韓 炸雞 & 小食

营业中

休息中

早兩個星期行過K11 MUSEA搵嘢食，行到地庫的food playground見到有韓式炸雞，賣相精緻而且份量合理便叫了一盒蜜糖芥末味的韓式炸雞半隻，再加一罐梨汁，埋單$110。點知發覺炸粉勁厚雞肉勁少，而且好嚡，最後咬出嚟的炸粉份量竟然和未食之前的炸雞份量是一樣，原本仲擔心一個人食半隻炸雞會好多，點知食完好似冇食過嘢咁，CP值勁低好後悔🙁，我完全冇諗過喺musea 呢個高級商場裏邊會有這種難食過喺深水埗買的炸雞，看來商場對於食物質素的審查標準降低了。

位於高級商場K11難得有一間價格適而嘅餐廳位置比較偏僻，位於food court嘅最邊邊位唔行下好難見到間鋪頭就係一間咁嘅不起眼韓式餐廳卻提供味道十足而又性價比極高的正宗韓式炸雞仲送咗個雪糕，有三個口味可以選擇，分別係豆腐，咖啡同柚子。最後選擇咗豆腐炸雞有原味同甜酸味。原味嘅炸雞新鮮出爐，一咬就係脆脆的麵衣。甜酸味嘅炸雞除咗惹味仲帶d清新嘅感覺，個醬汁絕對不算濃，啱啱好。所以我個人會比較推介甜酸醬嘅炸雞我地仲叫咗個牛肉拉麵試試作為主食，味道不差，就係普通辛拉麵總體來講，算幾有驚喜。下次去K11都會考慮試下其他小食

好耐之前幫襯過呢間韓式炸雞店，喺韓國店員，啲炸雞好好味。今日再返嚟食，冇為意佢個名已經唔同咗，而家叫”K food town “ 都有同款炸雞食，店員係香港人，落單都好似唔係好識咁應該係新轉手。叫咗一份小嘅冇骨炸雞，肉質好乾鞋颯颯，炸粉好厚，得好少肉，唔想嘥咗自己quota寧願浪費☹️☹️☹️ 再細心觀察原來幾個店員定唔知老闆都好生手，好似未準備好開業咁。我食淨咗好多拎返去，佢都冇問吓我啲食物如何 ，究竟係冇心經營定唔識做生意🤨

K11Musea咁大咁靚賣既野多數價錢偏高估唔到入面都有平民區🤯係K11Musea最底層有2個Foodcourt幾十蚊有交易😳而且有勁多唔同菜式選擇係唔同鋪頭買完坐低慢慢食都得☺今次試左間炸雞同隔離間pizza炸雞都算大件炸得皮脆肉嫩👍個甜酸醬都幾好味可惜入面d肉就冇乜味😢可能係醃得唔夠耐

🎏️ 食盡油尖旺 — HAN Chicken n Snacks✨ 久違嘅正宗韓國嘢😭🇰🇷#90cp尖沙咀篇 #90cp韓國篇➖➖➖➖➖疫情之下晚市堂食一禁再禁，真係X出聲🥲 作為防疫撚嘅我都唔知幾耐冇出街食飯🥺 開頭都仲有心力煮，煮到中後期真係半放棄狀態😩 間唔中都要出去食下外賣🥡早排就去咗尖沙咀呢間由韓國人主理嘅餐廳try try🇰🇷美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)🍗 無骨炸雞 s ($38)🍗 無骨甜酸醬炸雞 s ($48)食韓國嘢又點可以唔食炸雞😏 真係勁耐冇食，無骨炸雞仲要啖啖肉非常正！仲要係外賣拎到返屋企都仲脆😭 感動到喊出嚟！不過始終炸雞都係甜辣醬好食啲👅🍛 韓式炒豬肉蓋飯 ($78)豬肉嘅份量都好多🐖 接近同返係一比一咁滯，但係不得不提嘅係佢嘅辣醬真係好堅，辣到跳舞🌶😂 不過都可能係我食得辣姐，其實雖然係好辣但係都越食越惹味，唔錯！🥣 韓式鮑魚粥 ($68)相比起個飯同埋炸雞，佢嘅味道的確係清好多🙌🏻 雖然係咁但係食落感覺都好正宗，回憶起韓國嗰啲都真係幾分相似😋 而且都算足料，已經足夠令

隱身於K11 MUSEA 嘅 k food town 入面.. 其實我想試好耐今日終於黎左試 ! 安全起見 .. 買左外賣返屋企先食 : )食物款式唔少呢 ~~ 價錢好合理 !一共叫左三樣野.. 食到勁飽 !!呢個炸雞set 真係太抵!!  $128 有咁多野 ::無骨炸雞 + 無骨甜酸醬炸雞 + 甜薯塊 + 汽水2罐炸雞份量唔細 !! 原味炸雞 好脆口, 乾身一D都唔會油 !!甜酸醬款 好開胃 ~~ 甜甜酸酸, 仲有杏片係面, 同醬汁好夾兩款雞嘅炸粉都超薄, 所以平時唔係好食炸野嘅我 都大大啖咁咬落去無骨咁食 真係好正, 不過略嫌肉質有少少乾, 再juicy d會更正 !甜薯塊 幾有驚喜, 炸脆左嘅外皮 包住綿綿嘅甜薯 ~炭烤豬肉飯盒 $78韓式飯 簡簡單單都已經好正 !! 整盒嘅醬汁都唔會太咸太濃味豬肉好香好惹味, 飯上面有大量洋蔥, 蘿蔔絲, 椰菜, 芝麻 同煎蛋份量多, 2個人share都絕對夠 ~蔬菜煎餅 $38有兩大塊~ 煎餅本身好有蛋香, 厚度剛好 有少少煙韌感覺, 幾鐘意呢種口感!入面嘅韮菜唔會太搶味 ~仲有泡菜, 醃漬物同紫菜湯 !!p.s. 呢間店係由韓國人主理.

位於K11既K food town主打韓國菜，由韓式炸雞到盒飯料理，應有盡有，而且價錢合理份量大，CP值好高！店舖由韓國人主理，以food court既模式，提供open area用膳。無骨甜酸醬炸雞 (細) $48餐廳用上新鮮雞肉，即叫即炸，做到金黃香脆效果！拌上特式甜酸醬，令炸雞油膩感減半，食過不停韓式炒豬肉蓋飯 $78師傅即叫即炒，可以望到整個製作過程。豬肉拌泡菜炒後，超吸辣味，食落口仲好juicy。盒飯仲包泡菜、醃蘿蔔、昆布湯，超級飽肚！凍百香果味果汁 $25呢款果汁係酸甜口味 好配合食炸雞 而且係新鮮製造更健康(標明係無防腐劑同人造色素)

Omija juice 五味子味果汁🍹 $25Rice cake skewers 炸年糕串 $22Boneless fried chicken 無骨炸雞🍗 $38食韓國菜點可以唔食韓國炸雞呢，呢度嘅韓國炸雞有大($68) 同小兩個size選擇，無骨炸雞入邊冇任何雞骨啱晒小朋友食，每一啖都係滑脫脫嘅雞肉食落去好滿足㗎👍🏻 年糕串就口感chewy ，辣辣地特別開胃😍，至於個K juice sugarcane 果汁係冇防腐劑冇人造色素同埋冇任何添加劑㗎，飲落去酸酸甜甜有啲似提子汁🍇，超級健康同埋夠晒純天然🌿Fried glass noodles in seaweed 炸紫菜粉絲卷 $28Korean style pancake 傳統韓式煎餅🥞 $49色彩繽紛嘅傳統韓式煎餅🌈真係好靚呀，影相打卡一流📸，入面有韭菜🥬、午餐肉、蟹柳等等嘅配料，煎到脆卜卜好香口，再點配埋嘅醬汁好夾呀！而炸紫菜粉絲卷係餐廳嘅熱賣食物嚟㗎🔥，入面有大量嘅粉絲，一啖啱啱好食晒粉絲、紫菜同埋成個卷有好豐富嘅口感，相對健康又好食Spicy pork bulgogi over rice 🍲🌶 韓式炒豬肉蓋飯 $78炒豬肉蓋飯同

每次係K11 food court行到最尾都留意到呢間韓式店好幾次經過都見到好多人幫襯 好滿坐有次去開K11 MUSEA就決定試試佢🤪不過6點後先到 唯有買外賣拎走〰️ 甜酸醬炸雞+無骨炸雞+甜薯塊+汽水x2 $118呢個套餐真係好抵 $118有齊兩款炸雞同汽水仲要份量都唔少 作為二人餐 真係收晒貨炸雞外層係比較厚 但凍左依然保持硬脆無骨炸雞啖啖肉岩哂懶人 而且肉質幾嫩兩款之中 我就鍾意甜酸醬條款炸雞多啲!個醬汁有啲似咕嚕汁 食落酸酸甜甜好開胃🤘🏿不過最驚喜都係甜薯塊 唔好睇佢平平無奇個甜薯入口好甜好綿 加埋薄薄嘅炸皮真心正🥲如果熱食一定更加出色 好想encore🥲〰️ 蔬菜煎餅 2pcs $38另外餐牌仲有好幾款韓式煎餅 都係2-3pcs岩哂想食多幾款 又食唔到咁多嘅朋友嚐鮮😛煎餅唔會好油 蔬菜份量都唔少 不錯不錯🤘🏿〰️ 韓式鮑魚粥 $68喺韓國食完本粥之後 一直念念不忘所以見到佢哋有韓式粥 就決定叫碗食😛不過呢款其實同本粥走嘅路線唔同 冇咁濃稠 食落重麻油香 我就覺得還好😛總括嚟講價錢都真係幾合理雖然係外賣 只有短短嘅落單時間 但都感受到店員好有禮貌好nice 👍🏿

K11 musea已經俾我行勻🤣 呢個好多韓國嘢食嘅foodcourt翻新靚咗🥳🇰🇷今次想食炸雞呢度都有🐣 仲要係韓國oppa主理~炸雞除咗嗰幾間平時好少食到 仲要又平又高質‼️😍❣️原味炸雞 7pcs-$98原本我炸雞嘅天花板就係Jolibee 但呢個雞竟然超越左‼️👅🐣呢度炸雞🍗新鮮即炸 層皮脆到不得了 完全冇油溢味 肉滑有汁( ˙༥˙ )原味雞係冇咁多醃料嘅情況都唔會食都冰鮮雞嘅雪味 好神奇🤣 重口味朋友可以另外加個醬點😙而且七舊雞真係好多 食幾舊就飽🤰🏻🤰🏻❣️無骨甜酸醬炸雞L-$88呢個就比較方便進食~ 脆得黎唔會戒口👅食落有一種咕嚕肉嘅感覺 甜酸汁加炸肉😂以無骨雞黎講 肉質算唔錯 炸皮好薄啖啖肉🍗❣️魷魚圈5pcs $48本身諗住點番茄醬 點知食落佢嘅炸粉有調味😋魷魚新鮮都唔錯~❣️炸餃子2pcs $22呢個比魷魚圈驚喜( ⸝⸝⸝⁼̴́◡︎⁼̴̀⸝⸝⸝) 好似只係普通餃子🥟 包左粉絲同菜肉 但係炸完咁好食🤣

最近又開始煲劇的日子，剛睇完《那年我們的夏天》，然後又開始睇《殭屍校園》，所以出街都搵韓國菜，令自己活在韓式style。去開K11 Musea行街，上次試過Food Court有CP值高韓嘢，所以今次再訪，選擇由韓國人主理的炸雞，夠哂地道啦！◽ 無骨炸雞(s) + 無骨甜酸醬炸雞(s) + 甜薯塊 + 汽水 x 2 $128懶人相遇，立即決定揀無骨版炸雞，這個套餐有兩款口味炸雞，即叫即炸，原味炸雞香脆而完全不油膩，仲好有雞味；甜酸醬炸雞甜甜酸酸，開胃度大增，就算淋上醬汁都不會令炸雞變腍，周朋友爭住食；甜薯塊食到甜薯的甜香。套餐仲有兩罐汽水，好抵食。◽ 炸魷魚圈 $48同樣新鮮炸起，魷魚圈好脆又食得到魷魚味，好香口。◽ 泡菜豬肉水晶餃 $55水晶餃有少少似小籠包，不過外皮會厚少少，但好有湯汁，豬肉配搭辣味泡菜，意想不到的好食。◽ 無骨甜酸醬炸雞(L) $88另外再買炸雞返屋企，雖然屋企開餐時外皮無堂食咁香脆但同樣好食，而且醬汁不會渴撻撻。炸雞以外，另有煎餅、韓式粥品、韓式盒飯等等，下次有機會再試～

前排kfoodtown 入面好多韓國餐廳都唔見咗. 搞到我以為係關閉晒點知最近開返間. 集合晒差唔多全部唔見咗餐廳嘅店舖😍依然係韓國人主理我最愛嘅炸雞回歸啦❤️.🦑魷魚圈🥟炸餃子炸物都好脆卜卜無油煙味. 魷魚食落唔假炸餃子餡料多多大大隻🐮韓式迷你牛肉餅有種甜甜嘅味道. 好特別外皮少少煙韌. 餡料飽滿🍗無骨甜酸醬炸雞主角登場！炸雞一如以往咁嫩滑脆口. 即使淋上醬汁都唔會變林甜酸醬酸甜度平衡. 炸雞份量好多🥣弘大蟹肉粥口感綿密. 充滿麻油香味除咗新鮮蟹肉. 仲有紫菜芝麻同少量蔬菜. 感覺健康

呢間炸雞店開在餐廳定位普遍高昂既K11 musea, 味道都非常不錯。炸雞二人套餐，新鮮熱辣，會辣嘴既程度。醬料果邊似咕咾肉醬，甜甜酸酸；原味炸雞調味簡單，但肉汁豐盈，肉質有彈性，唯獨是食到後尾覺得調味有d寡，免不了會漏，如果揀韓式甜辣味炸雞，應該會更加好味......不過埋單每人六十幾蚊，食到新鮮炸出黎既炸雞，仲有兩罐可樂附送，抵啊！味道:7/10價錢:8/10環境:5/10服務:NACP值:8/10

炸物即做，但味道普通。最特別是待客態度，非言語不通，純粹無禮貌。由收銀到煮野嘅職員都好似受罪咁嘅樣對住班客，你估成個場得你一間食肆？希望店主識睇中文，一定唔會回頭。

完全冇心做野，乜都唔講多句，好似啞咁囉！服務又差，唔想做咪唔好做囉，做到咁晦氣，一d禮貌都冇！知唔知咩叫禮貌呢！聽又聽錯order，到落差又唔話sorry，真係差到一個點！