飯堂

营业中

休息中

又到食lunch嘅時候，呢間「飯堂」日日都排晒長龍，食過好多次，質素好穩定。格局比茶餐廳高檔少少，但又唔算係一間西餐廳老闆娘好有個性，一眼關七，指揮若定，由派飛，派位，到收銀，一夫當關餐牌是日午餐會日日轉款，有時會有半隻嘅燒鹹豬手。而廚師推介基本上每日都一樣，個安格斯漢堡包值得一試焗蛋黑椒汁海鮮飯（$56）飯如其名，淡黑椒汁有黑椒嘅獨特香味，而「淡」代表冇咁辣，絕對適合想食黑椒但食唔到辣嘅人。而海鮮飯嘅海鮮，都係又一啲急凍雜錦海鮮粒煮成。呢個飯嘅精髓，不在海鮮，而在「淡」黑椒。跟餐嘅凍飲難得不加錢，抵讚

又係嚟到九龍灣搵食，去到企業廣場，間間鋪頭都人好多，而呢間叫飯堂嘅餐廳，每日午餐時間都一定係人頭湧湧。睇過門口嘅餐牌，都有嘢啱食，等就等一陣囉。每日嘅餐牌都不同，有平有貴，有肉食有素食，有正餐有漢堡包有沙律餐，選擇都算多嘅。每個餐都連飲品，埋單亦都唔使加一。美式BBQ豬仔脾伴龍脷柳意粉（$68）份量是一件豬髀加一件龍脷柳，豬仔脾夠淋夠入味，龍利柳煎香過，肉質唔會太梅，味到嘅靈魂全靠燒汁，加咗少少翡翠苗同埋蔬菜，為呢餐午餐嘅健康度提升意粉唔算係入口煙靭嗰種，似一般茶餐廳烚到淋淋地嘅質感$68呢個價錢，唔會覺得貴，亦唔會覺得抵

今日去整回鄉證，去到企業廣場附近搵野食見到明明旁邊的餐廳都仲有空位，偏偏呢一間餐廳門口就企滿哂上班一族，已經覺得呢間餐廳唔簡單入到去見到啲裝修又唔係特別靚， 枱櫈都放得好埋， 其實同一啲專做午餐嘅工業區餐廳冇乜分別， 基本上一坐低店員就會問你食乜嘢咁我今次就叫咗一個豬髀加魚柳， 首先分餐上到嚟我面前嘅時候都仲係我非常之熱， 其次食落去嘅時候， 豬髀都算幾大舊，亦都有咬口，魚柳都仲係脆嘅咁我就明白呢間餐廳點解會排曬大隊啦

飯堂永遠係食晏晝嘅時候唔知食乜好嘅最好選擇😗因為佢個Menu每日都會變而且又抵食質素又唔差日式咖喱吉列豬扒飯用得日式咖喱當然咖哩就會比較甜用嚟配飯其實都幾適合個豬扒可能因為浸左係咖喱汁，所以其實食落口唔係特別脆但係味道唔錯😃今日嘅焗餐係焗肉醬意粉其實我覺得有啲普通因為只係普通嘅肉醬意粉加咗芝士腸但係勝在佢啲肉醬加埋面頭嘅芝士較多份量搭救😋韓式肥牛泡菜大碗飯首先要讚下佢個創意好少會諗到將肥牛同泡菜放埋一齊不過其實幾啱架泡菜辣辣地又甜甜地夠晒開胃肥牛同一般嘅牛肉比薄身啲容易入口所以成個飯都食得好輕鬆好開胃呀😆50幾蚊食到水準唔差仲包埋嘢飲嘅午餐係九龍灣工業區其實唔多見㗎👍🏻👍🏻👍🏻😛

点解会去食：2018-12-03 今日突然见到佢有青咖哩，跪求同事同我一齐去食食物新鲜程度：⭐️⭐️⭐️⭐️快餐厅黎讲，算系好新鲜，感受到块猪扒有煎香过，食落好有层次感！食物合适温度：⭐️⭐️⭐️绝对合格食物惊喜程度：⭐️⭐️⭐️冻饮竟然一蚊都唔需要加，香港地黎讲，直头惊吓级优惠啦！—————————————————服务员态度：老板娘好有性格，人夹人，但佢地会催赶你交枱，呢个位唔容易接受！你可以话佢有效率都得。。。—————————————————最重要系。。。我会唔会再去呢？重游指数：⭐️⭐️⭐️

今天有野做要去九龍灣mega box ，由九龍灣德福廣場去可以坐它的穿梭巴士，行過去亦只係幾分鐘路程，中途經過企業廣場，諗起朋友話呢度有間飯堂都幾抵食，就趁今日去試下，我們三人，叫咗三個午餐，朋友話去呢度一定要食焗飯，所以我叫左一個C餐焗青咖喱魚柳飯$54、D餐印尼巴東牛肉飯$52、E餐越式手撕雞伴炸魚片飯$52，全部餐都奉送冷/熱飲品一杯，以呢個價錢計又幾抵食，賣相算不錯，仲要份量足，最重要係味道也好食。

一向都鍾意食焗製食物，近期更加買焗爐焗意粉焗甜品。為左焗出好味食物，所以出街都經常點焗意粉或飯，哈哈！「飯堂」每日午餐餐牌都唔同，通常C餐係焗製食物。我差唔多次次都點C餐，因為這間店既焗餐做得幾好。今日C餐係焗波多爾牛肉闊麵，聽個名都覺好味。這間店出餐好有效率，幾分鐘後就有得食啦。焗得真係好靚、好吸引呀！個汁係茄汁加少少紅酒，但無咩紅酒味。架埋芝士焗效果非常好雖然份量好大，但都差唔多食晒。如果份量少啲，價錢平啲就好啦！

食晏時間超級多人，一坐底拿拿臨叫咗個摩囉雞薑黃飯，好快嚟到，嘩！雞扒好大塊煎得脆口又入味，面頭有d蛋碎同提子乾，撈汁餸飯好正，薑黃飯味道啱啱好，唔好飯嘅我都清曬咁濟！

每天都在九龍灣覓食，大少茶餐㕔飯堂食之不完，一雞死一雞鳴。今天就来個海南雞配香油飯（要雞肶）。一上枱第一個感覺就是冇咗好多嘢，包括：湯（一般是雞雜白菜或菜乾湯），醬油少了黑油和姜蓉，得番碟酸甜汁。配菜得三條醃酸嘅青瓜/紅蘿蔔。唯一足料是香油飯，夠香夠腍口。黃皮雞，冇肥膏，雞肉做得夠滑又吾霉，有啲雞味，但得四件，可能隻雞细咗啲。吾系好明厨師对菜式的理解，如果跟原著差這麼遠，不如改過另一菜名，好過誤導食客！

今日係初一，我的茹素日，星期六早上辦完回鄉證，唔想行返成日食既megabox, 就係企業廣場搵食，見到呢間有素食便不假思索同老公入內。星期六沒有上班族，我們幾乎包場，全場只有三檯客。今天食素，餐牌有明確顯示什麼食物是素食，減少了猜想食物是否有肉的煩惱～也令素食者安心進食。素食之選成個menu 有兩款：是日素食係咖哩什菜飯同法式珍寶磨菇芝士漢堡配炸薯條及沙律。睇個名，明顯後者吸引得多個burger 有我喜歡的千島醬，幾好味，都算大份，最後都食唔晒。餐飲加左三蚊要熱薑茶，隻杯好似有點污蔑老公選了常餐$40，比我個餐平差不多$20，食素係貴過食肉的。份量足夠，味道正常。坐得舒服，安心食素，不錯的選擇。

今次叫咗嘅係葱油雞扒飯，因為係同事介紹要黎試下，其實食物同環境質素都係可以，如果食物再熱啲就好喇!先講飯，唔夠熱係唔少餐廳都會有，所以都冇得太大期望，雞扒都香口煎得，份量也大份，係葱油部分。。。明顯係。。。唔太得咁，只有油冇乜葱味!

坐落九龍灣不起眼的一隅，主要的顧客當然是附近的上班族。這天下午因開會關係來到企業廣場一期，見店內客人不少便不加思索走進去了。正好是下午茶時段，點了招牌咖哩飯加凍奶茶，自詡為招牌菜的咖哩飯當真讓人失望，雞肉不新鮮是預期內，但肉質真是硬得可憐，且這四十多塊的咖哩飯裡竟沒搭上半件薯仔......唯一值得讚揚的是「飯堂」的員工實在是誠懇有禮，對每個人客都是極友善的。

九龍灣位處於工廠區, 工廠區當中有不少飯堂, 茶餐廳, 大多數地位係快, 平, 靚, 正, 而這間"飯堂" 明顯比其他茶記貴大約 20元, 但係, 貴多 20元食個什餐係值得的!!午餐大約由 50至 80都有, 而果日我就選了這個鑊仔豬扒飯, 價錢係50幾蚊連野飲, 一般茶記食個什餐大約40元啦, 但這個飯既質素比快餐店及一般茶記好食好多, 飯好大LIM性, 夠軟又吾會爛, SAUCE有加入芝士, 半溶狀態下口感常好, 而豬扒有咬口之飯又不覺得硬, 辛苦了半天, 享受一個好食既午餐, 可以為下半場工作提供正能量!!

到新公司工作，其中一樣要留心的就是區內的食肆如何。雖然是工商區，但正因是有歷史的工商區，加上正在翻新中，真的有不少食肆。初來埗到，沒有走得太遠，就在公司樓下的餐廳來一個早餐。這個自選早餐不錯，以雙蛋及牛油三文治為主膽，可以自由選三款不同的食品。這次選了腸仔、火腿及薯餅，全都是自己喜愛的食品。特別要推的是這個煎雙蛋，蛋白夠厚，吃下去很有質，不會是薄到可飛起的那種。而蛋黃也很有蛋味，真的很不錯。

其實食過好多次，只係想喺到贊下依間餐廳嘅員工。喺商業區嘅午餐時段，其實到到都忙。先唔講食物質素，喺依到食飯我係覺得開心嘅，因為員工係快手得黎亦好friendly。我完全感覺到佢地enjoy工作，並唔會嫌食客麻煩。今日連執碗個老員工都問我地啲野好唔好食。依間餐廳離我公司都有段距離，不過我間唔中都鍾意黎食！今日點咗個黑松露野菌螺絲粉，個粉真係未夠透，不過個汁好好食！而今日個海南雞亦賣晒。平時杯熱奶茶都夠濃，不過今日太熱，點咗杯凍奶茶，都香滑。支持開心工作環境！做得開心，我地食得開心！