食嘢 (已結業)

大埔見到有飲野同食嘢兩間店，後者暗暗地吸引d。叫左4樣野。醉雞份量多，放係樽到幾得意入味滑。蕃茄咖哩羊架，依到咖哩有好多種。蕃茄咖哩似甜辣咖哩，羊架吸哂咖哩汁，唔蘇。鵝肝醬菌菇，鵝肝醬重味同用鍋上，好保溫拼盤有芝麻沙津菜都幾新鮮，咖哩角同薯角都外脆內林，黑椒蜜汁雞翼好食，好脆個雞皮，油酥餅點咖哩好印度feel，飲完鮮奶朱古力飽哂

今晚嚟到大埔，揾車位揾左下先泊到。係附近行下，見到有飲野同食嘢兩間店，個名好得意就吸引左我地入去啦。店入面燈光暗暗地，椅係公園design有點文青風haha又有cushion，幾舒服。我地叫左4樣野。醉雞份量多，放係樽到好特別，同好似咁樣更入味，雞都滑嫁。咖哩羊架之蕃茄咖哩，依到咖哩有好多種 原味 芝士 蕃茄 蒜蓉。蕃茄咖哩好似甜又辣既咖哩，羊架3件都吸哂咖哩汁，好食唔蘇多肉，配珍珠米。鵝肝醬菌菇好大碟55蚊，因為鵝肝醬重味，所以言西無哂味，可以哄小朋友食，好食好夠熱，茹多種類。同至尊拼盤，有芝麻汁沙津菜，新鮮！咖哩角內有薯菜蓉 林花生咁，少辣，正宗！薯角都幾脆好粗，黑椒蜜汁雞翼好好食，好脆個雞皮甜甜地，油酥餅點咖哩汁一流，68蚊好抵！鮮奶朱古力淡淡地奶味，清下重咖哩味，滿足。咖哩皇話依度咖哩好食haha下次再食

　　前排朋友話有間食肆叫：食嘢，好盞鬼點知今日偶遇到佢，原來側邊重有個親生兄弟叫：飲嘢～　　食嘢原來係主打咖哩，岩晒我，呢幾日凍凍地都心思思想食一食辣野，咁我嗌左lunch set既印度家鄉咖喱雞（$52），我以為得一份飯啦，點知包埋餐湯同餐飲，餐飲重要係係隔離鋪既 飲嘢 到沖過黎！好驚喜！我嗌左珍珠奶茶～　　其實我覺得入呢間餐廳都好多驚喜，由店名，入面既風格裝修，餐set既設計（定價），重有側邊既兄弟：飲嘢（我過左萬聖節先黎，遲左小小添，不過聖誕節應該都好靚～）　　講翻食物先，其實好想嗌多份油穌餅，食咖哩真係好想點，個佢係跟餐，包一杯飲品，但我真係食唔晒，唯有下次再嗌～　　主菜黎啦！　　好得意～雖然坊間都開始多用鑊仔／鍋仔上菜，但我真係好中意呢種風格，好似跳出平時既框架咁，影相又靚，好正～　　咖哩好香濃，我落單個陣無講要咩辣，我諗應該係廚師默認既辣～哈哈～默認辣應該正常人都接受到（其實我口味偏向輕微既重口味），食左第一啖，確應左呢份辣味係我接受範圍內，我就舀大大啖咖哩汁撈飯，淨半份飯先開始食雞肉～因爲咖哩汁真係好好味～好正完既印度風味～　　白飯上高有小許酸菜絲，口感爽脆，有時撈左一啲

周日下午最易最宜懶散嘆息,嘆一下和嘆茶，好朋友都需要放鬆一下，讓自己完全開心靈動輕盈一個下午。明天再投入資本主義世界。我們又要入太和合堂崇拜我帶好友嘆拉茶大埔舊墟有真正印度廚師上面是印度菜手製薄餅，廚師聚焦手作不是搓麵就在攪動他煲咖哩…黑胡椒蜜糖中翼甜品是榴槤roti經常用心的印度人roti煙韌有力度，榴槤有味但已溶入麵團十分滋味咬咬下配拉茶 上等享受叫友人看廚師她同意這君幾乎沒有停頓，不是用力做事就在教學徒如何做出精緻敬業精神下午茶雞翅4 只可配什菜沙律或薯角我們選菜那沙律汁也精選好吃來一客黑胡椒下腿色香味撲鼻背後帶豐富多彩肉汁和蜜糖漿，令人放心的小店很細膩！

好耐都無過黎大埔行街，原來多左好多好野食！沒想到呢間小店竟然要等位我地都等左十分鐘，終於有得入去啦！呢間店好像出名咖哩，所以都叫左一個海皇咖哩 - 入面有d乜？有兩隻蝦、青口、蜆肉仔等，咖哩明明叫左中辣，點知侍應生落錯為微辣，真係得好微好微嘅辣，咖哩唔辣邊好食嫁？！！不過，咖哩味真係好香，可以再“安哥”，唯一可惜嘅就係。。。飯唔夠多！！食嘢至尊拼盤 - 有雞翼，薯角，咖哩角，簿餅我就覺得雞翼整得特別好食啦，其他就不過不失。百香果soda珍珠奶茶兩杯飲品都不過不失，不過飲品價錢就貴左少少，仲要無得跟餐埋單計呢餐都二百蚊，還可以啦！

這間名字有趣，名叫「食嘢」的餐廳，究竟葫蘆裡賣甚麼藥？吃的是「乜嘢」？且讓我娓娓道來。 原來這間店舖，吃的主要是由印度師傅主理的印度咖喱，此外，還有一些其他西餐菜式可吃。與太太來的時候是午飯時間，兩人叫來「咖喱牛腩飯餐」和「黑松露雜菌牛柳飯餐」各一。細細碗，聊備一格的餐湯「雜菜湯」先行奉上，這餐湯味道平淡，水準十分一般，不喝也不會有甚麼損失。「咖喱牛腩飯」的飯量不算太多，牛腩則還可以，而且頗為軟腍，帶點兒酸的咖喱汁不是太辣，對我來說都算適中。 「黑松露雜菌牛柳飯餐」的味道是好的，但醬汁稍有點鹹，一定要以飯伴吃。 老婆仔愛吃「油酥餅」，所以也散叫了一客一起分嚐。這天的「油酥餅」做得不是太好，用手搿開來吃，顯得有些鬆散。至於兩杯跟餐飲品，分別是「凍水蜜桃綠茶」和「凍芒果綠茶」。兩杯外觀色澤看上去十分相似的凍飲，味道可以，也夠解渴，但果汁味不是太重，勝在夠大杯，最終我倆都沒能把它們喝完呢！這間小店的出品，也許不算十分出色，只是中規中矩，侍應服務方面也有改善空間，不過價錢不貴，份量又不小，還是可以一試的。

好耐冇去同朋友食飯啦~ 入左大埔同朋友飲野, 之前去左呢間食野食野, 哈哈可以見到係坐滿晒人既幾個女仔唔係好肚餓, 隨便叫左少少野食,唔好睇少呢個拼盤, 其實好飽肚! 雞翼係最好味既, 甜生既蜜糖加係黑椒雞翼上, 入面又夠JUICY, 正!大薯條極夠飽肚, 仲有印度特產咖哩角, 不過雞心豆唔夠多, 皮有D厚PIZZA點少少醬好味,最後食番少少沙律, 跟住去BAR飲野~

好日不入大埔食野, 一進來就看見人龍, 塞滿了食野店! 老闆就示意我到飲野那邊坐, 因為這邊不知要等多久...食野的碟好特別, 同吃印度咖哩那些, 重慶大廈的好像呢上OPENRICE看看, 餐廳原來主打咖哩, 超愛吃辣的我當然要選勁辣啦! 叫了印度家郷咖哩雞哇! 又不是真的好辣喎, 不過就真要慢慢吃先吃得完, 因為它的辣停在口中好久! 不過又越吃越上癮喎, 辣中帶甜, 好有層次, 而且夠濃,  可以裝滿一碗飯~雞肉的味道都不是很試到, 因為太辣! 好刺激~前菜可以叫醉雞, 整整半隻! 才$68抵到爛!件件都好入味, 酒味超濃, 甜中帶澀, 而且雞肉好滑, 事前以為會鞋, 真不錯呢!

話說當日去完塔門後,小弟同小胖女由大學站諗住去大埔搵食,一禁openrice就見到間餐廳叫做食嘢既鋪頭,佢係以咖哩做主打,黎到叫到佢格黎有間叫左飲嘢相信都係出自同一個老細啦,門外非常多人排緊隊,相信味道應該都有保證啦等左大約20分鐘多小小就安排入坐啦,餐廳環境比較以西色為主,簡單帶有西式餐廳味道食品方面小胖女就大致落左一個飯,一份雞翼,一個沙侓,一個油鬆餅,兩杯野飲同甜品,首先送上係芝麻醬蔬菜沙侓,味道幾清爽,但芝麻醬比較稀,開胃菜黎講不錯,之後黎就係油鬆餅啦,咖哩帶甜,餅底硬左d,但味道配合上來很好跟住上既就係今晚主菜,咖哩牛腩,由於我同小胖女都食得辣下,叫左中辣另外咖哩都有分好幾款,有原味,芝士,蕃茄同蒜蓉味,我地都係選左原味食落係有返咁上下辣度,牛腩又夠哂林,將佢d咖哩汁用黎點油鬆餅亦都有另一種風味之後黑椒密汁雞翼都炸到脆卜卜,味道帶甜,食落夠惹味,再黎就係小弟點既符碌茶同小胖女既朱古力飲品符碌茶其實係鮮果茶,都好多款生果係入面,食完咖哩飲佢確係消濟解膩最後當然唔少得係甜品啦,叫左yumyee雪糕燒仙草同雪糕什果燒仙草大家睇相都見其實只係有生果同無生果之分,基本上食佢都會食到飽一

早排係機緣巧合下去左大埔覓食 係無做功課既情況下 決定行過見到邊間吸引,邊間多人就走去食結果遇到兩間店名好有趣既舖頭 - "食嘢"同"飲嘢" 睇個名估計應該係姊妹店黎, 一間食fusion咖哩 一間食台式野。 比較下我地想食咖哩多d就揀左"食嘢"可能星期日既原固 好多人等位 最後大約等左半個鐘左右餐廳環境幾靚 比較西式 有d似cafe胡麻沙律先黎一個開胃既沙律 用玻璃樽裝住好似盆栽咁 賣相賞心悅目咖哩牛腩(中辣) 跟飯牛腩好淋 咖哩都幾辣下 嗜辣既我地覺得好爽好過癮油鬆餅食咖哩又點可以無油鬆餅呢度既油鬆餅感覺比較健康 唔係好多油 但可能冷氣太大好快凍左黑椒蜜汁雞翼呢個好好味 烤得乾身香脆黑椒蜜糖配雞翼幾時都咁夾奶緹可可味道好特別 面果層奶緹飲落帶微微既海鹽味道 每一啖都可以飲到可可同奶緹 成杯飲品好有層次感推介雪糕什果燒仙草為食之過點多左個台式甜品 勁大兜材料好豐富 味道都唔錯 不過實在太飽 兩個人最後都食唔晒

問焗豬扒飯要等幾耐，話十幾分鐘，結果35分鐘都未有。完全無諗過，焗豬扒飯可以咁樣演繹，兩件（0.5+0.5）豬扒，有半件隔夜碎上，另外半件原件上，有同一個特色……超鞋。

見網上咁多介紹，自己又住得近咁同男朋友去試啦。星期六3pm去到，人幾多要撘枱。見佢話自己係咖哩煮意就叫咗咖哩牛腩（$55）同咖哩海鮮（$65）跟一凍一熱既珍珠奶茶一直等…成20mins...乜都未上！望住對面一pair怕生人咪話唔尷尬！好啦25mins終於有兩杯野飲…但得一支飲管…問咗兩個waiter想拎多支第一個冇反應第二個「熱飲係冇架喎!」吓，珍珠奶茶喎！飲到底先食d珠呀？唔比飲管都比支長匙我啦吓嘛！好啦拎到多支，一飲頂！兩杯都仙草黎既然後先聽到waiter 同隔壁枱講冇曬珍珠頂！冇唔緊要，但係咪應該通知聲同問一問我先？Service已經好失望30mins,有野食食一啖！頂出事咁鹹既！我平時食公面可以飲囇d湯好鹹得但e份咖哩真係好鹹！一定要送飯先入到口香料唔香又唔辣…牛腩好硬，海鮮唔入味D飯明明唔係basmati rice 但竟然重硬過basmati!!呀超垃圾！！！咁就收我地120😭😭😭回水呀

第一次嬲到寫食評，食45 mins D 嘢食未到，原來冇落單！我未試過食一餐飯有3個waiter 問我其實叫左D乜！唔係呀嘛？發緊夢？見前後左右都at latest 等 30 mins up。講真，如果好好食我唔介意等。好啦，公平D就睇下你D野食點，冇理由因為一兩個員工失誤而判人死刑。45 mins 後上台喇飛雲。哇，咸過乜，飯又硬過張木台。唔知想點，大家自己睇下相。真心嬲。呢到咁多餐廳甘大競爭，1) service 唔改善下, 繼續請埋D發緊夢 D人. 2) 廚房煮出來D水準....(個presentation 係OK, 不過食物質素..) 遲早玩完。用咁多時間去準備食物，而出黎係甘求其...well....

大埔區感覺較舊但好多時,美食多數留於舊區除了美食外.舊區仍然保留一份人情味.所以今日除了探朋友外.順路同honey郊遊下大埔被間外型不錯的店舖吸引住.以為cafe.但見到玻璃掛上小菜poster 才發現原來是EAT YEA 餐廳無所謂. 試下先一般餐廳格局反而對美食有點興趣honey 點了咖哩牛腩飯及涷珍珠奶茶. ($55)咖哩牛腩飯用個細單臂煲盛裝出黎.飯的size 都不細. 足夠男生食量.仲有列湯. 羅宋湯.材料足. 味一般.放在眼前. 咖哩香味撲鼻.自己都想試下.honey 得戚講牛腩炆得入味之餘仲要夠"林"身. 沒有"鞋"口感覺亦沒有多根.啖啖肉. 入口後, 先有咖哩香味, 之後椰香慢慢出來唯一缺點, 少了咖哩應有辣味.如果不太愛吃辣的朋友都可以試下.我不吃牛.所以點了台式豬手飯及涷珍珠奶茶 ($48)豬手同樣夠"林"身 及 入味.不過珍珠奶茶就比較失色.味淡, 珍珠多. 大大杯.以大眾化價錢, 都有不錯味道及分量.大家都可以試下.

大埔舊墟美食臨立 除左舊式老店煲仔飯大排檔粉麵外 仲開左好多新野 好似呢間 <食嘢>甘 細細既鋪頭專食西餐 印度野甘。 雖然我係3 點幾pm到 但除左tea set外 仲可以照點dinner set , 呢d時間不收加一 整體價錢合理下午茶之選榴蓮餅 38 蚊唔知點解近呢一兩年好興用榴槤整野食 呢味榴槤餅應該係用印度整法 將手猜薄身既印度薄餅夾住榴槤肉焗熟佢 餅身好香皮味有少少烤過既痕跡， 而榴蓮香味一放上枱已經深深感受到， 食落口感外脆 入面既榴蓮又林 十分特別， 鍾意食榴槤既朋友可以試下黑椒蜜汁雞中翼 配薯角 36 蚊配葡萄油茶雞翼大細適中 連埋黑椒一齊炸得十分香口惹味 雖然出面烤到有d焦，但入面既肉尚算嫰滑 而雞翼出面點左蜜糖漿 同黑椒既味道一辣一甜 , 而薯角切得粗身比較林身 就甘食略嫌熱氣， 點埋茄汁就perfect葡萄柚茶 出奇地整得幾好味 飲落去好香葡萄柚味 飲到甘上下就會散飛出茶既香味， 而且食得出用左低糖 所以健康又酸甜開胃午餐之選霸氣咖哩 什扒 68 蚊本身係飯 若轉油酥餅加15 蚊 配以青蘋果茶用一個大煎pan放住成碟什扒咖哩 外表美觀， 用既咖哩