食得喜小廚

营业中

休息中

食左呢間好多年，每次味道同份量都Keep 到，難怪長期排隊滿座小炒皇、啫啫通菜煲同椒鹽鮮魷都經常叫，但個滷水大拼盤真係有驚喜，點會估到呢d拼盤會有花雕鵝肝，仲要有好多件同好好味，另外個豬耳都好出色，軟硬適中又脆，中間既肉片似蒜泥白肉，但唔會好濃味，唔會遮蓋拼盤其他味道，越食越開胃，配啤酒一流🍺

今天和朋友在荃灣千色店這邊逛逛，完後朋友提議，去【食得喜小厨】嗎？那里的魚頭湯很鮮薑味又出，上次去吃過很不錯，帶你去嘗嘗。步行5分鍾這樣吧，其實就在荃昌中心商場內。進去我們坐門口側的卡位，另一側是收銀櫃面，正面大堂中間有2張10人大枱一前一後，2張枱已占據半個大堂，看上去很突出，跟著是玻璃牆，牆內就是爲顧客精心泡制食物的大厨師厨房了。驟眼望望電視見有3部，可在每個方位都看得舒服，非常貼心。坐櫃面的大哥幫我們寫了兩道菜。一道【豆付魚雲湯】$78，端上枱熱呼呼一大窩，翠緑的白菜、白白的豆腐、可見煎得蕉黃的魚頭，襯托着奶白的湯，看上去已忍不住，嘗一口，噢，濃郁的鮮，帶微微的薑味，半點腥味都沒有，美味極了。另一道【蝦醬通菜炒牛肉】$88，蝦醬味不用説，已撲鼻而來，通菜翠綠，牛肉切得簿簿大大片，味道不錯。但通菜有部分較韌，嚼極都吞不下，有渣，過老了。所以感覺菜少了。總結：店舖看上去象大排檔但幹淨，企理，服務員隨和。食物份量足，味道不錯，若能將菜較老的部分弃掉，會更貼心。

夜晚經過諗住買個外賣畀啊媽， 喺門口見到有個餐係菜脯肉碎煎蛋諗住入去叫外賣啦，我話要餐， 佢打咗單先同我講冇餐又唔畀我取消夾硬要我畀錢，仲要冇飯，冇得取消， 話出咗單冇得取消喎，簡直係老屈

晚市:不需要等位同行8，9個人叫8個餸，加起來人均消費不用$100。經濟實惠的一餐👍🏻👍🏻而且商場地下位置人流相對少，方便傾計！！即使多人都唔算很嘈吵和滋擾到其他客人。推介手撕雞，沙拉骨和黑椒牛仔粒👍🏻👍🏻🥰 啫啫通菜略咸，不過都有鑊氣。其他餸不過不失，但整體性價比高！！！

網上外賣平台叫外賣，叫咗個咕嚕斑腩飯轉炒飯底~ 嚟到竟然係白飯墨魚餅~ 不過不失乾燒伊麵~ 呢個係我食過呢個世界最難食嘅乾燒伊麵 啲味道好得人驚， 真係非常失望唔會再幫襯

圓月夜，訂了房間9人一圍枱，準時上菜，菜色吸睛，各款調味恰當好味，鵝肝軟滑，唔會惺，雖然海鮮材料我哋買去，椒鹽蝦同蟹都好惹味，芒果炸大腸，醒胃又香脆，配啤酒一流。

開頭落左單坐左陣比個男人不禮貌地叫起身轉台已經有d o左咀，應該係新老細掛，諗住算啦食晏時間多人就一就。好啦，好開心，野食到，點知碟野一擺低以為係八珍煲d內臟，跟住問個阿姐，阿姐話鮮魷貴所以轉用土魷，同我講係你架碟野，冇錯。心入面即刻諗，叫鮮魷來土魷係咪真係冇問題架？其他茶餐廳都係咁既咩？有冇違反咩商品說明條例呀？ 算啦，好既一餐，唔好既一餐，來左呢碟咁既野，唔通唔食咩，唉，味道就更加唔識評論，越食越多粗口。作為多年食客，呢下都真係幫唔落，有d比錢買難受既感覺，食到又少一間選擇🥲。

食得起小廚💛蜜椒薯仔牛仔粒 $98椒鹽鮮魷 $108麵醬唐生菜 $68椒鹽豆腐 $78酥炸蠔餅 $88朝日大樽酒 $32白飯x2 $10x2-蜜椒薯仔牛仔粒本身我見到個Title我以為應該會比較多肉我諗住放棄唔食呢一道菜點知有驚喜😆蜜糖薯仔外皮脆脆地 甜甜地因為薯仔個外皮應該有點到啲糖所以炒起嚟變咗甜同埋脆嘅外皮係我咁多道菜最鍾意嘅👻.椒鹽鮮魷🦑佢大大嚿不過魷魚冇乜椒鹽味🤣但味道上都OK👻配上酸酸地嘅汁感覺上唔會太油膩.麵醬唐生菜🥬感覺上冇咩特別有啲住家feel麵醬應該係麵豉醬唔會話太鹹又或者太淡OK啦佢可以喺咁多碟炸嘢入邊清淡下我哋🤣.椒鹽豆腐豆腐上面好多炸蒜 味道好椒鹽 有啲辣🥵不過如果你揀中咗某啲先係咁有啲都唔會話太鹹或者太辣 口感上外脆內軟👻食起上嚟熱辣辣不過要小心入邊嘅豆腐噴汁配酸酸地嘅汁可以開下胃🙈.酥炸蠔餅🦪入口即溶外面po上有啲似鹹蛋黃嘅酥炸脆😋不過蠔嘅份量應該唔算多同埋佢做得有啲散個蠔餅唔會話太結實所以夾起嚟 都變成一忽忽🥺配上鹹鹹地嘅汁 估係魚露啦但其實我覺得唔係好襯個醬汁同蠔餅因為我覺得好䶢🥺.雖然我冇影+食到啲白飯不過都想講嚇佢啲白飯係一個碗之後係撞到勁滿exa

叫咗兩個皇牌早餐叫左炸魚片配火腿奄列，$33包嘢飲都幾抵食！炸魚片份量好大，見到每塊炸魚片都好大塊同埋咪好厚！湯底應該係潮州魚湯，飲咗啲湯都唔覺得口渴！仲有叫咗沙嗲牛肉麵，紅腸煎蛋配甜餐包！沙嗲醬食得出有少少花生醬，啲牛肉就不過不失，冇用得太多梳打粉，但係又唔算有好多牛肉味！至於紅腸煎蛋配甜餐包，紅腸應該係用煎或者炸嘅方式，食落去竟然唔到油，但係腸皮就脆卜卜就真係超級正！仲有，呢間餐廳嘅奶茶都幾好，唔會太苦澀！

經外賣APP 叫左個外賣. 叫左500蚊的野。外賣員打黎話無乳鴿。個外賣員俾電話俾食得喜個阿姐。叫我自己係個app cancel. 阿姐堅持話個app可以只取消一碟。但我打開個app 係無得淨係取消。淨係可以全單取消。第一個大話。跟住換送仲要話無同等價錢可以換。第二個大話。跟住再叫我打上去外賣APP 取消。我話你有電話點解你唔打上去取消。因為你個app 上係有乳鴿。將責任推落我到。食得喜阿姐話打上去得留言。佢地都打唔到。甘點解要係個電話我？ 第三個大話。最後我話我要取消成張單。佢先換一碟同價的野。第4個大話！ 甘之前話無同等價錢？

走入荃灣搵間茶記食個晏就，發現每個小菜連飯包例湯汽水都係$45蚊。甘兩個人就叫兩個小菜啦～甘我地兩個人為左keep fit，就上左一個飯。兩個餸加一個飯都好飽飽，正!涼瓜炒牛肉🐮一上菜都見到好大碟好豐富，牛肉份量好多， 而且食落都唔un，涼瓜都食落唔太苦， 仲有d回甘味。真係好足料👍滑蛋炒叉燒🐷估唔到係度都食到澳牛嘅滑蛋喎， 而且唔似普通茶餐廳d蛋咁無咩蛋味，食落又1唔會好膩， 同埋叉燒都瘦得黎有少少肥 中。之後間唔時可以再encore👍🏻

左看右看 , 左諗右諗 , 這一間門面粗豪 , 麻甩味重的 "食得喜小廚" 怎樣看也不似是一間「黃店」.... 但網傳這就是一家「黃店」~店內播放的電視頻道是 Viutv , 當時所見店員對黑衣人和學生都十分友善 ~Menu ~午餐選擇多 , 而且價錢十分優惠 , 碟頭飯$38 跟餐湯和餐飲 ~南瓜豬骨湯 : 味道濃郁 , 南瓜味重 , 應該冇落味精 ~豆腐炆火腩飯 : 以為是一般碟頭飯 , 但份量就竟然是小菜 ,而且餸和飯是分開上的 , 因為當天沒有豆腐 , 所以就轉了用冬瓜 , 火腩冬瓜都煮得入味 , 冬瓜入味之餘也不見過諗至爛 , 芡汁的味道剛好 , 稀傑度也十分適中 , 看來廚師的確有幾度散手 ~凍檸檬茶 : 味道一般 , 沒什麼好陳述 ~本篇完 ~

周末，偶見此店，進去食個晚餐！裝修就似一般的茶餐廳，但富有大排擋的氣氛！坐下，即送上茶水，不過，可能太夜的關係，茶水都十分淺色，冇咩茶味🍵不是，茶水不是重點！叫左海蝦粉絲煲，椒鹽生菜煲，椒鹽魷魚和薯仔牛柳粒，一杯凍檸茶和凍央！十分豐富！首先，杯凍檸茶就較為失色，雖叫左少糖少冰，但送來的真是好健康的飲品，一點甜味都冇！而杯凍央就真是好ok,多奶又唔澀！正！正！正！海蝦煲真是好抵食，起碼有十隻，粉絲亦不少！可以慳埋叫飯！海蝦隻隻都有食指咁長，又多肉，富有鮮味！而且，好細心！隻隻蝦都是剔左蝦腸！椒鹽魷魚🦑，都十分有驚喜！果左薄薄的麵粉，炸完，一點都唔柴！又脆，但咬落去，不用太用力就可以咬到！真是好考廚師的功力，不過份量就略為少！另外，最惹味之一是生菜煲，條條菜都十分鮮綠，不黃！又有豆豉味，啖啖爽脆！兩個字，勁正！最後，又有惹味，更加是鍋氣的薯仔牛柳粒，薯仔炸過，但不乾！薯仔和牛柳粒雖上色不少，但不會因此而覺得太多醬汁而鹽！食落去只是有惹味！牛柳粒，細細粒，每啖一粒！在茶餐廳食到大排擋的風味！少見！

今日午餐黎到呢間小廚食薯仔咖喱牛腩飯入味不馬乎份量夠多大男人一定飽見到碟飯黎到即食，食咗幾啖先記得影相以而家食午餐既消費標準黎講絕對係“抵食夾大件”將會係我黎荃灣既飯堂

第一次试。没开始就有曱甴从空调掉下来。老板说没办法，不是他们问题。把我们搬到旁边在装修的地方，很热。储存备料和用品的地方都不太干净。食具和剩菜处理都不好。服务态度也一般。生意算好。唯一就是较便宜。