飯膠

营业中

休息中

今日過嚟葵芳分公司做嘢，同事介紹附近街市有抵食嘅新舖頭！餐廳位置喺街市入邊，喺附近返工嘅社畜應該都知道🤣🤣開頭以為只係外賣店，因為叫咗外賣落去拎，原來餐廳都有位置坐嘅👍🏻👍🏻❤️今次叫左什扒飯，$45有湯有野飲，性價比都唔錯😽同事叫咗豬手飯！呢個真係不得了，豬手夠冧之外啲汁撈飯一流！份量亦都夠多！落到去先見到今日有倉魚飯😱😱下次一定要試下，價錢都唔算貴，而且見到人哋啲份量都幾大碟！

午餐喺葵芳做嘢，想睇吓有咩未食過嘅店試吓，就見到喺葵芳街市呢間飯膠，心諗個名咁搞笑既，就決定一於來試一試先今次試咗午市1號餐，牛肉好新鮮，蘿蔔好淋甜，真係想飯都食多幾碗，建議大家都可以過嚟試吓，坐得舒服，食物好食，性價比高👍🏼👍🏼

估唔茶餐廳都食到蒸鯭。餐廳喺葵芳地鐵站附近，馬會側邊有個入口一入去就望到。由於寫字樓喺附近，所以平時都會喺呢頭食飯。一到食晏時間就會非常之多人。呢度都有其他茶餐廳飯食，但嚟親呢度就會叫佢地個蒸魚飯蒸魚飯嘅雨，其實每日都會唔同，有時係䱽魚，有時係黃花仔，今次居然有泥鯭。足足有兩大條，平時都唔係好多度可以食得到，就算係其他月份量都唔會少。包咗一大碟飯同埋飲品，都係收你幾十蚊，真係唔知呢間餐廳點樣賺錢。

一段時間無黎葵芳 係附近拎完野同優惠劵就決定坐低嘆返個餐 見到餐牌有唔少選擇餐廳係街市附近 檔口唔算太大太明顯見到有唔少人幫襯 一於坐低食返個餐🔺黑椒牛肉奄列芝士菠蘿包 配凍檸茶好少見到有黑椒牛肉奄列芝士拼菠蘿包既組合所以一見到已經心心眼😍黑椒牛肉醃得夠味 用奄列方式包住有口惑之餘唔會太濃味 配埋芝士同菠蘿包 層次好豐富凍檸茶茶底濃 甜甜地又夠楟檬味 幾好飲下次經開葵芳都應該可以回頭再食過 價錢同份量都幾合理 有機會想試埋其他餐

朋友住係附近，話有間港式茶餐廳好正，叫我有時候要去試吓，難得今日經過，一於試吓先😋個名叫飯膠好搞笑，但啲嘢食就一啲都唔講笑，選擇多多又充滿港式風味🥰早餐叫左個芫荽鮮牛配濃湯雞米粉，我好鍾意食芫荽，呢個米粉真係啱晒我🤤同埋啲鮮牛肉大大塊又滑嫩😳好抵食！加上個早餐仲可以揀兩個配料（其實真係算多款，又可以揀餐肉，腸仔，芝士腸，火腿，煙肉，煎蛋同漢堡扒），成個早餐勁豐富🤭朋友果然無介紹錯🫶🏻

估唔到葵芳街市有好嘢食👏🏻呢間餐廳小店格局但款式多多，而且食物相當好食兼有港式風味，有別於連鎖式經營嘅餐廳🤭 揀左個豬油渣肉碎銀針粉食，好味喎😋又多選擇！因為佢竟然有得揀銀針粉，好少地方有架，呢個真係要大讚🫶🏻佢個豬油渣肉碎好惹味，同啲銀針粉好夾，夠晒足料！然後豬油渣味道又濃，一啖湯一啖銀針粉，好正！ 另外我仲揀左腸仔同煎蛋加多塊多士添，真係食到好飽，勁滿足❤️ 住係葵芳啲街坊真係好幸福丫🥰

衣加出面食早餐唔只得大型連鎖店抵食其實小店亦好抵又好食，質素很高之餘仲要大大份葵芳的飯膠不只做午餐和晚餐，其實也有早餐早餐有5款今次點了花膠火腿濃雞湯米線 $44早餐就有花膠食，一起身就可以補補身，岩晒貪靚的女士花膠雞湯米線個湯底真心值得一讚雞味濃之餘又唔過咸飲多幾啖都得花膠配雞湯呢個組合一流另外，加了$10換菠蘿飽菠蘿包上檯時仍熱呼呼入口香脆 牛油味香濃一定要加錢upgrade 最後，值得一提的是個凍檸茶茶底香濃，不會苦澀 加入檸檬更上一層樓

早排過年同親戚拜年經過葵芳街市見到呢間叫做飯膠既大排檔小店，個名好特別叫飯"膠"，膠係指花膠，今次就試左佢地既中菜同意粉兩款，估唔到兩款都好出色~溫馨提示小店所有食物都係即叫即整，如果叫外賣唔想等的話建議打電話落定單🌟蟲草花蒸雞係住家飯幸福既味道呀~雞肉好嫩滑又鮮甜，配埋佢地每日煲既新鮮靚湯，岩哂我呢啲懶人唔想煮飯又想飲啖靚湯啦，最重要係無味精，推介🌟白汁蟹籽煙三文魚意粉一場黎到要試埋佢地既意粉，擺盤好有心思，將煙三文魚砌到成朵玫瑰花咁夠哂精美，意粉有口感得嚟入味，仲要有掛汁既效果，小店都咁高水準真係要推介比大家試下，飲品方面佢地既奶茶咖啡都係用黑白淡奶 (識用一定係用黑白淡奶)，茶底香濃唔會好澀，正

今日要推介呢間位於葵芳閣街市新開既小店飯膠，佢地既早餐同午餐選擇都幾多，餐廳嚴選食材唔會馬虎，調味亦唔會死鹹，最正既係佢地唔落味精，食完都唔怕會口渴，同屋企人試過一次已經愛上，諗唔到食咩就會去呢度食，變左係我地既飯堂啦~🌟咖喱雞扒拼司華力腸 ($40)我叫左個咖喱雞扒飯拼司華力腸，司華力腸煎到表面金黃色夠香脆，佢地既咖喱汁都好香，送飯流，雞扒大大塊煎完好juicy🌟涼瓜排骨飯 ($40)屋企人就叫左個涼瓜排骨飯，性價比超高，排骨醃到好入味帶有嚼勁，食飽之後同店主傾左幾句，佢地話Menu更新好密，日日唔同款唔怕悶，正呀~

飯膠 📍葵芳葵義路15號葵芳閣街市地下52號舖香港地～大排檔～買小見小比我發現呢間係葵芳街市入面小店～首先佢個店名～好特別～叫飯膠吸引到我🤭睇左餐牌～選擇多😁一於試下叫左個皇牌去骨口水雞♥️份量足～ 絕對對得住價錢👍🏻雞肉入口嫩滑～又惹味😍仲幫同事叫左午餐外賣😆lunch set 好抵食～ 款款都唔過$60跟例湯/熱飲～ 午餐仲可以食到蒸排骨同炸豬扒～好正啊🤭下次會再來買返去加餸省返時間唔使煮👍🏻同埋佢地除左做早、午市外更有晚市包房預訂～支持小店👍🏻抵食之選

好少落黎葵芳食野，咁岩今日要係附近開工，急急腳搵野食，見到依間叫飯膠，個名幾得意就試下啦。環境一眼望哂，做既係地道街坊生意，我叫左個菠蘿油加杯熱奶茶，鮮油極厚切，邪惡到一個點，菠蘿包外脆內軟，入口超爽口，配上鮮油配搭一流！同事就叫左個黑椒牛肉法式潛艇，賣相幾精緻，配搭新鮮。食落味道黑椒牛肉都好Juicey，一啖咬落去超脆！CP值超高！原來佢地標榜所有湯麵飯都係採用雞湯底，無添加味精，早知我就試下啦，下次有機會一定黎試真D！

冬天咁凍飲下暖湯，食啲熱辣辣嘅嘢！先可以繼續有energy工作!!最鍾意就係去啲大排檔食，係久違的人情味同埋呢啲地方最足料又平又靚又正今次叫咗個蕃茄薯仔湯底🥫仲有肉蟹虎蝦鮑魚同埋大大粒嘅貝殼🫶🏻肉蟹多膏食落去啖啖肉🥹真係幾爽仲要有蟹嘅肉汁鎖住完全冇流失到～鮑魚貝殼肉質超級嫩滑，前者咬落去都勁彈牙後者大大粒蜆，仲有其鮮甜味，超級滿足。肥牛方面都幾新鮮 紋路都幾平均烚完之後唔鞋 邊爐必備之選！仲有生菜腐竹金菇呢啲蔬菜類食完邊爐之後食呢啲都冇咁滯蕃茄湯底超級濃郁清甜～～飲品方面推薦呢間舖頭嘅奶茶🥤香得來又唔會澀口 亦都唔會好奶飲落去都好順滑呢度專做街坊生意 大家多啲去支持呀！

今日去左葵芳拎野比朋友，行左一陣街順手一齊食飯，朋友話佢食過一間平靚正既餐廳，叫我一定要去食，於是佢帶左我去尼間餐廳，係一間大排檔式小店，入座見到好多客人都係街坊look著拖鞋，應該主打街坊生意🤔睇餐牌見到中式港式西式食品好豐富既選擇，思考左一段時間就叫職員過尼落單，我揀左蠔仔肉碎湯飯，朋友揀左嫩滑去骨蔥油雞飯，另外再加左杯凍奶茶職員送餐速度好快，蠔仔肉碎湯飯好足料，雞好嫩滑好鮮甜，奶茶好香吾會覺得澀尼間餐廳平靚正，食物賣相味道有水準，下次去葵芳會再去食👍🏻

飯膠 (葵芳)葵芳葵義路15號葵芳閣街市地下52號舖葵芳總有各式各樣嘅食店，任君選擇，但係環境大排檔式小店買少見少，我就已經唔鍾意食大型連鎖店，因為街坊生意有人情味，食物足料，性價比高，都算人山人海多人幫襯，支持小店，買外賣嘅選擇。奶茶奶茶真香，唔會澀，唔會好奶，有足夠嘅茶香同奶香，就為你提供一個早上需要嘅能量。早餐鮮牛肉麵，好入味，有牛肉味，濃雞湯唔錯 👍🏻岩晒冬天朝早返工做早餐。餐蛋治，多士烘得夠脆夠鬆軟。

葵芳站行幾分鐘見到大排檔式小店真係買少見少呀檔口細細 估唔倒都幾多街坊幫襯希望大家支持香港下小店 唔洗成日食連鎖店 連鎖茶檔味道公式化好悶服務充滿人情味價錢 平靚正！用料足料 夠味 份量夠早餐午餐選擇多中式港式西式都有嘢食賣像味道都有水準順便幫同事買咗個外賣飯"膠"--花膠奶茶真係好香唔會澀 唔會好奶早餐：鮮牛肉，好入味，有牛肉味濃雞湯唔錯 岩晒冬天朝早返工做早餐午餐：份量好足 餸好多雞好嫩滑粟米雞 口感皮薄肉嫩 幾鮮甜中意食川味，可以㨂口水雞懶得煮飯可以買返去加餸