食臺

营业中

休息中

今日去左呢度据扒，佢地方唔大，但價錢親民，重好好味，佢都好多客等位，所以去食之前最好打去book定位，我今日當然都book定位啦！去到唔使五分鐘已經有位，正，一定會再食

有一次誤打誤撞同朋友黎過食芝士麵就一直好想再返黎食咁岩今日放假 又諗唔到食咩好所以就自己一個人黎食啦店內位置唔算多出入都有時要企起身讓比人行不過小店又唔係食環境就無所謂啦其實呢到都有扒同意粉等等晚餐定期都會轉之前朋友食過都唔錯不過今日一個人就唔食扒食返我最鍾意既芝士公仔麵吧芝士公仔麵可以配唔同食材而我今次就簡左呢個芝士豬扒公仔麵首先豬扒已經切好碎上黎食客黎講真係好方便另外芝士既份量都多絕對足夠撈暈成個公仔麵每一口都會食到芝士就算食哂成個麵都唔會好濟架！每次食完都覺得好滿足喔

再次光顧，幸好小店仍在，仍然很多鐵板餐選擇，可惜冇圖冇樣睇，openrice 也沒有太多圖，思前想後試雜扒，可以豬牛雞都試到，仲有帆立貝，阿囡實喜歡。日式比目魚照燒雞扒 $89美國黑毛豬T骨 $97,這芥辣沙律伴醬很香。雞中翼撈麵 $42，阿囡選擇，雞翼很脆，芝士撈有芝士味，不是牛奶味，公仔麵啖啖芝士醬。 香煎牛油帆立貝什扒 $89，擺盤很美，有心思，牛雞豬都有，牛扒軟腍，豬扒有少少肥膏邊，肥膏邊特別香，我喜歡。隨扒餐送的焦糖燉蛋和木糠布甸，送的甜品都咁用心，真係豐富晚餐完整終結。

去葵芳搵食😋 本身諗住去食cafe, 點知冇開門~~於是即時search下附近有咩好食 比我搵到呢間平民西餐廳價錢唔算太貴，好多個扒餐都係$80-$130到，視乎你揀咩扒啦！其實都係抱住試下既心態入去，因為自己本身好怕係出面食扒，特別係港式鋸扒🤢🤢啲肉醃到冇哂肉味點知，有驚喜喎！叫左西冷同黑毛豬，2塊都煎得香口，又唔會太咸！配菜既薯角亦都幾好食，呢個價錢黎講 算係唔錯啦！😋

呢排食飯都影少左相唔可俾自己懶落去要努力番 好好記錄下自己食過咩記住係咩味道放工行經葵芳 唔入葵涌廣場都唔去新都會決定搵其他美食黎到呢間 門面算細入邊座位唔多 約20個枱與枱之間其實都幾逼下牆邊有d memo紙寫推介咩野食 都幾得意野食選擇都幾多 有小食 焗飯/意粉 扒餐 仲有到會tim😳 d多士好似幾吸引 最後叫左個手打黑毛豬T骨同焗紅酒7里香雞扒意粉手打黑毛豬T骨（$94）Er...我就唔覺得係手打啦係幾大塊 但偏薄身（唔通手打係指打到薄？）肉質結實 煎到金黃色 食落出面係脆脆到入邊仲係好嫩 加上冇乜肥膏 都唔錯唯一唔好係太薄導致口感久奉拌菜薯條好食 唔油又重薯仔味焗紅酒7里香意粉7里香歌就聽得多 野食都係第一次食Er...一食落去 根本就係茄汁焗雞粒意粉茄汁蓋過所有味完全冇紅酒味意粉又太淋 口感好差 真係好mama跟扒餐送ge甜品Er...呢個係木槺pudding?!(上枱完全係黑人問號樣）好難食 口感一pat pat 咁 又冇乜味得眼見咁多餅乾碎完全好唔掂唔會再有下次 唔好食又坐得唔舒服

店舖雖小，但五臟俱全，沒有華麗的外表，有的是簡單而優雅的裝潢，這次來到葵涌廣場附近的餐廳進餐。我們點了手打黑毛豬T骨扒伴薯菜及保雲蘇焗羊架，隨餐還奉送飲品及兩客法式焦糖燉蛋。黑毛豬T骨扒肉質嫩滑，羊架亦香脆，口感十足，薯菜一點都不馬虎。法式焦糖燉蛋面層是濃郁帶點焦香的焦糖脆片，內裡是軟滑的燉蛋，簡單而美味!高質素的食材加上親民的價錢，絕對值得推介!

本來收工打算去新都會食晚飯，剛好經過門口見有位又價錢合理，決定一試.我選了比目魚加雞扒餐，估唔到在份量，味道都很不錯，連我唔食魚的男朋友都食左我半塊魚，值得推薦！

住喺附近，但係一直都冇試過。今日經過見到唔駛等，所以入咗去試吓。叫咗個焗飯加小食，等食物時間唔係耐大概10分鐘。個焗飯啱啱好。 最正係個小食，雞翼炸到外面脆，肉超嫩。啱晒鍾意食雞翼既我

家庭聚會，家姐提議來食臺，我都有大半年冇嚟了，今晚一行八人，已訂了檯。我們叫了芝士青蠔牛肩扒，克薩斯牛肋扒，香煎牛油帆立具雜扒，寳雲酥焗羊架，安格斯西冷，十安士頂級肉眼。根據各家人的食後感，除了牛肋扒有少少over cook外，但也沒嚡烚烚的。整體上，各扒類水準依然Keep得住，都做得很滑嫩，配吃的醬汁也很好味，焗蒜頭一樣焗得咁香及好食。基本上，除了其中一位家人是首次來，他都讚這兒的頂級肉眼扒唔錯。其他家人都來過好幾次的了，對於我們這班喜歡到處搵食的家人來說，會吸引到我們重覆嚟完一次又一次的食肆，當然有它優勝之處。今晚共叫了八個餐連飲品及甜品焦糖燉蛋，冇額外加嘢，埋單九百幾，抵食又好食。《唯需留意的是，這兒是有時限的，限時為1小時15分鐘，因食物上檯都算快，我們輕輕鬆鬆吃了1小時已吃飽走人。因為這店不大，檯有限，如不設限時，小店也很難翻檯，這點完全可以理解及體諒的。》

位於葵芳運動場隔離的一間小店，只有10張枱左右，整潔乾淨，小小的擺設，由於小店一間，空間比較狹窄。今次點了一份黑松露炒蛋多士，食品好精緻，賣相好好，可惜黑松露沒有味，不過炒蛋夠滑，加上厚多士，配搭好好。此份下午茶$33左右，大家也可以不況試試。

今天想食扒，於是就去“食臺”開餐，別誤會，不是台灣菜。此店是我一直都很喜愛的食肆，它是一間價廉物美的西餐小店，店舖不大，座落於葵涌運動場對面，在區內較靜的位置，不太起眼，唔留意的話，行過都唔覺有間餐廳。由於店舖細小，此店一到晚飯時間就開始要排隊等位，作為顧客的我們早已習慣了，要食好野，等下都值得的，但我們一般都會較夜去食，避開繁忙時間，今天好好彩，去到剛好有位。店舖不大，一眼睇晒，坐滿客人時會比較迫，店內只得一位女侍應來招待所有客人的，她好 nice，經常和我們有講有笑。店內留言板上貼滿顧客的讚好留言。店內共有20個坐位，2~4位較易揾位，若6~8位或以上則較難揾位，最好預早打電話問下，以便作出適當安排。店舖雖小，餐牌的款式都算是多種類。家人叫左一個五成熟的美國安格斯西冷。加$10 可配飯或意粉，家人叫左飯配黑椒汁。淨係睇賣相都吸引，廚師用心製作，扒餐配菜豐富，有蔬菜沙律、薯角、焗蒜頭、配以藍莓醬汁，還配上2條炸意粉插在薯角上裝飾，令成個餐賣相更加吸引。家人比較喜歡牛扒生D，五成熟啱佢，牛扒份量都算大份，肉質軟熟唔韌，蘸醬汁來吃，帶㸃酸酸甜甜，減少牛扒的油膩感，令口感更豐富。我怕肉太生

呢度開業應該好幾年，記得以前返葵涌IVE，成日經過，半供讀放工趕返學，邊有時間睇有咩好野食，咬串魚蛋就算啦新都會咁耐都未裝修好，好多地方仲圍左板，無圍都超多人等位，又唔想食連鎖店Holidays 之前介紹過，價錢又唔貴，可以試下，環境老實說一般，因為地方唔大，坐得比較夾，好在廚房抽風好，唔大油煙男友叫安格斯西冷5成，但有點過熟似7成，但味道都唔錯夠肉汁，男友最欣賞係燒蒜頭，食得好滋味$128我叫忌廉芝士焗青口拼牛肩扒7成熟，青口普通無咩驚喜，牛肩扒我本人好鍾意，因為焾滑，男友話好怪，話似豉油西餐牛扒$93跟扒餐有餐飲，未飲咖啡，明知唔好飲都照叫，男友話味似細個係酒店自助餐放旁邊果壺咖啡，我鬼知咩，以前我都唔太飲咖啡餐仲有甜品，有木槺蛋糕同法式焦糖燉蛋，更係要燉蛋啦，嘩真係好好味~~~焗飯係平50幾蚊，但無餐叫埋野飲叫扒餐抵D, 全店免加一呢

經常到葵芳行街shopping 食飯，食黎食去都係果d好悶。今日試下open rice 大家有咩推介。一見到呢間大家都好滿意的餐廳，自己又未試過，即刻決定今晚試試。睇相排餐好多地方都有但好唔好食真係試過先知。晚餐唔想食排都有意粉類，排餐是八九十蚊到百幾都有，包餐飲同有甜品，唔洗加一。一個set包甜品好緊要，咁先夠滿足。地方細細，但感覺還算舒服。因為我是最早入坐的客人，一邊吃一邊看見一對一對的客人光顧，很快便坐滿人，證明很多捧場客。我揀左以下呢款牛排要求5成熟，雖然煮出黎超過5成，但肉質都仲可以保持林身但唔會過份腌制，味道唔錯；牛排配特製沙律醬味道出奇地咁夾，而且仲愈食愈開胃，配菜都唔馬夫,沙律菜清甜，連蕃茄都處理過特別香甜； 薯角少見的香口入味非常新鮮，仲要加上半個焗蒜頭真係好得意都幾好味，鍾意食蒜頭唔好錯過；最後我少有咁全碟食清光。 甜品略微太甜同唔夠蛋香，但也為今日的晚餐畫上完美句號。用心製作的餐廳，香港少見～值得大家一試

收工想食下扒...見呢間食評不錯就試下其實個人鐘意肉眼, 但見好多人推介所以試下T骨味道可以, 但太薄, 所以要5成變左一D位太熟, 一D位太生但始終$118價錢黎講, 算係唔錯, 而加百幾蚊都好難食到一份唔係肉鬆粉嘅牛扒值得一讚係配菜好有心機整, 好好食, 特別係個原隻焗蒜, 平時我唔會原粒蒜食, 但呢個做到無左蒜頭果隻攻味, 幾好食保雲酥焗羊架絕對值得一試, 面脆,肉汁多, 都只係一百蚊有找, 但可惜都係比較 薄身, 如果可以厚D, 貴D都值, 畢竟呢種做法係出面食都至少$188明白店主想做平價西餐, 比街坊都可以食到, 但如果可以厚身D, 其實會更好, 寧願賣貴少少, 好過影響左質素

小小一間店子, 衹能容納5張2-4人的細枱, 近年少吃晚餐, 主要下午來吃茶餐, 因為又平又好食,  TEA TIME 鮮茄豬扒焗飯連飲品只須$34, 比大0樂的出品更有誠意, 今晚即興來個晚飯,  幸好佢地嘅晚餐仍保持到水準,  沒令朋友失望,  小店就有這個好處, 店主二人關係密切, 男的主廚, 女的主外....斟茶遞水、招呼客人、埋單一腳踢, 食物出品及服務全部不用假手於人, 這大概就是能 keep到水準的主要原因吧。地方淺窄, 座位會迫少少。Set dinner 豬、牛、羊、魚、雞、意粉……齊全, 包主菜、冷熱飲品及甜品, 由$85的比目魚照燒雞扒至$158 的10oz 頂級肉眼,免收加一, 十分經濟實惠。TEA SET 勁抵香煎法式羊架配沙律菜、炸薯角及焗蒜伴芥末醬 ($93)單看賣相咁出得大場面, 完全看不出收費如此平民吧。沙律菜 ~ 配陳醋醬汁, 酸酸甜甜先來開胃口, 值得一提, 佢地沙律粒醋漬蕃茄勁好食, 我地問老板娘可否加$要一碟作小食, 佢話不行, 因為工夫太多, 每個沙律 only 一粒咁大把。羊架 ~ 煎得騷香嫩滑, 只用少少海鹽調味, 己經很好吃, 也可以配芥