飯Hub (匯華工廠大廈)

营业中

休息中

今日ot要喺公司附近搵嘢食, 就去咗飯hub買外賣，我選了炸雞飯，炸得外脆內軟好juicy， 仲有前菜沙律和流心蛋半隻， 飯都好多夠飽， 外賣盒係用紙盒 好環保， 簡直係平靚正超出水準 😆

窮人恩物，日式平價便當愛爾蘭黑啤牛臉頰⭐⭐⭐⭐愛爾蘭黑啤牛臉頰，牛既份量足！食落有啤酒香，d牛肉嫩滑，有牛味，嫩滑嫩滑。🥢香脆炸雞飯 配 蜜糖芥末醬日式平價便當材料有糖心蛋、沙律、炸雞同埋飯。真心想讚個糖心蛋做得唔錯；另外個飯上面有飯素，鹹鹹甜甜咁好好食😋炸雞方面，岩岩好一口既SIZE, 配 蜜糖芥末醬仲正!連底層既椰菜(配菜都好新鮮), 爽口爽口! 全部食晒!整體嚟講，以平價錢食到日式便當，CP值係相當高👍🏻不過唔想排隊等嘅朋友仔，可以打用FOODPANDA /電話落order之後再落嚟自取!飯Hub地址: 長沙灣永康街41號匯華工廠大廈地鋪電話: 6355 2602

有d趕時間又唔知食咩叫到呢間外賣便當平平地又快,甘就試下🍽吉列豬排飯💰$38甘既價錢,呢個賣相相當有誠意伴菜有麻醬沙律菜,小番茄,同蛋隻蛋竟然係糖心蛋黎既,有驚喜❣️吉列豬排上面有好多木魚碎飯上面都有好多味素, 好豐富下吉列豬排味道都OK,豬扒比一般薄d,但呢個價錢絕對收貨🍽秘製牛肉丼💰$38牛肉丼比起吉列豬排就遜色左d個汁係日本甜醬油牛肉係打邊爐肥牛個種出事既係個飯, 飯底太濕,d飯一'pat''pat'Overall性價比高,方便快捷💁🏻‍♀️

係荔枝角呢頭真係好多外賣店，其中一間我成日食嘅就係飯Hub。佢地大多數嘅飯都係$38起。🌟日式吉列豬扒飯 ($38)佢嘅吉列豬排就唔可以expect係脆卜卜，但都叫做ok，放得入口個隻😂。而且配菜有半隻蛋同啲菜(有麻醬)，38蚊黎講都叫豐富！🌟香脆炸雞飯配蜜糖芥末醬 ($38)呢個飯嘅雞件真係好多，但都係同一個問題係唔脆，不過都係38蚊，唔脆我係接受。同豬扒飯一樣，都有半隻蛋同菜附送~呢個炸雞配咗蜜糖芥末醬，係幾好食，不過食咗2件起就有啲滯🤣 雖然佢啲炸嘢唔太脆，但整體味道都ok同幾豐富㗎！👏🏻

處理完公司的文件，又到中午時段，係荔枝角永康街近大南西街附近揾野食，今日食日式野，去左一間叫飯hub的外賣小店，可能因為價錢比較同區黎講算平，所以都好多人食。我和同事分別叫咗盒手撕雞麻醬撈麵和日式吉列豬扒飯，等左15分鐘左右就拎到。同事的手撕雞麻醬撈麵，佢話醬汁令佢好開胃，手撕雞都好好味，價錢相宜，份量啱啱好，佢食完都覺得好飽。我叫的日式吉列豬扒飯，豬扒幾多，但比較乾身同個皮有點硬，沙律菜幾好味。

款式多，又可以搭小食。唔止日式，泰式，韓式，冷麵等。都係香港人鍾意食的口味同款式。整得有心機，加左飯素。沙律菜有日式芝麻醬。同埋係珍珠米，份量都ok。今次叫左炸雞飯，外賣但都脆卜卜。配左芒果烤雞醬，一般但都ok既。抵食，難怪多人排隊，跟餐要飯品都係$40蚊。係荔枝角返工打工仔的恩物。唔好既就係只有現金俾錢，同埋收銀好高，我細細粒就要舉高手俾錢。出餐時間都快，即叫即pack,前面有20張單，大約等左10分鐘左右啦。