韓Cook BBQ

营业中

休息中

睇完《黑道律師文佐森》好失落，好想去韓國搵oppa，現實只能FF同班同事去食韓餐！今次來到小巷入面一間韓式BBQ小店, 都幾多附近打工仔幫襯，午市滿座，要等10分鐘先能入座，肚餓的我跟同事快速點了牛肋骨湯同泡菜牛肉湯跟白飯，主食未到，先食伴菜頂下肚，泡菜、芽菜、薯仔小菜都好好食，主菜新鮮滾熱辣隨後上檯，泡菜牛肉稍嫌唔夠辣，但兩款主菜料係十足，份量適中，味道都唔錯，牛肋骨冇雪藏味，肉香濃，整體ok! 性價比來講都高～

其實平時很少行入這條巷搵食，記得多年前來這裡食過一次晚飯，食物質素不太有印象，都已經將它遺忘了，今日lunch朋友提議食韓國菜，於是便再次來到這裡。說實話，這裡的食物只是一般般，又的確不會給人很深刻的印象。前菜是豆芽、青瓜、甜薯仔和泡菜幾款前菜味道是不錯的，尤其是泡菜，不會太辣也不太鹹。牛肋骨湯 配飯 $85牛肋骨湯的湯一般雖然像清湯，但應該都會很夠味的，但這湯很淡，蘿蔔也不甜，牛肋骨還可以。辣海鮮湯麵 $68看到湯的顏色以為會很辣，其實又不算太辣，麵質適中，泡菜就有很多，但只有一隻蝦和幾絲魷魚。總括這裡的食物質素不算很出色，我大概又會把它遺忘一段時間了。

每次去呢間餐廳都見到有一半以上係韓國人餐廳老闆係兩夫婦 都係韓國人所以野食味道好地道 正宗尤其係小菜小菜味道味道偏甜 推介薯仔烤肉嘅肉質一般 但係$300嘅二人餐 包湯包嘢飲acceptable

喺紅磡區附近住嘅人都會知道德民街附近有好多小店，但係呢間位附德民街行仔入面嘅韓燒真係好唔顯眼，加埋佢同平時韓燒有差唔多咁暗嘅裝修，我地未入去都唔肯定佢有冇開門我同fd 叫咗個3人餐，個餐有炒粉絲，牛助骨，豬肉，石頭湯同埋飯， 份量唔係話好多但係都夠食。燒肉嘅質數就不過不失啦，但係個粉絲就咸咗少少。餐廳入面環境都唔錯，啲staff 嘅服務都好好，會refill 小食同埋幫手燒肉，作為黃埔區入面少有嘅韓燒店（好似得呢一間？），住喺附近又突然有鋪韓燒隱嘅人不坊一試

又到搵食時間黃埔嘅韓國餐選擇真心唔多所以起冇乜競爭底下揀咗依間入去得一枱客 見咁樣都想走人 但係啊媽話俾次機會佢試吓咁就落單啦 Menu選擇唔多 唔似其他韓國餐廳 又石鍋飯 又拌飯 又拉麵 又飯卷依到基本上得一款石鍋飯 冷麵 湯麵 煎餅 泡菜炒飯我就叫咗個海鮮刀切麵 媽咪要牛肉石鍋飯我地係外賣 等咗15分鐘左右好嘅係佢放得幾好 我個湯同麵分開放 返到屋企已經瀉咗 不過好彩湯個碗用保鮮紙包住 冇瀉出黎 其他野都安全但係啲盒另收咗我地$6‼️海鮮刀切麵($90)幾鐘意佢啲前菜 全部都好食薯仔甜甜地 菠菜青脆 芽菜有咬囗新鮮 泡菜唔會超鹹👍🏻份量亦好多不過個麵就唔太得....湯底ok嘅 唔似味精湯 唔鹹又有味 仲有啲瓜可惜 完全冇海鮮‼️得一隻小蝦 同勁小勁細嘅蜆同魷魚 真係失望😞啲麵其實好多 佢壓縮咗入個碗到 放入湯發大返係好多 不過唔好食 比較淋同唔煙韌 完全唔特別 同河粉都幾相似 但係厚好多👎🏻牛肉石鍋飯 ($90)媽咪食唔曬 我食埋佢 順便試味外賣就冇石鍋 所以味道上一定有差異但係反而覺得依個飯幾好食佢嘅料係同前菜差唔多 係多咗冬菇 紅蘿蔔絲 紫菜 牛肉絲🐂但係牛肉真係少到喊 而且有啲硬

第一次打食評就係寫呢間野，通常一般難食嘅野我都吾會曬時間打劣評，但呢間野真係好難食，吾難食嘅野都只係話入得口，完全對吾住佢個價錢。。　嗌左個部隊鍋，啲料普通過屋企煮餸，湯底更加hea都爆咁就收250仲未計加一。。。題外話待應服務差，明明大把位想轉枱坐，但就話嗰張4人枱吾轉得，轉個頭俾左2個人坐。。。依家呢個時勢搵野食已經好難，大家千祈真係要諗得好清楚先，附近係咪冇曬其他選擇，如果係就寧願番屋企食杯面！！！！！！！！！！！！！！！！！！！！！！！！

呢間野唔知咩事。。多數食韓燒都會有燒窿但都會幫你換左塊片佢不但無換 仲要無啦啦 聲都唔聲 過黎用唔知咩紙整走啲響片上面黑左嘅炭 但塊片上面仲有肉響上面 搞到啲肉本身無黑色野都有晒。。真係唔會再去 仲要得好少配菜 一係就唔好俾。。我明白都有成本問題 但你俾得人 就唔好俾都咁 佢有一碟配菜 真係得十條 隻碟又大。。野食就普通啦 唔算難食嘅 但如果係咁幾服務水準 又要無啦啦食多啲炭 就真係咪搞啦如果真係想食就去遠少少啦 香港又有咁多韓燒

小菜、服務質素尚可，但是主食質量實在難以接受。我們兩人點了一份人參雞湯，一份石鍋飯(豬)。人參雞湯跟烚雞肉沒分別，連傳統用作點雞肉的鹽分也沒有提供。如果說參雞湯還算可入口的話，石鍋飯可說是不堪入目。飯粒十分黏，攪拌過後配料和飯拌在一起，質感令人感到嘔心。拌料的肉也不新鮮。吃過幾口後實在下不了口，草草買單走人了。所幸小菜質量不錯，提供的煎餅也很特別。作為黃埔區唯一一家韓國餐廳，在晚飯時段僅有兩台客人光顧，看來也不無道理。

晏晝同同事食飯，想食越南菜，點知勁多人，又唔知等幾耐，於是決定轉移玉步去對面呢間。其實有擔心係咪伏，因為無咩人... 嗌左野食當然唔少得前菜。份量算多，樣樣味道都好，最愛蜜糖薯仔 😋 yum yum yum同事要左豆腐湯飯，成個熱鍋上，湯熱到好似溶岩咁出泡泡。泡泡不斷冒上黎，卜卜卜，好誇張。心諗洗唔洗咁勁 😂 可惜我掛住睇，唔記得影相。我自己就要左石頭鍋飯，熱辣辣，燙出一層飯焦香 😋 蔬菜份量多又新鮮，仲有少量牛肉，撈少少韓式辣醬更香口，食得好滿足。另外仲有一碗蘿蔔湯，好鮮味。幾個人一齊食飯，梗係要加料嗌小食share啦。海鮮煎餅，嘩，好食不得了。煎餅外脆內軟，粉漿熟透唔黏口，調味好好餡料足。其中一個同事妹豬仲話今次係第一次食海鮮煎餅，覺得好好食，讚不絕口 😂👍🏻所以呢間係我食完會想再返黎食既韓菜餐廳 😋 It’s on my list 🎶

約左朋友係紅磡做運動，之前當然要食飯!今次就揀左呢間韓式食店...一入去坐低就有泡菜送上!4款泡菜都幾好食...特別係最普通個款..因為佢真係韓國口味....係鹹口味..而不是酸酸酸...其他三款就真係普普通通...食到中段有人會問你加唔加泡菜,,,,所以算唔錯...到主食...當日叫左海鮮滑豆腐湯...唔知係因為韓國野太易煮定係佢煮我太似港式...感覺上同我自己係屋企煮的係一樣...當然唔係唔好食..只係冇左個種韓味...唔知係調味料定係其他野的問題...不過總括黎講..係可以食的..因為唔算貴而且份量都可以接受..最重要係味道都係可以接受的!!唔係伏....

黃埔被喻為美食小區，住這裏的我一定周圍吃☺我和媽咪，弟弟在11：30就去了可能太早關係，店舖內客人只有我們三人，弟弟說想吃部隊鍋，因此我們就点了一個按照一般韓國餐廳的慣例， 他們都會先將泡菜做前菜，再上鍋我們點的是泡菜豬肉鍋，味道還好呀但不是好好味，試一次便好

超想食醬油蟹，老公又要趕住去整車得反個幾中可以食個晚飯，近近地去黃埔個韓國街解決左佢韓宮之前試過好好食，去到坐低嗌份醬油蟹，店員話呢排無！！！晴天霹靂！我唔理我一定要食醬油蟹！於是去左隔離街韓cook試下前菜有4種，泡菜係比較甜迎合港人口味，薯仔係我最愛，好好味！食完再叫佢refill都無托手爭！食哂其他仲會自動再比多份！係香港泥講呢個絕對要讚一下，因為香港既韓國餐廳前菜大部分不會再refill，如果要就加錢啦！醬油蟹一份好細隻130蚊跟一個飯早知岀遠少少尖沙咀韓流川食一份298有兩隻正常size再跟一客紫菜拳頭飯...睇泥我要再去韓流川食完之後寫反個食評介紹反比大家喇...味道正常，膏都幾鮮甜，但真係細隻得過份...牛肉石鍋拌飯係老公既，我就不太喜歡不過佢食得哂應該都唔錯既炸雞有點失望，味道係茶餐廳下午茶炸雞既感覺，仲要有點多粉，望到就知有點中伏唯一可以讚就係店員態度好好，韓國老闆娘好好笑容，仲會教你點樣品嚐地道美食不過真係試過一次就夠喇...

去新開既黃埔站睇下行下，路過依間韓燒，見有d人等下，又等埋一份，等左20分鐘左右，終於入座。一入到去好大油煙，阿姐話有部冷氣壞左，通風唔好之餘仲熱上加熱。叫左個二人餐，有兩碟肉燒，仲有個海鮮薄餅同埋有個牛骨湯，兩碗白飯，兩罐野飲，野飲可以飲韓式飲品。兩碟肉份量唔大，味道同肉質都平平無奇。薄餅同牛骨湯都無咩特別。價錢比正常韓燒平，個二人餐二百幾蚊，抵唔抵真係見人見智。不過我情願食漢城苑好似開心d成間鋪又好似痴痴笠笠甘可一，不可再

諗住落街食晚餐又唔知食咩好咁岩見到呢間就走左入去食啦入去叫左個雜錦拼盤$380 諗住3個人都可以食個8成飽掛個拼盤上到黎心諗會唔會少左啲🙄少都算啦 重點係我呢三種肉逐樣嗌仲平過個拼盤🙄🙄 完全係期望以下再下！之黎生菜都仲要另外嗌$45一盤仔 大概10片生菜+3片芝麻葉咁大把🙄🙄🙄我真係食過咁多次韓燒第一次見生菜要另外比錢架囉🙄🙄再黎啲伴菜 係韓國餐廳食完再添好正常姐 添左一次比得嗰少少 食曬叫佢再加啲佢話：下 你地已經加左一次 冇得再加講真如果真係咁就唔該寫名貼出黎啦 咁食到最尾淨肉冇伴菜真係dry到爆最後都係完全唔飽再嗌左個牛助骨肉$130先大家7成飽仲要去下場覓食醫肚🙄🙄🙄仲有就係嗌個豬皮佢話冇曬咁我地咪唔要囉 講到好清楚話唔要架啦 嗰時間餐廳又唔算忙 居然到埋單既時候望下張單個豬皮冇cancel到 差少少比埋錢最後係三個女仔$611埋單 講真我地唔算大食只係普通食量都可以$200幾食唔飽都幾得下🙄🙄個味我就真係覺得普普通通 唔值呢個價完

附近食店開到成行成市但幾個女仔出街食lunch最近一般都喜歡揀Korean 風食物 一般時間食lunch都好多人座位好逼夾室內裝修設計有點舊 炮菜味道普普通通 我叫的燒牛肉味道一般 煮得有點過火咬落去肉質比較老同埋好乾 勝在價錢幾十蚊日日食都唔會肉痛