韓珍園

营业中

休息中

上星期卡卡帶琋琋覆完診之後便帶他到屯門搵食皆因最近的韓劇 #她的日與夜 太Hit突然好想食韓式炸雞卡佬於OP找到附近的Vcity裡有間由韓國人主理的韓式餐廳即刻揸車去試下🍗蜜汁豉油炸雞餐➡️ Order炸雞又點少得，今次選了蜜汁豉油味，好有驚喜➡️ 炸雞皮炸得夠香脆，香甜而帶少少咸味的汁好開胃➡️ 炸雞塗上以醬油為基底嘅醬料，還帶有一點點皂大蒜味，好香➡️ 半隻雞的份量也不少，炸後肉質仍然鮮嫩多汁，讚➡️ 除了炸雞，還有炸芝士及炸年糕，拉絲芝士勁好味➡️ 原來炸雞餐還附上一碟配以柚子醋的棷菜沙律，能即時去除口腔中的油膩感，太貼心➡️ 炸雞餐還有原味炸雞、辣味炸雞、蒜香奶油醬炸雞選擇，下次要試蒜香奶油醬炸雞➡️ 美中不足的便是未有啤酒賣🙈正所謂炸雞啤酒是絕配來的嘛！🤭🍜韓式炸醬麵➡️ 於韓劇中看見好多韓星吃炸醬麵，今次卡卡第一次食，真的好好食➡️ 以春醬不斷翻炒過食材造出炸醬淋在麵上，當中食材有高麗菜、山東大白菜、洋蔥、豬肉末及大蔥➡️ 滿滿的醬料及青瓜絲與彈牙的麵混合撈勻，原來炸醬便是帶有甜味的醬汁，很開胃，怪不得韓國人吃完一碗接一碗🍙牛肉紫菜包飯➡️ 滿滿牛肉的紫菜包飯➡️ 內裡裹著非常紥實的餡料：用洋蔥煮過

屯門既韓國餐廳吾算多😌 最近VCity新開左一間叫「韓珍園」主打韓式傳統蒸飯既韓國餐廳🇰🇷 屯門友想食韓國野 吾洗下下特登出到尖沙咀嚕😆蒜香奶油醬炸雞餐 $128炸雞大件 份量十分多🍗 炸雞酥脆多汁 淋上濃郁既蒜香奶油醬 超誘人😈 仲有炸過既芝士同年糕😌 另外餐廳非常貼心跟上沙律幫助解膩🥗韓式炸醬麵 $78韓國既傳統中華料理🥢 麵條拌著帶有甜味且濃稠既炸醬有洋蔥🧄 豬肉🐷 薯仔🥔在內 味道鹹香惹味🍜 雜錦海鮮傳統蒸飯 $88蒸飯上既海鮮有大蜆🐚 蝦仁🦐 同魷魚🦑 仲伴有蔬菜🥬 再淋上秘製既醬汁 系健康之選👍🏻 另外仲跟左泡菜同湯品 超飽肚啊😗

『蒜香奶油醬炸雞餐』HK$128蒜香奶油係一個好難抗拒嘅味道💞鹹鹹甜甜咁🔆炸雞皮夠脆，肉夠肉汁！『辣海鲜湯麵』HK$78蜆仔、蝦仁、魷魚，洋蔥絲、蔥絲，再加隻半熟蛋，材料滿滿的韓式辣麵🍜『韓式炸醬麵』HK$78韓式炸醬麵好多料，醬汁亦夠多，包裹住麵條，啖啖都有滿滿醬汁。『炸餃子』HK$24餃子係全肉餡，又幾多汁喎。皮煎成脆口，4大隻，幾抵食🥟°°°°°°°°°°°°°°°°°°°°°°°°°°°°°°韓珍園 @hancham.bistro📍 屯門屯門鄉事會路83號V City 1樓L1-2A號舖 @vcityhk#MrsLong #hk #Longs #mamablogger #香港美食 #餐廳推介 #hkfoodie #假日好去處 #foodieshk #hkigfood #tasteofhk #hkfoodlovers #韓國 #炸醬麵

同朋友喺附近商場見到有韓國餐廳，於是入去醫肚。原味炸雞餐🍗惹味脆口，雞肉肉質嫩滑。仲有炸芝士條和炸年糕條做配菜，滿足到食junk food 嘅慾望。韓式炸醬拉麵🍝餐廳招牌菜，濃郁醬汁裡有洋蔥，拉麵麵條Q彈，再鋪著青瓜絲🥒，好惹味又飽肚嘅主菜。另外，附上泡菜和辣豆芽做前菜，十分開胃。牛肉紫菜包飯🍱嚟到韓國餐廳，點可以唔食紫菜包飯。揀了牛肉紫菜包飯，真材實料。紫菜包住好足料嘅牛肉絲、紅蘿蔔、黃瓜，加埋飯口感豐富。

VCity 小見韓食店 小店所以地方啲枱都好逼 飯面有小小蒸菜，但啲菜蒸到好腍😥😥見佢個飯寫明蒸飯，但飯底偏油 ，可能想製造有飯焦但又唔脆口，變左又油又唔脆口，有啲奇怪😥😥豆腐海鮮湯，味道正常唔會太濃太鹹 😉豆腐嫩滑，海鮮份量亦正常😉 配菜係泡菜+芽菜 無咩特別 🤨🤨但成個套餐要加1 埋單$86 略貴唔太特別出眾

好味指數😋😋😋回頭指數 ⭐️⭐️⭐️開心指數🤗🤗🤗響屯門 V-city 睇吓買邊間外賣食，呢間韓國店應該開咗幾個月，就試吓啦～🍴蜜汁豉油炸雞餐（$118）呢個炸雞餐冇講明係半隻雞，所以應該唔夠半隻，份量上都算唔錯。就算係外賣都仲係熱嘅，咬落去個外皮都仲係幾脆，豉油味都幾濃，味道相對鹹，蜜汁味相對輕微，味道okay 但未算出色，我自己覺得唔加醬汁嘅炸雞好食D，個醬汁嘅味唔算同個雞夾。另外跟兩條炸芝士，因為唔太熱芝士已經硬咗，不過都唔及三條年糕，好似有煎過，但係十分硬好似未煮熟咁，完全失去年糕嘅軟糯口感。🍴辣炒豬肉紫菜包飯（$52）辣炒豬肉幾惹味，加埋青爽嘅青瓜、甘荀、黃瓜、白芝麻，好味！🍴烤牛肉傳統蒸飯（$68）其實唔知道呢個蒸飯有咩特別，比起一般嘅飯腍，個烤牛肉亦冇咩烤嘅風味，我唔太識欣賞。應該係蒸飯跟嘅湯係似味精水，另外有椰菜甘荀醃菜同泡菜，整體上食物質素正常，唔算突出亦唔算好差，冇咩驚喜～☆My IG @tracyloveliving ☆

好難食原味炸雞餐炸雞又乾又鞋口，叫原味炸雞冇醬跟既，連沙律醬都冇？？？？炸雞冇醬都算，跟餐嚟嘅炸年糕都係冇醬….一整個？？？？韓式年糕冇醬？？？又乾又冇味唔知點食牛肋骨湯定食牛個味道就正路，但就有一半都係靭既飯量好少，不過都係唔好食蘿蔔根本都未熟，又硬又多筋200二人蚊又唔係貴，但食m記好過囉食到一肚火，隔離果幾枱都食唔曬就走左唔怪得晚飯時間都唔洗排隊係出餐之前麻煩試下味，睇下正唔正常，唔好玩食物喇

一直知道Vcity最近開咗間韓國料理🇰🇷呢排下雨天留在商場用餐就最理想！餐廳門面印有韓國國旗的色彩標誌站在遠處也能清楚望見🇰🇷餐廳內採用木系設計感覺舒適另外光線充足座位也整整齊齊還會播放音樂令客人同時可多重享受😋呢日在門外見到餐牌原來有下午茶套餐望落去都幾吸引⋯⋯於是入座下單📲今次點選咗：午餐一份🌟牛肋骨湯定食以為係個套餐，但原來係唔包飲品感覺上好似唔多化算！牛肋肉淋淋地易入口，湯底味道清清甜甜湯𥚃面有白蘿蔔、粉絲、菇等配料整體上中規中矩～可以接受嘅🥢 不過蒸飯就蒸得太乾身太多焦個人感覺很難食到所謂嘅「蒸飯」啊下午茶一份🌟魚糕辛辣麵+半份炸雞魚糕煙煙韌韌很有彈口，辛辣麵味道就唔似平時嗰啲辛辣麵味，呢個比較甜味重啲嘅辣（甜甜辣辣咁）醬料滲透入每一根麫內，配搭埋魚糕口感非常豐富，以下午茶嚟講份量都很足夠！熱辣辣炸雞又香又脆口，簡直食到停唔到口🤭韓國餐廳嘅炸雞一定必食👍

今日又做孤獨的美食家，收工自己搵下野食行屯門就試下呢間韓珍園，主打傳統韓式蒸飯，幾十蚊一個餐就黎試試啦。6點左右算早早地，餐廳唔多人，直接入去坐，環境都幾企理，係位與位之間比較近d，人多時可能會迫d，睇下餐牌都係主打韓式料理，湯麵類，落單都係用QR code形式。解酒湯定食今日試下佢個解酒湯，定食有2款前菜，泡菜同豆芽，少少辣味道唔錯，解酒湯配料都ok多，有牛肚同豬肉片，蘿蔔金菇，湯輕微辣味，飯方面就有d怪，非常黏，底部有鍋巴，飯本身無乜味，但太黏太爛加落湯度都無太大反應，唔識欣賞。整體黎講，湯還ok，飯唔識欣賞，唔知佢主打既蒸飯係咪咁，個人喜歡粒粒分明既飯多d，撈湯又好食d。

入到屯門市中心搵食，好耐冇食過韓式；又見餐廳裝修光猛整潔，下午茶menu又岩又抵食，就入去一嘗。店內有15張枱小店，下午茶時間店內都幾乎滿座～分別叫左2份下午茶：腐皮壽司（辣炒雞、三文魚），配韓式糖醋肉賣相精緻，兩大嚿壽司有一隻拳頭大小。份量十足；而且壽司飯並非白飯，有壽司醋調配，味道清新！炸糖醋肉上則淋有蜜糖醬汁，不會乾淨淨！魚榚辛辣麵，配少份炸雞食得出並非一般辛辣麵味粉，店內應該是自家調配辛辣麵湯底，因為湯底較甜；另外我認為更像沾麵，湯底很濃稠，每條麵幾乎都掛上湯底的味道，好濃味！炸雞有三嚿，外皮鬆脆咬落去肉質嫩滑！

見呢間韓國嘢都開左一段時間，最近終於少左啲人排隊所以諗住試下。 叫左韓式炸醬麵、泡菜豬肉傳統蒸飯同埋個小食韓式糖醋肉。睇賣相就好似幾吸引咁，第一啖試左個炸醬麵就食到好大陣豬既騷味，同之前係韓國食既炸醬麵完全唔同，好彩同枱既朋友鍾意食就幫手食晒。而個傳統蒸飯味道不錯，$58蚊嚟講都算多料，但未食過傳統蒸飯唔知正唔正宗，但同普通係香港食既泡菜豬肉飯無分別，而個糖醋肉都麻麻地，賣相唔太吸引，味道方面都同中式果啲小酥肉差不多，不過無咁好食。總結下次趕時間都應該會食佢既蒸飯，因為算抵食，其他就應該唔會想再試😅

我和老公兩個人星期六路過Vcity晚餐，第一次食，見有座位就入內試吓，當時明明有吉枱，但店員仍然要客人搭枱，位置較為狹窄落單叫了一個蒲燒饅魚傳統蒸飯，和一個牛肋骨湯定食前菜每人只有兩小碟，份量很少，餸亦不多，味道一般，而且飯量很少，而且偏硬偏乾，鍋底痴底令飯量更少，應該蒸左好耐男士食完投訴完全唔夠飽，結果我們要再去其他地方食糖水和買宵夜一向愛食韓國菜但非常失望，對我來說都算是食過最差的韓國餐廳試一次不會再幫襯

唔知由幾時開始，屯門嘅韓式餐廳就愈黎愈少。見到呢間韓國菜係Vcity新開，又被IG Foodie 推薦，就係下午茶時間黎試一試。烤牛肉傳統蒸飯 $68從來冇食過韓式蒸飯，多數都只係食開石鍋飯，亦都唔知道蒸飯真實嘅味道應該係點。嚟到賣相唔錯，蒸飯配上韓式小菜、湯、醬汁。但湯飲落口完全唔知道係咩味，只係得鹹味，你話佢似海帶湯又唔太似，昆布湯都唔似，感覺似醬油湯😓。有炒牛肉鋪面，下層就有南瓜、豆角、薯仔。蒸飯配上醬汁比你隨個人喜好加落個飯度，本身炒牛肉都帶有麻油味幾香，整體不過不失，冇乜特別。個人真係第一次食韓式蒸飯，亦都唔知道傳統嘅做法應該係點。個飯食落口第一個感覺係，好濕，軟飯。自己喜歡食粒粒分明嘅飯，加入咗醬汁之後，蒸飯只會變得更濕，食到底層已經似係食韓式粥🫠。呢個蒸飯同幻想中，軟熟口感有唔同。如果鍾意食乾爽軟熟嘅飯，咁你就要留意，可能選擇其他餐點會更適合你。

二人食，分別叫咗一個清燉牛肉湯同豆腐湯，先講清燉牛肉湯得個兩粒牛肉 大佬呀尖沙咀韓國嘢價錢 但份量絕對不可相提，味道更加唔使講，垃圾，衰過自己煮公仔麵🙄🙄🙄🙄🙄 牛肉份量真係用「粒」黎形容 差 好差，味道無層次。豆腐湯唔知點解可以咁難食，同對面牛x燒肉比嘅豆腐湯又細份，味道更不值一提，仲有個飯唔係正常嘅飯焦，佢個飯係未熟透，變咗係一個痴牙嘅燶咗嘅飯，唔識整就正正常常比個白飯啦大佬，懶係多花神 又整得唔好👎🏻仲有拎餐具嘅櫃要用九牛二虎之力先開到🙄

諗住新開張，所以同朋友就去一齊試吓我哋係佢一開門就入去坐低用手機落單，先發現有好多係售罄叫定食套餐係唔包嘢飲，唔化算😓朋友叫咗個部隊鍋，湯底比較淡只係得火腿，茄汁豆，午餐肉，香腸，少少菜，年糕都無😥份量唔多，朋友食完只係覺得半飽我原本想食牛肋湯定食，但售罄但係叫牛肋湯蒸飯就有，好奇怪🤔份牛肋骨¼都係骨，只有一點點係肉所以我食完都係得半飽🫠整體嚟講，如果男人當中午飯會吳飽反而見到隔籬枱點咗一盤炸雞，賣相都幾好，份量都ok下次再去試嘅話，一定唔會再嗌套餐囉反而會試吓佢啲炸雞，不過諗到食炸雞冇套餐冇嘢飲，又好似唔抵食😕