韓淼莊 (已結業)

年多前曾嚟過，所以，知道佢哋喺賣啲新派韓國菜，今晚，就同親友，一行3人嚟食餐半素半肉嘅新派韓餐。既然叫得新派，環境就以格調行先，裝修摩登，睇落有點似工業風，實際又不然。走入啲嘅用餐區，喺可以望到維港景，亦喺少人選嘅位置。打開主餐牌，選擇非常之多，由炸雞、小食、湯品、沙律、部隊鍋、韓式韓肉、韓式煎餅、炒粉絲、炒年糕、韓式拌飯……等等，甚至兒童餐，諗得到嘅韓國菜大部分都有。此外，更有啲季節限定菜式，如鰻魚及醬油蟹，不過，唔知點解前者喺春季限定，但依家已經喺仲夏，都仲有供應，大抵韓國仲喺春季啩！而上次所見嘅素食餐牌，則仲有供應，相信素食元素已經喺恆常化，但睇落款式好似轉咗唔少。至於飲品方面，款式多之餘，亦甚具特色，好似我哋所揀嘅款式就知啦，而且，更有多款含酒精類飲品。落單後，食物就要等等，但飲品好快就到。小弟要咗杯特飲，入口質感好豐厚、好綿滑，感覺好飽肚，而味道偏向芒果及香蕉嘅香味。之後，陸續上菜，先喺份炸芝士薯條。以往，芝士薯條都試唔少，加咗泡菜元素，真喺唔知會點。上枱時，跟餐牌嘅相好唔同，泡菜喺做成醬汁，另裝起再沾，都好，可以自己慢慢試個辣度。薯條好香脆，帶濃香嘅芝士，沾咗啲泡菜汁，酸酸

聽朋友講呢間大角咀既韓國菜好抵食 今晚響附近就過來試下 晚餐每款主食可以揀兩個前菜 亦可以單點來食 幾款前菜都好開胃 泡菜好辣好惹味 芽菜同白菜仔輕輕醃過點帶點甜味 好爽脆每台幾乎必點既牛肋骨 個湯好甜 充滿濃濃牛味 牛肋骨有成4-5大件架 份量好足 肉質好腍、入味 肉下面仲有d蘿蔔 連飯只係78蚊 好抵食大大條燒鯖魚 意想不到的嫩滑 正海鮮煎蔥餅 有點似中式薄撐 好重蛋味 唔會食落好多面粉感覺 不過如果可以更多蔥就好 應該會更好味 overall呢間店感覺親切 係家庭式經營 服務唔錯 坐得舒服 最緊要又平又好食 👍🏻

今日中午食韓國菜，一入到去餐廳都ok大，大約有8張檯；我覺得都抵食，所有野食都係within$50-$70我叫左個牛肉石鍋飯都係$52有兩個前菜同湯，前菜係任揀兩款，咁我地4個人就揀左大豆芽，泡菜，酸青瓜，酸蘿蔔，白菜仔，炸薯仔炸薯仔好味湯唔係海帶湯，係中湯....牛肉石鍋飯牛肉份量好多，煮得好香；飯我份量都多，但好濕，亦都因為E個原因所以冇食晒D飯個鍋係好夠熱，邊邊果D飯都會變飯焦，但中間果D都係好濕

右上兩張前菜：點兩個套餐有6個前菜，味道不差，本人已很知足右三：餐飲，涷飲及其他飲料需另加錢左上套餐：(1)牛肋骨煲（清甜肉嫩、啖啖肉店家很大方，肉食系friendly )(2)烤豬牛雞肉（就是韓式烤肉的甜甜味，很喜歡）(3)蔘雞湯（用上烏雞及小人蔘，湯好出味）(5)炒飯（就是好食的炒飯）左下套餐：炒菜、泡菜鍋、煎秋刀都麻麻地，可省略這樣4個成年人人吃到捧著肚子出來也不才大概400。這不是很正宗的韓菜，是小改良、小家常的韓菜。可以一試圖左上的套餐

今日同老婆拍拖紀念日,咁就梗係去返以前成日拍拖食果間"韓淼莊"啦,去到我地叫左個套餐,裡面已經有人參竹絲雞湯,炆牛肋骨,極黑豚肉炒飯同埋烤雜錦肉,特別想講個炆牛肋肉非常入味,真係正到連佢d湯汁都飲埋,一個字"掂"。

很久沒吃韓國料理行經韓淼莊便進去試看看囉選擇蠻多的鐵板 鍋類 粉麵等點完餐後將將將將小菜上桌韓式餐廳少不了的特色～但這家份量有點少😅小牛牛點了一道烤牛肉點完之後不到2分鐘～一大盤熱呼呼的牛肉上桌還蠻香的銅盤烤肉的肉味吃起來有些許甜味整體味道還不錯小小馬兒點的是海鮮鍋豆腐 蘿蔔 蛤蜊辣辣的配飯剛剛好除了主餐外還有附飯、湯和一杯飲料算是相當平價的家庭式餐廳總體而言食物表現算是可圈可點在大角咀算是韓式料理的好選擇唷

睇咗好耐，考慮點2人餐定各自單點，後來覺得二百多元太豐富，應該食唔哂，就叫咗個$75和$78嘅餐~每個餐都有兩小碟前菜，一碗靚湯，飯和一杯特飲~已經很足夠~幾個人食可以有好多碟唔同嘅前菜~鐵板牛仔骨~本來有6塊~好味~用芽菜墊底，好聰明嘅做法~炆牛肋骨，份量都好足~好冧~美中不足嘅係紅蘿蔔豬骨湯嘅豬骨無肉...得返啲骨😅飲品點咗紅棗茶和生薑茶~唔係平時茶餐廳啲普通嘢~飽到呢…好足夠好在無叫二人餐，如果唔係就浪費食物~

今日同男友拍下拖，去完栢景灣睇戲，於是乎來到呢間從未食過的韓國餐廳，我地揀左個2人二百幾蚊套餐，套餐幾扺食，有烏雞湯，呢個湯有淡淡人參味好清甜，岩曬我，之後來左個牛排骨,入面d羅白吸曬湯的味道，好正，仲有個鐵板燒肉，蛋炒飯，真係好豐富，今餐真係食到超飽

大角咀真係好多野食,又平又好食既食肆多不勝數。今次要介紹上星期食既午餐。首先,一坐底先送上3款自選韓式前菜,當日選左魚仔同酸醃羅白青瓜,亦係小妹至愛。之後,再送你一盅老火靚湯,本人覺得好似真係冇味精,因為飲完唔覺口渴,而且足料又好飲黎到主菜喇,今次選左呢個燒豚肉。嘩。。真係太過份喇。點解可以份量多到咁,係勁多囉。鐵板熱騰騰,豚肉醃得入味,豉油都唔洗點沾,正。肉下面有椰菜墊底,可能有肉汁係上面,所以送飯都好好食,一於食哂他食完成個飯真係食唔哂碟肉,但又好好食。。唔捨得唔食囉成個餐50元有找。。跟埋飲品。抵

起碼超過一年無嚟食韓淼莊食，今日再帶朋友來，雖然人客比以前少，但美味依舊一如以往叫個二人餐，因為我哋入座時先19:00，得我哋一枱客，結果餐入面所有食物極速熱辣辣送上二人餐包三小碟前菜，薯仔好食，泡菜白菜都一般，再添每碟$6烏雞人蔘雞湯仍然香濃，人蔘味係稍為薄弱，但烏雞仍然嫩滑好味，個湯仲有啲糯米，又香又好味招牌牛肋骨仍然非常入味，又稔又好味，係有少少肥豬肉要搣走，配料有白蘿蔔同冬菇，而且好足份量，食到lum lum 脷鐵板熱辣辣燒雜肉包括豬、牛、雞，睇起嚟乾身，但食落肉汁充足，味道適中不偏濃，送飯一流餐之中黑豚肉炒飯稍欠特別，但以牛肋骨汁送飯，真係食多好多二人餐包二杯韓式特飲，呢個餐只係$208，仲無加一，性價比極高，只係位置較偏僻，但難得相隔咁耐仲keep到水準，真係要大大力推介！

大角咀一向美食多，standby無call, 樓友竟然約到大角咀開餐，仲係好多美食既埃華街。餐廳好多位，晚飯時間有好多人光顧，套餐已經好抵同夠食，一定要推薦牛肋骨！唔係杰身濃汁個種，食到底有啖清甜牛湯飲下好好味！另外鐵板炒雞牛豬肉都好好味，加埋個韓式炒飯仲要有隻大大煎蛋係上面，好滿足；另外，人參雞湯有糯米釀在裡面，好飽肚，啖湯好易入口，唔會有苦口人參味。不過飲料方面就hea D....唔係好夠味⋯⋯⋯⋯

住左大角咀十幾年第一次食呢間韓國野，因為成日覺得佢唔好食，d裝修完全唔似韓國風。不過今日女友人話想試下，所以就入左去啦。坐底就求其嗌左2個餐。首先有前菜，分別係芽菜，薯仔，豆卜，泡菜。味道一般。味精湯，不多作介紹公司豆腐鍋全鍋都係豆腐，蜆肉同豬肉同蛋，份量小得驚人，味道一般。可以不試。炆牛肋骨一嗌就上枱，姐係已經整定左。肉質好淋，炆得都算入味，味道還可以，不過要$70就貴左小小。總括，食飯時間都係得一，兩枱客人，員工態度又不是太好，我唸短時間內不會再光顧了。

大角咀埃華街有好多平靚正ge野食，今日去左韓淼莊食午餐，點左我覺得佢最出色ge菜式-炆牛肋骨！$65有2小碟前菜，1碗湯，1杯野飲，1碗飯同埋份量十足ge牛肋骨！食得好飽，好好味，算係抵食👍🏻前菜：每人可揀2款，有泡菜，芽菜，魚仔，薯仔同白菜仔等等！我揀左薯仔同白菜仔！薯仔甜甜地，白菜仔清清地健康d，唔錯！炆牛肋骨: 每次都係為左炆牛肋骨而來! 用熱鍋上可以保持溫度👍🏻牛肋骨份量好多，每一塊都炆得好腍好入味，而且湯底好鮮甜，用左白蘿蔔去煮，真係整得唔錯👍🏻

來大角嘴吃宵夜比吃午飯多，畢竟要上班，很少日間這麼悠閒。細選了一下，來了這個韓菜店子，以前在附近上學上班有來過吧，但事隔多年，得再試試。店子裝修其實沒有半點「韓氣」，但我並非哈韓族，故此點並不礙事。我在意的是食物本身吧。煮足火候的牛肋骨，中間放着一顆大冬菇，跟餐有一碗滿滿的米飯，還可自選兩款自選泡菜，一客不用80元，食得過吧。牛肋骨腍而不爛，入味，有水準，連窩裡的紅蘿蔔也很甜。另外也嚐了鐵板烤肉拼盤，食匀豬、牛、雞。也是坊間的普遍質素，沒特別佳，但用量不吝嗇，同樣加上白飯、前菜，足矣。

韓國食物不嬲係我的口味，燒肉，泡菜等等，今天本來去食大角咀的車品品，無奈看著長長的隊伍，肚皮又打曬鼓，突然有股香噴噴的味吸引我地！係呢間韓國店！勁多人，見到有位我地就即刻入去坐下，叫左個炆牛肋骨，店員隨後送上前菜，湯，牛肋骨一上枱，以熱鍋上，仲見到好多料！飲下湯先，暈左！係我至愛的味道！甜甜地，又辣辣地，應該加左pepper，今天天氣也涷，食左呢個好䁔身，牛肋骨好腍，不痴牙，有五至六大舊，又有白蘿蔔，甜到呢！隨餐有白飯，我真係想叫多碗飯！價錢又不貴，良心小店！繼續支持