順興隆桂記荳品廠

营业中

休息中

我細個時候係附近讀書，由細食到大。店內環境都一樣依舊， 保存了傳統的味道。 早上來的話還會見到師傅在店內隔離工場做豆腐。小時候到現在豆腐花質素一點沒有變， 依然咁有水準👍 天氣涼涼地食碗熱豆腐花，食完全身暖笠笠😍 每次都會食熱，因為熱豆腐花比凍豆腐花更加滑嘟嘟 還見到店內有不同size腐乳買，下次試試先魚肉煎釀豆腐都好好味架加少少豉油和豆瓣醬非常嘢味😋最後，飲埋杯豆漿簡直完美豆漿有香濃黃豆味甜度剛剛好，唔會好甜。怕太甜的話，可以叫少甜。 如果覺得唔夠喉，豆漿還有支樽外賣的。

非常傳統的煎豆腐, 因為之前一日在北河街食過同類食物。這店的出品遠遠勝出。 尤其是豆腐花, 如果大家留意的話這裡的豆花是一個波嘅形態突出於碗上。 荳味亦遠遠比另一家濃厚。有時不能一味追求滑口感而犧牲荳味。豆腐卜可能5蚊5粒有人認為貴但本人又覺得"值"!有機會來品嚐一下吧！

因為我從小到大喜愛烹飪，我平時有空就最喜歡逛街市。今天經過豆品店，濃濃豆香撲鼻，忍不住走進去吃了一碗豆腐花，濃郁黃豆香和香甜的黃糖一起滑溜溜地進了嘴巴便溶化了我！很是滿足，繼續努力逛街市！

平時最喜歡逛街市，經過此間豆品店，好有懷舊氣息，好像很多年歷史，加上豆香撲鼻，走進去點了一碗熱豆腐花，濃濃豆香味，急不及待加上黃糖，黃糖慢慢溶化，滑溜溜地進了嘴巴就溶化了。

原本去深水埗買game 最後因爲無哂貸 所以無得玩 sad 時間已經5點半 夜晚要返屋企食飯又唔敢食咁多野揸車經過長沙彎 男朋友話有間煎豆腐好食嘩 好多車 根本無得泊啲間就係 順興隆桂記荳品廠門口賣豆腐食品裏面有位坐 因為無位泊車所以我地只可以選擇買走食物選擇只有豆漿 豆腐花 煎豆腐 完我只買左煎豆腐$12同豆漿$16(細支)我男朋友話豆瓣醬好好食 叫我要試嘩 我真係見佢毫無吝嗇地落左一大匙羹新鮮煎好 表面金黃色 熱手又熱口豆腐滑 豆瓣醬又真係好食wo 博博魚肉彈牙 好味至於支豆漿 比男朋友偷偷飲哂😭

這年代，仍堅持每天專心只做好一件事，是很難得的，每次去順興隆就讓我有這份感覺。每天專心的去做荳，門外放著自家製豆腐、腐竹、豆腐乾等。店內沒有靚裝修，就連menu都是簡單寫在牆上，一樽樽的腐乳就高高放在掛架上，吃的就是一份老店的味道。凍豆腐花今日天氣有點焗熱，所以揀了凍豆腐花。老實說順興隆的豆腐花入口並唔算滑身，不知是否加得太多石膏粉呢？不過豆味是偏重的。煎釀豆腐人間美食，好味到真係可以食十碟！！！面層薄薄的鯪魚肉煎得香口，豆腐好嫩滑，加埋一齊食真係好match！而且一點都唔油膩，記得要趁熱食喔！

下午茶時間 去咗附近的荳品廠品嚐一下睇到店內的裝修 就知道店舖歷史悠久 店內空間有限 坐位不多 天冷冷 食個熱豆腐花配煎釀豆腐熱豆腐花 口感香滑熱嘅相比凍嘅更優秀煎釀豆腐 四四方方嘅豆腐 加上薄薄的魚肉煎香後不易夾散 但入口仍然滑溜😋😋

今日行完山，來到這開業五十幾年的豆品店，當然要試試！叫了豆花，十分香滑，另外，魚肉煎豆腐也頗為不錯，魚肉十分厚實，而且豆腐不是那種軟軟一夾即散的，反而是有紮實口感，好味！

在香港的舊區，總會找到一、兩間老牌荳品廠。長沙灣的話，便是「順興隆桂記荳品廠」了。店子肯定有好多年歷史了，看門面前鋪後廠，中間擺些枱凳讓人吃豆漿花，是傳統豆腐店的格局，入面有點陳舊，充滿了歲月的痕跡。唔使點諗，當然吃番個熱豆腐花同煎釀豆腐。此店的豆腐花好滑溜，至於黃豆味還OK，最欣賞這裏的豆腐花唔會比太甜的糖水給你，啱晒我呢類想吃清楚豆味之人。反正唔夠甜的話你可自己加黃糖，整體來說都屬相對健康之選。不過，其實我更喜歡釀豆腐。這裏的方型豆腐軟硬適中，配上薄薄一層鯪魚肉，煎得香香的，而且也讓豆香味有更佳的發揮也。街坊生意，埋單都係廿蚊左右，抵食。

《由細食到大的豆腐店》這些類型的老店已經買少見少了！位於長沙灣的街市附近感覺很街坊的。其實不是感覺，現實也是很多街坊來幫襯就算不是住在附近也會專程架車來到。直到我現在三字頭了也經常來幫襯！現在人人也找高級景靚的餐廳。忽略了很多古舊老食店。能夠在競爭那麼大的市場亦能厄立不到的他們的食物一定有很高的要求及質素。他們的豆漿豆味很濃，豆腐花有熱有動,也很香滑,不要忘記加黃糖!他們還有煎豆腐,一定要試試嚐那辣醬, 他們在豆腐上家的魚肉煎得脆香的 他們還有自家製腐乳醬可賣走。要試百分百地道港式食物，這家是必來的!價錢方面一定很廉宜吧！又平又正！

由細食到大嘅豆腐花、煎釀豆腐！細細個住喺長沙灣，媽咪成日帶我落嚟食。依家帶咗你返呢間鋪頭都好有回憶！基本上鋪頭嘅裝修、枱櫈、食物，全部都冇變過。今次同媽咪返嚟回味一下，必食嘅煎釀豆腐！媽咪話唯一唔同咗嘅係，配豆腐嘅醬吾同左味。豆腐花依然好滑！價錢都唔同左一大半。

喜愛吃豆花，食開果間義x豆品店東店員越來越躁狂神經質，每次光顧像送錢送上門被鬧，如此不愉快當然速閃另覓一間，聽說這間是豆品界的NO.1 ,特來一試，一看就知是老店，陳設簡樸，專賣豆品，並無其他煎炸小吃，可見專門一樣足以維持，要了熱豆花、凍豆漿、煎魚肉豆腐，一試之下，果然名不虛傳，豆腐花幼滑如絲般，差不多入口即溶，伴有淡豆味，黃糖亦是真正黃糖，不是一般不負責店舖的白糖混黃糖，煎釀豆腐也不錯，是用豆瓣醬，豆漿較淡味，店內差不多全男班，正常情緖，好的豆品店已經越來越少，好的，一定要撐！

好鍾意食豆腐花，一向幫襯開深水埗個間，但由6月中裝修到而家东開返，咁就揾呢間，好多媒體介紹過嘅小店啦！本人一向支持小店，今次行遠D，試下。源住順寧道行，越行越僻咁，但下午喎，不過為左豆腐花，再行。finally見到一入到去，唔駛揾枱面，佢嘅menu係牆到。個裝修就係無裝修囉，保留左幾廿年嘅風味。幾大枱，隨便坐。其實想食熱，不過大熱天時，算，黎個凍豆花呀！唔該。望落好正識食一定加黃糖，而佢呢到亦好似得黃糖唔算好滑，但好有豆味，凍今豆味仍在，佢係實淨個隻質感，所以我估係無可能做到好滑，入口即溶嘅感覺，但尚算順喉，入口陣陣豆味係你味蕾出現，值得我行咁遠嘅。

有次午飯時間經過呢間小店，被佢地門口一排排豆腐吸引，先發現原來有堂食既豆腐店。佢地店內有工場，會即整新鮮既豆腐呢間小店既菜單好簡單，煎豆腐，豆腐花同豆漿。既然一場黎到當然就全點啦煎魚肉豆腐 - 真係好好味，煎完既豆腐唔會散之餘，又夠滑。佢個豆味仲好濃郁，同埋加埋佢地既豆板醬點黎食，認係一流。不過塊魚肉就紙咁薄。豆腐花同樣都十分滑溜，好有豆味、配埋黃糖一絕。不過就覺得細碗左d.豆漿唔會太甜，感覺岩岩好。喜歡吃豆腐既朋友真係要黎試下喇！

自從阿妹搬左去長沙灣住，每次去她屋企都一定要去呢間豆腐店食豆腐花，呢度有豆腐產品賣，例如豆腐、豆卜等，仲有即食的野食，包括豆腐花、豆漿、煎豆腐，每日新鮮製作，好多熟光顧。凍豆漿好香濃的荳味，好滑，五會甜，好健康。煎豆腐一碟四件，好軟滑，上面有一層薄薄的魚肉，好香冇魚腥味，size岩岩好一口，再沾埋個秘製辣醬更加惹味。我最愛就係豆腐花，冷熱都好好食，豆腐好香滑，自己加黃糖，不過過有d細碗，我一次過要食2碗先夠喉。