顯徑車仔麵 (已結業)

假日又是踩單車的好日子，踩到顯徑邨，天剛好入黑了，意味著又是吃晚飯的時間了。這家位於顯徑邨旁的上徑口邨的車仔麵，就位於馬路邊的一間邨屋地下。這兒的車仔麵有逾六十款餸可供選擇，招牌三餸麵連一杯豆漿只是$35，價錢頗實惠。招牌三餸麵我選了牛肚、魚蛋及生菜共三款餸，加了腩汁入湯底。牛肚炆得很稔又入味，下次來可能要吃雙倍份量才夠。湯底加入了腩汁特別鮮味，米粉充分吸引了腩汁，味感非常好。一品炸醬麵麵底採用了公仔麵，炸醬肉碎多，調味適中，味道辣辣地，味道甚佳。據店員講，車仔麵已經開業十幾年，難怪牛肚的滷水汁特別入味！

車仔麵癮發作, 入左去顯徑車仔麵, 跟朋友隨便地點了兩個麵餐, 包三餸及一杯豆漿。我想著攪攪新意思, 酸辣湯配米線食得多, 便嘗試了酸辣湯配出前一丁, 很有趣的味道, 不錯! 加上它的秘製辣汁, 令湯的味道層次提高了。朋友的豬骨湯有陣清甜味。我們都很喜歡它的牛腩, 白蘿蔔和豬頸肉, 很好食! 要讚的是當中的家庭味, 有種親切感。地方都算企理, 問埋d 顯徑朋友仔, 先知這兒是附近居民必食之選。他更介紹要食裡面d 小食, 下次再食過!

飯團君簡評：很久沒有吃車仔麵，來到這間顯徑車仔面，雖然距離沙中線開還有一段時間，但相信開通後一定很多人來吃。還跟以前一樣都是地道車仔麵風格，一個典型的材料架，一些湯底架，麵底等等。晚上人不多，但越夜越多人，可能大家都肚餓食宵夜了。三餸麵加豆漿<$35>  如有特別材料會加$1-$2**味道(5分最高)**魚蛋豬紅酸齋(3.5分)：份量可以，每樣各三件，豬紅亦一如以往好食。但沒有炸魷魚鬚，好像少了一份昔日情懷。水餃牛肚牛腩(3.5分)：分量也是可以，牛肚牛腩味道不錯，水餃粉太多，有點黏口的感覺豆漿(3分)：豆漿味偏甜，沒有豆渣，也不見豆漿機?以味道和質素相比，價錢略貴，點出飯團君可接受的價錢。--------------( 5★最佳)用餐日期 ：2019/02/16(六)地點位置：★ ★ (從大圍站步行示少15-20分鐘，將來沙中線會更好吧）環境氣氛：★★★ 店員態度：★★★ 食物外貌：★★★      味道質素：★★★★ 價錢合理：★★  最推薦食物：豬紅、牛腩、河粉(雖然這次無食) (｡ì _ í｡)  從不借相/偷相，食過先敢講！

臨新年前 去朋友家坐坐，打完麻雀佢話同我去食車仔麵， 呢間車仔麵都做左好多年係老店而家做埋甜品添，不過我食完麵太飽冇試到小食叫左生腸食落幾滑又爽，調味唔錯呢度車仔麵有勁多配菜我貪心試左好多樣！有金菇、牛柏葉、溏心蛋、牛腩、雲吞，仲有炸豬油渣 豬油渣真係唔係度度有！溏心蛋滷得入味，有蛋香味而且中間好流心睇落吸引牛腩偏瘦，炆得幾稔， 但份量少左d豬油渣份量好多。食到最尾都係咁脆口， 又吸到d湯汁 幾好食。豆漿係用杯上， 唔太甜都幾好飲

呢間車仔麵 真係由細食到大係我第一間認識既車仔麵所以好多時 依家大個 出到由尖旺食車仔麵都會同顯車黎做水準比較.今日路過 再食 仲係咁正 同抵食最平都係$21 冇咩點加價今日叫左3餸1麵 $35呢間我認為必點 炸魚皮識食一定係 點一點湯 再食份量仲多過以前 今日直接成包比你 叫3位朋友黎分岩岩好仲有就係加秘製辣汁 夠野味 勁香小小辣 唔食得辣都食得同埋豬頸肉 幾爽口最緊要係煮得夠入味河粉 份量極多....一反起個底 成碗都係仲有好好味既係滷水三寶 $28同旺角肥x味道水準一樣 真係睇唔出 可以話係隱世小店.認真係一間好食 抵食既小店

去朋友屋企打機，打到肚餓落街食車仔面，街坊店果然係平價，三餸面加豆漿先$35，好吸引！叫咗溏心蛋、豬大腸、韮菜餃，豬骨湯底。份量唔算多，但勝在質素唔錯，湯底好重豬骨味，不過唔太配油面瑞士雞翼$24/6隻，好抵食，而且好重瑞士汁味，即係偏甜，亦非常入味，好耐冇食過好味又抵食的瑞士雞翼了兩溝魚肉翅，份量都唔細。材料有冬菇、瘦肉、雞絲、粉絲，木耳、蛋，味道偏淡。魚肉夠晒彈牙，正！兩個人食完都差不多飽，下次一定要試埋啲糖水！

今日男友帶豬仔去食試下佢學生時期常去既車仔麵店原來呢度已有30年歷史價錢亦比較大眾所以吸引左好多老街坊幫襯$35 已經有三餸車仔麵連豆漿而且有多款麵底同餸料自由配搭男友仔選了豬頸肉+雞翼+魷魚+油麵雞翼很滷得好入味魷魚不是一般的咖喱魷魚而是一片片的爽口魷魚片最優秀係面底非常足，而且油麵帶點煙韌口感搭上牛腩汁非常好味而我就點了豬紅+水餃+流心蛋+米粉豬紅水餃都正常發揮流心蛋可算是這碗中的主角而在車仔麵都算是創新口感柔軟而蛋汁亦夠流心另外男友極力推介至於呢度嘅椒鹽魷魚酥炸粉好薄魷魚新鮮爽口食出啖啖椒鹽香推薦套餐的豆漿亦大大杯飲落仲有陣陣豆香，但就甜左少少原來呢度仲有飯餐而且仲會開到2:00am仲有外賣服務可算係街坊的深夜食堂😄

星期六的下午, 去了個friend位於大圍的屋企玩, 我們打機打到天昏地暗, 待大家都饑腸轆轆時才發覺大家午飯都還未食, 已是下午四五點鐘, 於是大家齊齊落街去搵食, 行出街口, 見到對面村屋有間車仔麵檔, 車仔麵選擇多, 一定有款餸啱你口味, 於是大家齊齊行去車仔麵檔.入到舖內, 店舖細細卻是干淨整潔, 我們迅速落了order, 我就叫了瑞士雞翼, 豬扒及韭菜餃, 麵底叫了油麵, 店家收到order即煮, 數分鐘後, 我個大大碗的車仔麵來到我面前, 仲送了杯豆漿, 瑞士雞翼好入味, 甜甜地, 好好食, 油麵軟硬適中, 店家淋了些腩汁在碗麵中,油麵煮咗的腩汁, 都非常好食, 韭菜餃大大隻, 咬一啖, 哇! 韭菜香扑鼻, 食一口簡直會欲罷不能, 我一口氣食晒兩隻韭菜餃, 太好味了. 豬扒是炸了之後再切件放在碗中的, 三餸一麵才$35元, 仲有杯豆漿, 真的是超值, 車仔麵來講, 這間的味道真的唔錯, 價錢仲吸引! 真的是平, 靚, 正!

是日踩單車，聽朋友講顯徑有間開咗好耐o既車仔麵。點餐紙有極多選擇，正常要有o既嘢都有。佢三餸一麵連豆漿35蚊原來仲有賣甜品但我就牛腩牛肚瑞士雞翼另加瑞士溏心蛋手工韭菜餃。入味雞翼如果份量再多啲就好了

男友由細到大的車仔麵，在大圍應該無人不識就係佢-《顯徑車仔麵》。首先覺得此店有一種歷史感，沒有豪華裝潢只有平實的一面。入內的地方不大，但有種街坊鄰里的感覺。餐紙上的食物都相當抵食，一麵一餸$21，一麵三餸只係$35附送豆漿，如果想轉其他飲品只需另加$5！麵底有十款選擇，湯底則有兩款另外更有多款經典食物及熱賣推介。素菜也有12款之多，估不到更有甜品系列，近期流行的芋圓系列等。三餸一麵$35手工韮菜餃、炸雞翼（+$1）、炸魚皮（+$2）連同油麵及凍奶茶，合共$43。首先手工韮菜餃皮薄餡靚，韮菜的份量飽滿不錯。炸雞翼有2隻，大大件有家的感覺。炸魚皮獨立包裝的關係，脆身又美味。另外還點了紅豆綜合QQ圓$36，凍食的關係另加$2。紅豆的份量頗多而且有起沙又濃郁，內有煙韌的芋圓、地瓜圓等材料，甜度恰到好處。除了車仔麵，甜品也是不錯。

餐牌上有成50幾款餸令我選擇困難症又發作！最後揀左店長推介的滷水雞翼、豬腸、魚肉春卷和菜心，配米線和雲南酸辣湯底。湯底不像一般的用酸菜，而係用辣椒絲、胡椒粒秘製的酸辣湯，好開胃。滷水雞翼大大隻，滷水好入味，豬腸一D都唔腥，仲好肥美，爽口。魚肉春卷都好香腐皮，菜芯大大條又新鮮又甜。成碗的餸都係店長推介的餸，有沙嗲豬紅、牛腩、手工韭菜餃油麵配豬骨湯底。最正係沙嗲豬號，夠晒入味，軟硬度適中！手工韭菜餃大粒多料，調味好好！牛腩好冧身，索晒啲腩汁！正！叫三餸麵，就會送豆漿，有凍同熱選擇！店長服務細心，每碗都會整齊擺放餸菜，又食得又睇得，係有心嘅小店！下次要再嚟幫襯食小食！

來探舊同事想發現這個較偏僻的地方，而且仲介紹地道車仔麵，又平又抵食，佢成日OT後番屋企都買，因為開到零晨3點。顯徑車仔麵地方好寬敞，乾淨整齊。除左車仔麵，仲有飯餐，更有小食，都幾多選擇。$35/3個餸，仲有杯豆漿送幾抵～我選了咖哩魚蛋、手工韮菜餃、貢丸、豬扒米粉份量超多，食得飽飽咖哩魚蛋有5份都幾多，但味道ok韮菜餃皮薄夠香貢丸、豬扒好味另外是入味的滷水雞翼尖、豬腸、彈牙的蝦卷，而油麵份量也超多，煮得剛好。

呢間車仔麵由細食到大，由於已經搬離顯徑幾年,有一兩年都冇入黎幫襯，今日放假終於有機會重臨舊地, 發現呢間老店有D唔同左，好掛住呢度D車仔麵，即刻整碗，雞亦九餃米，再加一碟新野-老味。嘩不得了，風味依舊，雞亦入味，九餃皮薄好多汁再加埋個辣汁，簡直冇得頂。老味生腸同雞腎有驚喜，呢間老店果然冇令我失望😆見到好多新野加入，咁當然要八掛下點解啦，一問之下，老板想加D佢既至愛地度食物，今時今日喺香港已經買小見小，有誠意小店，真係要支持下

今日放工去沙田打波 打之前緊係醫下個肚先啦今日選擇左去食車仔麵 呢間顯徑車仔麵係十幾年既老店 長久以來都可以經得起風浪就緊係唔簡單啦 店舖環境雖然簡單 但員工都將心機放係造出一碗美味車仔麵 呢一點係值得欣賞既 好 事不宜遲 首先叫左一個三送一麵餐 有瑞士雞翼 糖心蛋同韮菜餃 瑞士雞翼有淡淡既甜豉油味唔鹹又食得出雞肉味 而且雞中翼本身就比較滑好好食 至於糖心蛋係一個驚喜 因為蛋味濃之餘蛋黃仲係流質既 我最鍾意就係咁嫁啦 韮菜餃食落好有咬口 而且韮菜味同豬肉味都好突出 值得一讚 麵底叫左粗麵 比較爽 個人認為同出面食到既差唔多到最後就點左個甜品 係紅豆涼粉芋圓 唔太甜而且芋圓本身既獨特口感為今餐劃上完美句號    

今日去朋友屋企玩，下晝就黎左朋友屋企對面既車仔麵店食車仔麵。有張點餐紙可以簡野，湯底、加唔加腩汁、加唔加辣、邊隻麵都可以隨便tick。雖然係一間小店，但款式都好多，除左送之外，仲有小食同飲品可以簡。我地簡左3送既車仔麵 $35，另外朋友有再加多幾樣送，本身跟餐會送埋大大杯既豆漿，而我就簡左+$3轉凍檸茶。點完餐之後，野飲好快就到喇！豆漿好大杯，跟餐就有好抵呀。無幾耐，車仔麵就到了。麵既份量都算多，溏心蛋既生熟程度剛剛好，另外都加左手工餃子、牛腩、牛肚、雞翼等等，好豐富既一碗車仔麵！手工餃子尤為出色，個皮薄但唔易爛，一咬開就有滿滿既湯汁，超好味。之後就黎左脆炸魚皮 我地一半用黎即食，一半用黎點少少湯汁，正。我叫既送就比較少，無朋友既咁豐盛，但都好飽肚！我係叫左米線、加腩汁，個湯底好正！另外三送就簡左瑞士雞翼、瑞士溏心蛋同埋咖哩魷魚雞翼入味夠淋身，魷魚爽口唔痴牙。另外有試一試朋友叫既既油麵，個人覺得油麵配車仔麵係比較match，不過本身鐘意米線，所以我就簡左米線喇！總括黎講，款式多而且湯底香濃，係一間出色既車仔麵店。