韓 炸雞 & 小食

营业中

休息中

韓國除咗部隊鍋、紫菜包飯、炸醬麵之外，當然不得不提街頭小吃。呢間小店提供唔同款式嘅炸物🍤係未有假期去個旅行，就可以嚟呢到頂頂癮😍💗Set Menu 1 ($65)🐥無骨炸雞(S)：炸漿夠哂薄，外層脆卜卜，雞肉口感豐厚彈牙，帶有脂肪位所以有少少肥膩，但肉質嫩滑多汁，唔會有雪味。原味雞粒唔會唔夠鹹，已經灑咗辣粉添加微辣，可以再點茄汁更惹味🍅🍢雞糕雞糕串：無骨炸雞淋上一層濃稠嘅韓式甜辣醬汁🌶食落更加juicy，中和油膩感外仲開胃咗。配埋韓國年糕條相隔，食落十分煙韌但唔黐牙  ，外皮仲有層酥脆口感。面頭灑上杏仁脆片，令整體更加豐富。🥤可樂💗炸紫菜粉絲卷($28/4件)用紫菜包住滿滿嘅粉絲條，帶少量紅蘿蔔粒🥕內裡口感軟淋，不過調味相對較淡。再炸到香脆可口，有雙重口感，最抵讚係冇索哂油。💗炸餃子($22/2件)將餃子炸到金黃脆口，餡料包括有豬肉碎、粉絲同蔥花，都算脹卜卜。味道鮮美，唔會係一般雪藏貨🥟

新K11商場真係好多嘢行，行攰左樓下仲有大大個food court俾大家食嘢，一見到韓國炸雞，我即刻衝左埋去，佢哋嘅炸雞係新鮮即叫即炸，除咗炸雞仲有好多韓國嘅特色炸物，例如炸紫菜粉絲卷、炸年糕串、炸餃子。每樣都想食嘅我當然全部叫晒啦，佢哋仲有套餐可以揀，大約等5至10分鐘左右，新鮮熱辣嘅炸雞就出爐啦，炸雞嘅粉漿好薄，入面係多汁鮮嫩嘅無骨雞肉。另外佢哋嘅炸年糕亦都非常出色，外面脆卜卜，入邊煙煙韌韌，如果一個人嚟，可以叫佢哋嘅雞糕雞糕串，兩樣都可以食到之餘又唔怕食唔晒。

果醬雞+無骨炸雞+炸薯條+2罐可樂 ($118)先唔講炸雞的味道,老實講今時今日香港百零蚊去韓國餐廳食個韓國炸雞餐最多都係得一款雞比你食到, 但這餐廳一次滿足到你三個願望,仲包埋配炸雞必飲的可樂真係超值之選! 加上餐廳都好貼心有膠手套提供比客人食炸雞,仲有佢地用的飲管都採用了環保物料就係紙飲管,值得一讚。言歸正轉講番炸雞味道先,先講講果醬雞本人覺得粉有點多同硬了一點,口感似中式的咕嚕肉,但醬汁食落去幾開胃可以解除炸雞的肥膩感, 無骨炸雞咬落去啖啖肉唔駛煩啃骨,沾上茄汁一齊食認真和味,唯一美中不足是肉汁唔夠多,但整體味道唔錯!薯條🍟口感屬徧硬身脆口,而且味道唔會太咸,配上茄汁啱啱好,還有份量都算頗多。

K11好食炸雞拼盤- 韓 炸雞&小食新開既musea餐廳唔算太多，想食炸雞既不坊試下係b2既han chicken。佢係一間韓式既炸雞店，提供左唔同味道既炸雞同韓式既小食。今次就叫左一個炸雞set。🔻炸雞拼盤setC味道：8/10價錢：$118佢有兩種味道既炸雞：果醬雞同無骨炸雞。果醬雞係種酸酸甜甜既醬黎，仲有啲芝麻同蒜。甜酸醬同炸雞好夾。而無骨炸雞就係一個好傳統既韓式炸雞，炸粉唔會太厚，而雞肉都好嫩滑。另外呢個拼盤仲有著條，份量都算多，薯條比較幼身，唔會太咸，而且仲要係岩岩炸好，好好食～值得一提，餐廳仲有提供一次性透明手套，非常衛生，唔怕整污糟～

自己一個人，有時會去食下快餐🥢但係日日都m記，kfc，真係悶死人！😬今日想介紹一間位於K11的快餐店價錢親民，又有新鮮感！❤️這裏與普通快餐店不同，韓式炸雞店裏的炸雞都是現點現做的🍤，而不是像普通炸雞那樣事先做好，因此要等上至少20分鐘才能吃到！佢地的炸雞十分脆口🍳，肉汁保留。最貼心係，炸雞都可以揀有骨或無骨。好滿足呢😚

🍗🍗🍗中午吃完川菜晚上🌃又來吃炸雞🍗偶爾放縱一下自己，也是一件開心的事情～ K11 Musea的餐廳🍴都快被我吃遍了，真是各有特色！能在尖沙咀返工的朋友們，有口褔啦！.今晚選擇了最傳統的炸雞🍗薯條🍟配雪碧！因為我天天過來吃，服務員💁都認識我了，賓至如歸💓特別熱情❤️.炸雞外皮酥脆，咬開之後，雞肉細膩多汁。脆脆的外皮，簡直滿足了我所有對於炸雞的慾望。一大口雞配一口雪碧，透心底的舒爽^_^薯條也是現炸的，細細的，配上番茄醬🍅，這個時候如果有電影🎬放映🎥那將是完美的一天❤️❤️❤️...韓 炸雞 & 小食 (尖沙咀)尖沙咀梳士巴利道18號Victoria Dockside K11 Musea B2樓B201-9-10號舖

Fried Korean🇰🇷 Hey‼️ Fried Chicken💛🐥🍗🍗💫..呢日黎開尖沙咀行街 食飯過後，知道朋友仲係Office OT，身為朋友的我👻 決定做魔鬼 叫佢落黎食宵夜‼️ 雞🐥 仲要係炸雞，好難抗拒吧。來～黎個炸物小派對吧。-位於K11 Musea 真係好多餐廳食肆可以揀，但夜晚決定黎個小食又飽肚之物。。就叫炸雞吧。新鮮炸 熱辣辣，點定小食飲品🍗🍟🍹，等朋友落黎食就岩岩好。-呢度小食類別都好多：炸雞薯條套餐、小食飲品杯、年糕串、炸紫菜粉絲、炸餃子、雞蛋卷、炸魷魚、韓國煎餅......好多選擇 眼花撩亂。最後都係揀返個炸雞Set Menu🐥 Set C。
-Set C：果醬雞 (甜甜的 又多醬汁) ；無骨炸雞 (好香脆 雞肉好嫩)；炸薯條 (好多 粉粉的)；2 Coke (最後揀左韓國名物：香蕉奶 & 草莓奶，真係好香`好甜`好好飲)。-一個短聚小小的時光，好彩趕得切係關舖之前買👻。吃罷 朋友繼續工作，我就靜悄悄離去。噢。。生活就是要繼續努力，加油❣️。..

HAN chicken & snackK11 musea 除左food court 好多野食，小食店既選擇都吾少😋今次主要食韓國炸雞🍗佢仲有好多小食配搭架！-果醬雞 (L: $78)怕食骨既我地揀左依款甜酸醬既雞球，雞肉嫩滑，無冰鮮味，而且炸粉吾厚，個醬汁甜甜地，係我哋中意既味道😍依份large size 都幾大盒，可以2-3人share喔😉除左依款小食，menu仲有幾款炸雞拼盤，包含哂雞翅/雞搥等等，仲配薯條🍟tim😋-炸年糕串 ($22)每次食韓國菜都會好想食年糕，但往往佢都只係配菜 依到有得散叫一串實在太好啦🤣炸過既年糕外脆內軟，好煙韌，一定要襯熱食，凍左會變硬喔！

行新K11行到攰攰地就係B2揀咗間韓國小食店食下，點知好食又幾大份，結果當咗正餐完成了～圖入面有果醬雞，無骨炸雞，同埋連住可樂杯嘅雞米花，三種唔同滋味。但共同點係雞肉都夠嫩滑，尤其本身係擔心個無骨炸雞會好柴，因為好多地方做無骨炸雞都係用雞胸果啲位搞到好難食，但呢間保持到佢嘅嫰度，值得一讚！當中果醬雞係加咗酸酸甜甜嘅醬汁，好開胃，係較深印象嘅一款！呢餐兩個人食咗HK$123但已經夠飽，所以個性價比係幾高，你平時去食韓國炸雞人均都要HK$100以上埋單，仲要可能得一種味，所以呢間小食可以滿足到大家幾個願望！

來到K11 Musea覓食一番，這次去Food PlayGround的炸雞店😋，看到朋友介紹過就決定去試試素質如何吧。先買單再取食物找位置坐坐，等了大約10分鐘就可以取餐。💥3號炸雞套餐 HKD$118，這個套餐有兩款炸雞：果醬雞和原味炸雞，另有薯條和兩罐汽水，很適合心大心細的朋友好可以一次過食到兩款口味的炸雞😋。即叫即炸了一會兒，快快拍完照片就吃炸雞咯。食物味道不過不失，熱辣辣食最好不過，這個套餐兩個人食剛剛好😆。這次最喜歡吃果醬雞，味道酸酸甜甜很開胃又惹味😆。

食下炸雞🍗過一個愉快嘅下午嚟自星星的你嘅韓式炸雞小食喺K11Musea開張咗啦試完佢哋嘅韓式炸雞你都會大讚 真係別有一番創新嘅風味架！佢地喺B2層 位置有啲難搵小食主要分別有杯裝同用盤裝 價錢有平有貴我哋幾個朋友又想試多啲嘢 於是就叫咗個套餐 有果醬雞無骨炸雞同炸薯條仲有兩罐嘢飲都只係$120唔使果醬雞甜甜地又唔會太鹹太重味精無骨炸雞真係啖啖肉脆皮唔會炸得太厚食落去份外滋味 薯條加埋茄汁 香口非常👍🏼再飲埋杯可樂真係好邪惡啊😈😈😈

突然想起去旅行食嘅炸雞咁岩近排去咗尖沙咀新嘅商場k11 Musea見到新店登陸香港， 心心眼又出現啦即時走去試吓二人套餐 ✨set 3✨果醬雞好香甜嘅水果味道啦帶一點甜辣味而去加咗個黑芝麻配襯雞肉細細粒容易咬口熱辣辣上到枱面嘅時候仲有一點微辣嘅味道肉質好汁流出唔使點醬都好濃✨無骨炸雞比平時嘅炸雞比較細粒容易咬口揸過嘅香脆濃郁皮薄鎖住左肉質好鮮味帶一點鹹嘅味道🍗✨炸薯條🍟用咗幼身炸薯條仲有兩杯汽水🥤雪碧加可樂絕配

今日去左 #VictoriaDocksideK11Musea 到行街街，我都係第一次黎，原來果到個 #foodCourt 好大嫁！勁多野食囉～間間都好正咁！最後我揀左呢一間 #HanChickenandSnack .係新派既韓式炸雞黎！除左炸雞之外，其實佢仲有其它既韓式小食...不過呢..我揀左個$118蚊既2人set..裡面有薯條，無骨炸雞，無骨果醬雞包2罐汽水....個炸雞係非常之咁脆卜卜，果醬雞唔會太膩。薯條份量係好足嫁！我覺得價錢都非常之合理。#photo #shooting #hk #foodie #美食 #炸雞#韓式炸雞

好鍾意行呢個新嘅商場今日行到最底果層發現原來喺角落頭位有一間炸雞店超鍾意食炸雞嘅我忍唔住要幫襯下😆😆睇咗好耐最後決定揀套餐套餐入面有果醬雞 無骨炸雞 炸薯條跟餐仲會有兩杯嘢飲我哋加錢轉左飲啤酒因為我覺得炸雞同啤酒係絕配!!!!!!!!!呢度仲有好多唔同嘅嘢飲有各款各樣不同嘅韓國飲品 超級多選擇😆.呢度係半自助形式驚整污糟隻手嘅話記得拎埋手套呢度嘅炸雞有驚喜雞肉唔會乾身 好juicy 而且佢嘅sizes可以一啖食晒又冇骨食起上嚟好方便配埋酸酸甜甜嘅醬汁 不知不覺已經食晒成桶😆😆😆.整體來講鍾意食炸雞嘅朋友可以一試應該會有驚喜

自從尖沙咀開左K11 Musea之後我都多左去哩個新商場覓食😍皆因嗰度有好多特色餐廳之外仲有個幾多選擇既Food Playround可以俾貪心既慢慢試✌·偽韓好子今次出動😉主要係為左2間韓國特色小店另一間嘅係主打韓式炸雞快餐小店🍗·同朋友叫左套餐Set 3  HKD$118包括有各8件無骨炸雞及果醬雞、炸薯條及2杯可樂。值得一讚既係全部都係即叫即炸，脆卜卜好邪惡😈 仲唔會炸定搞到凍哂。無骨炸雞真係啱哂我哩啲懶人，骨都唔洗扔👍👍·而果醬雞外脆內嫩，醬汁甜甜酸酸好開胃😋 面頭仲灑上杏仁脆片，令口感更加豐富。另外再食埋份量好多既脆炸薯條🍟 真係2個人都食唔哂呀，咁既價錢有咁既質素，真係好抵呀，你地仲唔快啲都去試下！