韓珍園

营业中

休息中

经过见到呢间韩国餐几吸引，下午2点半至6点有下午茶餐供应，餐厅座位，食物卖相不错，另有酱油蟹限量供应。 牛肋骨汤定食 $88附送前菜两小碟，牛肋骨唔韧，有咬口，唔算好淋，汤底香浓，内有粉丝。第一次见韩国菜既白饭会有菇粒同豆角，仲要洒上芝麻同葱花，感觉似港式蒸饭。 紫菜包饭(半)+小食 $48下午茶餐，饭卷有4旧，几大旧，肉多饭少，可选牛肉、泡菜猪肉或蟹棒，附上秘制沙律酱，味道特别。小食拣左炸鸡，有3小旧，外脆肉嫩，沾上甜辣酱汁好开胃。另附送泡菜一小碟。 鱼糕辛辣面+小食 $68下午茶餐，就系鱼糕同辛辣面，冇乜特别，另外仲有年糕。小食拣左小份芝士球，有2条芝士条，好脆，味道不错。