風月堂 (已結業)

旺角，作為平日與朋友的聚腳點，可算得上香港其中一個最多東西吃的地方。但平日到旺角，每一間餐廳都極繁忙，每每吃完晚飯後，都會 "被趕走"，希望騰出空檯，可以讓更多的客入進內吃飯。無疑地，對於以上想法，覺得毫不奇怪。但當要與朋友聊天時，都要另找甜品聚腳點，令一餐晚飯的費用大增，所以原本打算便宜一點都變得昂貴起來。正當如此，筆者與朋友吃飯，就建議到風月堂吃，一方面可以聊天聊得比較長的時間，二來地點方便，鄰近地鐵站。餐廳的位置挺不錯的，就在旺角中心對面，唯一不好的是要行樓梯上兩層，體能差一點點的都會覺得十分累。在門口拿飛後，等了十五分鐘左右，終於叫到我們的號碼。今次分別店了兩個意粉，首先為白汁煙三文魚意粉。先點評份量: (作為一個男生，不太足夠，但還可以)味道: 不錯 挺好，一直很怕意粉會很咸，但是這個意粉都不會調太多的味道，亦不會腥，所以不錯。之後來的是炒意粉，有不同的菇加上荀及黃椒炒成。份量: 足夠味道: 不錯，不同的菇夾起來，有一種清新的感覺，亦十分香口。但唯一不好的是放太多油，令整碟意粉的底變得很油膩，如果廚師省一點油會更好。在舒服的環境下聊一個多小時天，這樣的下班生活，令忘記自己身在

又食風月堂啦！依間餐廳真係從來無令過我哋失望。 set lunch真係好吸引先食個飯前開胃沙律！份量絕對唔少，個芥末蜜糖汁好惹味。天使麵並唔係一樣咁容易整嘅食物，有啲餐廳會整到好似炒米粉甘，但佢地控制得唔錯，麵條軟硬適中，夠乾身。鴨胸同蝦亦有水準。食豬排最怕就係鞋，但佢地處理得好好， 豬扒煎得非常鬆軟，魚柳亦煎得好香，無雪味。薯角都煎得好香口。不得不提招牌甜品，當然無令我哋失望！麵包+沙律+主菜+餐飲+甜品=完美嘅週六午餐

同事生日去旺角風月堂食Lunch，他們只有一張大枱，所以派一個人去攞位先，可借他們要我們過半數人方可入座，結果我地7個人迫入一張已有6個人坐的10人長枱。佢地餐廳有5個 Lunch Set。其中頭盤我揀『香橙雞柳雜菜沙律』，味道很啖口，適合不喜歡沙律醬及黑醋的朋友吃。主菜揀『燒紐西蘭羊扒伴扒帶子配香草燒汁』羊扒我要十成熟，個樣好靚即刻就食忘了影相，2件小羊扒一D都唔蘇，帶仔就好細粒，可能食左羊扒食唔到帶子鮮味。甜品揀『朱古力雪糕伴窩夫』，雪糕好濃朱古力味，最後一杯檸茶結尾。下次有機會再去就試下同事食的『芒果雪糕伴窩夫』，佢話好有芒果味還有少少芒果肉，值得一試。另一同事話『豆腐味雪糕伴窩夫』就馬馬地不值一試。食滿300元用citibank 信用咭結賬可有9折優惠。如果成日去食就負擔唔起。

風月堂在我心目中主打是甜品, 跟朋友慶生, 他選擇了風月堂, 因為我們一樣喜歡食waffle。可惜風月堂食店只餘旺角一間, 鑽石山是洋菓子BAR、佐敦那間是新開的。我們即興決定去食, 沒有訂座, 地點就大約在旺角中心對面, 都十分方便。2樓全層, 位子都頗多, 所以完全不用等位, 係旺角的確少見。裝修已跟以前的大不同, 已沒有整體白色的牆和擺設, 取而代之就是輕鬆cafe風格, 可以好relax、無拘無束享受晚餐, 不用趕上旺角繁忙的節奏。紫色卡位座, 走新潮風格路線。而另一邊就是另一種風格, 十分多元化。海撒沙津: 菜幾新鮮, 不過醬汁調得過鹹, 有點喧賓奪主。芒果三文魚青瓜紙米卷: 有點越南style, 芒果好甜帶出三文魚觧味, 青瓜好爽口, 清新的頭盤選擇。 辣肉腸pizza: 薄批脆得像食餅乾一樣, 上面充滿芝士、辣肉腸、紅椒等等份量十足, 不過我個人較喜歡食厚批及較juicy的薄餅。我認為甜品menu比正餐的menu多及吸引....所以我們正餐只點少許, 留位子給甜品。當然要點較classic waffle - 原味及玉桂味, 比較起來, 玉桂waffle較香, 配上生果 (

前幾日同朋友約左去風月堂食野，雖然無訂位，但係都唔係等左好耐就有位。叫左一個漢堡，超大份，兩個人食都夠，味道都唔錯，生菜超脆，啲醬汁都好多，不過不失，不過因為太大份，好難拎住成個飽就甘食。另外都叫左兩個甜品，個人覺得呢度啲甜品都算係大杯，大家share黎食都會飽，甜度都適中，生果都好甜好新鮮，我覺得唔錯，值得一試。

晚上旺角二人晚餐,風月堂自己未試過！朋友介紹話好味！上去唔使等位！店員帶我們到二人位放低餐牌！地方光猛乾淨，和式木傢俬裝修！客人多都唔太嘈，環境坐得好舒服，兩個人價偈幾好！叫咗：澳洲肉眼扒--配燒汁，肉眼扒有啲韌！（平時肉眼肉質應該偏淋）雖然肉味都夠！燒汁香口好味！配菜都肯花心思！蕃茄仔有用香草碎焗過！西蘭花爽脆，薯條粗身，外脆內軟，唔點茄汁都夠味！漢堡包--一上菜已經覺得好大份，餡料好多，基本上無可能就咁咬來食（我唔係櫻桃小咀）要分開一層層食！唔夠攞起個包食咁爽，生菜爽脆，蕃茄新鮮多汁！半溶芝士包住牛肉！牛肉漢堡厚身唔乾，有小小肉汁！薯條都係粗身，近似薯角！好味！服務令人舒服！需要服務時就有店員注意到，但又唔會令人覺得騷擾！店員勤快！唔會趕客！旺角舒服食一餐，仲可以傾下偈嘅餐廳真難得！

一直都有留意到朋友的FACEBOOK都有POST到風月堂的相，吸引到我的思緒去食，吸引之處在於除了有正餐，小食之外，還有我極愛的甜品。薑汁黑豚肉簿餅、蟹籽三文魚忌廉意粉：薑汁本身就都幾好，但反而主角黑豚肉有點失色，不太夠嫰，肉質較實，所以令到薄餅的好味程度減半：蟹籽三文魚忌廉意粉，賣相已經夠，味道一定穩定，平平無奇：到最後點了一個甜品拼盤雜錦，每款驟眼看都好吸引，每款都不同口味，但唯一比較不好的地方，就係每款都一定出現好多忌廉，比較有點消化不來，有種很 “流”的味道。第一次食係唔夠既，之後要食甜品，實會諗起呢間先，貪佢地有多款的選擇，下一次一定會試雪糕窩夫。

第一次食風月堂係食銅鑼灣店，而家銅鑼灣店已結業，剩下旺角一間，感到有啲可惜。風月堂依然保持佢嘅位置特色- 樓上店，要行樓梯。為左餐美味嘅午餐，做下餐前運動又有咩所謂。旺角依間比銅記迫，好彩侍應比多張矮枱仔俾我地擺野。叫左兩個lunch set, 各$98. 麵包係熱嘅，都算鬆軟，幾好。 個沙津份量都幾多，配上芒果幾清新！煮得夠淋，但食唔到紅酒味，未算佳作。薯角只係輕微煎過，所以唔脆，比較鍾意食炸薯角，雖然依個煮法較健康。三文魚煎得剛剛好，仲帶點滑，讚！至於個雞，照燒汁味道幾好，雞亦唔鞋，不錯！仲有多個沙津，真健康。小朋友最愛嘅fruitpunch xd。對！我地仲好有童心，夜晚就睇toy story 哈哈!! 甜品必定係風月堂一個亮點！美味waffle配上自選口味嘅雪糕，完美！衷心希望旺角店會做得住，最近聽到大戶屋尖沙咀店14號結業，只可嘆香港好餐廳愈來愈少。。。

今年生日寶貝們約左我去一個好靚的地方慶祝~一向我地都中意早出活動,所以約定食個午飯諗住早15分鐘去到攞位,去到餐廳門口居然仲未開~~~只差少少,行街唔係,企喺到等又唔係咁LIKE~最後都係企喺到等~一夠鐘就上去,我地可以話係第一批有誠意的客人~唔知有冇優惠呢~ HAHA一坐底~服務員放下清水餐牌就行開了~有絕對的空間可慢慢諗~打開餐牌一睇~好多款式~湯沙律主菜飲品甜品樣樣都有~賣相非常吸引!我地點左鷄翼,菜沙律,海鮮炒麵豬肉波菜卷,公司三文治同埋佢個招牌雪糕窩芙菜沙律 – 上枱時賣相好靚~放得好有心機~菜款好多,加上橄欖油做汁同零碎的蒜粒同花生粒,清新刺激開胃,鷄翼 – 連隨伴碟,賣相唔錯,可惜鷄翼本身細隻又乾身,好似整定放左好耐,再拎返出黎灯熱,淋上少少汁就就,no good海鮮炒麵 – 噢~個樣意外地唔靚~熱就夠熱了~感覺就好似路邊豉油王小炒, 海鮮料唔夠顯眼,炒得有少少油膩,食少少就覺得要收手..豬肉波菜卷 – 好精緻的小卷物,,做法巧手而且擺得好睇~入口夠熱,外面燶燶地,入面淋淋地~整體黎講唔錯~!公司三文治 – 除左加左D薯條薯角做伴碟,擺得靚靚之外,就同茶記冇咩分別,每樣配

以前同女朋友食過幾間唔同的風月堂，最有印象就係佢個好靚餐牌，攪到我地每一次都有選擇困難症。一個TOP SHOT影曬所有飲品，非常震撼，自己就未試過在其他舖頭見到呢種相。而家銅鑼灣同葵芳都結左業，旺角都CLOSE埋，好彩佢開番一間，最慘就係換左個餐牌，無以前咁多款式。必定要叫當然係佢個「凍咖啡」啦，呢個味道無失到準，非常之香。「三文魚蟹籽忌廉意粉」：唔記得影相，賣相麻麻，不過都OK好食。「薑汁黑豚肉薄餅」：都幾好食，但唔太特別。「紅豆抹茶窩夫」：唔會太甜，WAFFLE好香，水準之作。總分：72/100（值得幫襯）總括黎講食物水準OKAY，但總係覺得比以前差左少少。甜品比較出色，拍拖又或者黎食下午茶會比較合心水。推介：紅豆抹茶窩夫

明明好多卡位, 但唔俾人坐, 搞到d食客坐咪一堆. 到食完, 仲係大把吉既卡位.叫左個公司三文治, 同一般茶餐廳貨色一樣, 但就收近一百蚊價錢, 一D 都唔值..食物普通, 不值呢個價錢. 甜品又得堆Cream,生果得幾片. 侍應掛住吹水, 有無諗過會影响顧客

以前風月堂未搬之前真係不得了，勁多人等位，不過搬左黎旺中就此情不再，少人左好多，唔知係咪啲人唔知搬左黎呢度，次次我黎都零等位，如果我係老細真係見財化水，悔不當初。講返食物，其實水準都keep到，點左一個意大利海鮮燴飯，朋友喜歡它是茄汁底，酸酸甜甜很開胃，飯不太淋不太硬，加入洋蔥粒一齊炒，很香口，口感亦不錯，但叫價$198就有點貴，海鮮只得一隻蝦，一隻青口，帶子同魚塊，未免太小家。反而甜品有驚喜，點左個芒果香蕉卷配雪糕，份量很足，芒果肉鮮甜帶酸，香蕉味香，加上甜甜既cream 真係酸酸甜甜食得不停口，吸引！

唔覺唔覺得返旺角一間風月堂，好可惜! 一直覺得佢好好食同賣相吸引 今次主要過黎食甜品: 芒果香蕉班戟，芒果和香蕉比例中肯，兩個味都食得出，好香甜，卷埋忌廉和蛋皮，口感GOOD! 紅豆綠茶雪山，外表已靚到不得了，先切開一半，入面有綠茶雪糕，極LIKE! 個底有士多啤梨脆脆，好特別呀，面頭就係綠茶CREAM和紅豆蓉，整體全部材料係非常夾，好好味!

我鐘意食風月堂係因為唔算貴，但又飽又濃味  之前想再回一回佢.. 舊址無左我仲以為佢執左後來肥仔話佢搬左搵.. 就來一試啦~可能無咩人知佢搬左..  我覺得鋪頭都無咩人我地坐卡位..  但一路成好唔舒服..  個頭項有成三四支射燈.. 勁刺眼..都唔知係咪策略來架..  想啲人快啲走叫餐時間------------------------------食咩都好..  一定要食沙律先XD但我麻麻地個汁..  柚子既酸.. 我唔好牛仔桔~  好味原先想食牛脷.. 但想食多啲.. 就叫左個拼盤可惜唔好食..  可幸係我唔係全部都係牛脷濃味菠菜!!! 亦無菠菜既怪味XD唔知乜鬼野三文治..  唔好食黑松露唔知咩天使麵第一次叫.. 有驚喜..好好味!!  推介推介帶子野菌燴意大利飯!!我會食風月堂都係為左佢咋!!!整體來講.. 都好食..  但相對舊鋪..  啲味真係差啲因為這呢篇野.. 走左去睇.. 原來風月堂 執下執下就得番呢間啦..  爭氣勒~

同朋友3點幾上去，唔算多人，環境靜得黎又幾靚，個度有好多特色書俾人免費拎黎睇！當然同朋友上黎梗係食下野傾下計啦！我地覺得正價menu樣樣野都不便宜，所以唯有選擇下午茶餐！我揀左白汁Parma ham菠菜意大利麵，朋友揀了煙三文魚芝士薄餅，兩者都好好味！前者食完成碟都唔覺漏，可能有菠菜中和左個油膩感，Parma ham唔知靚唔靚，但食落香得黎唔咸，而朋友那個薄餅好脆，好多煙三文魚餡，但個人比較喜歡厚身薄餅，如果可以選擇會更好！$78這個價我覺得略嫌貴了點，如果$60還可以！因為份量唔算多！唯有味道疊夠吧！咖啡杯碟好靚，花花紋，喝得人心曠神怡！味道不錯，但可以更濃！加完奶咖啡味減少左，朋友那杯fruit punch我估不錯吧，佢飲哂，但好細杯啊！跟住同朋友見到個dessert menu,個d甜品靚到呢，好似全部都同你招手，好想叫哂啊，但朋友有d飽，唯有叫個小小焦糖窩夫！窩夫薄薄地，脆脆地，上面淋上焦糖漿，伴雲尼拿雪糕！好好味！隔離有少少暖暖地既蘋果菠蘿粒，我估係想令到食既人唔會覺得咁甜，幾貼心！可以再試！