韓米Miso (啟田市場) (已結業)

夜晚唔想出街通常都係會係透過唔同嘅外賣平台買外賣，咁啱呢一間餐廳都有做到唔同平台，所以就試一試佢啦❤️😻-見到佢個炸雞翼嘅圖片好似幾吸引咁，但係又好掙扎，因為覺得送外賣送過嚟一定會整到淋哂，但係一於就試一試佢啦🤣🤣結果令到冇令我失望，依然keep住好脆同好熱辣辣😋😋❤️仲要醃得好好味！超讚🤣👍-另外仲試咗佢嘅韓式辣年糕，都整得好惹味，有少少辣，連唔食得辣嘅朋友都接受到🥳年糕都竟然可以整到入味，好難得呀🤣

韓式炒粉絲便當（$58），韓式炒粉絲口感滑溜，帶有麻油、豉油味道，內有紅蘿蔔絲、香蔥、雞蛋絲；炒年糕口感煙韌，味道香辣，內有魚糕片；炸餃子口感香脆，皮薄餡多；炸紫菜粉絲卷口感酥脆，配以年糕醬汁食用，食落好香口；黃蘿蔔口感爽脆，味道酸甜。豬肉韓式拌飯（$48），份量多，表面鋪滿辣豬肉、芽菜、紅蘿蔔、紫菜、冬菇、韓國辣椒醬、翠玉瓜、雞蛋絲，辣豬肉食落好惹味，蔬菜食落好新鮮。牛肉紫菜卷（$48），好足料，內有牛肉、芝士、雞蛋、牛蒡、黃蘿蔔、紅蘿蔔、青瓜，口感豐富，麻油味道濃香。芝士泡菜煎餅（$35），煎餅厚度適中，內有大量泡菜、香蔥，芝士味道咸香，拉絲效果突出。

藍田果邊開左個飲食市場，集合好多食店🍴選擇超多，睇都睇到眼花👀見到哩間食韓國野都幾吸引咁，於是試左下👇佢地所有野食都要即做，好似我叫左下面啲野都要等約15分鐘到⏱️🔸芝士牛肉紫菜卷🍙 $55份量好多，芝士唔會太多，食哂都冇話好濟👍一個人都未必食得哂🤪所有紫菜卷 +$30可以有埋炒年糕，年糕係較辣，如果唔太食得辣既人，可能未必岩食👐🔸炸物A餐🍗 $75(雞翼4pcs, 雞腿2pcs，薯條)炸得好香脆，雞翼雞腿唔會醃得好鹹，點埋佢地個辣醬會剛剛好👍🔸魚餅湯 (一串) $18個份量比想象中要多，一串以為得2-3粒😅點知都有成碗，味道會較濃，重胡椒味，都會相對辣啲🔸泡菜煎餅 $28個泡菜唔會太辣，我食唔到辣都覺得接受到，食一塊都幾飽，一份有四塊，每塊都幾厚，澱粉都佔好多😅📍韓米Miso (啟田市場)藍田啟田道50號啟田市場地下1080號舖

今次黎到藍田既韓米Miso食韓國野🇰🇷🇰🇷佢地係一間外賣店，主打多款韓國料理同小食～食物選擇都好多架😍😍每次經過都想試，今次決定買外賣返去試下啦！！🐷韓式拌飯(豬) $48✨賣相色彩繽紛，面頭鋪滿辣豬肉、翠玉瓜、冬菇、芽菜、紫菜、紅蘿蔔同蛋絲等～～辣豬肉唔算太辣，肉質偏腍，幾惹味😋😋其他配料都有調味過，仲帶點麻油香～全部撈勻之後食就perfect❤️❤️份量都幾多，好抵食！！🍙五花腩紫菜卷 $58✨紫菜卷都好足料！裡面有五花腩、青瓜、紅蘿蔔、蛋絲、生菜同醃蘿蔔等～～五花腩食落幾厚身，整體口感豐富🤤🤤就咁食已經好夠味，一啖放落口就最滿足！！同埋店員都有keep住包飯卷，所以絕對新鮮👍🏻👍🏻🍱牛肉便當 $58✨佢地仲有提供幾款便當，今次叫左牛肉便當試試～～便當分左4格，有炒牛肉、白飯、炸餃子+炸紫菜卷同醃蘿蔔～～牛肉同其他蔬菜一齊炒，食落甜甜地，個汁撈飯一流😋😋炸餃子同紫菜卷脆卜卜，好香口！！最後食埋塊醃蘿蔔就可以解解膩同清下味蕾👍🏻👍🏻🌶泡菜煎餅 $28✨一份有4大塊，望落都幾吸引🤤🤤咬落口感煙韌，食到有淡淡既泡菜辣味～～如果裡面有泡菜應該會更豐富❤️❤️

韓米Miso (啟田市場) 近期好鐘意食韓式的紫菜卷~周圍尋覓整得好味又創新的口味~前幾日黎到藍田見到韓米Miso 門口排满人，行近去睇發現大家都排隊買紫菜卷同便當~正所謂，'麻雀雖少，五藏俱全'。除紫菜卷同便當，仲有炸物，泡菜，小吃，煎餅，魚湯，冷菜，飯類，韓國入口飲品皆齊望到勁多款式的紫菜卷已經留哂口水，分別有芝士味的牛肉/豬肉紫菜卷，炸蝦紫菜卷，當中我就試左以創新的五花腩紫菜卷係店中王牌之選 + 韮菜煎餅 + 韓國蜜柑椰子汁 五花腩紫菜卷 ＄58👍👍👍👍首先就係創意加分均衡的半肥瘦，外面有層生菜包住，剛好減走肥膩感，入面仲有紅蔔白絲，蛋絲，牛蒡絲，做伴菜，加上燒汁。 韮菜煎餅 ＄28👍👍👍👍👍超級足料的!一打開盒見到的是綠色煎餅，是滿滿的韮菜，也香噴噴的，咁多韮菜但都好新鮮，時間撑控剛剛好，個人覺得有意外驚喜。 韓國蜜柑椰子汁 ＄10👍👍👍略甜~有粒粒狀口感，蜜柑味重 開門時間10:00~9:30星期四休息 藍田啟田道50號啟田市場地下1080號舖 #foodie #韓國菜 #蘇米miso #miso #Korean #啟田市場 #啟田 #藍田 #kolhk #foodiehk

韓米miso 嘅小店，光猛企理，一望落去感覺好舒服乾淨。所以立即吸引到喜歡食🇰🇷韓國嘢嘅我！我同朋友叫左兩條飯卷🌯，分別係芝士飯卷，同五花腩飯卷！非常之足料，好好食👍🏻我哋仲叫左炸雞薯條！大佬！店主叫我哋要等20分鐘，因為佢即叫即炸！我哋等左20分鐘，覺得非常值得！因為熱辣辣炸出嚟，拎到返屋企食，仍然係非常之熱，香噴噴，脆卜卜！雞嘅炸粉炸漿做得恰到好處，唔會太厚，雞肉亦都非常之juicy，咬落去熱辣辣仲有些少雞嘅油分吱出嚟🤤雞肉又醃得好好，唔識點形容，唔係普通鹹味，係有層次嘅味道👍🏻👍🏻👍🏻 薯條亦都係熱辣辣！呢間小店除咗食物質素高，用料上乘，價錢又抵食，舖頭企理乾淨之外，店家仲非常友善同有禮貌！實在係值得幫襯!! 大家都去試吓啦！

Beef kimbap 🥩 牛肉紫菜卷 🌯 $48呢個係最值得推介嘅嘢食，啲菜卷嘅材料好足，包括有紅蘿蔔絲、酸酸地嘅小黃瓜🥒、牛肉同埋白蘿蔔，口感層次豐富Kimchi tofu soup with rice 🍚 泡菜豆腐湯配白飯🥘 $48 泡菜豆腐湯入面有新鮮嘅菜同豆腐粒，雖然份量一般，但係辣辣地咁連埋飯一齊食好開胃🌶👍🏻仲有好多配菜添Chicken wings 🍗雞翼 $32雞翼好新鮮即叫即整，炸到卜卜脆，香脆可口，連埋辣醬一齊食好入味！雖然舖頭冇位食得有啲啲狼狽，但整體來講性價比都高，係一個唔錯嘅選擇

現間應該好多香港人好掛住韓國野食🥲包括我自己，現間真係要個個星期食返次先過到癮。有次經過見到係街市裡面嘅鋪頭，睇個樣比較簡陋，但野食選擇都非常多，味道上都同韓國真係不相伯仲-🧏🏻‍♀️溫馨提示：記得想食嘅話記得外賣帶返屋企，因為啲到專做外賣，無得堂食嫁-▪️ 五花腩紫菜卷 $58▪️ 炒粉絲（細）$30▪️ 韭菜煎餅 $28-#五花腩紫菜卷裡面嘅餡料好足料，有醃蘿蔔、雞蛋絲等等材料，而且裡面五花腩每件都好大件，而且有少少甜味配搭，食落去好豐富好足料，而且在生菜包住舊肉吾會太油膩感。而且包得好實淨，吾會再散開或者跌曬啲餡嘅情況#炒粉絲就禁睇個樣都見到粉絲配料好多，仲要有蛋絲同芝麻做配襯🥳係禁多配料配搭埋一齊後，口感好豐富，同韓國嘅味道真係好似，同埋粉絲非常彈牙，不過如果可以多啲麻油味就更加入味#韭菜煎餅一盒四塊左右，中意食韭菜朋友一定要試下，咬落去每啖都有好香嘅韭菜味，食落去又吾會太過厚身，油份岩岩好，吾會食到成口油，如果中意食驚炸野就岩曬你地啦，一定要試下，如果吾中意食韭菜都吾緊要，泡菜都係好選擇————————————————————-—————-📍Location 藍田啟田道50號啟田市場

夜晚10點幾叫炒粉絲，當時得我同另一位男客人等緊外賣，等左一陣就攞得啦，但到手一摸落去成盒野係涼既，連溫都唔係。問金色長髮果位女店員個粉絲好似凍凍地? 佢即刻態度勁唔好咁話你明唔明太熱個兜會溶。隔離個男客人聽到都望我地兩下。都唔太明白個邏輯係點，呢間鋪頭主打外賣，韓國野都多熱食，我又唔係叫湯類，點解會溶呢？再問有無辣醬係無。返到屋企自己再開爐炒熱返，始終怕食物唔夠熱會肚痛。粉絲份量多肉量較少，炒熱返都有點油。抵食既但服務態度令人費解，應該無下次，又或者淨係叫凍食。

這間店舖位於街市美食街附近，這次我試了韓式雞肉手卷，份量相當大而且十分足料，滿滿都是韓式風味，好好食！另外還有韓式炸雞，與一般炸雞口感不同，配上韓式調味粉，感覺自己身處韓國一樣，食過返尋味！

今日要去藍田交收，竟然比我發現咗藍田街市附近有好多食肆。我咁啱又想食韓國菜，所以見到韓米就買咗兩個便當。店舖所有食品都係手作，每日用新鮮材料，新鮮即製，買唔晒都會掉。店舖入邊仲會有正宗韓國大廚坐鎮，包保韓式食品正宗。飯卷比較搶手，通常夜晚八點就會賣晒！韓式粉絲便當便當總共會有四隔，有韓式粉絲、韓式年糕、炸物同酸蘿蔔。粉絲嘅份量好多，質地粗身，食落煙煙韌韌。裏面有唔少配料，有蘿蔔絲、韭菜、木耳、蛋、豬肉，口感豐富。辣炒年糕裏面仲有幾塊魚糕，年糕夠煙韌，每滿年糕都會沾滿韓式辣醬，非常惹味！炸物有炸蝦同炸紫菜卷，兩個都係即叫即炸，所以非常脆，好味～牛肉便當牛肉便當一樣有四格，有牛肉、飯、炸物同酸蘿蔔。牛肉係即叫即炒，我見到店員係個鐵板到炒，熱辣辣。味道甜甜地，有好多牛肉之外，仲有椰菜、洋蔥絲紅蘿蔔絲。上返牛肉亦都好多汁，可以撈飯食！炸蝦、炸紫菜卷一樣香脆，原來炸紫菜卷入邊係韓式粉絲，口感幾得意。酸蘿蔔非常之爽，可以解膩。韓米嘅價錢唔貴，份量又多，下次想試吓佢哋嘅飯卷！

今日年三十，屋企食團年飯。其實一家人簡簡單單咁食少少野都ok，真係唔想屋企人煮得咁辛苦，於是我地就講好左，每人各自買少少外賣返去一齊食。喺藍田見到呢間韓國菜嘅外賣店，適逢我呢排都想食下韓國菜，就決定去呢到買少少返屋企食啦。呢排食啲野比較油膩，感覺上食韓式紫菜卷比較健康，所以我就買左兩款紫菜卷。炸蝦紫菜卷 $58呢個紫菜卷入面有青瓜、炸蝦、紅蘿蔔絲、生菜、醃黃瓜同埋沙律醬。每一件都大大件，一次過放一件落口，口感豐富，味道亦都豐富，仲有少少和風嘅感覺。阿媽平時好少食韓國菜都話好好食。五花腩紫菜卷 $58呢一款紫菜卷入面就有五花腩、雞蛋絲、紅蘿蔔、生菜同埋醃黃瓜。調味啱啱好，幾清新得黎又唔會唔夠味，呢個都好好食。每一盒紫菜卷入面都有大約九大件，都幾抵食。炒年糕 原價 $38抵受唔住誘惑，本身諗住食清少少，但望到依家叫左紫菜卷之後只需要加$30就有份炒年糕，就忍唔住加返一份。呢份炒年糕味道辣辣地，除咗年糕之外仲有魚片，都好大盒下，抵食。迷你泡菜/黃蘿蔔 $8迷你泡菜同黃蘿蔔都係每份$8，但份量都唔少，見到個盒入面裝到滿曬，所以我都各加左一份啦。醃得好味，好開胃！飲品 $10有好多韓式飲品揀，我

一向都知道藍田啟田商場街市外面有好多小食外賣店，今次經過見到有間食韓國食品嘅叫韓米Miso，從menu上睇到有飯類便當、紫菜卷飯、炸雞同埋一d韓國小食等等。今次叫咗韓式豬肉飯 、韓米炸雞套餐C餐，飲品揀咗韓國雪梨水同埋粒粒提子汁。首先先講個炸雞套餐，入面係原隻雞分2邊炸，隻雞超大隻超juicy，入面有濃濃嘅雞汁，外面就炸得甘香可口，絕對係可以用外脆內軟嚟形容，出面扑扑脆，入面雞肉就超嫩滑，絕對值得推介而且非常抵食，仲有粗身嘅薯條，點埋茄汁食，食到好滿足，絕對值得推介。另外豬肉飯係用韓式煮法，豬肉超入味，另外飯旁邊就有紫菜絲及蛋絲，撈埋飯及豬肉食每一啖都有唔同嘅口感。雪梨水及提子汁就唔係有好多地方可以買到，雪梨水可以解渴解熱，粒粒提子汁就有超多果肉，正！

今日行過藍田啟田邨，見到有間門面好光鮮的韓式外賣店。從menu上見到有傳統拌飯及紫菜捲飯，亦都有新穎嘅韓式炸雞套餐及其他炸物小食。好吸引之下就買咗韓式牛肉拌飯、泡菜煎餅及韭菜煎餅，同埋牛肉紫菜捲飯，加埋泡菜小碟帶返屋企食。買滿$80仲送咗一套韓米利是封畀我，好cute。牛肉拌飯包括芽菜、蛋絲、紫菜、蘿蔔絲、青瓜同埋香菇，撈埋牛肉食每一啖都有肉類及唔同蔬菜嘅味道，每一啖個感覺都好唔同，好有韓式風味。紫菜捲飯亦係好有特色嘅韓米食品，入面嘅材料新鮮，牛肉亦都好入味而且個捲飯亦都捲得好靚，絕對係打卡之選。兩份燒餅都煎得好香口而且煙煙靭靭，泡菜就有少少微辣特別醒胃，韭菜就最啱韭菜控嘅我食。 有機會我一定會再黎試埋其他嘅韓國食品。

呢排食好多外賣！今日放學嚟藍田蒲，咁耐冇嚟估唔到宜家呢到多咗條食街咁多嘢食，仲可以同英式電話亭（藍田小倫敦）打卡添。韓米Miso係食韓式小食嘅，下次試埋其他。情人節二人套餐 $99本身淨係想要個飯，但店員推介我試埋情人節套餐，佢話個盒係心形好靚。B餐有五花腩紫菜卷、炸雞翼兩隻、炸雞槌兩隻同埋薯條。二人套餐一人一隻，如果冇情人就可以一個人食曬兩隻。套餐仲配有泡菜或黃蘿蔔。估唔到咁平啲炸雞咁大件，仲要好香脆，我細佬又偷食！紫菜卷足料好食，好香肉味，好有以前喺韓國食嘅味道！韓式拌飯 (牛) $48好豐富好足料！有肉同好多菜，例如翠玉瓜、紅蘿蔔、豆芽，健康美味！有少少韓式辣醬但唔會太辣，拎返屋企嗰陣好香！啲牛肉都唔韌。