！！

同朋友食飯去試新野，就選擇左小西灣啇場既韓樂餐廳。入到去都韓色餐廳Feed，我幾鍾意的。座低左就叫左個韓國醬牛石煱飯。如圖所見都幾大碗，一個女仔比較細食既都未必食得唒。所以可以同人分享都得。當中包括有韓國菜同泡菜係裏裡，熱度都非常足夠炸炸声。個醬汁就甜甜酸酸今都幾開胃嫁。仲有個半醬芝士薯條做小食，份量都多。不過唯一壞處就係好軟好琳唔夠脆同香口。所以下次都唔會叫呢個做小食了。

兩個人叫左三樣野食。泡菜韓式年糕 微辣 , 年糕軟硬適中 , 加埋泡菜雜菌一齊炒 , 好味道。賣相亦唔錯~ 泡菜唔酸好新鮮。芝士薯條, 睇見D 芝士都流曬口水, 食指大動! 金黃香脆的薯條配上又車打芝士加水牛城芝士混合的芝士醬, 好滋味。鐘意食芝士的朋友一定要叫, 28蚊, 大大份好抵食!!!鰻魚炒飯 , 上面加左鰹魚乾 , 有咬口而且增添左成碟飯的口感同味道, 而且好香鰹魚味。飯粒沾滿日式燒汁醬好惹味。雖然鰻魚粒唔算多, 但性價比高!

一個黄雨的假日，唯有在樓下食個午餐突然好想食韓國野，一於比多次機會再試下 (由於新開張個陣試過2次，服務實在不知所謂，諗住可能會有改善)一入去的餐廳，環境都係偏暗，令人眼訓不過位置上坐得幾舒服首先叫左個芝士焗辣蕃茄豬扒珍珠飯開頭正正比辣蕃茄吸引左 心諗有乜特別呢果然同大家樂一哥豬扒飯冇乜分別 只係加左個泡菜就變左偽韓菜不過整體上幾好食但嫌少汁而且飯底並不是珍珠飯 只是普通炒飯底再叫多個韓式雞肉炒粉絲其實本身我係想叫牛肉 但話餐牌set左係配烏冬就冇得改😪咁一成不變整體上幾好味 不過略重口味了點再來一個小食--白汁煮蜆反而呢個幾有驚喜白汁底幾creamy同香 而蜆沒有沙同幾入味中間有個小插曲落完單後同經理叫2杯暖水佢沒有回應 而黎到個陣勁大力放係枱經理都咁既態度，何況d員工呢😤之後愈坐有d到 氣管有d痕同咳所以問侍應要杯熱水，佢黎到個陣都係暖水我就問下有冇d熱少少，佢就好大聲話呢杯好熱喇喎，我就下左一聲，佢就問我係咪要滾水 (乜同熱水有分別咩😱) 我話係呀 佢就話冇喎就放低杯暖水走左😣總括黎講: 食物質素正常，而且份量偏大，不過服務真係令人唔想再去😤午餐人均消費$70

講平,講環境,講坐得舒服,呢度一定同區之冠!即使野食一般,服務一般,甚至menu都係無咩簡情況之下,依然晚晚爆場!一個主餐牌只有數項,每項亦只有數分項,餐廳運作都較方便簡單!非常聰明!炎炎夏日,趁機推下冷麵都可以令人胃口大增!好老實,我已經第3次去食啦!首推係oppa部隊冷麵!可能大家會問,都係餐肉,腸仔,有咩咁特別,點解要推薦?全因為個味道,真係好吸引!!!個顏色已經相當開胃,紅紅地。食落有少少似辣既沙律醬,但唔會油膩!❤配搭幼身麵條,真係啖啖清新同滋味。配料(先不論精製肉)都係非常爽口,有木耳絲同紅蘿蔔絲,而已點睛之處係半隻糖心蛋。撒少少芝麻更覺香濃!不過,我都有試過其他款的冷麵,就係牛肉果款品質已經有差別啦!牛肉冷麵個湯係非常非常淡,而且似都比較硬,叫過一次就怕怕啦!最可惜配餐飲真係簡唔落手囉,全個餐牌最想飲已經係個沙冰好可惜唔可以半價配,要俾正價囉!算啦,都係唔叫!落單既時候發生左單小插曲!我唔知係個staff廣東話麻麻定係點。我唔小心將"oppa部隊冷麵"講左做"部隊鍋冷麵",正常職員都會get到我講緊咩,快快手落左張單就算。佢就死都話:"我地無架wo,你係味要部隊鍋?"我

環境舒適 餐廳寬敞食物質素不錯 晚餐都是免加一 鮮蜆及魷魚🦑用茄汁 不是用墨魚汁 顯得有啲不夾 墨魚🦑汁味不夠濃性價比高的一道菜 牛扒幾juicy 加埋其他配菜 整體非常不錯

話說好熱。。想搵個位坐坐。。就搵左韓樂。。之前冇揀到因為下午茶既menu唔岩心水。。今日就想試試薯條喇。。雞翅得兩隻有d失望。但蜜糖芝麻皮又幾惹味。。中上水準。。如果再熱d就好喇。。食薯條。。又係唔夠熱。。同冇麥特色。。有d似麥當勞。。熱檸茶就超級濃。。又酸又苦。。前後要左3杯水沖稀。。。

味道ok 正常一般餐廳而價錢相對都合理分量比其他餐廳都多3分1環境間隔都舒適 座位比較多 理境較大食物種類好多選擇但服務員態度一般 叫幾次先應我忘記影相 但食物同menu一樣 無太大分別