韓大叔大排檔

营业中

休息中

銅鑼灣有好多好嘅韓國餐廳，最近試咗登龍街呢間樓上餐廳，不論係食物定係裝修，都令我諗起韓劇入面主角收工會去嗰啲大排檔，掛住韓國嘅朋友不妨解一解思鄉之愁。朋友一坐低就叫咗杯益力多燒酎，呢款飲品帶有淡淡嘅益力多甜味，同燒酎完美結合。桂花烏龍水果茶，飲落去非常清新，真係清新解渴，飲完之後真係令人口齒留香。前菜有泡菜蘿蔔同涼拌海帶，簡單但開胃。主菜叫咗芝士年糕拌飯，趁熱撈埋芝士同年糕，煙韌之餘有濃沃芝士味。配埋水潤嘅珍珠米，簡直係完美配搭，仲有少少辣，唔會太膩。仲有拉絲效果，好邪惡呀！炸醬麵加咗酸蘿蔔同薯仔，口感豐富，味道有層次。蜜糖芥末炸雞亦指值得推介，加咗柚子醬同芥末醬，味道啱啱好，芥末味唔會太搶。雞皮好脆，雞肉又嫩，非常滋味。排骨薯仔湯，材料好豐富，牛肋骨煮到好入味，湯底香濃。韓大叔醬油拼盤海鮮撈飯，有鮑魚、醬油蝦、溏心蛋、醬油蟹，第一次生食蟹嘅感覺幾特別，加埋紫菜拌飯更加惹味。餐廳唔知嘢食好味，賣相仲好吸引。嗰晚影咗好多相打卡

這間位於銅鑼灣的韓國菜餐廳，裝修充滿韓國地道風味，好像置身於韓國路邊攤，令人感覺舒適自在，最適合三五好友聚餐，有滿滿的韓國氣氛。.🧀韓式芝士炒雞 $148炸雞份量不少，外皮香脆，內質嫩滑富肉汁，配上香辣年糕、芝士，十分惹味。.🐔人蔘雞湯（半份）$88雞肉煮得好軟嫩，有入口即化的口感，而且人蔘味好濃，入面的糯米吸收了雞湯和人蔘精華，是養生之選。.🦐海鮮煎餅 $88煎餅煎得剛剛好，餅邊香脆，上面有滿滿的海鮮餡料，十分豐富。.🐮明洞燒汁牛肉粉絲 $88粉絲口感彈牙，而且好入味，還有不少牛肉片、雜菜，口感豐富。.🐷韓式豬五花炒年糕 $88年糕口感彈牙，每條都沾滿惹味醬汁，還有不少韓式豬五花。.🍳韓式熔岩芝士蛋卷 $78蛋卷口感嫩滑，蛋味十足，配上香濃韓式熔岩芝士，感覺邪惡但美味。.🐽慶尚道豬大腸 $118豬大腸口感有嚼勁，而且吃起來不油膩，味道香濃惹味，配上生菜一齊食，感覺較清爽。.🌼桂花鳥龍水果茶 $68水果茶果味濃郁，消暑又解渴，入面還有粒粒果肉。

韓式餐廳特別多、但今晚同好姊妹泥間真不錯😚點了2人餐芒果味燒酒🌟呢款燒酒帶有淡淡芒果香，同燒酒有完美結合前菜有泡菜，海帶及芽菜，簡單開胃醬油三文魚⭐️⭐️滿滿油脂感，三文魚肥美，送燒酒不錯韓大叔醬油蟹-套餐有呢個真係好鬼抵，仲有2隻鮑魚 質感彈牙，醬油蟹味道鮮甜，第一啖啜入蟹羔，真的不得了，鮮味十足。正泡菜牛肉海鮮煲⭐️牛肉滿滿，湯式韓式小辣湯底。豆腐，泡菜，粉絲，天氣開始凍特別好好飲韓式豬五花炒年糕🌟五花腩薄切易入口，唔鞋，年糕煙靭帶小小辣味，如果加入小小拉絲芝士會更一流😋蜜糖芥末炸雞🌟超級正，皮炸至香脆，肉質juicy上層有甜甜蜜糖芥末。超級甲馬格利米酒🌟好好飲，襯托炸雞更滋味雪糕窩夫⭐️細細件入面有雪糕一齊食，冰火交融感覺唧咗小小朱古力cream完全配搭地方好，食物佳，2人餐真心抵食。值得再試

今日食韓國菜，這間店的裝潢很有韓國大排檔特色，食物很有韓國風味。韓大叔醬油併盤醬油蟹，醬油蝦及鮑魚，肉質鮮甜，非常新鮮，還有流心蛋，味道香甜，醬油蟹膏配埋紫菜伴飯，啖啖清甜好味芝士年糕伴飯用料豐富，年糕，鮮菇，芝士加美味的年糕汁，全部材料混合一齊，味道很好韓式熔岩芝士煎蛋卷香甜的厚蛋卷上加了芝士醬及沙律醬，少少酸甜，味道很夾泡菜煎餅食韓國菜通常都會食，泡菜味道很好，不太酸，煎得很香口韓式傳統鍋物湯底用韓國牛肋骨及白蘿蔔煮，非常清甜，牛肋骨很香牛肉味，配飯食很好味草梅梳打，啖啖新鮮草梅味，不太甜梅子果醋梳打，果醋味很香，可以去油膩感

相約朋友到銅鑼灣逛街，就在附近搵咗一間韓國餐廳食晏先，餐廳裝潢擺設好有懷舊韓國風味，醬油蟹、韓式煎餅，一定唔會錯過！ ～韓大叔醬油拼盤～ 拼盤有醬油蟹、大蝦、鮑魚和溏心蛋，淋上精心調製的醬油，有種鹹香味道，和紫菜拌飯吃，好滋味！ ～韓式熔岩芝士煎蛋卷 ～厚厚的煎蛋卷，加上濃濃的熔岩芝士，令蛋卷更嫩滑可口！ ～泡菜煎餅～混和泡菜煎香，微微辣，外微脆內軟嫩，蘸上魚露，增添煎餅的鮮味！～芝士年糕拌飯～ 要趁熱把芝士年糕和飯伴混，有拉絲感覺，味道帶酸辣好特別！ ～韓式傳統鍋物～ 牛味鮮濃的牛肋骨，加埋鮮甜啲蘿蔔，令整鍋湯鮮味無比！～草莓梳打～ 梅子果醋梳打～ 兩個飲品都帶微酸甜好開胃，還可幫助消化呢！

餐廳設計地道，重點非常寬敞唔迫，每張枱之間唔會太埋，條走廊大到任行！食物份量夠，叫左個海鮮粉絲望落細細碗，但係夾極都有，食物水準亦高，好夠味。Staffs very nice。滿意的一餐！

所有菜都唔地道，最可怕系個牛仔骨，沒有調味，切都切唔開，以後唔會再黎服務員除左老板之外態度都好一般，炸雞同肯德基冇分別，真系除左泡菜之外冇一碟似韓國菜，85折都冇用

融合地道風味，這家韓國餐廳吸引了香港最具眼光的食客，擁有類似首爾餐廳的真實裝飾✨〘 韓大叔 醬油拼盤 〙沉醉在韓式海鮮拼盤中，包括兩隻螃蟹、兩隻大蝦、兩個豐滿鮑魚和韓國海苔飯——一種讓挑剔的海鮮愛好者陶醉的真正美味。〘 甜辣炸雞 〙品嚐韓式炸雞，乾燥地烤成完美的金黃色，淋上誘人的甜辣醬——一道脆口、風味十足的傑作。〘 韓式魷魚拌飯 〙享受鮮美的韓式魷魚拌飯——嫩魷魚和米飯的美味和諧，展現地道風味和烹飪精湛。〘 芝士泡菜煎餅 〙體驗美味的韓式芝士泡菜煎餅——口感均衡，微辣，配以濃厚的芝士層，每一口都能拉出誘人的絲。〘 韓式醒酒湯 〙〘 草莓牛奶 〙📍韓大叔大排檔 (銅鑼灣)銅鑼灣登龍街28號永光中心10樓

銅鑼灣韓式大排檔😍餐廳嘅裝修就好似置身韓國嘅大排檔一樣🤩食物選擇非常多 鍾意食醬油蟹嘅 就一定要試呢個韓式大叔醬油拼盤 有蟹有蝦 非常新鮮 仲有鮑魚添 好開胃😋 韓式魷魚拌飯都值得一試 有少少甜辣醬提升嘅味道 魷魚彈牙香口 送飯一流👍🏻 另外一定要試嘅就係韓式醒酒湯 而家天氣涼咗 飲呢碗湯就啱晒 裏面嘅牛肋骨都煮得好腍身入味 再加埋紫菜撈飯簡直係完美嘅配合😆小食方面推薦韓式泡菜煎餅 上面鋪滿咗熱熔芝士 下面泡菜都好香口惹味 又唔會過辣☺️ 甜辣炸雞都好出色 麵粉炸得脆口 層粉又唔會過厚 雞肉肉質嫩滑多汁🥳飲品都有好多選擇 有各款梳打同埋酒類 我哋叫咗草莓牛奶 非常特別 裏面仲有蜂蜜喺度 甜味恰到好處🍓📍 韓大叔大排檔 (銅鑼灣)銅鑼灣登龍街28號永光中心10樓

呢一日同朋友嚟咗韓大叔大排檔食lunch，第一次嚟食嘅，我地book咗枱，因為咁會有折🤭餐廳環境比較暗，但成個佈置都幾有韓國餐館feel😆咁我哋兩個就揀咗lunch menu，價錢都唔貴，大概$68-88，而且OpenRice訂座有八五折。我揀咗泡菜牛肉豆腐湯，lunch menu 佢會跟三色前菜同埋白飯。三色前菜味道普通，最可惜係當熱食嚟到，居然一啲都唔香，只得個樣似泡菜湯，而且食落都係無味😭，啲肉痴埋一舊，個飯只係微暖，整體黎講非常失望！😩 不會再來☹️

通常每間店都有一兩道菜特別好食，呢度分唔到呀，水準幾平均樣樣都唔錯 🦀 韓大叔醬油拼盤有齊醬油蟹、醬油蝦、鮑魚，用嚟送紫菜拌飯非常開胃～ 🐟醬油三文魚唔係度度有，第一次食又幾正，滿滿油脂感。🦑韓式魷魚拌麵熱辣辣，係你面前撈，醬汁濃魷魚彈牙！🍕海鮮煎餅口感香脆但唔會太油膩；🐤人蔘雞湯夠滋潤啱哂冬天飲，飲完個身暖笠笠；🍗芝士炸雞咬開爆汁！🥩加埋明洞燒汁牛肉粉絲飽到上心口... 呢度份量頗多，食唔哂呀，打包返去仲食到兩餐哈哈哈，返叮仲係咁好食！開心！🥳

餐廳嘅佈置真係有種去咗韓國嘅感覺，好啱夜晚收工同朋友一齊去🍺🫶🏻 食物選擇好多，我哋叫咗嗰啲都好味，食得好飽好滿足🤰🏻🤰🏻✨韓大叔醬油拼盤 $398最鍾意食生醃嘅我地見到拼盤即刻要嗌！！有一隻醬油蟹、兩隻醬油蝦、兩隻鮑魚，同埋紫菜拌飯。全部都新鮮冇腥味，味道鮮甜，一大啖蟹肉配飯勁滿足🙌果然係偷飯賊呀😜✨醬油三文魚 $78三文魚有六片，好多都係魚腩，夠肥美，充滿鹹鮮味，忍唔住一塊接一塊🤣。✨韓式魷魚拌麵 $148成盤魷魚鬚，好足料！店員會喺你面前拌麵，啲辣汁索晒入啲麵度，夠辣，好惹味又好邪惡😙✨蜜糖芥末炸雞（半份）$108炸雞香脆，肉質嫩滑，夠juicy，配上甜甜地嘅蜜糖芥末醬，好正呀🤤✨辣炒韓式豬五花粉絲 $78惹味又香口嘅豬五花配埋煙韌彈牙嘅粉絲冇得輸😆✨海鮮煎餅 $98外脆內軟，仲有好多海鮮好足料😍✨人蔘雞湯（半份）$98食咗咁多濃味嘢，叫返個人蔘雞湯夠養生，雞肉幾嫩，個湯充滿精華🤭

老婆約咗啲朋友去威！當然我就係自由人啦😅🤣⋯⋯咁就約埋朋友一齊去威啦！朋友係韓國嘅料理擁躉⋯⋯差唔多每次相約佢都係去韓國餐廳🍴⋯⋯今次兩個大叔去韓式大叔！餐廳係我朋友極力推介，而且地點非常方便⋯⋯銅鑼灣！最重要今次係佢請😝😏⋯⋯食物高質價錢又唔貴！餐廳氣氛仲相當輕鬆！頭盤泡菜、海帶非常爽脆，大豆芽又鮮甜！韓大叔醬油拼盤醬油蟹清潔得非常乾淨，而且爆蟹膏！鮮橙黃色嘅蟹膏，超級美味！蟹肉仲一疏疏非常新鮮！用醬油醃過黏黏稠稠⋯⋯甘甜鹹在口中爆發！非常滋味！醬油蝦非常大隻！非常鮮味！大蝦滲出淡淡的醬油香氣！鮑魚鮑魚非常入味！口感軟腍！又不失嚼勁！加埋兩隻糖心蛋超正！😋😋⋯⋯紫菜拌飯餐廳提供韓式麻油和芝麻😏⋯⋯所以我加咗落去紫菜拌飯😋😋加埋啲蟹膏和蟹肉一齊食，超級美味！😬好少食到咁新鮮嘅醬油蟹！真開心😎😎⋯⋯蜜糖芥末炸雞炸雞外脆內軟⋯⋯肉汁豐富！口感非常酥脆！芥末加咗蜜糖嘅醬汁原來係咁夾嘅！廚師調教得好好呢個味道！韓式啤酒🍻加提子味嘅燒酒朋友教我用啤酒溝提子味燒酒香甜爽快！口感清新！下次帶埋老婆一齊嚟試吓！😎

日日喺屋企睇韓劇，成日睇見韓色料理！醬油蟹、啤酒炸彈、炸雞又話解酒湯🙈唔得啦，所以相約朋友去韓式餐廳紓解下自己嘅相思病😅🥰⋯⋯呢間餐廳係朋友介紹嘅！味道正宗！食物新鮮！環境真係好有氣氛，唔知道仲以為自己去咗韓國添！提子味嘅燒酒原來咁好味嘅，我都係第一次飲提子味！韓式豬五花炒年糕這款係經典菜式亦都係韓式嘅傳統美食！年糕非常Q彈！五花腩口感軟嫩⋯⋯五花腩嘅份量仲超多添！油花甘香！泡菜非常爽脆！加埋獨有嘅韓式醬汁😋超惹味⋯⋯韓式魷魚拌麵用鐵板奉上又可保溫！飄出韓式辣醬嘅香氣！好香！材料豐富有洋蔥🧅大蔥、翠玉瓜、點少得泡菜！魷魚非常爽口，而且份量好足！泡麵沾滿魷魚嘅醬汁鹹中大甜，超級美味！韓式醒酒湯睇韓劇成日話有醒酒湯，今次真係第一次品嚐！湯頭非常濃郁，非常暖胃！這款經典菜式！而且餐具仲可以保溫添⋯⋯可以慢慢飲，唔會咁快凍！食材豐富，仲有兩件大排骨添！我最鍾意食佢嘅薯仔好好味，吸收晒啲湯汁⋯⋯最後順帶一提，佢嘅前菜都好好味！唔怪之得嗰日是平日都係咁全場爆滿！

去咗一間好好味既韓國餐廳同朋友dinner 真係食得好開心！一入到去，啲環境就好有韓國街頭風味，燈光柔和，木系裝修～非常適合同朋友聚會。我哋叫咗「韓大叔醬油拼盤」。呢個拼盤上面有幾種唔同嘅海鮮，味道好豐富，有醬油蟹，醬油蝦同埋醬油鮑魚！超級美味～配埋紫菜飯一齊食，真係舔舔脷！海鮮煎餅超好食！一上枱就聞到陣陣海鮮香味。煎餅外脆內煙韌，裡面嘅海鮮加埋一齊食好有咬感，尤其是蝦同埋魷魚，啖啖都有肉，真係唔可以錯過！我地叫左草莓牛奶～佢嘅牛奶好滑，底層仲有蜜糖，飲落去甜中帶滑，簡直係完美嘅搭配，真係令人回味無窮！我哋仲點咗韓式豬手。呢個豬手皮滑肉嫩，啲汁又濃郁，最正嘅係配埋生菜蒜蓉一齊食，每一啖都好有層次感，口感非常好！生菜嘅清新可以平衡豬手嘅油膩，真係越食越想食！韓式魷魚拌飯係一個好滋味嘅選擇。魷魚配韓式辣醬好好食！份量充足又新鮮，配埋白飯一齊食，非常惹味，配上特製嘅醬汁，味道好入味～每一口都好滿足！韓式熔岩芝士煎蛋卷一切開，啲芝士就流出嚟，熱辣辣嘅，真係太好味！煎蛋卷搭配芝士真係無敵!