韓點 (已結業)

先講講服务;應該是一家人,老闆和老闆娘和他们的女兒都好nice,店仔细细只有两张台,但客人也不少呵，要排三四個人，好不容易找到一個位，我點了一份泡菜餅,一個牛肉飯和一串鱼蛋,泡菜餅煎得好香,牛肉飯有不少牛肉但飯就少了一點,可能是我大胃的关系吧(老闆下次要比我多D飯呵)鱼蛋就很特别,因為不是圆的,為什麽不叫鱼片呢?唔通韓國是這樣叫的，無所谓啦，反正味道也不错，要投訴的是沒有飲品賣，要自己到隔離7仔買，事後老闆娘説會很快有飲品賣,望能盡快改善吧！因我下次要試試那炒辣年糕，食辣野無汽水hehe,會起火的，整體環境, 服務, 衛生都很好，會再幫襯！記得比我多D飯呵！

Umm... 知道係公司附近開左, 打算試下, 食左魚蛋串同泡菜薄餅! 真係好普通!魚蛋串只有少少甜味, 賣$12食粉多個食魚...泡菜薄餅煎到個底燶, 食落雖然係熱, 不過印象已經差左! 仲要一D都唔平~下次唔會再去LU!

本店在紅磡剛開張時的口碑普遍不錯.但外賣方式引不起到來光顧的興趣.是外賣快餐的格局.但也有兩張檯提供了堂食的座位.看到什麼便吃什麼吧！反正各式各樣的年糕對我來說也是有無可抗拒的魔力.炒年糕----$25一份來計份量算是不少,但年糕質感頗硬而且溫度不夠熱,吃了面層數條後剩下的只是微暖.年糕不濟醬汁也好不了多少！第一口的味道就像吃腸粉時甜辣醬混在一起,還要是偏向甜味.唯一配料的泡菜少得可憐數量是只得數條.這質素比起五年前台北巿林夜士內所賣的更差.如不是有這支重蒜香的辣椒醬幫一幫忙,這份年糕是吃不了1／3.魚蛋串----$12 一串,魚蛋質感像一塊厚身的腐皮,味道清淡連浸的湯也是一樣.不知是加盟店水準有偏差還是怎樣,總之再來的機會不大.

一直想幫襯，但奈何其他分店對我來講都太隔涉。銅鑼灣呢間，雖然也不就腳，但總好過無。店子小小，好在於NON PEAK HOUR才有位坐。招牌年糕：好煙韌，辣醬唔係一味得個辣字，仲帶少少甜味，推介!紫菜湯：不俗，可以一試。泡菜煎餅：同以前係韓國食既好似，感覺幾地道。炒粉絲：幾彈牙，可惜不夠熱...... 令喜歡韓式粉絲既我有點失望。

一次到中央圖書館後，打算到丹麥餅店買薯條路過時發現將會開韓點，心想實在太好了，不用老遠到紅磡去於是，這天便一次過買了年糕、炒粉絲和壽司原本想要的炸醬麵，在這個下午二時許的時間已賣哂年糕是我光顧過這類小店以來，份量最多的一碗不過未知是否剛剛添加的，感覺上還不夠軟糯炒粉絲不錯，只淺嚐了兩口壽司則有點鬆散，只屬一般不知是否還在新張期間，情況有點亂還好老闆坐陣，跟他談了數句後食物便準備好了P.S.第二晚再次碰碰運氣，但炸醬麵還是沽清了，看來這小店的生意不錯

睇戲前, 友人話不如去呢間試下 可能店鋪實在太細, 最多座6個人, 加上當時大約晚上6:45晚飯時間, 我地未行到, 已經見到排隊的人龍企到出門口, 數一數大約有4-5位客人係我地前面. 可能本著 "即叫即製" 和 "味道" 的原則及人手不足, 每次只能接受一位客人的去order準備食物 (紫菜包飯, 辣炒年糕等除外), 店內兩位老闆立即做, 導致後面的顧客要等候較長時間 講番食物~~~1) 泡菜煎餅 ($22) - 即叫即整, 泡菜唔算太辣, 個人認為剛剛好. 雖然真係要花時間等下, 但都值得 2) 韓式魚串 ($12) - 味道有點兒淡, 但湯很美味3) 辣炒年糕 (唔記得幾錢, 但應該都係 $15-20) - 都幾辣, 食左幾舊後, 請友人幫手解決 4) 紫菜包飯 ($22) - 約有10件, 我鍾意食, 配料豐富 但我係韓國街頭食過o既有少少唔同, 韓國當地的加左唔少麻油, 但兩款我都覺得ok 本來都好想試粉絲或拌飯, 可惜已經夠鐘走, 留待下次吧