影片
港铁宋皇台站B3出口, 步行约2分钟
继续阅读
开饭介绍
以韩式大排档为主题的餐馆，主要供应韩式煎饼、石头锅饭、紫菜饭卷及炸鸡等，亦有酱油海鲜菜式，选择相当多元化。
继续阅读
营业时间
星期一
全日休息
星期二至日
12:00 - 16:00
公众假期
12:00 - 16:00
公众假期前夕
12:00 - 16:00
以上资料只供参考，请与餐厅确认详情
相关文章
今日去九龍城買泰國食材，見到這間位於龍崗道的「韓大叔大排檔」，入面裝修帶點韓日式風格，坐位濶落舒適🫶🏻坐低即刻望到無酒精飲品🥂第二杯半價，二話不說，即刻點了西柚梳打😀 帶點微酸，適合開胃解油。切角魚生丼主要有三文魚、生蝦、吞拿魚、蟹籽等……魚生新鮮甜美，入口即溶，正😍我哋仲叫咗啲串燒食 🍢🍡有雞皮、雞腿肉、黑椒牛肋肉……醃味濃夠濃，還有淡淡的炭燒味，熱辣辣的，風味十足😋日式煎餃子🥟餃子煎得剛剛好，入面還有豬肉汁，還差點辣親， 值得回味！芝士泡菜煎餅🫓外觀金黃誘人，表面微微酥趣，當切開時，融化的芝士與泡菜的紅色交融，讓人垂涎欲滴。煎餅融化的芝士帶來濃郁的奶香，搭配泡菜的酸辣，形成了絕妙的口感對比，搭配一些辣醬或醬油，風味更佳。還點了幾款壽司🍣，有甜蝦盛、馬刀貝，夠新鮮，還有熟壽司，有熟蝦、火炙紋甲魷魚壽司，好想再點一遍，但肚子已經裝不下了⋯⋯😞食滿$200加$88可以食醬油蟹，送埋紫菜飯，我哋一次食醬油蟹，咬落蟹味直衝味蕾，口感帶點濕潤，好似正在食刺身，把紫菜自製飯團, 伴上醬油蟹一起食, 正宗韓國風味。這裏座位舒適，食物質素高，適合約埋朋友閑聊及聚會🥳🥳
继续阅读
朋友約我去九龍城開飯 起初仲以為食泰菜 驚喜地原來係帶我去最愛食既韓國菜!!!餐廳裝好特別 小木屋既設計 牆上擺放左好多懷舊劇集/電視POSTER 仲有好多靚酒非常有特式 邊食邊欣賞每張POSTER都幾有趣!⭐人蔘雞湯 蔘味香濃 入面加入左少許糯米 吸收哂雞湯和人蔘的精華!雞湯材料好足夠! 雞肉煮住湯都仲係嫩滑既 熱辣辣滾住上碟 飲完好滋補暖身! ⭐三文魚刺身 & 油甘魚刺身韓國餐廳有刺身壽司?? 店員話最近新做日式菜 日韓風味一次過食哂!!刺身好新鮮 色澤靚，厚切程度令人Surprise! 想一啖擺哂入口!!三文魚口感好滑溜而且油脂勻均! 油甘魚就淡淡甘甜，但充斥魚油香氣!!⭐芝士三文魚薄餅 薄餅上鋪滿材料 有3文魚、蔬菜、香菇、芝士! 輕輕沾少少魚露添加層次! 好好食!!!!!!!!!!⭐明洞燒汁牛肉粉絲 粉絲夠煙韌彈牙! 醬汁調教得好好 味道甜甜地好開胃!⭐HAITAI 青葡提汁 無油精飲品而家第2杯半價 所以嗌左2杯提子汁試下! 入面有提子果肉好驚喜!!
继续阅读
去完韓國旅行，除咗炸雞之外，最掛住就係醬油蟹啦！今次嚟到宋皇臺站附近嘅韓大叔大排檔，回味返韓國味道👅！店內嘅裝修充滿韓國地道風味，牆身貼滿韓星海報，朋友聚餐就啱晒啦～宜家清酒仲做緊優惠，720mL清酒買一送一，仲可以選擇唔同嘅口味，揸車嘅朋友就可以點無酒精飲品，優惠期做緊第二杯半價呀！今晚最鍾意嘅係醬油蟹拼盤😍 拼盤包含咗醬油蝦、醬油蟹、鮑魚同糖心蛋，醬油蟹大大隻，仲好鮮甜入味，將啲蟹膏蟹肉加埋麻油同埋芝麻撈飯，味道一流呀！醬油蝦同鮑魚都一樣出色，下次想食醬油蟹可以再嚟 encore!呢度仲有和風之選，一次過試晒日韓美食，我哋叫咗月見波板糖、刺身同壽司。月見波板糖真係好似波板糖咁，不過其實係日式叉燒嚟㗎，沾埋蛋汁食，味道啱啱好😋而刺身同壽司同樣厚身肥美，夠晒新鮮！差啲唔記得，仲有香甜嘅蜂巢草莓牛奶，飲嘅時候記得要攪勻杯底嘅蜜糖啊！✨醬油蟹拼盤配埋紫菜飯✨火山芝士熔岩飯🧀️ ✨月見波板糖✨海膽壽司✨北寄貝壽司✨帶子刺身✨吞拿魚腩蓉壽司✨火灸紋甲魷魚壽司✨白鱔串燒✨蜂巢草莓牛奶
继续阅读
這家韓國餐廳位於宋皇臺站附近，交通方便。內部環境洋溢韓國氣氛，店員服務殷勤。午市套餐有十多款，選了芝士炸雞(半份)配阿朱媽年糕78元，炸雞外層香脆，內層雞肉嫩帶咸味，芝士醬汁少少，芝士味道與炸雞味道很夾，年糕可要求不辣，年糕口感煙韌，醬汁惹味，配料還有冬菇、芝麻及葱花。套餐是包括三色前菜和國民大餐湯，三色前菜微辣開胃，餐湯有海帶味。套餐加10元可配飲品冷柚子蜜，味道酸甜，口感清涼。單點火炙三色丼98元，蝦肉大件彈牙，兩款魚肉刺身鮮甜，蟹籽卜卜脆帶咸味，白飯加入了紫菜和芝麻，很滋味。火炙粟米壽司(2件)20元，粟米味道甜。點了六串20元的串燒，豚肉露筍多汁美味，雞腿肉嫩滑，雞腎有嚼勁。Case啤酒330ml 28元，易入口，口感冰涼。柚子雪葩68元，可免費寫字慶祝生日，柚子味突出，口感冰涼。店員推介 720ml 清酒買一送一，成為會員可享更多優惠。
继续阅读
朋友一直知我掛住首爾, 又掛住當地美食, 今晚食飯朋友揀左間充滿韓國風味的餐廳 韓大叔大排檔, 地點係九龍城, 坐港鐵宋皇臺站B3出口, 步行約3-4分鐘便到, 好方便。餐廳為每位客人送上韓式小食, 而裝修及佈置都充滿韓風, 播放著K-pop。睇睇餐牌除左韓國菜外, 原來仲有刺身, 燒物等等。無酒精飲品第二杯仲可以半價。小小店子可以有咁選擇, 好期待。我和朋友點了 :刺身 : 油甘魚刺身3片 $58三文魚刺身 5片 $58火炙紋甲魷魚壽司 (2件) $20馬刀貝壽司 (2件) $20熟蝦壽司 $20鐵板串燒 - 月見波板糖 $40鐵板串燒 - 三文魚腩 $30韓式豬五花炒年糕 $88換購醬油蟹1隻配紫菜伴飯 $88芒果梳打 $38 西柚梳打 $19 (無酒精飲品第二杯半價)刺身及壽司油甘魚及三文魚刺身都係厚切, 而且相當新鮮, 肥美可口壽司價錢唔貴, 分別 $20 (2件), $38 (2件), 比較喜歡馬刀貝, 肉質鮮甜爽口, 火炙紋甲魷魚即整, 上枱時仲聞到火炙味醬油蟹1隻配紫菜伴飯晚市可以加$88 換購醬油蟹1隻配紫菜伴飯 ! 真係超值。醬油蟹多糕, 而且唔係細隻, 朋友中意慢慢拆, 然後放入紫菜伴飯一起食, 味道唔腥, 有埋紫菜伴飯味道好夾。由於 +$88 好抵, 眼見其他枱都有ORDER, 而職員有耐性教客人如何食用, 不錯呀 !鐵板串燒月見波板糖欣賞小小店子竟然鐵板串燒有多款選擇, 原來指日文「賞月」的意思。後來延伸到一顆蛋黃在料理中。上枱甚有驚喜, 除了有蛋黃在料理上, 將一片五花肉切成波板糖形狀, 再用木簽札上去燒, 香味濃郁, 用心之作。鐵板串燒 - 三文魚腩三文魚腩以S形態上枱, 三文魚皮燒得金香, 咬落去仲脆卜卜, 入口溶化, 的確好味韓式豬五花炒年糕炒年糕每次去首爾必食, 估唔到份量咁大, 豬五花薄切易入口, 肉質唔鞋, 配合炒年糕一流, 味道帶辣, 辣度適中。芒果梳打超清爽, 味道微甜, 推薦之一西柚梳打味道微酸, 易入口, 食年糕時必飲餐廳的食物選擇好多, 仲有不少小食, 煎餅, 飯卷, 人蔘雞湯, 炸雞等等......每款都好想試, 下次再叫埋其他朋友, 多D人可以ORDER 多D食物。原來LUNCH 仲有85折喎 !
继续阅读